|
دلوني وش اسوي مع هالمدرسة الأجنبية ؟؟؟
حلول البطالة btalah.com:وظيفة توظيف وظائف vacancies job jobs
راح أدخل بالموضوع على طووول واتمنى من أهل الخبرة مساعدتي لآني شوي وبجن من هالمدرسة : أنا اعمل بمدرسة انتر ناشونال طبعا توظفت فيها عن طريق صندوق تنمية الموارد البشرية , مشكلتي هي تأخر الرواتب مثلاً شهر 10 نستلمه 12 ولما نكلم زوجة مالك المدرسة ( سعودية ) بما أنه مكلفها أنها تكون رئيسة علينا يالسعوديات تقول الدعم ما نزل للمدرسة ( معقوله نشتغل واسمئنا في الصندوق من 8 شهور ولحد الحين الصندوق لم ينزل الدعم ) لا وتهددنا إنه اذا ما نزل الدعم راح أستغني عن خدماتكم قلت لها ما تقدري تستغني طالما أحنا ما سوينا شي غلط [IMG]http://www.**********.com/vb/images/smilies/frown.gif[/IMG] صارت تحملنا فوق طاقتنا من العمل نشتغل من الساعه 8 صباحاً إلى 12.30 تدريس وبعدها نشتغل حارسات على البوابات والأحواش عشان الطلاب ننظمهم ونرجعهم لفصولهم وربي شغل ذل ... ولما نناقشها ونقولها هذا مو في نظام وزارة التربية والتعليم إننا نشيل 30 حصة في الأسبوع وكمان ما في بريك أبد لا ونحرس من الساعه 12.30 لحد 2 تقولي الي عاجبها اوكي والي مو عاجبها الباب قدامها تتفضل وأنا براتبك الي هو 2000 أجيب مصريه تشتغل ب 1000 وأريح راسي من السعوديات ... بالله وش رايكم وش نسوي معها قلت لها أعطيني رقم المشرفة العامة للتربية أسألها اذا قالت لها اشتغلوا زي الآلات ولا تتكلموا وقتها اوكي قالت لي وزير التربية ما يقدر يسوي لي شي ومو خايفة وكل شوي تقول الي مو عاجبها تقدر تتفضل وتترك الشغل انتم مو أحسن من الهنديات والمصريات الي بيشتغلوا من الصباح وما يتكلمو وبراتب 1000 واصلاً انتم خسارة لي خسرتوني رواتب وما أستلمت شي من وراكم ... بالله وش نسوي نصبر ونسكت وهذا هو النظام والعدل ولا نتكلم وعلى قولتها إنها لها الصلاحية تطردنا بأي وقت ؟؟؟ وربي كل المعلمات السعوديات الي معي تعبانين نفسياً كل يوم اشوف وحدة فيهم تبكي من كثر ما هي مظغوطة من العمل والمعاملة السيئة :cry: |
الله يصبركم
|
حسبــي الله ونعــم الوكيـل هذي تبي تطبق مشروع جديد : المصرنــه , الاردنــــــه بدل مايطبقون مشروعهم السعــوودهـ الله يعينــكم , لكن نصيحتي .. لك كلمي زوجـك او اخوك او اي قريب لك .. بالتقدم بشكوى لاحد الصحف جريدة الرياض - الجزيــره مثلا , ومنها يشوفونها المسؤولون بالامر هذا |
والله انا اقوول ماتسكتون دام انكم داخلين عن طريق صندووق التنميه ارفعي برقيه بأسماء المدرسات وانشالله يفرجها ربك اختي وماضاع حق وراه مطالب
|
حاولو تحلون الوضع ودي
تجمعو كلكم مافاد قدمو شكوى |
المشكلة أنتم مدعومين من صندوق تنمية الموارد البشرية
والراتب الله يخلف عليه ... لكن هالمديرة هذي مستقوية .. متعودة الكل يرضخلها ويكون تحت طوعها و إذا كنتي مو مرتاحة بدوامك هذا يأثر عليك حتى برى الدوام في بيتك مع نفسك وأهلك .. ولا مردود مادي زي الناس حتى الواحد يتصبر غير التأخير في إستلام الرواتب والله المستعان .. إنتي تمسكي بالوظيفة لكن لا ترضخولها ووزعوا الشغل عليكم وطنشوا تهديداتها .. وبعدين أنتم ليش تبكون والله مايخلي المديرة تستقوي إلا هالضعف .. لا تتذللون عشان هالوظيفة .. والله لو فصلتكم إنه أريح مع إنه إللي كل شوي يهدد هذا أخرطي .. ماعليكم فيها .. أنتم سلوا أنفسكم بأنفسكم وجربوا توقفونها عند حدها .. ماأنتم خسرانين شئ سواء قعدتم وألا على قولتها أفصلتكم قال تفضل الأجنبيات عن السعوديات قال ووطني وذبحني بهالسعودة اللي ماأدري وش نهايتها .. مافيه أمان وظيفي يالقصيبي .. وينك تبيني قطاع خاص إحمي حقوقي وفر لي راتب زي الناس .. بلا بمخك ماتعرف تفكر .. |
إذا كان بينك وبينها عقد فالمفروض أنها تلزم فيه، وتأخير الرواتب صادر فيه قرار وزاري واضح وصريح، مالكم حل إلى أنكم تلجؤ لمكتب العمل
|
حسبي الله عليها الواطيه السعوديات تااااااااااااج راسها واللي خلفوها اختي اشتكي والراس فوق الرقبه مايقطعه الا اللي ركبه وقل للكبير الله أكبـــــــــــر |
الله يصبركم ويكون بعوووووووووووووونكم
بصراحه هالمديره والمفروض ما ينقالها مديره بصراحه شكلها جاهله يبغى لها احد يوقف في وجهها ويعلمها السعوديه مين تكون ايش يعني زوجه المالك بعدين كيف زوجها مكفلها بالسعودياااااات بس طيب في غيركم بالمدرسه ولا ما فيها الا انتو هذا بدل ما تحمد ربها انها لقيت احد يرضى يكون في مدرسه عالميه خليها تشوف غيرها يدورون ومو لاقين بعدين ايش مصطلح حراسااااااااااات على الابواب انتو معلمات هذا اللي في العقد مو حااااااااااارسات امن ما اقول الا الله يعينكم عليها واصبروا عسى الله يجعل بعد عسر يسرا وكونوا يد واحده قدامه على شان ماتهدد بعدين بتكزن هي المتضرره |
الله يصبركم ويكون بعوووووووووووووونكم
بصراحه هالمديره والمفروض ما ينقالها مديره بصراحه شكلها جاهله يبغى لها احد يوقف في وجهها ويعلمها السعوديه مين تكون ايش يعني زوجه المالك بعدين كيف زوجها مكفلها بالسعودياااااات بس طيب في غيركم بالمدرسه ولا ما فيها الا انتو هذا بدل ما تحمد ربها انها لقيت احد يرضى يكون في مدرسه عالميه خليها تشوف غيرها يدورون ومو لاقين بعدين ايش مصطلح حراسااااااااااات على الابواب انتو معلمات هذا اللي في العقد مو حااااااااااارسات امن ما اقول الا الله يعينكم عليها واصبروا عسى الله يجعل بعد عسر يسرا وكونوا يد واحده قدامه على شان ماتهدد بعدين بتكزن هي المتضرره |
| الساعة الآن 09:07 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين