* ليـــتٌ الشـوآرع تجمــٌع إثنيــٌن..صــدٌفـــٌه/لـ الاميـر بدر بن
الســلآم عليكـمٌ ورحمــٌة الله وبركــٌاتـٌه
يطيح جفن الليل..واهتز كتفه = يفز شمع وباقي الليل مطفي
واحاكي الجدران عن حلم غرفه = ما تشبه الجدران..ويطول وصفي
وتملني الجدران..واظهر لشرفه= تحت السما..واسكّر الباب خلفي
ليت الشوارع تجمع اثنين صدفه= لا صار شباك المواعيد مجفي
وليت الروابي تشرب دموع وطفه= ويصب لمع بروقها وسط طرفي
يا طاري الغدران والعمر رشفه= مع قلّها..يا ليتها اليوم تصفي
الصبر واجد..مير الأقدار صلفه= والأرض واجد لكن العزم منفي
اللي أعرفه راح ما نيب أعرفه= ولا أظن يذكرني اليا أقبلت مقفي
ما هو حبيبي مورد القلب حتفه= ولا هو حبيبي يفرح بوقت ضعفي
تهب ريح ..وتسكن العظم رجفه = وتغيب ريح وتسكن اغصان نزفي
التعديل الأخير تم بواسطة Dark angel ; 15-01-2010 الساعة 01:00 PM