شهادة A+ الدولية لصيانة الحاسب الآلي
بسم الله الرحمن الرحيم
السلام عليكم ورحمة الله وبركاته آخواني بعد ما صار نقاش حول شهادة A+ فيه موضوع أختنا زينه على هذا الرابط https://www.btalah.com/t147848.html فكرت أني أحط موضوع فيه معلومات عن الشهادة تفيدكم وتفيد الراغبين في التسجيل في دورتها -:: مقدمة ::- لقد تم تصميم منهج شهادة +A خصيصاً لفنيين الكمبيوترالمبتدئين والذين يرغبون الوقوف على أرض صلبة فى مجال مفهوم خدمة الكمبيوتر، و يشمل محتوى الدورة التدريبية موضوعات حول كل من مكونات الكمبيوتر(Hardware) و نظم التشغيل(Operating Systems) حيث يتم توصيل ذلك من خلال الشرح و المحاضرات ومعامل الطلاب. إن شهادة +A تساعد أى شخص يريد العمل فى مجال تكنولوجيـا المعلومـات (IT) و خبرته قليلة أو ليس لديه أى خبرة فى هذا المجال على الاطلاق. لذلك فإن الدورة التدريبية سوف تؤهل الطلاب لامتحانات شهادة +CompTIA A بالاضافة إلى بناء معرفة أساسية لامتحانات مايكروسوفت. -:: أهداف الشهـادة ::- لقد تم تقسيم الدورة الدورة التدريبية المؤهلة لشهادة +A إلى قسمين أساسين: أولاً: تقنيات خدمة مكونات الكمبيوتر(Hardware) الأساسية. ثانياً: تكنولوجيات نظام التشغيل (Operating System). لذلك يصبح الطلاب فى النهاية لديهم قدرة على عمل ما يلى: 1. تحديد و مناقشة المكونات و المفاهيم الخاصة بتقنيات خدمة مكونات الكمبيوتر(Hardware) الأساسية بالاضافة إلى القيام بعمليات تثبيت و تشغيل و إصلاح الخلل فى المكونات الأساسية للكمبيوتر. 2.تحديد و مناقشة المكونات والمفاهيم الخاصة بتكنولوجيات نظام التشغيل بالاضافة إلى القيام بعمليات تثبيت و إصلاح البرمجيات (Software). 3. إعداد طريقة منظمة للتأهل لامتحان شهادة +CompTIA A. أسئلة وإجابـــات: ما هو شكل امتحان شهادة +A؟ تتكون شهادة +A من امتحانين أساسيين يحتويان على أسئلة تطبيقية و موضوعية تم ترتيبها بطريقة منطقية و مسلسلة. ما معنى ترتيب الأسئلة بطريقة منطقية ومسلسلة؟ معنى ذلك هو وضع أسئلة الإمتحان بطريقة تعتمد على إجاباتك على الأسئلة السابقة حيث يترتب السؤال التالى على إجابتك على السؤال السابق و بهذة الطريقة لن يتشابه أى امتحانين بالاضافةإلىتقليل وقت الامتحان. هل يمكن لى أداء الامتحانين معاً فى وقت واحد أم كلٌ على حدة؟ إن لك حرية الإختيار فى ذلك , حيث يمكنك أداء الامتحانيين معا أو كل امتحان على حدة . لكن هناك الكثير ممن يفضلون أداء امتحاناتهم فى اوقات مختلفة لذلك تم ترتيب الامتحانات بشكل دورى حيث يمكنك أداء الإمتحان الثانى فى مرة أخرى. ما هى أرقام امتحانات شهـادة +A؟ الرقم الخاص بامتحان مكونات الجهاز (Hardware) الأساسية هو 601-220 ، اما الرقم الخاص بامتحان (software) تكنولوجيات نظم التشغيل هو 602-220. ما هى تكلفة امتحانات شهادات CompTIA؟ تختلف تكلفة امتحانات CompTIA حسب البلد الذى يتم فيه اللامتحان. ما هى مدة دراسة شهادة +A؟ تختلف المدة باختلاف طبيعة الدراسة فهناك دراسة عادية ثلاث مرات أسبوعياً وكل مرة 4 ساعات، أما الدراسة المكثفة ثلاث مرات أسبوعياً وكل مرة 8 ساعات وبالتالى فإن عدد الأسابيع فى الدراسة العادية 4 أسابيع ونصف تقريباً، أما الدراسة المكثفة فهى أسبوعين ونصف تقريباً. صورة الشهادة طبعاً بعد التعريف بالشهادة اللي ودهم ياخذون الشهادة يتجمعون ويروحون معهد واحد عشان يسوي لهم خصم خاص |
هلا أخوي خالد ،،
وين أقدر أخذ شهاادة +A .... ؟ أنتظر رد منك . |
اي معهد يدرس صيااانة الحاااسب الآلي علشاان آخذ الشهاادة +A
وكم تكلفة الدورة .. ؟ |
معهد نيوهورايزون يقدمها
ولو كنتوا مجموعة ممكن يعمل لكم خصم |
مجموعه مثلا كم يعني ... وبعدين وين اقدم بهذي الشهاده ؟؟؟ وهل يم قبولي بها بعد مشيئة الله ؟؟؟.
|
يعني 5 أشخاص ممكن يعملون لك خصم خاص أذا سجلتوا سوى
لكن هم بيقولون لك 5 % أرفض ثم بيقولون 10 % وأرفض لين توصلها لـ 20 % والشهادة ممكن تتوظف بها فني صيانة وتركيب حاسب آلي وآنت عارف أي شركة أو قطاع حكومي او خاص لازم يكون فيه أجهزة كمبيوتر ورزقك راح تاخذه بدون نقصان |
ممكن آحصل الدورة في ينبع..؟
|
معهد الخليج
يقدم هذا الدورة سة اشهر على ما اعتقد 3000 ريال وانا ان شاء الله راح اخذها |
ياسلام عليك يالغالي خالد
الله يجعلها في ميزان حسناتك |
بارك الله بك ..,
|
جزاك الله خير أخ خالد على توضيح الدورة
|
هالموضوع جاء في وقتة ..
صار ليي اسبوعين وانا ابحث عن معهد يقدم شهادة A+ .. كلمت معهد نيوهورايزون و معهد العالمية .. وكلااا المعهد مايقدموا هالشهادة في الوقت الحالي لعدم وجود عدد معين لبدء الدورة .. احد موظفي معهد العالمية على كلامة يقولي اذا كانت شركتكم حابة تدرب عدد من الموظفين بالامكان عمل دورة في الوقت الحالي .. وغير هذا على كلامة ممكن دورة A+ تبدء بعد شهرين وعلى حسب عدد الاشخاص اللي راح يدخلوا الدورة .. هذا رقم هاتف معهد العالمية بالمنطقة الشرقية 8610044 http://www.alamiah.edu.sa |
الله يعافيكم
ما سويت إلا الواجب |
بارك الله فيك
وبالتوفيق للجميع |
UP
UP UP UP UP |
أخوي اعتذر منك لعدم الرد على رسالتك في حينها لظروف خاصة
مازالت الرغبة موجودة للحصول على الشهادة A+ ولكن للأمانة الوقت الحالي غير مناسب لي ابداً,,, ان شاء الله تعالى إذا سجلت في الدورة راح أرجعلك لأنك بالنسبة لي مصدر معلوماتي هام الله يعطيك العافية ويوفقك ,,, وأعتذر منك مرة آخرى :) |
اخوي رامي
من اي مدينة انت لان ناوي اسجل في هذا الدورة +A انا معاي دورة تاهيلية في صيانة الحاسب الالي |
للرفع
|
انا حاليا ادرس دبلوم صيانة لمدة سنة بجامعة الاميرة نورة... هل هو حلو.. يعني احلى من A+ اوكيف..
يعني مايحتاج بعدها آخذ شهادة A+... انتظر اجابة على سؤالي.. |
يااخون اللي عنده معرفه في صيانة الحاسب سابقاً
انصحه بدخول الاختبار بدون دراسة في معهد ويعتمد على نفسه فيه في مكتبه جرير كتاب اسمه تعلم صيانة الحاسب وانجح في اختبار +A وفيه ايضاً دورة مجاناً باللغه العربية في موقع عرب هاردوير اللي يبغها يكتب في جوجل حصرياً على عرب هاردوير شرح فيديو بالعربي لشهادة A+2009 او هذا الرابط اذا كان مسموح |
طيب لنفرض انو قدمت اختبار بسس.. هل تفرق لودرستها اقصد بالشهاده فيه فروق ولا راح تكون
نفسسها اجتياز الدوورة بدون تحديد درستها اواكتفيت بالاختبار بسس...اتمنى تفيدووني وشكرآ |
3000 >> 6 شهور === والله كثير <<< والله يعلم ان كنا بنستفيد منها ولا لا
مافي معاهد تعطيهااا باقل من هالسعر >> ولا هي نادره مانلاقيها بأي معهد انا درست شهادة تشغيل شبكات لمدة سنة ..وبالاخير ما استفدت منها شئ <<<لان الدراسة كلها نظري بنظري الله يرحم حالنا من شجع هالمعاهد .. ويرزقنا ووالله يرزق صاحب الموضوع بأفضل من اللي يتمناه |
السلام عليكم
ياشباب مريت معهد نيوهورايزن (ببريدة) اليوم وسألته عن دورة +A للصيانة وقالي موجودة متى ما اكتمل العدد المطلوب بدينا وقلت له اذا بجيب معي مجموعة طلاب معي قال اسوي خصم تقريبا 15% العدد المطلوب لعقد الدور على الاقل 7 حصلت 3 شباب مسجلين وينتظرون اكتمال العدد وسجلت انا كمان وان شاء الله يكمل العدد والله الموفق |
اقتباس:
بس فية طريقة حلوووووه وانصحكي فيها بعد ماتحصلين على الدبلوم تقدم اختبار على شهادة +A اغلم الحاصلين على دبلومات الحاسب الالي يخذونها وانا ان شاء الله بدخل الاختبار على طول لاني معاااااي دورة تاهيلية في صيانة الحاسب الالي |
اقتباس:
من زمان وانا ابحث عن هذا الدورات في النت |
اقتباس:
بالنسبة لحضور الدورة فقط مارح تفيدك والله اعلم |
السلام عليكم ورحمة الله وبركاته :w:w:w:w:w:w:w بداية أشكرك أخوي خالد البطالة على فتح موضوع للتعريف بماهية شهادة الصيانة الدوليه +A طبعا فيه عدد كبير من الاخوان والاخوات اللي حابين يحصلون على هذه الشهادة ولكن تمنعهم ظروف المواصلات أو الظروف المادية, طيب مايمنع نتعلم المادة من بيوتنا ونذهب للامتحان فقط. انا راح اقولكم على فكرة واللي حاب يبداها معاي الله يحييه وأبرك الساعات: 1- الغالبية مننا له خلفيه في الحاسب الالي ومصطلحاته والأمر هذا راح يسهل علينا جزئية كبيره الا وهي الشرح. 2- دراسة المنهج أو المقرر , أخوي خالد حضرتك ممكن تفيدنا برقم إصدار الامتحان علشان لما نذاكر مانذاكر اصدارات قديمة مامنها فائدة واذا ماعلي ك أمر ممكن تزور الرابط اللي راح اضعه هنا وتشوفه وتبدي رايك فيك. من كم يوم وجدت موقع للأستاذ احمد جودة يتكلم فيه عن هذه الشهادة ومرفق في الموقع 16 محاضره صوتية ومدعومه بالصور لشهادة ال +A بالاضافه لامتحان Test King وهذا هو الموقع: http://coursat.net/index.php?option=com_content&view=article&id=8:a&c atid=4:a&Itemid=8 طيب راح تسألوني وبعدين؟؟؟؟؟؟؟؟؟؟؟؟؟
بهالشكل اختصرنا الوقت والمواصلات والمال وقدرنا نتعلم شي بأنفسنا طالما كان عندنا رغبة في تحقيق هالشي.:Thumbs: وعلشان نبدا بداية حقيقة ابي من كل وحده من البنات راح تبدا معي بجديه علشان نمشي سوا ومع بعض تسجل قبولها للدراسه بهالموضوع ونكون مجموعه عالمسنجر لو حابين خاصه بدراسه مايتعلق بمادة ال +A. اخيرا وليس اخرا اتمنى من الله العزيز القدير ان يوفقنا ويسهل امرنا وناجحين باذن الله |
ياسلام عليك ياختي
وان شاء الله البنات مايقصرو وانا من الجادين في دخول الامتحان ان شاء الله |
معليش شباب على التأخير
بس والله مريض لي فترة .. أحس بـ برد وحر بنفس الوقت ما نقول إلا الحمد لله آنّ تشافينا منه شباب بخصوص الشهادة مُهمة جداً جداً وشهادة دولية وعالمية ومتعرف فيك دولياً وش تبي أكثر يعني حتى لو بغيت تكمل دراستك برى هالشهادات الدولية تقدر تعادلها بـ ساعات دراسية يعني شهادة CEH < وأسمها الهاكر الآخلاقي هذي لو بغينا ندرس برى أمن المعلومات والاختراق تعادل تقريباً أكثر من 6 أشهر دراسة ويمكن أكثر بعد ^^ أتمنى فهمتوا هالنقطة ...... نجي للي بعدها بخصوص الإختبار تقدرون تدرسون وتاخذون الشهادة لكن عندي إقتراح يمكن يفيدكم تاخذون دورة لمدة أسبوعين إلى شهر حلو يمكن بعض المعاهد تعطيكم الدورة بـ 500 ريال أو أقل إذا كنتوا مجموعة بس لا تروحون المعاهد الكبيرة مرة منها تاخذون شهادة حضور دورة وتتعلمون أساسيات الصيانة مثل الفورمات وتجميع الجهاز ... آلخ وبعدها تقدرون تدرسون ذاتياً وتاخذون الشهادة بالنسبة للأسئلة والدراسة الذاتية .. فيه أسئلة أقدر أجيبها من النت بس أنجليزي يبي أحد يترجمها لنا وآنا أمس طلبت من المعهد اللي أدرس فيه يعطونا ورشة عمل A+ تحضير للإختبار وآن شاء الله راح تكون كل يوم خميس مدة شهر إلى شهر ونص ويعطونا معلومات عن الإختبار وأسئلة وكذا بس نبي الهمة يا شباب شدوا حيلكم وعندي إقتراح بسيط وأتمنى منكم تعطوني رأيكم وش رايكم ننزل موضوع يكون تجمع الأعضاء الراغبين بالحصول على شهادة A+ ومنها نساعد بعضنا ونشرح لبعضنا بكذا نستفيد ونفيد يعني مثلاً لو تبون نسوي دراسة جماعية ودرس فصل فصل ونتناقش في الفصل الأول مثلاً لين نفهمه وبعدها ننتقل للفصل الثاني وكذا آنا آن شاء الله إذا حضرناها صح راح أدخل الإختبار الأول نهاية شهر 4 أو شهر 5 و واحد نصحني فيها تفيدنا بالمفاضلات يعني أغلب الناس عندها دبلومات وتفيدنا بالمفاضلات وتفتح أشياء بمخنا حنا مقفلينها |
اقتباس:
يعني معك دبلوم صيانة .. بس آنا وش دراني آنك فاهمه بالصيانة لازم شهادة تثبت مهاراتك .. وآنا أنصحك بدبلوم صيانة وتاخذين فوقها شهادة A+ وبعدها أدعيلي |
مرحبا
سلامتك اخوي خالد وماتشوف شر انا راح ابدا اذاكر الدرس الثاني الان ومجرد مااحس اني بديت اجمع معلومات قيمه راح ابدا اضعها للاعضاء دعواتكم |
زينة ونحول
ماقصرتي يالغلا الموقع مرة حلو وان شاء الله الكل يستفيد اخوي خالد طول عمرك ماتقصر وان شاء الله اكون متابعة معكم للأخر ...بالتوفيق للجميع |
بنات صدقوني ابدوا ترا الاستاذ احمد جوده اسلوبه بسيط وحلو في الشرح يالله قربت اخلص الدرس الثاني
|
ببدا ان شاء الله من بكرة واذا عندي اي سؤال بحطه هنا
|
اقتباس:
الحمد لله على السلامة اقتباس:
طيب واين اقدر اخذ هذا الشهادة امن معلومات واختراق بعد حصولي على شهادة +A اي دوووووولة ؟ اقتباس:
انا حصلة عليها من معهد رخيص 550 ريال مدتها شهر تتضمن 1- اساسيات الحاسب الالي 2-تجميع وتركيب قطع الحاسب الي كلاً على حدى 3-اكتشاف اعطال الحاسب الالي 4-فرمات الحاسب الالي طبعن كل شي عملي اقتباس:
انا موووووووووووووافق وفي الختاااااام الله يوفقك ويرزقك على هذا المجهود الذي تقدمة |
يعطيك العاااافيه |
كنت افكر ادخل اختبار الشهادة بعد دراستها من محاضرات احمد جودة
لأني من زمان افكر فيها و انا تخصصي علوم حاسب يعني الحمد لله اغلب المحاضرات افهمها بسرعة لكن انصدمت لما كلمت النيوهورايزن و العالمية اللي في منطقتي و لما سألت اللي على هاتف الاستقبال ما عرفت حتى تنطق اسم الشهادة اكررها عليها اكثر من مرة و جلست اشرح لها بالعربي وش معنى هالشهادة و زين انها فهمت اقول لها شهادة صيانة الحاسب الأي بلص شهادة عالمية من كمبتيا تقول عندنا صيانة بس الشهادة ذي مو عندنا اصبت بإحباط لأني ما اقدر اسافر لمدينة كبيرة مثل الرياض و جدة و الدمام عشان اقدم على الاختبار انا من القصيم و استغربت من الموظفة لما قالت ما عندنا شي يفشل منطقة هذا كبرها و معهد نيوهورايزن و العالمية و مع هذا ما يقدمون اختبار لهذه الشهادة ؟! احتمال ما فيه اقبال على هذه الشهادة أو ان المعاهد اللي بعيد عن المناطق الرئيسية معاهد أي كلام أنا ودي اكمل دراسة المحاضرات و حابة هذا المجال لكن أخاف اضيع وقتي و لا ألقى مكان اقدم فيه الاختبار لأن عندي اهتمام آخر بالتصميم و برمجة الويب و لا ودي اهمله عشان أملي بهذه الشهادة في التصميم و البرمجة ممكن اكتسب خبرة و ألقى فرص عمل عن بعد أحاول ارتب وقتي على الموضوعين لأن ودي اكون معكم هنا الدراسة مع جماعة تشجع أكثر و تخلينا نلتزم أكثر .. أنا معكم يا بنات و لو فيه أحد من نفس منطقتي ياليت يخبرني هنا أو بالخاص عشان لو ندرس و نخلص نجتمع و نضغط على نيوهورايزن أو العالمية يسوون لنا اختبار لأن هم الوحيدين اللي عندهم ترخيص بمنح الشهادة .. |
اقتراح للمشرف
ياليت يكون فيه منتدى فرعي للراغبين في دورة شهادة الاي بلص بحيث كل يوم نخلص من محاضرة و كل واحد يعمل ملخص للي فهم من المحاضرة و على فكرة اللي يدرسون من كورس أحمد جودة ترا المحاضرات ما خلصت يعني هو وصل ل16 لكن راح ينزل 17 قريب عندي خلفية عن الشهادة و كتب و مواقع مفيدة لكن احس الموضوع هنا مو مرتب اقصد ما فيه انتظام يعني مفروض يكون فيه موضوع خاص بالتسجيل و موضوع خاص بمتابعة الدورة أنا مع اقتراحك يا أخ خالد في فتح موضوع جديد للراغبين بدخول الدورة |
اقتباس:
معقول فرع السيدات ما عندهم ؟! أو موظفات الاستقبال ما يعرفون شي انا والله كنت شاكة في الوضع بكلمهم مرة ثانية و اشوف أو احسن اكلم قسم الرجال لأن الحريم دايم ما عندهن سالفة |
بكم دورتها
|
الساعة الآن 06:49 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين