7500 ريال بالشهر من مدينة وحده ومشروع بلاش
مراحب هذي ماتبي راس مال وأرباحها حلوة تمر محلات المطابخ والأ المنجرة غرف نوم وغرف أطفال ومكتب رجال الأعمال وكل الخشبيات عمومن شنوووووووو بعد إممممممممممم محلات الأبواب والشبابيكــ محلات الاثاث وتاخذ نسخة من أحدث كاتلوجهم أو إتصور أحدث وأجمل شي بمحلهم وتتفق وياهم إنكــ بتجيب لهم عملاء بطريقتكــ وهذا بلاش بعدها حط إعلان وقول فيه يصلكم كاتلوجنا مجانا بس يختارون ويدفعون وتاخذ منهم الكاتلوج على طول وكل ماأطلبواااا الناس قولهم السعر ضايف له 500 ربحكــ كوسيط مثلن يبون مطبخ بــــ 3000 فإنت قول بـــ 3500 تستلمها منهم والمحل يصممها وتعطيه الـ سعر 3000 كاش سعر المحل وكل طلب يوصلكـــ خذ علية زيادة وهكذا وصلكــ باليوم 3 طلبات * 500 = 1500 ريال ربحكــ بالـيوم نفرض 15 طلب وصلكــ بشهر 500 * 15 =7500 بالشهر من مدينة وحده ولو وصلتكــ طلبات من باقي المدن يمكن هالرقم يوصل دبلات بالشهر بس أهم شي بالإعلان إحرص على إنكــ تقول جددواا مطابخكم أو لدينا مطابخ فقط بـــ 3500 ريال أو مطابخ جديدة غير القديم رائعة أهم شي إتحببهم بالتجديد سواء أثاث والأ مطابخ والأ غرف والصور بعد لازم إتكون جذابة شغلكــ كلة وسيط وكاتلوج يختارون يدفعون والمحل يصمم ويوصل لعنوانهم وطبعن الوسيط ربحة حسب شطارتة إنت تقدر تقنع الشقق الفندقية يغيرون مطابخهم غرفهم أثاثهم العماير السكنية منتجعات منتزهات الفلل ديكور المحلات حسب المحل اللي بتكون له وسيط وكل ماكان إنتشاركــ على مستوى المملكة كل ماكان ربحكــ أكثر وممكن تعلن بمجموعة أبونواف أو أي مجموعة ثانية مع صورة حلوة للكتلوج نفسه مع إشوية إشموع وورق ورد وكم حجر لماع وعشان لايخسركــ المشوار خل قيمة التوصيل بحسابكــ وسلامتكم |
شكرا لك على الفكرة
بس اللي اعرفة انه صار هناك شراكات تسويق هي اللي تقوم بهذي العملية واصحاب المحلات اغلبهم متعاقدين مع هالشركات هذا من اللي شفتة وسمعت عنه |
اقتباس:
بس هالمشروع لأفراد ولحسابهم الشخصي ولو 200 محل لهم بشركات التسويق فيه 20 ألف محل مومتعاملين وياهم وتسلم |
فكره جهنميه
مؤسسه تسويق للمحلات الصغيره لان الشركات الكبرى تصنع وتسوق لنفسها لكن المحلات الصغيره لا |
اقتباس:
من غير مؤسسة بس مجهود وإن كثرت 50 ريال اتجهز فيها الكاتلوج هذا لو ماعندهم وعساكــ سالم يارب |
اقتباس:
وحتى يتطور عملي للافضل وش دراك ممكن تكون بعد فتره شركة تسويق مشهوره في اوساط المجتمع الفكره جميله لكن لو يضاف ايضا تسويق اثاث وديكور للمنزل ايضا الفكره جاري دراستها |
يعني عمل كوسيط تجاري
وهي من أفضل الأعمال ودخلها جيد لكن تحتاج إلى وقت لتكوين زبائن وفقك الله |
وفقك الله
انتي فكر و مكسب للمنتدى |
يعجبني هذا الفكر أنتي مبدعه حقا
أعرف أن هناك مجموعه تبنت التسويق العقاري ونجحوا وبعضهم يحمل الكفاءة التسويق :: مستقبل الأعمال |
اقتباس:
والله يوفقكـ بالدراسة والتنفيذ :rolleyes: تحياتي |
فكرة حلوة
|
اقتباس:
وهي مثل ماقلت وسيط بس الشطارة بالإعلان يعلن للكل بيوصل للكل :rolleyes:يعلن لــ 20بيوصل للعشرين على حسب وتسلم |
اقتباس:
أطيب تحية مع جزيل الشكر |
مساء الخير فكره حلوه ولكن فيه مشكله الحين المطابخ يبي له قياس يعني لازم يروح العامل للموقع عشان يأخذ القياس هذي بحد ذاتها مشكله إذا انحلت راح يكون المشروع اروع واروع تقبلي تحياتي |
اقتباس:
والعقار لو يبدون بشغلة هذي بتحركــ أسواقة مثلن واحد إعجبتة أرض بمنطقة ثانية يجية مندوب المكتب ويبيع له بالبنكــ سلم واستلم عشان الصكوكــ وحتى لو إنه بدولة ثانية هذي أسهل وعساكــ ع القوة |
اقتباس:
|
اقتباس:
صح كلامكــ :rolleyes: بس هالشي عقب مايسلم المحل كاش يكونون إعرفوا العنوان واستلموا اللي لهم فيعرفون إن الشغل جد وبعد لأن الموديلات تحكم حضورهم عشان يتخيلونه بالمكان ويشاورن الشراي بالأنسب هذا إهنية وهذا إهنية شغلات جمالية بالإضافة للمقاس وعساكــ سالم يارب |
اقتباس:
اوكيه لا قدر الله وصار اختلاف يعني مثلا المقاس اصغر او اكبر واختلفوا في السعر ولم يتم الاتفاق بين المنجره و صاحب العمل وش الحل في هالمشكله |
اقتباس:
والوسيط عملة حر سواء اتفقواا وركبولهم أو تخالفواا وردولهم فلوسهم والمحل أكيد بيخبرة إنهم ماتفاهمواا فيرجعون له المبلغ يعني حتى لوتخالفواا يردون لهم قيمة المطبخ بس حق وساطتة له من غير شكــ واصله وخالص |
اقتباس:
اهاا مع احترام الشديد لك الفكره مش ولا بد لان فيه ناس لعابين إلا من رحم ربك ولكن الله يوفقك كل صادق ويدور رزقه بعرق جبينه تقبلوا تحياتي |
اقتباس:
فكره مبدعة ومميزه وناجحة بأذن الله على المستوى البعيد ولكن تحتاج بعض التركيز على سبيل المثال : تعاون مع اصحاب المفروشات والاثاث المنزلي والمطابخ وغيرها الكثير وتؤخذ نسبة من صاحب المعرض وليس من المشتري لأن المشتري لن يقبل بذلك ويعتبرها زياده على التكلفه اما صاحب المعرض فسيرفع السعر قليلا ليعوض ماتأخذه منه من نسبه وهو بالتالي سيكون هو الكسبان لأنك قمت بتسويق بضاعته بالمجان وكذلك يمكنك عرضها عن طريق انشاء موقع الكتروني وعمل دعايات وغيرها من طرق التسويق الحديثة |
اقتباس:
لكن المحتال مرة مرتين وبعده بيصير مطارد وممكن الناس تاخذ البصمة ونسخة من البطاقة هذا احسن بس شوف وسيط الأراضي ووسيط المقاولات يعني إذا غلط واحد موغلطة المشروع لكنها غلطة أخلاقة الله يحفظنا ويحفظكــ عنهم تحياتي |
اقتباس:
وهذا بيحرجة لأنه ممكن يجيهم عملاء إكثار عن طريقة وبيقولون له ماجانا عملاء فهالنقطة بتقهر الوسيط :z وفيه محلات ممكن يتفق وياهم مثل ماقلت مثل شركات المقاولات ومحلات السباكة والمصانع :rolleyes: وتسلم الله يحفظكــ |
[CENTER]
اقتباس:
اللهم يا رب تصلح المحتالين والنصابين لكي نحياء بسلام ولكن مني الف تحيه وشكر على مشاريعك الرائعه |
اقتباس:
وحلوة الدعوة بصراحة هذي أحسن :d لأني كنت أدعي شي ثاني كل ماسمعت شي عنهم :q لأني مرت على مواقف :court: لكن عدت على خير :r |
فكرة حلوة
بس انا باطورها شوي ويش رايكم الواحد يشوف الاحياء الناشئة ونسبة التشييد فيها عالية تروح تدور الفلل وتحط ستكر او تقابل صاحب الفله تاخذ منه عقد على اعمال الديكور والجبس والخشب مايبي لها راس مال وفي نفس الوقت توفر له التصاميم ونت تجيب عمالة من السوق باليومية يعني كل شغلك مشرف وتوفر عمالة تنتهي من الشغلة ذي خلال 3 شهور او اقل يكون مكسبك في الشغلة كلها لا يقل عن 50000 |
ماشاء الله افكارك حلوة ومشروعاتك احلى
الله يعطيك العافية والصحة :) وعندي زيادة انه يكون المشروع لتاثيت البيت كامل يعني اثاث ادوات كهربائية وطبعا كله بفواتيره |
اقتباس:
وقيمة الديكور فيبي لها مقدم عشان الأغراض بس ممتازه كربح ماشالله خصوصا المشاريع بتزيد عقب المنحة الإسكانية وسيل جدة يعني مقدمكــ 10 آلاف وكل إسبوع دفعة الموضوع ماياخذ أسبوعين للبناية :rolleyes: بس الــ3 أشهر لو عندكــ اكثر من بنايه وغيرها ثريات المكان والإضاءة وغيرها عمالكــ يزرعون كم منظر طبيعي غيرها توفير سجاد واثاث لهم الفكرة روعة وربحها حلو :tsfiq: والله يقويكــ تحياتي |
اقتباس:
والله الكهربائيات بعد مطلوبة :s خصوصا الناس اللي كل يوم مأجرين لهم مكان وصاعد نازل مايمدي يشتريها الأ صارت قرقاشة هههههههه والفرن ع الثلاجة كله :q ويسعد لي مساكــ :w ومسا الطيب كله |
اقتباس:
ولا فلوس الطلبات لان كل الموسسات الحين تعطي بأجل يعني اهم شي التعامل والعمال 3*80*60=14400 وشي طبيعي انك تاخذ دفعه مقدم من صاحب العمل وتمشي الدفعات مع العمل |
فكرة طيبة
|
بالتوفيق
|
التسويق في الغالب ماتستغني عنه أي شركة ..
وبزيد على كلامك ..: لو تحولت الفكرة الى موقع الكتروني يعرض سلع وأثاث والكترونيات بأنواعها وسيارات والتسليم عن طريق الموقع ( نفس فكرة موقع الأمازون الأمريكي ) حقق أرباح خيااليه .. واذا بيطبع اللي داخل الموقع ويخليه بكتالوج خاص باسم الموقع ويمشي المسوق على الشركات أيضاً بإمكانه وتكون كسبت الطريقتين بالتسويق الكترونياً وتجارياً .. |
جزاك الله خير على النبع النقي للأفكار الخلابة الي ممكن تكون هذه الأفكار فاتحة خير لمنفذيها
وبالتوفيق للجميع |
ماشاء الله عليك بس
|
موفق بإذن الله ... لك مني أجمل تحية .
|
لقد سعدت بهذا الخبر
|
فكرة جيده جدا مشكور اخوي
|
موضوع ممتاز ولي تجربة في مجال آخر إن شاء الله قريباً راح اضع الفكره
بارك الله فيك |
فكره حلووووووووه
واحد من اصحابي بالعمل عنده مصنع مطابخ في ينبع وعنده محلات بمكه انا ماني فاهم لشغلة المطابخ اعتقد هم يبيعون المتر بمبلغ معين يعني مهو مثل ما انت تقول السعر الاجمالي ب3000 الاف |
الساعة الآن 06:42 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين