حلول البطالة Unemployment Solutions - كل واحد يدخل ويقول معاناته

حلول البطالة Unemployment Solutions (https://www.btalah.com/index.php)

- - كل واحد يدخل ويقول معاناته (https://www.btalah.com/t155028.html)

السلام عليكم ورحمة الله وبركاته

الصبر الصبر ياشباب انشالله تفرج والتقاديم جايه في الطريق ولا احد ييئس كل واحد مكتوب رزقه

وربي انا عاطل من زمان بس وش اسوي وربي اني مقهور اخويايه الي كانومعي كلهم توضفو بلواسطه ومابقي الا انا عاطل لاكن الله يفرجها علينا وعليكم انشالله واذا شفنا الشغله ماهي مخارجه انا بقولكم الحل

وشكرا

اذا هذي معاناتكم طيب شلون الي مايعرف يدخل النت وابوه ماعنده فلوس يشري كمبيوتر شلون معاناته

الله يعينهم بس

اقتباس:

المشاركة الأصلية كتبت بواسطة عاطل وعامل (المشاركة 2049948)

اذا هذي معاناتكم طيب شلون الي مايعرف يدخل النت وابوه ماعنده فلوس يشري كمبيوتر شلون معاناته

الله يعينهم بس

الله واكبر مايعرف يدخل النت وماعنده فلوس سلالالالامات

الدعوه خمسه ريال يعطي صاحب النت ريالين حقت تعب شغله وثلاثه ريال ياخذ ساعه في الجهاز وانشالله تتسهل

دام الواحد بصحه وعافيه مانقول الحمد لله ولا رزقك مكتوب من يوم انت في بطن امك
والله يهدينا ويرزقنا ويستر علينا دنيا واخره

دام الواحد بصحه وعافيه مانقول الحمد لله ولا رزقك مكتوب من يوم انت في بطن امك
والله يهدينا ويرزقنا ويستر علينا دنيا واخره

زي مقال اخوي العود 2000

اقتباس:

المشاركة الأصلية كتبت بواسطة عاشق الوظائف (المشاركة 2049783)

معاناتي مع العسكريه .................................................. .........................................ااااااااه بس تراها طالعه من القلب .
بشكي لك معاناتي بس لاحد يبكي عليا يا جماعه كافي البكاء اللي بكيته معاناتي يا طوويلين العمر اني قدمت على المعهد التدريب العسكري المهني اللي بالحرس الوطني بجدة عام 1426 طبعا درست سنه ونص منها تدريب عسكري كرفت الين ما قلت امين بعد ما تخرجنا واعلنوا على المقبولين بالعسكريه طبعا ياخذوا 25% من الدفعه والباقي يقولو لهم مع الباب المهم طلع اسمي من بينا المقبولين المبدئي لان معدلي كان حلو وعملت الاوراق اللي هييا من بصمات واحوال مدنيه وكشف طبي والحمدلله وسلمنا الاوراق وقالوا تعالوا بعد يومين عشان نبلغك متى تاخذوا تدريب السلاح وتستلموا البدل المهم لما جينا على الموعد الا نتفاجاء يبلغنا الضابط يقول فيه شباب ما انقبلوا وطبعا انا واحد منهم يا هوه من منا ولا منا ما في امل طيب وش الاسباب قالوا عندك مشكله في الكشف الطبي قلت كيف وانا الحمدلله مخلص كل شي وكله سليم قالوا هذا الحاصل المهم يا شباب طبعا طلعت انا وسبعه من خوياني معاناتهم مثل معاناتي ونتفاجاء ونحن مع الباب نشوف خوياني اللي كانوا معانا في الدورة وكانوا طبعا قمة في الفشل والجزاوت داخلين ومعاهم ملفاتهم طلعت الشغل يا شباب واسطه من جماعة عميد المركز المهم طبعا رجعت للبيت خائب الامال ومطط الراس ودخلتي غرفتي وانا ابكي يا شباب بس حمدت الله قلت ممكن خيره كل تاخيره فيها خيره الحمدلله على كل حال.
طبعا الين يومك هذا وانا ادعي على العميد الله لا يوفقه ولا يوفق كل واحد وقف في طريقي
انقذنا يا ابو متعب من الضياع .
الله يوفقنا واياكم اجمعين يا شباب .
وحسبي الله ونعم الوكيل على كل ظالم

الله يرزقك اخوي انا كنت معك في نفس الدوره والله اخر لاحظه استخرت ربي وحمدلله اني مادخلت

دقيقه ابشغل موسيقى حزينة عشان اعيش الدور

متخرج عام 1427 ومافيه مكان ماقدم فيه الاستخبارات المباحث الامن العام ثلاث او اربع مرات الدفاع المدني امن المنشئات وووااااجد واخر شي مع البـاب ناقصـ طـولك بعض المرات ينقصون نص صانتي وبعض المرات صانتين وبعض المرات تمسك معهم غلط ويزودوني ثلاث صانتي يعني لعبة الدعـوة واخر مرة قدمت على المخدرات وعطوني طول 169 قلت خلاص جاك الفـرج يافـهد والله ياطويل العـمر بعد معاناة ومشورة روحه للشرطة والبصمات والامارة والاحوال خلاص قلت توظفت وافكر وش لون التكميلة الي اخذها معاي للدورة احمر ولا ازرق ولون الكنادر الله يكرمك ديداس ولا كنادر كابتن ماجد والمستشفى مشيت ونقصوني صانتي بس مهي مشكلة اهم شي الطول المطلوب والله ياطويل العمر يوم جت المقابلة النهائيه سئلوني سؤالين الا ابله عطيات الي هو مدير القبول والتسجيل ومن اول يوم وهو ناشب لي الفين مرة وهو يقووس طولي والمشكلة انه قزوم ودب وناشب للعالم مالك بالطويلة ياطويل العمر عقب هالسؤالين في المقابلة الشخصيه قال تعال اقوس طولك قاس طولي طلع 166 ونص بهاللحظه انا دقيت الدمعه وجلست عند باب المكتب قلت ان ماوظفتوني ابصير مهرب مخدرات هههههه لا العب عليك طلعت والدمعه على خدي وجلست عند بوابة المديريه ابيع مساويك وبليله على العسكر ههههه

شف ذا الرابط واقرا ردي خامس رد في النك الي هافينه باند فهد الوسمي
هذي جزء من المعاناة الي عانيتها في التقـديم

https://www.btalah.com/showthread.*****..CE%CF%D1%C7%CA

هذي لك :w على اتاحتك الفرصه لنشر معاناة الاعضاء يابو الارامل والمطلقات والمساكين ياصاحب الايادي البيضاء

اقتباس:

المشاركة الأصلية كتبت بواسطة فني صيدله عاطل (المشاركة 2049600)

معاناتي اني منسدح مع العجيز الله يخليها ووجهي مقابل وجهها من سنتين
ماغير قهوه وتمر وعلوم سنعه
معاناتي بدت من يوم ما استلم الربيعه وزارة الصحه وقال (ابنا الوطن خطر على الصحه)
لي سنتين مكبر الوساده
واقدم بالخاص ويبون خبره من وين اجيبها؟
قلت مافيه مشكله بتوظف عندكم بس براتب بسيط عشان الخبره وبعدين شوفو شغلي وانتو احكمو
قال شيل ملفك مانبي سعوديين وللاسف اللي قال لي كذا مصري البيت بيت ابونا الغرب يطردونا
الله يفرجها بس
ادعلي تكفى وربي اني بحاجت هالوظيفه ع الاقل منها اجيب للعجيز تمر بدال التمر اللي اكلته

الله يرزقك ويغنيك ويسعدك
ولا تنسى ترد التمر لامك

اقتباس:

المشاركة الأصلية كتبت بواسطة العود2000 (المشاركة 2049970)

دام الواحد بصحه وعافيه مانقول الحمد لله ولا رزقك مكتوب من يوم انت في بطن امك
والله يهدينا ويرزقنا ويستر علينا
FO
دنيا واخره

والله احلا كلالالالالالالالالالالالالام واحلى تعليق
يعطيك العافيه
[