|
(الجزء الأول)،كل مايخص دورة40 القادمه إن شاء الله في الكلية الأمنية
بسم الله الرحمن الرحيم
السلام عليكم ورحمة الله وبركاته مع التحية أعزائي الراغبين في الإلتحــاق في كلية الملك فهد الأمنية لدورة 40 القادمة إن شاء الله في نهـاية شهر 6 بداية شهر 7 لهذا العام نود التذكير أن بإمكان لمن لم يُحالفهم التوفيق في الدورة 39 بإستطاعتهم التقديم لدورة 40 ونهويب أنّ من أراد التقديم في الكلية أنّ من الشروط الأساسية التي لابد أخذها بالإتعبـار هي الوزن والطول أن لايكون أقل من 168 والمعدل أن لايكون أقل من جيد وبنسبة للتخصصـات سوف يتم جميع التخصصات بإذن الله وفي طروحـات قادمه سوف نُبينه لكم أرجوا من الله أن يكون هذا الموضوع فال خير للجميع وأنّ يُنير لكم أمور لم تكن تعلمونه من قبل وشكراً ******** السلام عليكم ، أخوآني بآرك الله فيكم جميعاً ، وصلني بعض الشكآوي بشأن هذا الموضوع وبعض الأعضآء اللذين يخرجون عن محتوى الموضوع بالسوآليف والدردشة ، وسبق أن طرحت تنبيه بشأن هذا الموضوع ، ( الموضوع لن يغلق ولن يحذف بأكمله ، سوف نكتفي بحذف المشآركآت وألتمس العذر من العضو لأني سوف أرسل للإدآرة بشأنه وإتخآذ اللآزم معه ،) أخوآني هذه الموآضيع جعلت للإستفآده ومآشآء الله أرى وقوف الأعضآء بعضهم لبعض وقفه وآحده ويد وآحد يتعآونون ويتشآورون لمآ فيه مصلحه لأنفسهم وللجميع ، فأرجوا عدم الخروج عن الموضوع بالسوآليف أو الدردشه أو الردود السيئة ، والله مآ كنت أتمنى أن أضطر إلى كتآبت هذه المشآركة لكن أرجوا من الجميع مرآقبة الله ومسآعدتنآ . أخوكم / العقيد نآيف . |
عليكم السلام
هلا بك اخوي قبل فتره اعلنو عن طريق الموقع ان التقديم لخريجين الثانوي والجامعي ولا شفنا شي مدري كيف كذا ياليت احد يفيدنا وش صار عنهم |
يعطيك العافية بي بي سي على الموضوع
وان شاء الله نفيد ونستفيد وبالتوفيق للجميع |
الله يوفقكم وان شاء الله من المقبولين نهائيا
مع اني افضل وظيفه التدريس بكثير خاصه انه الحين على الستوى الخامس وأول راتب 8460 ريال والعلاوه السنويه 440 ريال وغير الاجازات لكن مانقول الا الله يوفق الجميع |
أخوي بي بي سي الامنيه
بسآلك سؤال يالغالي لك ولاهل الخبره هل يقبلون طلاب الانتساب والتقدير جيد جدآ هل يقبلوني جامعي انتساب ولا لازم انتظــآم ومشكووور يالغالي |
شروط القبول :
أن يكون المتقدم سعودي الأصل والمنشأ، ويستثنى من شرط المنشأ من نشأ مع والده أثناء خدمته خارج المملكة أن يكون المتقدم قد أكمل الثانية والعشرين من عمره وألا يتجاوز الثلاثين من العمر وقت تقديم الطلب أن يكون المتقدم لائقاً طبياً وسليماً من الأمراض المعدية والعاهات الجسمية والعقلية أن يكون حائزاً على المؤهلات النظامية للتخصصات المطلوبة المعلن عنها وبتقدير لا يقل عن جيد يشترط معادلة الشهادات من وزارة التعليم العالي بالنسبة لخريجي الجامعات غير السعودية أن يكون حسن الأخلاق والسمعة وغير محكوم عليه بحد شرعي أو في جريمة مخلة بالشرف والأمانة ألا يقل طوله عن 168سم وأن يتناسب الطول مع الوزن . كما اشترط الإعلان أن يجتاز الفحص الطبي والمقابلة الشخصية واختبار اللياقة البدنية واختبار القياس والتقويم أن يكون المتقدم غير متزوج من امرأة أجنبية ألا يكون المتقدم قد تعين على وظيفة حكومية خاضعة لنظام الخدمة المدنية أو العسكرية أن يكون حاصلاً على شهادة البكالوريوس بانتظام كلي وألا يكون قد مضى على تخرجه أكثر من عام واحد وان يستبعد أي طالب يتم قبوله نهائياً في أي كلية عسكرية أخرى إضافة الى أي شروط أخرى تضعها الكلية. |
يا فتى الباحه وش المقصود بانتظام كلي
انا يا طويل العمر مخلصه بثلاث سنين ونصف وش رايك |
المقابلة الشخصية في كلية الملك فهد الأمنية كيف طبيعتها و ايش المواضيع اللي ممكن يسألونك فيها و هل لها علاقة مباشرة بالتخصص الجامعي
أرجـــــــو الــــــــــرد و شكرا...... |
الله خيـــــــــــر الرازقيـــــــــــــــــــــن
|
يالله
ماأشبه اليوم بالبارح أنا أحد من قدم ع الدورة 39وكنت أحتياط أهم مابالأمنية تخصصك وعدد المتقدمين من تخصصك فقط وبصراحه أنا ودي أنسى صدمت العام وأنت جبت هالموضوع وفتحت جروح صعبه تحية لسلطان البقمي وفالك القبول هالسنة وجميع الآصدقا |
الا على طاري التخصصات
تخصص الصيدله وش وضعه مرغوب عندهم ؟ ولا اغسل يدي |
اقتباس:
|
اقتباس:
وأي استفسار انا والاخوان موجودين وبالتوفيق للجميع :w |
اقتباس:
طب وصيدلة ، علوم طبية تطبيقية ، علوم ، حاسب آلي ، هندسة ، شريعة ودراسات إسلامية ، علوم إدارية ، آداب ، تربية ، علوم اجتماعية ، لغات وترجمة . :m :w :m |
اهم شيء الوزن ياشباب نتمى التفاعل اكثر واكثر
عموماً أنا من النـاس إلي حاط شيء إسمه كلية أمنيه إحتياط لأن مالي ميول عسكريه وشيء اسمه دراسه واستعد وإسترح ولكن أعرف إن الموضوع بيخدم ناس كثير فاحبيت أكون بادر للخير لان في موضوع العام خدمني كثير وفالكم التوفيق وترا عملية القبول سهله ولا فيها أية خوف أهم شيء الوزن |
طيب يا شباب يقولون اهم شي الوزن والطول وانا طولي 184 ووزن 100 يعني ما شي مع الجدول تبعهم
بس اشوف وزني تعبان من نظرتي ونظرت الشباب انه زايد يا ليت الي قدمو يفيدون |
أهم شي الطول والوزن والنظر
|
اقتباس:
وزنك مناسب بس خفف شوي وان شاء الله مقبول تحياتي فتــ الباحة ــى :w |
السلام عليكم ورحمة الله وبركاتة
انا الحمدلله متخرج من الجامعة وحلمي ومنيتي ومنى عيني اني اصير ضابط لتشريف نفسي ومليكي المفدىء وخدمة وطني الغالي وخدمة شعبي المعطأ ومحاربة الخوارج ومحاربة كل من يستجرء على امن بلاد الحرمين الشريفين بلاد ابائي و اجدادي من قبل ايام الرسول صلى الله علية وسلم المهم قدمت العام اللي راح على كلية الضباط كلية الملك فهد الامنية بالرياض وقبلوني مبدئي ورحت للرياض ولمن قاسوا طولي قالوا طولك 166.6 سم ناقص 1.4سم والمطلوب 168 سم ووزنك 61 كيلو متناسق يعني طيب لكن طولك ناقص 1.4 سم عن 168 سم وهو اقل شيء للقبول ووالله العيال اخوياي اللي راحوا معي منهم من انقبل نهائي وهو اللحين في الدروة الله يحفظهم وكل اسبوع اكلمهم ومنهم من ردوه زيي عشان طوله ومنهم من ردوه عشان وزنة ومنهم من ردوة عشان التحاليل وعنده فيروس الكبد الوبائي مع انه مايعدي ومن الشباب اللي شفتهم معي في غرفة القياس والله ردوهم عشان نصف سانتي ومنهم من ردوه عشان ناقص 3 ملي اه ه ه ه يالقهر وقعدت اتكلم معاهم واتحايل معهم وقلت الرجوله ماهي بالطول الرجوله بقوة الشخصيه والهيبه والكلمه اللي توزن بلد وقالي الضابط والله مانقدر لاننا مجبرين بالعدل بين المتقدمين وبالانظمة روح والسنة الجاية تعال ممكن الله يفرجها عليك يعني اطول المهم ابي فزعتكم وشوركم اي احد يدخل يقول وشهو الشيء اللي يطول 2 سم عشان اصير 168 سم اي شيء سواء حبوب من الصيدلية او ادوية شعبية او اي تمارين تطول لاني استشرت كثير منهم من قالي تمدد على الشبك حق المكيف ومنهم من قالي حبوب الزنك ولمن سالت عنها قالوا لي لها سلبيات ومنهم من قالي عليك بحليب الابل ومنهم من حطمني وقالي ماعد تتطول خلاص وقف الطول على عمر 21 سنة تكفون اخوكم يطلبكم اخوكم الفقير الى الله |
تمدد على الشبك حق المكيف
!!!!!!!!!!!!!!!!!!!!!!!!!!!!!!!! |
نصائح لزيادة الطـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــول :
خصّص لنفسك ساعة واحدة للسباحة كل يوم. هذا نشاط مفيد جدا لنمو العظام لأن بممارسة السباحة فإن الضغط الواقع على المفاصل و الناتج عن الجاذبية الأرضية تخف بشكل كبير. بتخفيف الضغط عن العظام فإن العظام تطول بحريّة أكبر. يثبت صحة هذا النظرية دراسة ظاهرة طول قامة السباحون العالميون الذين عادة يزيد طولهم عن المترين. . إلزم رياضات القفز (كرة السلة، كرة الطائرة) ففي القفز - و أنا شاهد على هذا - أثر كبير على زيادة نمو العظام. لكن لا تجهد نفسك و إنما عليك بالقليل الدائم (20 دقيقة يوميا). أتذكر أني كنت أقفز يوميا على 10 فترات (كل فترة مدتها دقيقتين) مع استراحة قصيرة بين كل فترة، فزاد طولي 2سم خلال شهر. لكن لا تأخذ هذا كقاعدة فنسبة الزيادة تختلف بإختلاف الشخص. التدلي من قضيب عمودي يساعد على شدّ العمود الفقري. صفة ذلك أن تمسك بقضيب مثبت بارتفاع مترين و فقط تتدلى و أنت تمسك القضيب و تتحمل وزن جسدك المتدلي. هذا مفيد إلى نسبة معينة فالبعض قالوا أنه يزيد طول قامة الشخص (2 و نصف سم) كل ثلاث أشهر. العيب فيه أن عضلات الذراعين تصبح بعد فترة صلبة قوية. لكن الآن يمكن أن نحصل على نفس النتيجة باستعمال جهاز الميسونا. النوم ساعات كافية ليلا أي ما يعادل 7 ساعات. لا تقصّر في شرب الكمية الطبيعية من الماء و هي لترين يوميا. وبالتوفيق للجميع ،، :w |
يعطيك ربي الف عافيه يا فتي الباحه والله يحقق لك مناك
|
يا شباب عند واحد من الشباب صار عليه حادث وصار عنده كسر باليد عند المرفق وركب أصياغ
والحمد الله رجع طبيعي ونزل الاصياغ بس فيه الخياطه ألي على المرفق واضحه وتقريب ما يقدر يمد يده الى اخر شي وخايف يردونه ويستشير قلت ابستشيركم وش رايك يشددون عليه بالفحص الطبي والا يمشونه وهو محتار خايف يقدم ويردونه |
ياليت الاداره تثبت الموضوع هذا لانه صراح مهم جدا لي الجامعين
|
اقتباس:
بس المشكله في اللياقه (البشم) بس خله يدعي وان شا الله بيددخلها |
خليه يقدم مو خسران شي وخاصة اذا الطول والوزن تمام
واذا قبلوه مبدئي وراح موعده لايوضح لهم انو سوا عملية واذا شافها الدكتور خليه طبيعي يحرك يده عايدي وزي ماقال ( المدرسه وطلقتها ) خليه يتمرن مزبوط على البشم وان شاء الله تتوفق انت وخويك تحياتي فتــ الباحة ـــى |
بالتوفيق للجميع باذن الله
|
السلاام عليكم
أه ياقلبي على كلية الملك فهد وربي حلم كل يوم افكر فيه تعرفوا ياشباب أصحابي السنة ألي راحت أنقبلوا فيها ماشاء الله تبارك الله والصراحه أنا ماقدمت لكن هاذي السنة أنشاء الله راح اقدم لكن عندي مشاكل وراح أعرظهم لكم وقوللي الحل 1- الأسنان عندي معدومه 2- النظر معدوم 3- وهنا أهم مشكله عندي مشكله في الإعضاء الداخليه يعني عندي مشكله في الخصيه مرتفعه فوق عند الكلية وعملت عملية وحاولت أنزلها لكن الحبل المنوي قصر الزبدة بعد هذا كلوا يا أخوان أيش الحل؟؟؟ |
اقتباس:
|
مووووضوع حلو واشكر اللي منزل الموضوع من شان الكل يستفيد
طيب الحين انا ان شاء الله متخرج من الجامعه الترم الثاني ومعدلي زين بس المشكله انهم يطلبون اختبار قدرات للجامعين وهذا شرط اساسي للقبول بالكليه الامنيه وصاحب الموضوع يقول التقديم نهايه شهر 6 والمشكله ان اختبار القدرات للجامعين يوم 25/7 اتمنى احد يفيديني ؟؟ كل املي ادخل الكليه الامنيه واخر الكلام محد ياخذ الا نصيبه واللي ربي كاتبه له اتمنى للجميع القبول والاستقرار |
اقتباس:
والله يا أخوي أنا مثلك لكن يقولون تقدر تأخذ ورقة من التقويم والقياس تبين أنك أختبرت |
الله مير يعينك ويساعدك وويفقك يالطيب .
|
اقتباس:
موعد اختبار للقدرات وذلك خاص لطلاب الكلية الامنية وبالتوفيق للجميع :w |
علم نفس فتى الباحه
يعطيكم العافيه ماقصرتو |
الله يعافيك مكاوي عاطل
نتمنى من الجميع التفاعل مع الــمــوضــوع لتعم الفائدة للجميع تحياتي ،، |
ومع كل هذا وهذاك ان كنت مطابق لجميع شروطهم لاتنصدم بالنتيجة النهائيه ,, الواسطه ثم الواسطه ثم الواسطه ,, هي الي بتدخلك كلية الملك فهد الامنيه بالريوس
انا من الاشخاص الي عديت كل شروطهم وتم وضعي بالاحتياط ومع هذا لااتصال ولاخبر ومرحباً مرة اخرى بالموضوع الخاص بالامنيه |
اقتباس:
لا يا غالي اسمح لي اصحح لك هالمعلومة التسجيل للقدرات مفتوح الان ويمديك تسجل وراح يكون الاختبار في شهر ثلاثة انشاءالله وبالتوفيق للجميع |
اقتباس:
معليش اصحح المعلومة الاختبار الي مفتوح الحين هو اختبار الكفايات الخاص بالمعلمين واختبار الكليات العسكرية يكون في 25 \ 7 و سيتم اعلان التسجيل قبل الاختبار بوقت كافي يعني تقدر تختبر قبل نتائج القبول المبدئي في الكلية الامنية وفيه اختبار ثاني للي ما اختبر الاول تحدد موعده الكلية للمقبولين مبدئيا يكون في شهر 8 . وبالتوفيق للجميع :w |
اقتباس:
ثانيا : معايير المفاضلة بين المتقدمين تكون على حسب احتياج الكلية . ثالثا : المقابلة الشخصية والتخصص والمعدل من اهم معايير المفاضلة بين الطلاب . اخيرا : اخوي عاطل اتمنى لك التوفيق في التقديم الجاي وان شاء نتقابل في نفس الدورة . تقبل تحياتي فتــ الباحة ــــى :w |
ياشباب انا احد المتقدمين للامنيه شهر 7 الماضي وانقبلت قبول نهائي وكل شي تمام
والله ثم والله اني مقبول بدون واسطه انا واصدقائي كلهم مافيه واسطه كل الدنيا فيها واسطه الوظائف المدنيه تمووت ماتتوظف الا بواسطه قويه مره بس العسكريه لا والف لا صح يدخل بس قليل جدا والامنيه معدووووووومه الواسطه فيها احسن شي فيها |
| الساعة الآن 09:37 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين