اقتباس:
شوف يا استاذي كل شئ يعتمد على الموقع وعلى المدينه وعلى المنطقه فيه واحد من أخوياي مستأجر بـ 87 الف ريال وفيه واحد ثاني مستأجر 95 الف وهم نفس المساحه وقريبين من بعض وفيه إلي مستأجر بـ 40 الف ونفس المساحه ولكن في موقع بعيد شوي اما بالنسبه للمحل إلي كنت بأستأجره اول ما شافه وخويي قال لو يقول لك 40 الف شيله ولكن للأسف قال 30 الف ووصلناه لـ 25 الف ولكن في الاخير أخره على شخص ثاني وش الاسباب الله اعلم ولكن كل شخص ما يأخذ إلا نصيبه ورزقه :) |
الأفكار المتميزه هي سبب نجاح كل مشروع,,,
لو تجيب واحد يضبط لك القهوه العربيه,,,بحيث انه يعرف يحمس القهوه بنفسه,,ويضبطها,,حاتلاقي اقبال كبير خصوصا لو كاان عندك خدمة توصيل للبيوت,,,تسوي لهم تلاجات قهوه وترسل بالطلب,,,لأن انا اعرف وحده ماتسوي قهوه في بيتها :d ترسل التلاجه لمحل ويعبيها لها,, تسوي لعزايم مثلاً,,, وكمان لو تتفق مع اي وحده سواء اختك ولا زوجتك ولا اي وحده ثانيه تسوي لك حلويات,,,لأنه حلى البيت غييير,,,ويفضلوه الشباب عن الحلويات الجاهزه,, هذا اللي في بالي من افكار:rolleyes: لو جات افكار جديده برجع اكتبها ان شاء الله:d الله يعطيك العافيه اخوي ويرزقك من حيث لاتحتسب,, |
بارك الله فيك
ولقد افدت الكثير تحياتي لك |
إن شالله يكون لكــ أحسن منه يارب ولو إتأجر أرضية سوق أي طابق هذي ربحها أكثر وبدال الغرف والبيبان إتكون حواجز كأنها المتاهه الطول مايزيد عن مترين وحلوة بصراحة وبلياردواا عوايل وبثاني جهه بلياردواا شباب ونفس الشي الكوفي عندهم وعندهم تستفيد من الجهتين مطبخ واحد شامل الحلو والقهوة وآيس كريم بس يكون مطبخ عرض وتقديم عام للكل يعني حتى اللي يمر بداخل السوق يشتري اللي يبي هذا فيه مرونة حتى لونقلت لمجمع ثاني اتكون بس حواجز وأثاث مايبي له الإ أبجورات لوقلنا إضاءة ولا صبغ لأن الحواجز موديلاتها روعة هذا بيوفر عليكــ ثلثين التكاليف والربح بيكون فوق 80 % والبلاستيشن بيكون عليه اقبال من العيال أكثر من 6 سنين للي هو شباب وو غير سيديات الألعاب وهذي للبيع والبلازما وحده للشباب معلقة بجدار وتحط قناة مبارة بيبسطون :d وكم لاب توب غير حلويات وكوفي سفري للي بيطلع من السوق والسوق أضمن مكان للربح ف إشلون لو تسوق وبلياردو وكوفي واللي ينطر أهله بيقعد عندكم والعوايل اللي ينطرون أبوهم بيقعدون عندكم :q فبيكون زحمة على طول بإذن الله والله يوفقكـ مع التحية |
اقتباس:
مشكوره على الافكار الحلوه ولكن مثل ما قلنا كل شئ يعتمد على الموقع والمنطقه ولك مني الف تحيه شكر وتقدير |
اقتباس:
|
اقتباس:
اخبر مره جاني عامل متقن للقهوه العربي ولكن طار هههههههههههههه مشكوره على الفكره الحلوه وننتظر افكار في كل موضوع |
عالم القهوة ..
بصراحة انا من المتاابعين لموااضيعك بشكل شبه يومي، واحب اهنيك على هالمستوى ماشاء الله عليك، وحاب اسألك من وين انت اخوي..؟ انا عندي نية للبدء بمجمع شبابي ومن ضمن خدماته كوفي شوب وجمعت معلومات كثيرة من المنافسين وحصلت أرباحهم خياااليه لدرجة اني مريت على محل فتحتين كوفي شوب توه فاتح والجلسات فيه تقريباً 5 جلسات ودخله الشهري لايقل عن 30.000 ريال، هذا بالشتاء أما بالصيف اكيد بيزيد علشان الجلسات الخارجية .. تعليقي على موضوعك، اقتباس:
غالباً جميع المنافسين ببريدة لاتقل اسعار الغرف الخاصة عن 50 ريال للساعه، وبعضهم مقسم الغرف 3 انواع، عادية بـ 50 ريال متميزة بـ 100 ريال للساعة VIP بـ 150 ريال للساعة هذا للغرفة غير الطلبات، اقتباس:
10 ريال للاعب الواحد خلال ساعة أي قيمة تشغيل طاولة البلياردو 20 ريال للساعة لأنه اكيد ماراح يجي احد يلعب لوحده اقتباس:
10 ريال للاعب الواحد خلال ساعة يعني قيمة تشغيل البلاي ستيشن 20 ريال للساعة تشكرآآت، |
اقتباس:
اقتباس:
هلا فيك يا اخوي وشرفتني بتعليقك على موضوعي وزادتني تعليقات على محاور موضوعي شرف لي واحب اشكرك على ذوقك الرفيع في سرد موضوعك إذا كنت جاد وعندك راس مال الله يوفقك بإذن الله كل شئ يهون اما مسألة الارباح الخياليه فلا تعتمد على غيرك كل إلي عليك تهتم في المظهر الجوده الاداره وبإذن الله ربحك يجيك لحدك واي استفسارات اخرى انا تحت امرك عزيزي تقبل تحياتي وودي |
لآ هنت يآ بطل ..
آخذت منك آغلب الدرآسة وبآقي الآهم .. لك ودي يآ الغآلي |
الساعة الآن 01:09 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين