تكلفة كوفي شوب ( حساب تقريبي من ذو خبره)
السلام عليكم كيفك يا اعضاء وزوار المنتدى اليوم ان شاء الله راح اقدم لكم اخر دراسه تقريبه لمشروع الكوفي شوب ولكن اي غلط او قصور يا ليت ترشدوني إليه في الحقيقه انا اتميت في استيجار موقع ولكن للأسف بعد ما جينا نكتب العقد قال تأجر يا الله عاد كل واحد يأخذ رزقه معلومات من اصحاب الخبره مساحة المحل كبرت ام صغرتك تقريبا تكلفتها متقاربه نبدا وعلى بركات الله اول اشئ فكرة ابحث عن دخل دون مواد او بالاحرى مكونات فاستنتجت افكار مقتبسه من كفهات وجمعتها بالكافي إلي كان ببالي 1/ جلسات خاصه عددها 2 تكون غرفه مغلقه مكونه من جلسات راقيه ومن شاشه بلازما الربح أ/ 10 ريال للساعه ب/ إضافة ريالين لك طلب يطلب 2/ بلياردو عددها 1 ويكون لها مكان مخصص وتكون بعيده عن الجلسات الخاصه والجلسات العاديه لعدم الازعاج الربح 10 ريال للساعة 3/ بلاستيشن عددها 3 ويكون موقعها مقارب لطاولة البلياردو لان هالغرضين هدفهم واحد إزعاج خخخ الربح 10 ريال للساعة ***** لنفترض بأن كلا من هالاشياء استعمل ساعه الغرف الخاصه 2 * 10 = 20 ريال البلياردو 1 * 10 = 10 ريال البلاستيشن 3 * 10 = 30 ريال المجموع الكلي 20 + 10 + 30 = 60 ريال خلال ساعه فقط وانتوا احسبوا اوقات الازدحام ***** الان نحسب التكاليف ويكون في المعلوميه بانها مبالغه ونصيحه اي مشروع تبدون فيه بالغوا لان ما تتدري وش راح يواجهك في منتصف او اخر المشروع مساحة الموقع 200 تكلفة الدهانات 25 الف تكلفة الجبس 20 الف تكلفة الارضيه 25 الف ديكورات مطوره 5 الالف تكلفة الكهرباء 8 الالف تكلفة المطبخ 15 الف تكلفة القزاز 10 الالف تكلفة الابواب 3 الالف تكلفة الجلسات الخارجيه 4 الالف تكلفة دورات المياه وانتم بكرامه 10 الالف المجموع الكلي 125 الف ريال ***** تكلفت الاجهزة والاغراض والدعايه 2 شاشات بلازما 4.000 ريال 4 شاشات بلازما 12.000 ريال 3 تلفزيون 2.500 ريال 3 بلاستيشن 1.200 ريال طاولة بلياردوا 7.500 ريال مكينة كابتشينو @ 2 مكينة سلاش 13.000 ريال 2 طواحين للقهوة 1.000 ريال دعاية كاسات 5.000 ريال قهاوي 8.000 ريال 10 جلسات 30.000 ريال مكينه الكابتشينو ثلاث عيون فيه بـ 27.000 ريال وهي الافضل وفيه بـ 16.500ريال ولك حرية الاختيار المبلغ الاجمالي 84.200 ريال غير ماكينة الكابتشيو العمال سكن عمال 5.000 ريال فيز عمال 8.000 ريال استقدام عمال 12.000 ريال المبلغ الاجمالي 25.000 ريال واعيدها للمره الثانيه تم اختيار افخم شئ من الديكورات والاغراض واكثر الاشياء مبالغ فيها ولكن ممكن تنقص من شئ وتذهب لشئ ثاني تكلفة الكوفي شوب الذي تم الدراسه عليه 261.200 ريال وللمعلوميه الافضل التكلفه تكون ما بين 200 الف إلا 300 الف يا ليت اكون قد خدمتكم في التكلفه التقريبه ولكن يا ليت كل شخص يريد الاقدام بأن يهتم في الكوفي شوب من جميع النواحي ولو يكلف إلي يكلف الاسباب إجبار الزبون العوده مره ثانيه لما رأه من إتقان في الديكورات والعمل وبالتوفيق للجميع وتقبلوا تحياتي عالم القهوة |
هذا الي محببني فيك ياصديقي مواضيعك تضرب في المخ مباشرة هههههههههه
على فكرة وش أخبار الأرتواز |
جزاك الله خير
ينقل للقسم المختص |
يعطيك العافية
|
اقتباس:
شكراً لك يا عالم القهوةعلى مواضيعك ذات القيمة والفائدة |
المشروع روعه بس يعتمد على الموقع والمدينه ..
خلني انتقد شوي عطني جوي :d اول شي التكاليف مرتفعه شوي غير كذا المحل ايجار يعني لو المحل لك عادي ضبط فيه الي تبي وماانت خسران لأنه لك .. :Looking: غير كذا ماحطيت في بالك ممكن مايكون فيه اقبال زي ماانت متخيل غير مصاريف العمال ورواتبهم وايجار المحل يعني هاذي الفتره لا تنتظر ربح خلال 3 سنوات او ممكن تزيد .. :c عندي تساؤلات هنا .. فيه قسم عوايل ..؟؟<ترا مو مكسبك الا الحريم كل مااروح سعد الدين نادر الاقي رجال كلهم حرريم وبنات ومعهم صديقاتهم يعني انصحك تفتح قسم عوايل دامك بتحط بلايستيشين عيالهم يلعبون وهم يجتمعون:d ثاني شي ليه ماتحط خدمة توصيل عشان تتميز عن الباقي ..؟ <<= راح تربح بوقت قياسي ثالث شي ماذكرت اي شي عن التشيز كيك والكوب كيك والدونات وقطع الشوكلاته الي مع الكوفي ..؟؟:y امم بعد في نقطه ماذكرتها وهي مهمه المنيو القائمه تبع الكوفي طبعا مع الصور:confused: ___________________________________________ طييب بقولك الي ببالي واحسه ينفع وممكن يدخل ارباح اكبر .. قسم المكان اذا مساحته كبيره 3 اقسام قسمvip الي هي الغرف المغلقه بحواجز وقسم مكشوف وقسم عوايل.. وانا اشوف ان قسم vip في نظري مو مربح لأن تواجدهم اكثر شي في كوفيهات الفنادق لاكن انت ادرى بالمكان .. والديكور لا تخليه مكلف مررره اهتم اكثر شي بالاضــــاءه وشوي اشجار تزين المكان وخل اثاثه مودرن :Thumbs: واممم وش بعد .. وبس هذا الي طلع معاي عاد اذا طلع شي بجي اقوله :d واي اسئله احنا في الخدمه .. ومبروك مقدماَ والله يوووفقك وييسرلك.:w, |
اقتباس:
نحمد الله على ما عطنا وربك كريم يا الغالي |
اقتباس:
وهذا من واجبك يا الغالي والله يعينك ويقويك اقتباس:
ومشكور مشاركتك لي اقتباس:
ومن ذوقك هالكلام الرائعه وتشكر عليه استاذي وإن شاء الله الكل يستفيد ولا تحتاج منكم غير الدعاء لنا |
اقتباس:
اقتباس:
مشكوره على التعليقات والانتقادات المفيد والله العظيم شئ ممتع إذا احد جلس يعدلني او ينصحني للاني استفيد بإذن الله ونفيد إلي يبي الفائده :Thumbs: |
بس اخوي كم مساحه المحل ,, والسعر تقريبا للايجار السنوي كم راح يكون كحد اقصى
|
الساعة الآن 02:38 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين