دراسات جدوى مجانية من الاف الى الياء
 

الله يجزاك كل خير ويجعلها في ميزان حسناتك

هناك مثل يقول لاتأكلني سمك ولكن علمني كيف أصيد

وهنا اذا تستطيع طرح موضوع تشرح فية طريقة إعداد الدراسة نكون لك من الشاكرين

وفي الأول والأخير أنت ماقصرت وبيض الله وجهك

سعودي محروق :


بيض الله وجهك ،،،


وجزيت أعالي الجنان إن شاء الله ،،،


http://4.bp.blogspot.com/_P1-sH7-B89...9%83%D8%B1.gif

صح لسانك يابن الهيلا
ولو بغيت استاجر قطعة ارض ب 100.000 لمدة 15 سنه وبنا يتها تكلف 1.500.000 اجار الشقق 25000
عطني الله يسلمك دراسة الجدوى وشكرا

جزاك الله كل خير
انا من الذين يحتاج دراسة الجدول
عندي مشروع تقدمة به الي المنشأة الصغيرة والمتوسطة
طلبو مني دراسة جدول وانا لا اعرف كيفية إعداده وأرجو منك شرح لي كيفية أعداد الجدول أو
مراسلتي على الاميل بعد الموافقه منك

حياك ابن الهيلا

ولا يهمك

اولا
تبدا من دراسة السوق
وتترتب على :
1-العملاء
2-المنافسين
3-المنتجات والاسعار
4-الموقع
5-الترويج

ثانيا
الدراسة الفنية والمالية
وتترتب على
1-احتياجات المشروع من مصاريف تاسيس
ترميم ,تكييف,رسوم حكومية,ديكور الخ
2-احتياجات المشروع من راس المال الثابت
اراضي ,مباني ,الات ومعدات,اثاث,تجهيزات مكتبية,اجهزة حاسب الخ
3-احتياجات المشروع من تكاليف التشغيل النقدية
الايجار,مواد الخام.البضاعة؟اجور ومرتبات,الخ
4- احتياجات المشروع من الكوادر البشرية
5-احتياجات المشروع للمنافع العامة
6-مصروفات التسويق
7-التكلفة التقديرية للمصاريف الادارية والعمومية
8-التكلفة التقديرية لمصرفات الصيانة والاصلاح

ثالثا
الايرادات
اسم النتج -وحدة القياس-كمية المبيعات الشهرية*12*سعر بيع الوحدة=الايرادات السنوية بالريال

رابعا
الدراسة المالية
وتعتمد على
1- حساب اجمالي تكاليف التشغيل السنوية:
ا-تكاليف تشغيل غير نقدية مثل اهلاك الاصول الثابتة,اطفاء مصروفات التاسيس،
ب-تكاليف تشغيل نقدية مثل الرواتب ,البضاعة ,مواد الخام الخ

2- تكلفة الكلية للوحدة والاسعار النهائية

خامسا
الدراسة المالية السنوية
وتعتمد على
ايراد المبيعات-تكاليف المواد المباشرة-تكاليف العمل المباشر=الربح الاجمالي
الربح الاجمالي-التكاليف التشغيلية-الاستهلاكات السنوية-مصروف اطفاء مصاريف التاسيس=الربح الصافي قبل الزكاة

اتمنى تكون واضحة للجميع

كم مساحة الارض وكم بيكون فيها وحدة وكم يكون سعر الاجار للوحدة

بصراحة انا اعتمد كثير على برنامجهم
ولايهمك راسلني عالخاص

جزاك الله خير وبارك الله فيك
وهذا من عمل الخير

بيض الله وجهك وتستاهل الخير

يعطيك العافية

يعطيك العافيه
ابغى فكرة مشروع بقدمه على جهات تمويل
وحاليا افكر في مصنع للحجر والبلك والجبس
وشرايكم

المصانع حلوة بس لو تبعد عن البلوك
وتخليها حجر وجبس
لان حسب معلوماتي ان القرض من بنك التسليف
لايتجاوز 200000

مشكور على هذه البادرة ........

بس ليش اسمك سعودي محروق المفروض سعودي مزيون ........

أفكر في محل لبيع الأحبار وتعبئتها ناقصتني دراسة ومعلومات حول الموضوع ....... الرجاء الافادة .

ماسبق اشتغلت في هالمجال
بس انت ابداء اجمع الاصناف الي راح تبيعها واسعار المنافسين
والموقع
بعدين خذ تسعيرة من الموردين
وبعدها نقدر نسوي الدراسة بسهولة

ماشاء الله
الله يجزاك خير

ومن يقول

بارك الله فيك

الله يسعدك اخوي

طيب و دراسة مطعم بروست وش رايك ..؟!

طيب
اجمع معلوماتك
المكائن والتجهيزات
المواد المستخدمة للانتاج

سعودي محروق الله يسعدك يااارب دنيا وآخره وحرم الله اياديك على النار.. قليل بل ننادر نلاقي احد يسوى شيء بدون مقابل خاصة دراسة المشروع ..

انا لي فتره ابي اقدم على باب رزق والله ماااردني واخرني غير دراسة الجدوى خاصة نموذج باب رزق تحديدآآ

عندي النموذج على ايميلي مصور من ورق ..

المهم اخوي انا مشروعي عباره عن ((تجاره عن طريق الانترنت ))خاصة عطور اكسسوارات شنط يعني اشياء للبنات ..اشتريها بالجمله وابيعها ..

ابي القرض 3 الاف فقط يعني دعم مشروع صغير..

صغر المشروع صعب علي الدراسه !!

والله ماااعرفت اكملها افتح واقفل لي فتره وعلى هالحال اذا تقدر تساعدني بدراسة المشروع البسيط بكون شاااكره لك طول عمري وخدمتك بتكون جميل بحياتي ما انسااه..انا اعرف الاشياء الي احتاجها والي ابي اسوقهاا واقدر اخمن الاسعار او تكون تقريبيه ..

لكن الدراسة فيها المنافسين مثلآآ ايش اكتب يعني من ينافسني بمشروع بسيط بالبيت !؟

وغيره غيره من البنود الي ماعرفتهاا..مع العلم اني عبيت استماره التقديم وقلت اذا الله وفق بقدمها باقرب فرصه بس باقي الدراسه..

اتمنى ترد علي اخوي سعودي ربي يحفظك ..

اخوي سعودي مااقدرت ارسل لك خاااص ..

وشكرآآ لك..

السلام عليكم

شاكرة لك اخوي جهودك .. وجزاك الله كل خير ..
انا حابة افتح مخبز خاصة ان الحي اللي انا فية مايوجد فية مخبز .. لكن مااعرف وش لازم اسوي .. احس اني تايهة ومااعرف من وين ابتدي وباقي ماشفت مكان مناسب اخطط علية ..
يعني كم احتاج قرض ؟ كم عامل ؟ كم من الادوان اللازمه ؟ كلها مااعرف احسب لها وانا ماقد دخلت مشاريع ابد .. وراح اكون انا وخوي مشتركين ..
فكرت بعد في مكتبة ومااعرف وش افضل ..
طولت عليك .. جزاك الله كل خير ....

الله يوفقك وييسر امرك
مو مشكلة ارسلي الملف او راسلني عالخاص ويصير خير

من وجهة نظري ان المخابز مجدية اكثر من المكتبات
لان المخابز الطلب عليها يومي
بعكس المكتبات موسمي
وبعدين لازم يكون عندك تخييل للمخبز كيف راح يكون ويش المنتجات الي راح تقدميها
عشان تسهل عليك كم تجيبي ادوات وعمال وحساب القرض

يعطيك العافية

السلام عليكم

بعد اذن صاحب الموضوع ,,,

اخوي سعودي محروق بسألك عن موضوع مشاريع المنتجات البتروكيماوية التابع لصندوق المئوية , انا بصراحة اغرتني الاعلانات واعرف مهندس يقدر يتفرغ للمشروع , سؤالي هو هل عندك اي خلفية عن هذه المشاريع من دراسات او اي شي ممكن يفيد (غير الموجود بالنت) , لاني ناوي اقدم عليهم بس ماعندي اي فكرة عن متطلبات مصانع البلاستيك.

وشكرا

الدراسات بسيطة بس تاكد من المعدات
وفقك الله

مافهمت عليك اخوي , والمكاين والمعدات هي زبدة المشروع بس وين نلقا الزين!!

هل هذي المشاريع فيها نسبة مخاطرة كبيرة ؟؟

واذا تعرف احد يسوي الدراسات ومضمون وحتى لو بفلوس ؟؟

جزاك الله خير
وفق الله الجميع

وفقك الله ورفع قدرك وابشر بالاجر والمثؤبه من الله
عبدالله بن عمر http://forums.ozkorallah.com/images/smilies/radia.gifما أن رسول الله http://forums.ozkorallah.com/images/smilies/sallah.gif قال :
( أحب الناس إلى الله أنفعهم ، وأحب الأعمال إلى الله عز وجل سرور تدخله على مسلم ، أو تكشف عنه كربة ، أو تقضي عنه دينا ، أو تطرد عنه جوعا ولأن أمشي مع أخي المسلم في حاجة أحب إليّ من أن اعتكف في المسجد شهرا ومن كف غضبه ستر الله عورته ومن كظم غيظا ولو شاء أن يمضيه أمضاه ملأ الله قلبه رضا يوم القيامة ومن مشى مع أخيه المسلم في حاجته حتى يثبتها له أثبت الله تعالى قدمه يوم تزل الأقدام
وإن سوء الخلق ليفسد العمل كما يفسد الخل العسل )

الله يبيض وجهك ياسعودي محروووووق
عز الله انك كفووووووو

السلام عليكم

أحتاج دراسة جدوى لمشروع بيع أدوات منزلية وتحف

يعني لازم اخذ منك فلوس عشان تحس ان الدراسة مضبوطة
اخوي ان قصدي ان تصنيع البلاستيك مجال واسع جداا يدخل تحته عشرات الصناعات
والمعدات تعتمد عالمنتج الي انت راح تصنعه
وبالنسبة للتصنيع نسبة لمخاطرة فيه ضعيفة
بس اهم شي التسويق

ووجهك اخوي فهد