حلول البطالة Unemployment Solutions - سنة واحد وبعدها لاتلومون الاانفسكم يامسؤلين؟

يارجال .. ليتنا نتوظف ونستر علىا نفسنا ونعين اهلنا .
الخوف انها تطول ضايقه وتجبرك على الشحته الله المستعان .
والذي نفسي بيده . عملت معروض ودخلت فيه كنت قاصد امير منطقة المدينة المنورة . وولاسف قابلني وكيله.
وقابلت وكيل الامير بالاماراه وخبرته عن الظروف وان لايوجد موظف بالعائلة والتمس مساعدتك بالتوسط لي لجل اتوظف وظيفه حكوميه اعين اسرتي بها وابني عليها مستقبلي . كان رده كالآتي:-
والله مانقدر نجبر الدوائر الحكوميه توظفك
قلت له مو اجبار بس لجل ظروفي لو تتوسط واسطة خير .
قال والله مانقدر تبينا نرسلك على مكتب العمل .
قلت له مكتب العمل رواتبهم 1500 ريال ولا تسوي شي انا شغال الان كرف اطلع قرابة 2 الفين شهرياً وماني قادر اجمل مصاريف العائلة ومصاريفي وجيتك ابي ارتاح واستر على اسرتي بوظيفه حكوميه ومنها اشوف مستقبلي.
قال ماعندي غير مكتب العمل أو الجمعيات الخيرية تبيني ارسلك على الجمعيات!!
قلت له[ ماجيت اشحت ياطويل العمر انا بعافيتي وبصحتي وابي فقط وظيفه اكل من تعب جبيني فيها بالرزق الحلال] وانا معي شهادات ومؤهلات ولله الحمد
قال طالما عندك عزة نفس خلاص مابيدي شيء.!!
قلت له حسبنا الله ونعم الوكيل . وخرجت .
اقسم بمن خلق السموات حسسني انه لو وظفني بيعطيني الراتب من جيبه!! حسبنا الله ونعم الوكيل بس.
ربك يعين يارجال
تحيتي