بسم الله الرحمن الرحيم

مسآء الخيـر ع الجميــع .. وأأأأه يا سيقآني تعبت من الوقوف اليوم << طلعت من المقـر على عملي في الفندق سيدا


اليوم كان عندي موعـد في أمن المنشآت في مكة المكرمة / طبعا السآعه 7 صبآح طلعت من البيت وصلت عندهم 7:30

وشفـت طابور عمر أهلي ما شفــت مثله .. من طول الطآبور بغيـب اشـرد


المهم / كلنا صافين طابور ورى بعـض والحركـه كانت بطيئه من قوة الطفش قمـت اعد كم نخله بيني وبين البوابه الرئيسيه .. وقمـت اقول ليش راعـي اللكزس يجي يقدم وليش راعـي الشبح شآيف نفســه وليش الشآيب يوزع مويـه ع الواقفين < هواجيس

لين جاء الفـرج .. وقسمو الطابور الطوويل إلى 3 طوابيــر ..
قبل لا تدخل من البوابه الرئيسيه يتاكدون من وجود اسمك فالكشـف .. وتدخل تجلس في مكان انتظار النسسسآء << الله يفشلهم

طريقتهم اليوم مختلفه عن الي قالها اخونا في الله أمس ..

كل شوي ياخذون صـف وبعدها يقومون حق ابو ربع سآعه يرتبون الجالسين وهاتك يا امتحان وناس ما تفهم .. وعسكري يصارخ

المهم / السآعه تقريباً 4 العصــر دخلت داخل المخيــم الي يكشفون فيه عن الطول والوزن
وماهو مهم البس الريآضي وماهو مهم البوتـ وماهو مهم انك تحلق شعــرك متساهلين في الامور هذي .. حتى الي ما طبع الكشـف هم يعطونك كشف فاضي تسجل فيه بياناتك .. وهم يدبسون لك صورتك .. قبل تدخل المخيم الاول .. ياخذون منك الاستمآره وبطاقة الاحوال ..

وتنتظر داخل المخيم .. لين ينادونك تصف طابور عند وترفـع البنطلون تطلع سآقك ولو كنت لابس شراب .. تفسخـه .. اهم حاجة عندهم الطول يكون 168 .. والوزن يكون مناسب ناس كثير ردوهم وطولهم 170 و173 لان وزنهم غير متوافق مع الطول ..

طريقـة حساب الطول مع الوزن .. حسب الطول مثال طولك 170 .. اعلى حد للوزن 90 واقل حد للوزن 50 .. تزيد عشرين وتنقص عشرين ..

بعدها .. تصف طابور عند النقيــب .. الي اجتاز الطول والوزن يعطيه الاستماره ويروح المخيم الثاني عشآن يدققون الاوراق والشهآدات .. اهم حاجة تجيب البطاقة الاصليه والشهآدة الاصلية + شهادة الثانوية الاصليه ..
ناس طولها 167.9 ردهم النقيـب دقيق فالطول والوزن


اول ما تجلس عند اللجنة التدقيق .. يطلبون الشهادات والبطاقه .. واذا معك شهادة الكلية يسالك عن السجل الاكاديمي .. كـ / سؤال بديهي عشان يعرف كم ترم درسـت فالكلية ..

بعدها يقولك .. هل تقبل بالتعيين في اي مكان من المملكة ؟
اذا قلت ايه يكتب لا مانع لدية .. ويقولك خلال اسبوعين تجيك رسالة ع الجوال تراجع الموقع وتجيب معك الطلبآت الي فالورقـه الي يسلمونها لك قبل لا تقوم من عندهـ


ويعطيك علم .. ان مدة المقابلة الشخصيه + الكشف في الريآض 3 أيام عشآن تاخذ احتياطاتك


رحـت عند المقـر الساعه 7:30 طلعت من عندهم السآعه 5:40 مسآء


ملاحـظة كل ما جيت بدرٍي تدخل بدري .. وكل ما قدمـت فالكرسـي من غير ما يشوفونك تدخل بدري
والواسطـه تشوفها تمشي قدام عينك وانت تضحك


الخلاصه /
* الي طوله 167 وزياده شوي ووزنه حلو .. يمكن يعـدي اذا طول في نفسه من غير يبين لهم
مع انهم مشددين .. بس يمكن ربك يجيب الفرج
* لا تشيل هم اي شـي متساهلين من ناحية اللبس والشعـر والحذاء وانتم بكرامه
* الي ما طبع الاستماره .. هم يوزعون استمارات داخل


[ دعواتكم ان الله يسهل علي يوم الثلاثآء مقابلة الامن العام ]

واي استفسآر انا حآضـر ان شآء الله