يوميات آمن المنشآت "المرحلة الرابعة"
 

السلام عليكم

طلعت موضوع خاص للمرحلة الرابعة
عشان نتواصل فيه .. ونعرف كل واحد ايش حصل له بالمقابلة الأولى والثانية
ولكي يستفيد الجميع ..اتمنى التواصل ..ولأحد يبخل علينا بالمعلومات .. .. والله يوفق الجميع


تحيـــاتي لكم

انتهى التسجيل؟؟؟؟؟؟؟؟؟؟؟؟؟؟

مشكور اخوي على الموضوع
..............................
الحمدلله انقبلت قبول مبدئي
لكن عندي استفسارات عن طبيعة العمل في المنشأت
انا معي دبلوم حاسب الي (سنتين ونص)
ماهي الرتبة المتوقعه ؟؟
واين سوف يكون مكان العمل ؟؟ (من سكان الرياض)
أرجو الرد من احد الاعضاء

وشكراً

رتبتك راح تكون عريف

مكان العمل لا أعرف لاكن في المدن الواسعة الرياض جده الشرقية ينبع وهكذا ,,,

هل الحضور بالزي الرياضي عند المراجعة للكليةاول يوم?

ماهو ضروري الحضور بالزي الرياضي اول يوم..,

راح يكون اول يوم كشف طبي فقط.....

ثاني بوم لازم الحضور بالزي الرياضي


والله يوفقك

شكرا هوواووي وبكيفي

اتمنى التوفيق للجميع

امن المنشآت قطاع يحمي المنشآت البتروليه

ميزته في رواتبه

للجندي حواي 5000آلاف
والجندي اول 5500
والعريف 6000
وهكذا

اما طبيعة العمل ماعني خلفيه

امن المنشآت مو شرط طبيعة العمل في المنشآت البترولية فقط

الآن سوف يتم حماية جميع منشآت الوطن مثل المحاكم والوزارات والمستشفيات .. يعني بالعربي ( رجل أمن ) لكن بمسماها الجديد وهي أمن المنشآت

المعذرة ياجماعة سوف اسهب واتحدث في الرد لأني قدمت في المرحله الثالثه ولم يتم قبولي

طبعا ً شروطهم واضحه في الموقع وليس ضروري الحضور بالزي الرسمي .. لكني افضله لانك سوف تنتقل من مكان إلي آخر .. ( بالثوب ممكن تطفش وتتعب .......... الخ )

اهم شروطهم يكون الطول والوزن متوافق يعني طولك 175 وزنك لابد يكون من 70 إلي 76 .. وهكذا

ايضا الكشف الطبي .. المهم جدا النظر لايقبلون العدسات اللاصقه لانه يكشف عليك بكشاف صغير ورح يتفح عينك ويطالع فيها بتدقيق ..
سوف تنتقل لعيادتين جراحيه وباطنيه ونفسيه كشف طبي عادي جدا ..

لكن الكشف الطبي المهم هو في الاشعه وسحب الدم بعض الاخوه نسأل الله السلامه لايعلم انه يعاني من بعض الامراض الوراثيه مثل تكسر في الخلايا او سكر .. ومع الكشف الطبي يتبين كل شئ

ايضا ً لاننسى اختبار اللياقة البدنيه

اتوقع عدم قبولي لأن لياقتي ضعيفه كانت ولم احقق مركزا طيب

لأنهم يطلبون منك تلف الملعب مرتين في 3 دقائق و 40 ثانيه

وعليها 100 درجه ..

فالحذر اخواني


والله يوفقنا وإياكم لكل خير يارب العالمين

اخوي عاطل مثقف ...الله يجزااك خير على هالمعلومات
والله يعوضك في وظيفة احسن آمن المنشآت ..


وبالتووفيق لبقية الأخوة ..وارجوا التواصل معنا ..لإطلاع الجميع على الجديد


أنا موعد مقابلتي يوم الأثنيـــن

قبول أفراد الفرقة الموسيقية للكلية متى ياشباب

اخواني سؤالي كم شخص يقبل في كل مررررررررررحله؟
علما اني جامعي ومقدم بشهادتي الجامعيه""

بالتوفيق للجميع
وألكل ينتبه من الكشف الطبي لايتهاون فيه فهم يدقوون على حاجات بسيطة
مثل سلامة الاسنان فكونوا حذرين وعلى يقظة من ذلك

طيب اناوزني 83 والطول 177 كيف الوضع لياقتي جيده
والموعد السبت والاحد وكيف لو اروح الاحد بس

أخوي مربع الخليج الطول 177سم والوزن 83 كجم
طولك ووزنك مناسب جدا
لكن على الموعد لازم تروح لهم في نفس اليوميين مو تتخلف عن يوم وتحضر اليوم الثاني

اانا طولي 172 ووزني 56 شباب اروووووح ولا ما اروح موعدي معهم السبت والاحد معك يا اخي مربع الخليج

السلام عليكمطيب الحضور الساعه كم عندهم

الحضووووووووووووور الساعه 7 صباحا"

هل صحيح الحضور الساعه 7 صباحا والخروج الساعة 9 مساءا

مربع الخليج انت موعدك السبت والأحد
رح لهم من يوم السبت ..وياليت تعلمنا وش يصيرمعك

أنا موعدي يوم الأثنين والثلاثاء

ياجماعة الخير الحضور الساعه 12 الا ربع

وتقريبا وقت الخروج الساعه السادسه مساءا ً

وإلي وزنه متقارب لطوله يروح ياجماعه ولايتعب نفسه ويسال

المهم يكون اكثر من 169

توكلو على الله وإن شاء الله خير

أنا موعدي بكرا وحروح ان شاء الله ..

174 والوزن 58--------->> محتاااااااااار

السلام عليكم
تكفون يا شباب ابي استفسر عن الكشف الطبي هل يدققون في النظر او لا واللي يلبس نظاره هل ممكن يعدي الكشف ارجو الرد .
ولكم جزيل الشكر .

حتى انا اخوي خايف من النظر النظر عندي 6 على 9 والدفتر الوان مسبب لي ازمه نفسسسيه من جد وطولي 169 بس اني خايف من النظر المرحله الاولى والثانيه ما هم متشددين بس المرحله الثاله يقولون نفضوووووووا الشباب نفض اعرف واحد قدم يقول ما خلو شي ما كشششفوا علييييييه بس يمكن المرحله هذي متساهلييييين انا كشفي يوم الثلاثاء ومترردد من فحص النظر اروح ولا لا اللي يكششششف يجي يعلمنا وش صار يا شباااااااااااب ضروري

شباب الي عنده النظر يبي يقولون له سوي ليزر ويحطونه نواقص يعطونك فرصه اسبوع بالكثير روح على طول سويها وتعال تكلف حوالي 7 الاف شغل نظيف

شاب الحضورمكتوب في الموقع الساعه 7صباحا

علماً بأن موعد الحضور في تمام الساعة السابعة صباحاً وستخصص البوابة الشرقية لدخول الطلبة

الله يووفق الجميع

اخوي عاطل مثقف جالس يتكلم عن المرحلة الثالثه
كان الدخول 12 ظهرا ... وكان فعل ماضي

يعني انتوا يااهل المرحلة الرابعة
اتمنى تتوجهون حسب ماهو مكتوب بالموقع
7 كانوا متواجدين .. ولا أحد ينسى اوراقه

خبرونا وش يصير معكم ...

اخواني
طيب بالنسبة للكشف الطبي انا في المرحلة الاولى انقبلت وسقطت في فحص الدم
اخوكم عنده انيميا منجلية
رغم ان طولي وجسمي ولله الحمد عال العال
المهم انقبلت الان مرة ثانية ومتردد من الروحة خصوصا ان عندي انيميا منجليه هل هناك حل لهذه القضية ؟؟؟

للأسف دام رفضت بالمره الأولى اكيد بترفض بالمره الثانيه
لأنه هذا مرض مزمن ولا له علاج مثل ضعف النظر الأن تقدر تسوي عملية
او الوزن تقدر تسيطر على الوزن بالزياده الو النقصان ..لكن اذا كان الدم ..ماعتقد راح تنجح


الله يوفقك بوظيفة ثانيه غير العسكريه ..لأنه كلهم مايبون فيك امراض وراثيه

مشكووووووووور والله يوفق الجميع

ماودي أحطمكم بس

المشكلة اللي مثل حالي بيتعب من لفت الملعب

أذا أخوي بالمرحلة الثالثة جاك يكح يكح وهو نحيف

عاد كيف أنا مشاء الله عريض شوي

الله يعين بكرة ويسير خير

والله يوفق الجميع

ولا تيأسون

أخواني أبي أقول معناتي بالتقديم والظروف اللي انا فيها طبعاً عاطل من سنه كتب الله اني انقبل بالمرحله الاولى رحت لصيدلية الكذب وقست الطول بالجهاز اللي عندهم طلع الطول 167قلت في عقلي زين هالطول بس اشد نفسي واعدي بالطول بس كنت شايل هم واحد اللي هو خشتي خايف يردوني وطبعاً الوالد فرح ونص التقاعد اعطاني إيه كان في عقله اني اتوظف وأعوظه من الحاله اللي حنا عليها وكنت انا اتمنى هذا الشيء لكن من اول يوم قضبوني الباب رجعت خايب وبعدها فكرت اسوي خشتي حتى ارتاح في اي تقديم وكان السبب الرئيسي شابوره اكلتها واثرم السن وتغير ملامح وجهي المهم قلت عند الوالده الله يطول عمرها وباعت اغلى ماتملك ذهبها ورحت لمستوصف وسويها خلال شهر كامل ومعناه مراجعات الضحى وبعد صلاة العشاء وكان النتيجه ولله الحمد ولد مزيون وسمعت بالتقديم المرحلة الثانيه وسارعت بالتقديم وانقبلت مبدئي وكان من شروط القبول الطول 165 قلت خلاص جاتني الوظيفه واقص التذكره طيران ذهاب والاياب ماحددت المهم دايركت من المطار للبطحاء واول يوم اروح للكليه كان مو مثل قبل في تنظيم وعديت بفرز الاوراق وبداء الكشف الطبي عديت بالطول وبدا بالكشف على النظر عديت وبدا بالكشف على ضغط الدم عديت بعدها حاطين واحد يكشف على الاسنان وكان قدام واحد يترجاه ويقوله عديني وانا اسويها والظاهر انه رده وانا عديت من عنده بدا سحب الدم انسحب مني بروازين وبعدها ياخذون عينه من البول وبدا الاشعه وخلصت بعد المغرب وقرب العشاء طلعنا باقي ثاني يوم وربي ذاك اليوم مارقدت زي الناس خايف انهم يردوني واجيهم ثاني يوم لافطور ولا شيء كان مالي نفس ابي اعرف انقبلت ولا لا وبعد الانتظار والتعب اكثر من اربع اشخاص رجعوهم طلع فيهم مرض اسئال الله يشفيهم ويكتب لهم الرزق وانا انقبلت باقي الكشف الطبي 2 والمقابله الشخصيه 1 و 2 خلصت المقابله الشخيه 1 وسويت الكسف الطبي 2 ومن ضمنها باطنيه يخليك بالسروال النص بعدها يكشف عليك يشوف فيك فتاق المهم عديت بقي الكشف النفسيه تمشيء قدامه وانت بالسروال النص وعديت بعدها بقي الانف الحنجره عديت هو يشوف فيك لحميه واهم شيء في ثاني يو نظف الاذن حتى مايردك وبعدين تجيهم ثاني يوم وتاخر بعدها واروح المقابله الشخصيه 2 ومن ضمنها يسالك ويركز على نطقك لو كنت تنطق الراء صح او السين يقولك قول 444 أو 666 ولو كانت فيك بحه في الصوت يردون عليها ولو كنت تكلم سريع يردونك عليها كل هذا في ورقة الكشف ويعطيك عليها درجات وبعدين يختارون الافضل يبقى البصمات وخلصناها تقريباً من قبل العصر لـ قبل المغرب وانا ماسك سرا وخلصت المهم بقي الياقه البدنيه هي مرحلتين المرحله الاولى يشوف انت تقدر تحني ظهرك في التقديم الاول تقف فوق صندوق وتمسك مسطره ولا تحني رجلك تنزل المسطره تحت وشوف كم وصلتها ويكتبها لكن في المرحله الثانيه غير قدامك صدنوق وفيها حديده على شكل مربع وانت جالس شاد رجلك تدف الحديده بدون ترخي رجلك لازم تكون مشدوده ويكتب كم وصلتها وبعدها يبدا الهروله الظاهر والله اعلم انها 800 متر تلف الملعب مرتين وبعدها تعطيهم الرقم اللي مسلمينك إياه وتخرج وكانت من الجري مااقدر امشي جاني شد قلت يالله نتعب من البدايه ونرتاح بالاخير واتصل على الخطوط ابي احجز كان مالي مكان المهم وارجع بالنقل الجماعي معناه تعبت وانا جالس اكثر من 13 ساعه والمهم اول ماوصلت للبيت بدفتر الطلب فرحان واعبيها واروح لشيخ يوقع وانتظر متي يطلع الارقام والنهايه ماانقبلت وكل هذا رزق والحين خلاص قنعان من اني انقبل وافكر اكمل دراستي والله يكتب اللي فيه الخير


ونصيحتي للي مقدمين لو كان طولك مو 168 أو نطقك مو سليم لاتتعب نفسك راح يردونك

اخوي عاطل باطل انشا الله انها خيرة لك
انا نفس الطريقه مشيت في كل حاجه
ومريت بنفس المعاناه اللي مريتها
اليومين ذيك ماانساها من الصباح الى الساعه 12 بالليل
بدون ولا وجبه
واختبار اللياقه البدنيه اللي كسرنا
وفي الآخر اسمي ماطلع في الجريده
كان نفسي اعرف السبب (ليش اسماءنا ماطلعت واحنا عدينا كل حاجه؟)
والله مالقيت جواب للسؤال بس على العموم انشا الله انها خيرة لنا.

نفس المعاناه ياجماعة الخير

من كل شئ عديت طولي ووزني تمام بل وافضل من التمام ولله الحمد
حتي في المقابله الشخصية الظابط يقولي بعد كل كلمة اقولها ماشاء الله تبارك الله

وحتي في النفسيه .. خليت الدكتور فاغر فمه .. بس يطالعني كبرت راسه حيل

لكن في اختبار اللياقة البدنيه ممكن ما مشيت لان لياقتي تعبانه لكن لفيت اللفتين كامله ووراي كانو كثير


فعلا السؤال ليش ما انقبلنااا


الارزاق بيد الله لكن سبحان الله

الله يوفقنا لكل خير يارب

الله يكون بالعون وانا أقبلوني قبول مبدئي وال مقابله يوم الثلاثاء
المجموعه الرابعة...... الله يكون بالعون

وعلى كلام أخوي عاطل بالطل ... شكله مومقبولين بس الله يكون بالعون والله اني خايف ،بس بتحدا وروح وشوف نهايتهم ...

واتمنى للجميع التوفيق ...

نبي اخوانا اللي اليوم طلعوا للمقابلة ..يبلغونا وش صار علااهـم

وهل هـم متشددين ..والا الدعوه تساااهيل

يا اخوان قدموا ويكتب الله لكم الارزاق

اسعى يا عبدي


بالنسبه للمقابله الشخصيه

اهم شئ انك ثقه وتحاول تقف وقفه عسكري وارفع صوتك عندما يسال عن اسمك بالمقابله الشخصيه رقم 1 اما الشخصيه رقم الشخصيه 2 يسالف معك الظابط ولا تقول مدري ما يحبونها كلمه مدري