الـكـشـف الطـبـي بـآلـدمـآم ( أمـن الـمـنـشـآت )

دعيت ربي يحقق من · #1 (**permalink**) 16-03-2010, 01:14 PM

اسعد الله اوقاتكم بكل خير

رحلتي للدمام والكشف لـ امن المنشات >> ساكن بالخبر

طول الله اعماركم طلعت من البيت الساعه 6 وربع كله من الحماس مع العلم ان الموعد الساعه 7 ونص لكن قلت اصف سرا وآخذ لي رقم بدري الموهم وصلت ولا فيه اي احد انا الاول قلت احلى كلام

المهم جا اول عسكري صبحك الله بالخير >>> مثل منتو عارفين اخلاق تجاريه وكانو انا اللوى >> رد هلا هلا كذا بدون نفس قلت اوكي وضعه خلو براحتو
المهم قلت له انا جاي الاول ارقام ولا اسجل اسمي قالي انا بنادي عليك استريح بس قلت استريح استريح
المهم تجمعو البشريه وبدا بالاسماء فلان فلان فلان فلان وجا اسمي قال بطاقتك و4 صور شمسيه قلت ايش قالي ما تسمع انت قلت البطاقه وموجوده 4 صور للاسف وانا اخوك عندي ثنتين هذا الكلام الساعه 7 وربع كذا قالي رح صور وتعال قلت له طيب خليني اخلص اموري بعدها اصور مافيه احد فاتح قالي رح صور وتعال غير ذا الكلام ما عندي تفهم قلت ابشششششر طبعاً الشباب الي حولي انواع الضحك علي ********

الموهم والله من 7 وربع الا 9 انتظر الاستديو يفتح بعد ما فتح وصورت وعلى ما انتظر الصور تطلع رجعت وصفيت سرا من البدايه جا دوري بالبدايه عبيت استماره قالي رح لهذا شفته رح له يطبق بياناتك قلت ابشر رحت المهم مالك بالطويله قالي يا محمد رح ذا الغرفه وفصخ ملابسك >> قلت لا هذا الكلام الي ما اتفقنا عليه >> الرجال كاشخ ببدله رياضه ولابس بوكسر >>بوكسر اي هاف ملون

انا مبلم قالي ما تسمع رح غرفت التبديل وفصخ ملابسك ورح لـ هذي العياده قلت ابشر ابشر رحت ويا رجال خربها هي خاربه صفيت سرا >>> الشعب كلهم هافات سنه ما ادري كيف لابس سنه وهو ببدله رياضه

والشبيبه انواع الضحك على الهاف شي جديد بنسبالهم البوكسر

اول عياده دخلت عليها الطبيب النفسي بتعاني من اي مشاكل يا محمد وحياتكم ما بعد ارد عليه الا ختم لي وقالي روح يا عم الحق
ثاني عياده الطول والوزن بصمت وشيك وختم عليها
ثالث عياده قياس الضغط
رابع عياده الانف والاذن يشيك عليها ويختملك
خامس عياده يوريك ارقام مع زحمه الوان ويقولك وشهي عشان عمى الالوان ونفسه يشيك على عيونك فتحات يقولك الفتحه هذي من وين
سادس عياده >>> هذي والله البلشه قالي ازيك يا محمد قلت له بخير يا مال الخير قالي اي اي مال الخير دي قلت له هرج سعودي ولا يكثر>> طبعاً كل هذا الي قلته انا بداخلي ابي امشي

المهم قالي مد يدك اجلس ووقف شوي الا قالي نزل البوكسر قلت اوخص يا رجال اما انزله قالي نزلو نزلو محدش بيشوف قلت له عادي عادي قالي ايوا المهم سميت بالله ونزلته وانا مغمض جلس يفعصهم ويلمس >>> معليش يا رجال ما اتفقنا على ذا الحركات عديت منه سليم
سابع عياده دقات القلب سليم
ثامن عياده عينه دم والله يعزكم بول
تاسع عياده اشعة صدر وظهر
******** طــــــــــبـــــــــــــعـــــــــآ كل المــــــــــــرآحـــــــــل وانا بالبوكسر وعند الشعب والنواع الضحك على الشبيبه والشبيبه علي

اتمنى افدتكم وهذا كل ما مريت فيه وتوني جاي قلت ماني بنايم الا اذا اضفت الموضوع

وانا حاظر لاي اساله او استفسارات انا حاظر يا شباب

تحـيآتي

أسباني · #2 (**permalink**) 16-03-2010, 01:18 PM

ثانكيوو اخوي الله يوفقك
مشكوووور
انا بـ 5/4 ورايح لهم من الجووف

سامر سلطان · #3 (**permalink**) 16-03-2010, 01:24 PM

موفق
افهم من كلامك ما ناخذ معنا اي ورقه

دعيت ربي يحقق من · #4 (**permalink**) 16-03-2010, 01:43 PM

اقتباس:

المشاركة الأصلية كتبت بواسطة سامر سلطان

موفق
افهم من كلامك ما ناخذ معنا اي ورقه

ولا حاجه بس 4 صور شخصيه والبطاقه الاصل وبدله رياضه فقط لا غير
خذ الوكاد مني

دعيت ربي يحقق من · #5 (**permalink**) 16-03-2010, 01:36 PM

اقتباس:

المشاركة الأصلية كتبت بواسطة أسباني

ثانكيوو اخوي الله يوفقك
مشكوووور
انا بـ 5/4 ورايح لهم من الجووف

الله يوفقك اخوي اسباني وعطنا خبر بالي يصير معك
>>> ما حطو لائحه عدم لبس البوكسر ما درينا الا يوم وصلنا هناك والدنيا تساهيل >> انتبه تنتكب ههه

طموح لواء · #6 (**permalink**) 16-03-2010, 01:22 PM

اوووووووووووووف وفضحي بالبوكسر

ياقو قلبك

شلووون صبررررت

دعيت ربي يحقق من · #7 (**permalink**) 16-03-2010, 01:38 PM

اقتباس:

المشاركة الأصلية كتبت بواسطة طموح لواء

اوووووووووووووف وفضحي بالبوكسر

ياقو قلبك

شلووون صبررررت

نبي نعلمك موظفي العسكريه لازم يكون قلبهم ميت >> اوخص يا القوي هههه
يا رجال الدنيا سهالات >>> الرجال مبتلش يومه دخل وشاف الدعوه تفصيخ ماله الا يمشي معهم اما اطلع واروح البيت لجل اغيره خير انشالله مش حالك

أسباني · #8 (**permalink**) 16-03-2010, 01:22 PM

امااااااا
داخل عسكرية ولابس بوسكرر ماتفقنا
البوكسر خلاص انساه مي للعسكريه هذي
هههههههههههههههههههه

ابو اصايل · #9 (**permalink**) 16-03-2010, 01:23 PM

موفقين ان شاء الله

لا تح ــاول · #10 (**permalink**) 16-03-2010, 01:25 PM

ههههه الله يرجك وانت ما تعرف انه فيه تفضيخ تروح ببوكسر الله يخلف عليك ههههههه

عموما بالتوفيقققق يا حلـو

الـكـشـف الطـبـي بـآلـدمـآم ( أمـن الـمـنـشـآت )

إستفسارات ونتائج الوظائف العسكرية

اسعد الله اوقاتكم بكل خير رحلتي للدمام والكشف لـ امن المنشات >> ساكن بالخبر "P طول الله اعماركم طلعت من البيت الساعه 6 وربع كله من الحماس مع العلم...

الـكـشـف الطـبـي بـآلـدمـآم ( أمـن الـمـنـشـآت )

تسجيل الدخول

الـكـشـف الطـبـي بـآلـدمـآم ( أمـن الـمـنـشـآت )

إستفسارات ونتائج الوظائف العسكرية

اسعد الله اوقاتكم بكل خير رحلتي للدمام والكشف لـ امن المنشات >> ساكن بالخبر "P طول الله اعماركم طلعت من البيت الساعه 6 وربع كله من الحماس مع العلم...

الـكـشـف الطـبـي بـآلـدمـآم ( أمـن الـمـنـشـآت )