[align=center]
السلام عليكم
أخوي عبدالمجيد في طريقة مجربة أن شاء الله تنفع معاك وهي انك من قبل يوم الفحص تكثر من السوائل + الجرجير
والله يوفقك
[/align]

الله يعوض عليك

ياخوي عبدالمجيد والله ثم والله إني عايش نفس معاناتك .. عاد لوتدري وشلون نفسيتي عقب ماقريت موضوعك ياخوك انا بكره عندي كشف طبي بقوى الامن بالشرقية وانا اصلاً متخوّف من هالسالفه من قبل وانت زدتني على ماني عليه والمشكله اني من سنين مادريت ان فيني خلايا منجليه الا توني قبل اسبوع مسوي تحليل وطلعت عندي العينه " بوزيتف " يعني فيه نسبه بالدم وقلت لازم اعيد التحليل ثاني مرة والله ورحت لهم وسويت تحليل ثاني وللأسف طلعت نفس النتيجه ، عاد سبحان الله يا اخ عبدالمجيد والله اني توني قبل العشاء مكلم واحد في هالموضوع لان عنده معرفه بالمستشفى وكذا في نفس اللجنه قلت له طيب كلم لي الرجال ورد لي خبر ، وشوي الا يرجع يدق علي ويعطيني العلم قال الرجال كلمته واعتذر قال ترضاها لي اني انحط في موقف محرج قلت ليه طيب قال لان الرجال يقول ان " الـدم " خصوصاً عليه تدقيق موب صاحي ويقول انه حتى اذا مشاني المشكله انها راح تمر على باقي اعضاء من اللجنه ويمكن يدقرون له وعاد تخبر انت الناس اللي يحبون يقطون ارزاق الشباب والله مافكر فيك ولاطق لك خبر هو موظف ولاعليه منك ماعليه الا انه يعقد امور الناس اللي مثلنا ، والله اني اكتب هالرد وانا منفعل ومشدوده اعصابي وخايف من تحليل بكره بس ماقول الا عسى الله يكتب لي ولك ولجميع الشباب مافيه الخير يارب وانه ييسر لنا امورنا ويرزقنا ويكفي شر الحاسدين امثال هذولي اللي مرسبينك والله يستر من الجايات ..
اخيراً وليس آخراً ماقول الا الله يعوضك بوظيفة خير من هذي ويفتحها بوجهك يالغالي ..

واللي عنده اي شيء بخصوص الخلايا المنجليه ياشباب فـ رجاءً انه لايبخل علينا خصوصاً اني محتاج الدعم والتشجيع والكلام اللي يخرجني من نفسيتي الصعبه اللي عايشها الحين بحكم انه بكره موعد الكشف حقي
وشاكر لكم مقدماً ..

الله يوفقك بأحسن منها

ياخويَ. الدنيا تدور وتلف وتتغير الاحوال خل ايمانك بربك.َ قوي.َ صدقنيَ. يمكن تعدي. وكلمتين حلوه للي يسحب منك دم يمكن يزبط لك الامور ، وصدقني ياخوي ركعتين. بنص الليل استخارة. واستغفار للربك . يمكن. تفيدك. واذا مافدتك اهم شي خل قربك من ربك. اكثر وصدقني لو مالك نصيب فيها ربي يكتب لك الي اخير منه والله انا. مثل حالتك مادريت الا يومي قدمت على قطاع عسكري واولتها. قدمت على اخس قطاع في الجيش .الي هو[ المظلات] بس الحمد لله.مانقبلت. وهذي خيره من الله. وصدقني. ربي مايكتب للعبده نصيب الا بشي يريحه اهم شي قوي ايمانك وضميرك بربكَ. يالله اتمنى لك التوفيق جرب. منت خسران شي. يمكن. لك خيررره. وسمعت اخوي موظف بالمستشفى يقول فيه ابراء. يقول تفيدك في الكشف تخلي لك الكشف سليم. وبعض من الاخوان. يقولون البنجر. والشمندر. لها فايدة. وعصير ال***ب الاسود، والعسل يالله ربي يوفقك

أخوي عبدالمجيد ياليت توضح لي أكثر وش المقصود بـ " الإبراء " ..؟ أبي توضيح أكثر يالغالي
وشاكر لك هالكلمات الدرر اللي كتبتها وعسى الله ييسر أمري وأمرك وكل مسلم يارب ..

أخوي عبدالمجيد ياليت توضح لي أكثر وش المقصود بـ " الإبراء " ..؟ أبي توضيح أكثر يالغالي
وشاكر لك هالكلمات الدرر اللي كتبتها وعسى الله ييسر أمري وأمرك وكل مسلم يارب ..


تطعيمـــة. تمر اي مستشفى. وتفهمهم وبيعطونك ان شاء الله ويمكن تنفعك بس ترى ماجربتَ.

الله يغنينا عنها أجل دام الدعوه كذا .. انا بروح بكرة وبجرب حظي لعل الله يسخرهم لي ويمشوني

وبالله التوفيق