السلام عليكم ورحمة الله وبركاته
بحمد الله انهيت اليوم كل اوراقي بالامن العام بالمدينة المنوره
اقولكم من اول مادخلنا إلين مادرعمنا

حضرنا الساعه 8.30 قالوا مافي دخول الا الساعه 10
انتظرنا شوي دخلونا الساعه 9.15
جانا الاسمر اللي يفتش اكيد تعرفونه المهم يطلب منك ورقة الموعد
يشوفها ويرجعها لك واللي مو لابس رياضه يرجع

بعد ماخلص من مجموعتنا قال روحوا للجنه : مشينا كلناااااا
دخلنا جانا عسكري يطلب الكشف حتى يشوف رقم الطلب : عشان يدخلنا بالصفوف
بالترتيب حسب ارقام الطلب:
دخلنا الفصل : جانا عسكري اسمه سعد واصل مدري سعدي واصل ماني متأكد
لكن انا اشهد انه ذيب وحبيب : رجيناه بالفصل انا والشباب : حتى آخر شي قال هذولا شلة الانس

المهم يعطينا العسكري هذا ملفاتنا الي قدمناها بالقبول المبدئي : ويعطينا معها ورقة فيها 14 طلب من صور الاوراق : يقولك اعيد ترتيبها انت ياطالب الالتحاق بنفس الملف
بعد شوي ينادي بالاسامي : اذا ناداك وجيت عنده راح يشوف ملفك مرتب مثل ماهو مطلوب
اذا كان لاء : يقولك ارجع عيد الترتيب : ويشوف كرت العائله الاصل : حتى يكتب على صورة الكرت طبق الاصل ويوقع هو :
بعد ماينتهي يرسلك على الوكيل رقيب : في مكتب الملفات تجي عنده يدقق على طلب الالتحاق
يطلب اثباتك الاصلي يشوفه ويرجعه لك : عنده ورقه فيها الاسماء كل واحد يحفظ رقمه
لانه راح يسئلونك كم رقمك في المقابله الشخصيه
بعد ماتنتهي من الوكيل رقيب تروح للعسكري جنبه في نفس الغرفه : يدقق على كل ملفك حرف حرف : وااذ في فراغ انت تاركه يحط لك عليه دائره يقولك اكتبه وارجع : واذا طلعت من الصف الله يعينك طاااااااااااااااابور يهد الظهر
يعني لاتترك اي فراغ : وبالنسبه لاسم العمده لا احد يكتب : مثل كذا عمدة حي قباء < ترا يقعد يتكلم عليك يقولك اسمه كذا < يعني المطلوب اكتبه مثل فلان فلان الفلاني :

بعد ماتنتهي من عنده : تدرعم على لجنة المقابلة الشخصانيه : ام القلق < من امس قلقان منها
والحمد لله عدت
هم اثنين اول واحد ياخذ منك الملف : يقولك اقرأ سورة كذا :
انا طبعأ قالي اقرا لم يكن اللذين كفروا < كذا قال يوم قريت سطرين قال وش اسم السوره < قلت البينه < ماشاء الله
الصراحه يسألون واجد واسئله استفزازيه بعد واحد منه الاسئله قالي العسكري ماسافرت للخارج
قلت لاء اصلن مامعي جواز سفر قال طيب وين سافرت بالمناطق قلت جده والرياض قلي وش تسوي لجده قلت تمشيه قال وين قلت ع البحر قال العروس ولا :: قلت الكورنيش < لان هذا اللي اعرفه < قام اللي جنبه قال الكورنيش : يكرنشك ان شاء الله < صرفت له ابتسامه
المهم بالاخير قالي اقرأ : في كتاب ع الطاوله قريت كم سطر قلي بس خلاص روح الله يوفقك

: مايستفاد :

يجب احضار اصل كرت العائله
واحضار اصل بطاقة االاحوال
والشهادات المصدقه
وبرنت المرور فيه ناس ردوهم على شانه
ووالحضور بالزي الرياضي
واحضار ورقة الموعد الثاني
كرت البصمات عاد عليهم هم : لاتشيل همه يجي عسكري معه كرووت البصمات وينادي بالاسماء وكلن ياخذ كرته

بالنهايه : الله يوفقنا وياكم اجمعين

دخلت الساعه 9.30 وطلعت 3.30 واللحين ابي انام : كل شي موجود فوق سلام عليكم :