............................السلام عليكم ورحمة الله وبركاته .......................

.................................بسم الله الرحمن الرحيم ..............
.................................................. .................................................. ...................
انا عمري 16 واملك 4000 ريال . وودي اسوي مشروع مربح .

سواء مشروع متعب او غيره انا جاهز بس ابي اامن المستقبل ما تدرون عن الظروف .
.................................................. .................................................. .................
ومشكووورين

وصراحه افكر بالعقار يعني زي سمسار ياليت يلي عنده خبره يفصلي لو سمح!!ويعلمنا كم نسبتي من البيعه .

تفضل الرابط

https://www.btalah.com/t156011.html

السلام عليكم
ماشاء الله تبارك الله، عمرك 16 وتوجهك للتجارة هذا شي ممتااااااااااز لا يعلى عليه.
الله يوفقك ويبارك لك في رزقك وعمرك.
وش رايك لو تروح لمكاتب العقار وتدردش معاهم وتشوف اللي ثقة فيهم وتحس انه يخاف الله (الفراسة لها دور).

تاخذ العروض اللي عنده اللي تشوف نفسك تقدر تدور لها مشترين (فلل - اراضي مثلا).
وتحاول اول شي تكون لك معارف وعلاقات مجرد تظهر نفسك للجميع ويجي لك يوم ربنا يوفقك في بيعه تتم عن طريقك ويكون اطرافها ناس محترمين يقدرون مجهودك..

طبعا لاتتحطم اذا راحت عليك عمولة وحط ببالك ان الله سبحانه راح يعوضك اضعافها لأنها راحت لغيرك وربك سبحانه مع القناعة والصبر اللي راح تتعلمها مع الوقت راح ييسر لك اللي تستحقه.

الله يوفقك. ما بيصير عمرك 20 سنه بإذن الله تعالى إلا والرياض تعرفك
اهم شي الاخلاق وحب الخير للغير.

اتمنى لك التوفيق.
الكلام هذا اقوله لك وللجميع.

بالتوفيق ان شاء الله

نصيحتي حاول تفكر بالدراسه

وشيء طيب انك تضع وقت فراغك للتجاره
وبالنسبه للعقار
شوف لك من المخططات اللي فيها شقق كثيره وشاغره وبعضهم يضع لوحه او لافته يعرض شقه للأيجار وخذ الرقم ويسير تتفق مع راعي مكتب عقار عنده امانه وتعطيه الرقم وموقع الشقه واذا جاه احد يدور شقه او محل وحصل الاتفاق يكون نسبتك من العموله النص وشوف كم ياخذ من الزبون اذا خمسميه لك ميتين وخمسين هاذي معلوماتي في الشغله

الله يوفقك اخوي اذا كنت من المدينة في صاحب مكتب عقار طالب شخص يشتغل معاه اذا كان بتشتغل ارسلي جوالك على الخاص ويسير خير أن شاء الله أتمنى لك التوفيق

موفق ان شاءالله

والله يجعلها بداية لكل خير

والله تمام عليك انك ناوي تعتمد على الله ثم على نفسك

بارك الله فيك

والله انك ذيب ماشاء الله هذا الي يفكر صح .,,

بس ابي اعلمك شي لاتتوقع انك رح تطيير بالفلوس اصبر وحط لك صبر

مو من اول شهرين تبي تصير تلعب بالفلوس ..



بعدين تعال من وين لك 4000 ههههههههههههههههههه

تحيأتي لك وربي يوفقك ويوفقنا

بالتوفيق يارب