|
قصتي مع المدارس الاهلية
ابتدت معانتي بعد ما اتخرجت.... على بالي اني حلاقي وظيفة بكل بساطة لاني مجالي مطلوب ( طبعا هذا مو كلامي ....... كلام الناس) ...... وبما انه مافي عمل حكومي لان المعلمات العجايز ما يبو يتقاعدوا و يعطوا فرصة لغيرهم....... قررت اشتغل في مدرسة اهلية وكانت فكرة سيئة جداااااااا .:Thumbs_down:..........اول مدرسة اشتغلت فيها براتب سواق ليموزين........ المديرة ملعونة كل يوم تصرخ علينا وتسبسب فينا قدام الطالبات ...قوانين المدرسة( ممنوع الشاي والقهوة - ممنوع تناول الفطور او اي طعام حتى لو بموت من الجوع - ممنوع الجلوس على الكرسي واخذ قسط من الراحة طول ما انت في الكلاس-ممنوع رفع الصوت على الطالبات لانهم هاي كلاس وبنات ناس واحنا لا_ ممنوع المطالبة بأي شئ تصوير او طباعة او حبر ) طبعا الوضع ما عجبني الراتب اخذه من هنا واصرفوا عليهم وما يبقالي الا ريالين اشتري في حلاوة او شيبس... ما قدرت اجلس فيها الا ترم واحد............رحت مدرسة ثانية نفس الوضع والعن بعد عاد صحبت المدرسة لما تكون متعاركة مع زوجها تسبسب فينا لحد ما تقول امين من كثر السب اضيع في النص لاني ما افهم لهجتها ...الحين جالسة عاطلة عن العمل الحمدللة واكتشفت شئ مرة مهم انه ( التدريس هذا احقر وظيفة في الكون) ...........خسارة دراست اربع سنوات بكالوريوس لغة انجليزية وفي النهاية اشتغل خدامة ولا شكر ولا حمد........حسبي الله ونعم الوكيل....من جد تحطيم ...من كثر التعقيد صرت اقدم وظايف بالثانوية بس المهم ما اشتغل مدرسة ابدا مرة ثانية....:cry:
|
لا تقولي خسارة دراسة اربع سنوات
أحمدي ربك (هذه نعمة) وبعدين تخصصك إنجليزي مطلوب وبقوة في مجالات كثيرة وليس فقط (معلمة) إذا كانت نسبتكِ عالية ممكن تقدمي في الجامعات أفضل والديوان كل مره ينزل وظائف إدارية هذا غير الوزارات الثانية تنزل وظائف إدارية وأهم شيء اللغة الإنجليزية (وأنتِ ماشاء الله تخصصك هو المطلوب ) يعني لا تتذمري أبدًا و أحمدي الله وأهم شيء الإستغفار |
ايه والله نفس الحاله بس اختلف معاااك ان المديرة مرة طيبه بس الاداريات كانهم اسرائليات بس يحرضون علينا من جد والله قهر
وانا ازيد عليك ان الموجه دايم تقول العبي مع البنات في الحصه من دون ماتضيعينها وش رايك ودي اترك بس قلت ماباقي شي على نهاية الترم بس ان شاء الله يعوضنا ربي احسن منها |
الصبر زيـن
صحيح ان الانسان يتعرض لمضايقات في عمله لكن عليه ان يصبر حتى يفرجها الله |
يالله الحمد لله على كل حال
ربك يرزق من يشاء والمدارس الأهلية ابدأ ماتدخل مزاجي لو انا مكانك كنت صبرت عشان وقتي على الأقل لأنه أغلى ما أملك في حياتي بصراحة ودراسة سنوات مايصير اخر شيء نجلس انا تخصصي علوم مكتبات ومعلومات والديوان اساساَ مو منزلين احتياجاتهم لانهم يخلون مدرسات العربي يدرسون مكتبات بس من يسمع ويطالب بهذا التخصص تحطمت كثير وقت ماشفت الاحتياج لكن بعدين زادت الهمه وطريقي الوصول للقمة بإذن الله وإن شاء الله يارب الله يرزقك من واسع فضله ويكتب لك وظيفة حكومية تسعدين فيها وترتاحين بإذن الله اسمع انك توظفتي وفي المكان الي تبينه بسألك في المدارس الأهلية يدون شهادات خبرة او لالالا؟؟ |
بسبوسةبالقشطة
الله كريم’’<<والله ماادري شلوون هالأنظمه....يعني عشان مدرسةأهليه’’ ,,وربي كنت ابغى ادرس في مدارس أهليه’’<لكن للآسف ماحصلت’’ بس قصتك,,_* إن شاءالله يجي اللي يرجع فرحة التدريس لقلبكِ’’’ ,,,,,موفقه يارب |
أنا حتى مدرسة أهلية ما حصلت لي فرصة يعني حلو انك تحصلي ومن مدرسة لاخرى راح
توصلي لمدرسة فيها راحتك إن شاء الله كل شيء محتاج صبر في هذه الحياة .. |
الصبر مافي احلى منه وقبل كل شي الخبره ملاحظه اتمنى ان نبتعد عن بعض الالفاظ الغير لائقة بهذا المنتدى الجميل |
والله فيه مدارس اهليه تنحط على الجرح يبرأ كنها حكوميه من التعامل والذوق من المديره والمسؤلين عن المدرسه لكن بنسبه يمكن 10 % من المدارس الاهليه
الحين الغالبيه نهب * نصب * استغلال * كرف * قل احترام وتقدير * اهانه من الطالبات وعدم احترام والاداره راضيه وفوق هذا الراتب نص راتب السواق الله يرزقنا الوظايف الحكوميه |
لا حول و لا قوة الا بالله
الله يرزقنا وظيفة حكومية ااااااامين |
الله يوووفقك ان شالله وبتلقين احسن منها
|
الله يكون بعونك قلبي ... شوفي انا لي 8 شهور من يوم اتخرجت بنفس تخصصك لكن مستحيل ادرس خصوصي من اللي اسمعو من المعلمات اللي جربو وآخرتهم انتي ... انا الحين غسلت يدي وبقوة من نظام المدارس الاهلية :eek: وربنا يرزقك ويرزقنا بالوظيفة اللي تعوضنا عن سنوات التعب والدراسة .. وعلى قولة الناس تخصصنا مطلوب في كل مكان يعني لاتيأسي :Thumbs:
|
وكلآ على همه سرآى ..
الحمد لله .. : .. ( |
والله انك صاادقة انا قد درست بمدرسة أهلية بالر ياض بحي الحمراء كانوا زي وضع مدرستك حتى انا مرة طلعت من الفصل من دون استاذن من المدرس ومايقول لي شي اقولك الله يرزق بوظيفة حكومية
|
ههههههههههههههههه انا نفسي اعرف شي واحد بس الوحدة عمرها 70سنه ولسى تدرس ايش دة اخذت عمرها وعمر غيرها المفروض الحكومه تقعدهم غصب عنهم خلاص عاد زودوها بنات ورود خلصوا وقاعديين بالبيت موحراااااااااااااااااااااااااام ماقول الاحسبي يالله ونعم الوكيل ايش دة
|
البطاااااااااااااااااااااااااااااااااااااااااله موت بطي
|
الله يكون بعونك يالغالية
وربي يرزقك بوظيفة مناسبة يارب |
الله يعينا بها الزمن بجدالله يعين
|
الله يعوضنا خير تصدقوا انا كل مارحت مدرسة اهلية يطلبوني خبرة حسيت وقتها بالضحك مدري هي صدمة او ولا يأس ولاجنون
قلت معي بكالوريوس تربوي واعتقد هذا يكفي قالت لا اقصد شهادة انك درستي قبل كذا في المدارس قلت لايكون دخلت مدرسة حكومي بالغلط ؟ دعيت عليها وطلعت بالله مو قهر حسبي الله ونعم الوكيل فيهم |
بسم الله الرحمن الرحيم
السلام عليكم ورحمة الله وبركاته 0لا والله كدينا خير وانا قاعده اهجول ادور مدارس اهليه -- اثاري طلع زيد اخو عنيد وماكو فايده الله يسامح اهلي دنيا واخره اللي ماخلوني ادرس غير التربوي :c والله يحفظ ديرنا اللي رزت الاجانب وعزتهم في الوظايف اللي جامعاتها تبي واسطه:m يعني على هرجكم اكبر المخده وشهادتي اتصدق بها لوحده من هاالجمعيات هذا لو حتى نفعت بعد:c سبحانك اللهم اني كنت من الظالمين:cry::c:m |
انا لي تجربه سيئه جدااااااا مع المدارس الاهليه
لاوالمشكله لاتصرخي على البنات لانهم جايين بفلوسهم ودلع وقله ادب في التعامل وفوق هذا كله المديره والاداريات زفت حضرتلي موجهه وجالسه تشكر فيني والاداريه الا والا تبيها تطلع عيب واحد الين ماحسيت نفسي مره مضغوطه ماقدر ت بطلت وتوبه مره ثانيه اروح مدرسه اهليه |
الله يوفقك
تقبل مروري بالتوفيق لك يارب |
الي يقهر ان المعلمات الموجودات الحين كلها ضهورهم والارض واااااااحد قسم بالله يادووووووووووووووب يمشووووون وحتي المناهج الجديده ماهم عارفين لها ولا هم عارفين يدرسونها اساسا .. تلقين الوحده فيهم ماسكه بالكرسي حقها خايفه احد ياخده منها المشكله انهم كلهم حقين المعاهد زمااااااااااان بس حرام عليهم المفروض خلاص ترسو البنوك وحوشو علي الاراضي وكل شئ ليهم اتصور ان البنات الجامعيات اولي منهم الحين خصوصا ان التعليم تغير وان البنات الجامعيات اولي ياريت الوزاره تنظر للناس اصاحب المعاهد الكبيرات في السن ويحيلهم للتقاعد لان خلاص اخدت حقها كامل مكمل محد ضلمها والتدريس صار صعب عليهم والمناهج صارت معقده بنسبه لهم يعني مارح يطلعون عيااااااااااااالنا فاهمييييييين والبنات ترسيييييييييييييييييين بيوت اهليهم لازواج ولا وظييييييييييييفه قسم بالله هذا الظلم بعييييييييييييييييييييييينه بصراحه خوفتيني من المدارس الخاصه لان من زمان متردده اقدم واليوم نويت اقدم لان لازم اخد خبره ع الاقل ترفعني في المفاضله حسبي الله ونعم الوكيــــــــــــــــــــــــــــل الي عندها وظيفه بينبع البحر متوفره ياريت تراسلني .....:c |
ومن ناحية ثانية حاجة البنات للوظيفة وتقبلهم لأي اجر وأي دوام واي طلبات جعل الشركات والمدارس الخاصة يستغلوا البنات بأبشع الطـــــــــــرق
وكان الانسانة هذه مالها حقوق لاحول ولا قوة الا بالله |
انا مدرستي الاهليه جلست فيها شهر واسبوع مديره
قسم بالله ماحصلت ولاقرش بدون راتب وماعندهم خبره مااستفت منهم شيء قال ايش قال اهليه حسبنا الله ونعم الوكيل |
..
المشكلة كمعلمة في مدرسة اهلية شغلك اضعاف اضعاف المعلمات في الحكومي ..و ضغط عمل و تشتغلي من اول ما تجي الى نهاية الدوام واقفة على حيلك .. و راتبك ما يجي ربع اللي ياخدو معلمات الحكومي .. اللهم لا حسد بس و الله ظلم , و انا امتياز و ما عمري رضيت بأقل من الامتياز .. و اشوف الواسطات هي اللي فادت زميلاتي , و انا لا نفعني اجتهاد و لا امتياز ايام الدراسة و العمل كمان .. بعدها خلاص من القهر مو قادرة اكمل .. لنا الله و مالنا الا الصبر .. |
يالله كأنك تحكي معاناتي ... بس انا فرق عنك انا ماقدرت استحمل وهي اصلا جات منهم
داومت اسبوع ومن اول يوم درست ... تعامل دنئ جداا من الادرايات والوكيلة والمديرة .. قمة الوقاحة والطالبات حدث ولا حرج .... اثنين معايا والباقي كلوا مأجرين عقولهم تعبت وتعبت نفسيتي مو على قد تعبي في دراستي وفعلا انا فصلت نفسي من سلك التدريس خيرر شر ... ولا افكر اي يوم بحياتي ارجع ادرس بمدارس مره ثانية ^^ |
يا اخوان الحين انا اسمع منكم تقولون ان الحريم الكبآر يعني ( العجايز ) مارضـو يتقآعدون عشان تتوظفون انتم سواء بنـت او ولـد هذا يسمى ( حسد ) قسم بالله عالم غريبـه تقهـر من جد بعدين العالم انواع العذاريب والاشاعات على الحريم الكبار انهن ما يعلمن الطلاب الشرح وتطورات الجيل سعودي او سعوديه بعضهم وليس كلهم فالحين بالقهوه ومزاراق الطيب والحلا كل صباح همهم الراتب وبطونهم هههههه واتحداكم تلقون مديرة مدرسه عمرها تحت 30 سنه ما يمسك المناصب الكبيره الا امراءه او رجل ناضج وعندهم خلفيه عن الحياه وانتم ما عليكم من المظاهر اهم شي المخابر وهذا الي اشوفه حاصل الله يهديكم بس وانتي او انت لو في محله او محلها ما راح تتقآعد الدنيا وظروفها فيه معلمه تعول اسره كامله واب يعول اسره كامله وليس عيب انه يجلس او تجلس الى 90 سنه تدرس ما فيها اي شي اول شي خدمه للوطن ثاني شي فلوس بالحلال ؟؟؟
المشكلـه مو في كبير او كبيرة السـن المشكلـه في وزارة التعليـم هي الي مكدسه الخريجين والخريجات الحين فيه مدارس حكوميه سواء بنات او بنين فيها نقص في عدد المدرسين لاكن مشكلة وزارة التعليم والي معـه (واو) يدخل عالطول ويتعين في الديره الي يبيها ؟؟؟ والدنيا ارزاق ياجماعه مدرس شايب قسم بالله ما جاكم الا الصدق ؟ استغربت منه يدرس في مدرسة اهليـه كنت ادرس فيهـا ؟ سئلت المدرس قلت غريبه ما توظفت حكومي قال والله يا وليدي ما درست الابتدائيــة الا وعمـري 20 سنـه وغمره الحين بالخمسينات الواحد مستعجل على رزقـه رزقك بيجيك ويمكن خيره لك ؟ المهـم يآ اخوان الخلاصه ومافيها في التعليم هو السبب في تكدسكم ؟؟؟ والله يعينكم ويوفقكم |
آآآآآآآآآآآآآآآآآه
ومين يسممممعك أنا لي 3 شهور ادرس في مدرسة اهلية اقسم بالله أني أدرس كل المراحل من 4ابتدائي إلى 3ثانوي مادة جغرافيا ماعدا أولى ثانوي لانهم نظام مقررات يعني 8 مناهج ولأن الفصول قليله فصارت 17 حصة بالاسبوع .. وكل ماجيت اطلبهم يخففون لي في المواد يتعذرون بنصاب الحصص انه قليل !!! بكيت وبكيت وبكيت لين جا اليوم اللي طحت فيه من طولي بداخل الحصه من التعب .. يوم جات المديرة تشوف حالتي .. جات تسالني انتي مسويه ريجيم؟؟ << قلك إن ماطيحني الا الريجيم والمصيبه وزني 54 أي ريجيم بالله عليكم ؟؟؟؟؟؟؟؟؟؟؟؟؟؟؟؟؟؟؟؟؟ طبعا اللي كانوا معاي من المعلمات راحو للمديرة غرفتها وطلبوا منها أني اخرج من المدرسة (يستأذنوا لي المساكين) قامت تقول لهم بكل وقاحة : خلوها تجيني وبعدها تمر للوكيلة وتستأذن منها وإذا سمحت لها ذيك الساعه تطلع !!! تخيلوا والمعلمات شايليني وموديني غرفتها عشان استأذن منها بنفسي !! حتى بنات المدرسة انفجعوا من منظري وانا طايحه وهذي لسى تمارس تسلطها وجبروتها علينا حتى بأحرج اللحظات !! رحت للدكتور وقال لي انتي اللي فيكي ضغط نفسي أثر على صحتك .. يوم داومت بعدها بيوم .. استقبلتني تسألني عن اللي حصل لي .. ويم قلتلها كلام الدكتور صارت تضحك استهزاء فيني وتقول طحتي من حصه وحده؟؟!!!!!!!!!!!! والله ياعالم اني خلااااااااااص .. فوضت امري لربي .. حتى يوم حضرت الموجهه مع المديرة لحصتي عجبتها مره وطلبت مني اني (اعمل درس نموذجي على مستوى جده لمعلمات الحكومي ) فقط للمعلمات وفوقها شكرتني في جلسة تدريبية قدام 4 موجهات من الإشراف وقدام معلمات من الحكومي على جهودي .. والمدرسة ولا شايفه اللي اعمله له قيمه عندهم !! واليوم رجعت البيت ابكي مقهوره ومحروقه منهم كل يوم موقف أزفت من اليوم اللي قبله (مضايقات من الادارايات واستهزاء - وتجريح من المديرة نفسها) إدارية مصريه طول اليوم تهزا فيني قدام 4 معلمات وماهي شايفتلي قيمه لأني بالنسبة لها لسى صغيره ومستجده والله ثم والله ماحدني عليها إلا لحاجتين 1--لأنها الأقرب لبيتي .. 2- الخبره ولا فيه مدارس رائعه اتصلوا فيني ورفضت لان ماعندي اللي يوصلني لهم ما أقول غير حسبي الله ونعم الوكيل على الظالم وعلى كل شخص كان سبب في اللي احنا فيه على فكره يوم زارتني الموجهه المدرسة مره ثانيه عشان تشرف على اسئلة اختباراتي .. انصدمت يوم عرفت اني ادرس 8 مناهج وعصبت وجلست تناظرني بقهر وتقول ليش ماقلتيلي انك ماسكه هالكميه كلها ؟؟؟؟؟ تقول لي ممنوع المعلمة تمسك اكثر من 5 مناهج << تخيلوا !!! فجأه طلعت ورقة تقويم الحصة حقتي اللي حضرتها وقلبتها وكتبت عند (انشطة المعلمة ) المعلمة تدرس 8 مناهج وطلبت مني أوقع تحت الكلام هذا .. بس مافهمت ليش سوت هالحركه تتوقعوا ممكن فيه امل هالورقة تكون فال خير لي ؟؟ |
الله يرحمنا برحمته الحين مافي تخصص مرغوب في واسطه مرغوبه .. الحين نقدم بالبنوك يحطون لسته شروط واخرتها الموظفات بعضهم ثانوي حتى انجليزي مايعرفوا !!!! انا انصحك تدرسين خصوصي بدال ماهل الاجانب يدورون من بيت لبيت يعطون دروس خصوصية خواتي تجيهم مدرسه مشاء الله بس بيتنا تحصل منه 2000 فما بالك بالبنات الثانيه وبعدين انتي تصيرين اميرة نفسك محد يتحكم فيه حتى تقدري تخلين البنات يجوك في بيتك ... الحين قريبه لي صارت كذا تعطي دروس خصوصيه ....... واخيرا الله يوفقك ويوفق الجميع وينصرنا على من ذلنا وقهرنا !!!
|
اقتباس:
< ماشاء اللــه عنده 19 اولاد وبنات أخواني ، و13 أولاد وبنات أخواتي :d لو بنروح القدس نحررهاا ، :q ألوكاد اللـه يعينـك يااختي ويصبـرك على المُر ، <~ همســـــــــه " تبسم " فإن .. الله .. ما أشقاك إلا ليسعدك .. وما أخذ منك إلا ليعطيك .. وما أبكاك إلا ليضحكك .. وما حرمك إلا ليتفضل عليك .. وما ابتلاك .. إلا لأنه .. " أحبك " .. جعلك الرحمن ممن ينادى في الملأ .. أني أحب فلان فأحبوه :) |
سبق وان اطلقت اسم على المدارس الاهلية هذا الاسم سبب لي مشاكل عدة حتى اني كنت ادرس بمدرسة اهلية وكان عدد الطلاب كثير جدا كل فصل تقريباً 35 طالب وقد تسبب لي هذا الاسم بالفصل من المدرسة طبعا اللي فصلني المالك للمدرسة المهم الاسم هذا انتشر بالمدرسة عني وعرف هذا المالك وواجهته بكل شجاعة والحمد لله الاسم هو (الاحتلال الاجنبي للمملكة العربية السعودية) |
اقتباس:
شكرا لك على الرد والمواساه:wa ما نقول غير حسبنا الله وكفى ! |
اهم شي انك انسانه جاامعيه وتعبتي وسويتي اللي عليك
العيب باللي حولك مو انتي بالتوووووووووووووفيق يارب |
مدارس اهليه حدث ولا حرج ..
مدير سعودي من الوزاره بس في الواجهه وتلقاء لك مصري ولا سوري وكيل ولا مدير عام للمدارس ويمشي المدارس علي كيفه .. تخيلو مدرس سعودي << ومديره سعودي كمخه مايسوي شي ويجي سوري ولا مصري ويلعب في حسبتك انا 6 مدارس اهليه اتركها علشان الاجانب اللي فيها ... نصيحه لاحد يتوظف في مدارس اهليه .. لانها انواع الاهانات |
مووووووووفقة اختي
|
اقتباس:
هذي بالنسبه للبنات طيب الشباب من اللي يرضى مدرس سعودي يدخل بيته ... كل السعودين مايبون الا اجانب يدخلون البيت لان السعودي رجل والاجنبي مو رجال هههههههههههه اقول انا بروح لديره واخذ لي أبل وارعها واشارك في المزايين والوعد ام رقيبه السنه الجايه بلا تدريس بلا هم والله طفشنااااااااا |
ههههههههههههه والله حاله خلاص تعقدت ماابي ادور مدارس اهليه:d
طيب ابي خبره شلون:cry: يالله يارب ترزقني بالوظيفه :do5h: |
مطلوب جدا اللغه الانجليزيه
قدمي على البنووووووووووووك قدمي على البنوك وشوفي وان شاء الله تدعي لي بس اخذي شهاده حاسب اللي 6 شهور والله ييسر امري وامرك وامر كل عاطل سلام |
أأأأأه حسبي الله ونعم الوكيل:(
آخر سالفه صارت لي مع المدارس الاهليه اني قدمت على مدرسه وسويت المقابله الشخصيه وقبلوني وقبل لانوقع العقد جاني خبر ان صاحب المدرسه عين قريبته مكاني بعد التعب والشقا اللي شقيته..,:( |
| الساعة الآن 06:35 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين