|
موضوع اكثر من رائع ربي يعطيك العافيه شيبوو:w
أمل عمري:h صحيح انك معي غالي وتملك قلبي ووده ... صحيح انك أمل عمري واحبك حب ماله حدود وانته الحب تدري به وتعرف جزره ومدَّه ... يفوق الوصف والمعنى وشعري والحروف شهود ولكن لو تمادى حد منّا ينقلب ضدَّه ... وتتغير موازينه ويصبح شي هِبْ موجود أنا بَقْدَر على قلبي مع الأيام باردّه ... بسخِّر عزمي وصبري عسى الله يحقق المقصود ترى ضاقت بي ايامي وصبري قد وصل حدَّه ... انا ملِّيت من نفسي واخاف انه الأمل مفقود تعب قلبي تعب فكري تعبت وطالت المدّه ... أطالع ظلمةْ مزونك وأتمنّى الربيع يعود أريد ارض المحل تزهر وأقطف منّها ورده ... واقدِّمها لجل عينك هديَّه والسلام يسود أريد السعد يبقى لك حليفٍ ثابتٍ وعده ... يضمَّك بالغلا قلبي وتبقى في هنا وسعود اريد ايامنا تضحك بوقت اللين والشده ... وتتبسَّم ليالينا على ورد وروايح عود عسى ربِّي يوفِّقنا وباب التفرقه يسدّه ... وتبقى لي أمل عمري واحبك حب ماله حدود الشاعرة الإماراتية مطلع الشمس:h |
أمل مقتول :u
أحي أني وسط ليلٍ طويلٍ ناسيٍ فجره ... أعيش بظلمته واسرح بافكاري إلى المجهول أفكِّر وانتظر صبحي الجميل الباسم وعطره ... وتصدمني هواجيسي ولا ألقى لهمِّي حلول أنا مليت واحساسي معك أرهف من الشعره ... وألوم القلب لكنّه يعاند وانته المسؤول أريد ابكي على قلبي وتخنقني أنا العبره ... واحس بدمعتي الحرَّى على محجر عيوني تجول تبي تنزل واعاتبها تقول اش فيك مغترَّه ... واقول الصبر يا دمعه انا وانتي نخل وخيول أنا يا ليل وش ذنبي تصبِّرني على القمره ... وتجبرني على همومك اعايشها بعرض وطول أهوجس واحسب نجومك وقلبي يلتهب جمره ... واضيّع حسبتي وفكري على باب الوصل مشغول أنا يا صبحي اترقّب طلوعك والأمل بكره ... أريد اتكحّل بنورك وليلي ينجلي وبزول حقيقة أو سراب انته انا ما أدري وش الفكره ... أنا صبري بدى ينفذ واخاف انك أمل مقتول أريد تعيد لي وقتي القديم وشمسه وبدره ... أريد اعرف انا منهو .. أريد اتفسِّر المجهول نفس الشاعره لبى قلبها:h |
تابع
الحب المخلد :wa أحبك حب لو تدري بعد عمري بتأثيره ... سلبني عقلي وروحي واحساسي مع شعوري أحبك تعجز حروفي عن وصوفه وتعبيره ... وانته فوق هام السحب لك نهجي ودستوري أحبك حبٍ مخلَّد أحبك من وانا صغيره ... أحبك حب ما يوصف ولا تستوعبه سطوري ربيع القلب يا عمري شذا عطري ونواويره ... ضيا ليلي سفر شمسي هناي ولحظة سروري أسوم العمر من أجلك ولو كثرت مخاسيره ... فدتك الروح يا روحي في غيابي وبحضوري عسى من لامني بحيك تصيبه في الهوى حيره ... ويسري الحب في قلبه ويصبح فيه مأسوري ترى شوفتك هي عيدي تساوي الأهل والديره ... سخيِّ النفس طلعتك البهيّه يا غلا نوري أحبك وانت في قلبي محبٍ ما ليه غيره ... أهيم بحبك وإنته تهيم بحب غندوري |
تابع للشاعره مطلع الشمس
الله من قدي:h تخيَّل تزرع ورودك على الغيمه وتقطفها ... وتهديني أنا ورده واخلّيها على خدِّي وتالي تمسك الغيمه تقلِّي يا الله اوصفها ... واشبِّهها على قلبي ويطلع لونها وردي ونسبح في الفضا والأرض نبعد عن مشارفها ... ونضحك للنجوم الزاهيه وانطير ونعدِّي ويعزفنا الغلا ألحان تطربنا معازفها ... ويلهمنا الشعر أحلى الحديث الهامس الودِّي ونهدي للثريا نجوم أحلى عن وصايفها ... ونهدي للبدر هاله تفوق الوصف وتعدِّي وتغمرنا المحبه حب وتلهبنا عواطفها ... وتسألني عن شعوري واقول الله من قدِّي أنا أسعد بشر وانته أعز الناس والْطَفْهَا ... وأغلى حب في قلبي عزيز وغاليٍ عندي وتالي ناخذ الورده تبي تمزح وتحذفها ... وتمسك لي يدي واصحى والاقيها على خدي |
كلك ذووق يافوفو ., *., عائق [ وَهَم ] .. غيّب أماني الشمس عن بيت الضياع بيتٍ .. بنائه(من عدم ).. فيه المنايا مع صغار الهَمّ ظلّت تحتدم ..! مابه ولا صوتٍ سوى .. صوت الوداع ..! غابت خيوط الشمس .. غابت وكنّ الهمس من حزنها ومن باقي بعض نياحها ملتاع ..! .. بُعبع ( وَهـَم ) .. تنخر هجوسـه / ف العَظِم ..! ياكل بقايا أرغفة أطفال هَمّ .. وين أمّهم؟! وينك يامصدر دفئهم .! ردّ الصدى .. راحت معَ أسراب الألم .. تجمع لأيتامٍ جياع .. بردٍ .. و صيحات و ندم .. باب الـ ( وَهـَم ) شرّع سكونه والتفت ||~ يمّ القلوب الحايرة مابه مُهِم ..! دام الأماني بايرة ..! بابٍ ..عليه اللافتة .. إدلف هُنا .. باقي بعمرك كم ألم .. ماله طَعَم .. إدلف هُنا .. حتى يصير ..! جَرْحِك مُطَعَّمْ ( بالوَهَم ) .. *, مدخَ ـــل ..****/font> على طاري فرح وأحزان .. تنفـّـست الغيابـ || بهووووون || حبسْته داخل ضلوعي ، رفيق الجرْح والونـّات .. تمنّيتك .. تجي تمسح دموع العين من بعدك .. ولا ودّي .. تجي تخيّب رجاوي الذات من بعدك ..! وبالحيرة //أعيش ألوان .. مابين اللُقيـا وفراقك .. تمرْجـح فيني الحرمـان .. تأكد إنها الفرقــــى , تعيّش قلبي طول أزمان .. في راحــة .. وبالذكـــــــرى .. أشيـّـد للوفا أوطان ، ويبقى القلب[ و مفتاحه] .. طلبتك لا تقول لي تمّ أبي أهواك وأبي أنساك وأبي من طاري الذكرى يمرالعمر وما بهْ طاري لذكراك يليت أجفاك .. تعبت أرجاك تعب قلبي وأنا أترجاك تعبت أشتاق و أستناك ذكــرى .! ذكرى وين؟ و ذكرى مين؟ ألم باقي بلا شوق وبليّا حنين حنيــــــــــن ..! حنين لمين؟ وهذي وردة أيامي غدت أشواك صدقني أبي فرقاك مع إنه قلبي الوافي هواك وماعشق إلاك { و حكايتنـــا } [حكاية حرف] ، خطيتهْ لجل ألقاك .. رواية نزف , تمثّل بي ولا أبقاك .. ولا أبقى لإسمك بيت ، ولا خلّى لوصلك ( ليت) .. وكل مالي وأنا أتذكّر .. إنّك عنّي تخلّيت .. وإنّي عنْك أنا صدّيت .. وإن فراقنا مؤلم ! سقى قلبي من العلْقم .. وإني جيت لأشواقي وأنا ماجيت || وإنت استكثرك وقتك و لاحنـّيت ! .. سكنّي همّ ..سكنّي خوف .. فـ بُعدك ماقدرت آشوف ، سوى قلبك لقلبي جوف ! مع إنّي صرت أعافك عوف .. وإني ملخبطة مررررررة .. أعايش حسرت(ن) مُرّة .. أخبّي عبرتي بقلبي .. و تبان بعيني العبرة .. ولاأقدر أعيش الفَرْح ! وفرحي يكتسيني جرْح .. وأشيّد للأماني صرْح .. وأقوم الصبْح ماألقاها ! سقتني عذب من ماها .. وراحت دوووون لقياها .. بقيت الليل // كل الليل لجل الفرح ........ أشيـّد صرح يصيح الجرح ويبقى قلبي وحداني وماله حب , .......... ولا له درب وجرحي مات وفرحي فات , ........... وهمي بات ولكنّي .. غديت أنثى بليّا ذات صرت .. أنثى تحب الناس بالمرّة وتظلم قلبها مرّة وتتجنّب دروب الحب درّة وماهي أي درّة وبلا فكرة , ولجل بكرا بغنّي للحياة ألحان وأدوّر للهنا فستان .. وأمثّل بالوفا إنسان .. ومن بكره .. يهلّ الفرح // يغيب الجرح .. وأبقى للغـلآ [ عنوان ] .. مـ خ ــرج .. } اذخر اسمي للغياب وعيش غافي .. مابهاالدنيا مهم / إلا ارتياحك ...! *, عزف .. ندى الـجبر |
الناس تبكيني وأنا كيف ماابكيك.. والناس تبكي عابره وأنت بالذات .. ياطولها فرقا ولا صوت يوحيك ... اسوارها ميته ومن حولها أموات.. |
كم يسألون ؟!! لمن ترى تنشدين هذى الأغاني الناعمات الحنون دافئة مشرقة كالضياء مثقلة بالعطاء و من هواك الكبير هذا الذي تسفحين و تبذلين له كنوز الشعور من ذاتك المليئة الخيره من روحك النضيرة المزهره لعله أطيب إنسان لعله أجدر إنسان بكل هذا البذل, هذا السخاء و أخفض الطرف و أبقى على صمتي المريب غامضة لا أجيب لكن صوتا ساخرا في ألم منبعثا من قلب جرح الندم ينصب في أغواري المبهمه مرددا في غنة مفعمة بالهزء بالضحك الحزين المرير لعله أطيب إنسان لعله أجدر إنسان بكل هذا البذل هذا السخاء و اخجلي و اخجلي لو أنهم يعلمون ما أنت أو ما تكون فدوى طوقان |
[mark=#FF6600] مرة فآآضية حنين الروووح متذوق للشعر غدآ يوم آخر [/mark] .. استمتعت جدآ بعبق أطروحآتكم ,’ [mark=#FF0066] الشآعرة/ بنت أبوهآآ.. [/mark] الذنـــــــــــــب ماهـقـيت الـــــذنب يمحـــــــــــــيه الغياب .. .. .. .. .. .. وكــل دربٍ يمتلـــيبه أســــــــــــــــــــــئله رحت ..مدري راح ..واللي غاب ..غاب .. .. .. .. .. .. والحمــــــــــــــــول لشخص واحد مزمله واحـــــــــــــــــدٍ كن البشر بعده .. ذياب .. .. .. .. .. .. وكن مابالـــــــــــــــــكون بعده .. مرجله وكن طعم الوقت من عقبه .. ســــــراب .. .. .. .. .. .. يوم كل عــــــــــــــــــــروق قلبي تحمله المهم إن الغياب أبسط عـــــــــــــــــقاب .. .. .. .. .. .. لواحــــــــــــــــــــــــدٍ بين الحنايا منزله كان .. مدري كنت في رحلة عــــــذاب .. .. .. .. .. .. وكان أقرب لي .. وأنا أقرب من هـــله لين صرت أشعر بقلبه .. بإغـــــتراب .. .. .. .. .. .. وكل درب ٍ .. كان .. ياخذني الـــــــــه قلت شفت الشمع ..قــال الشمع ذااااب .. .. .. .. .. .. قلت شفت القلب .. قال أصلاً ..دلــــه قلت آآآآآه .. وضجت بصدري عتاب .. .. .. .. .. .. لين بلت كــل عــرقٍ بالــــــــــــــــوله كل لحظه كانها.. صارت خــراب!! .. .. .. .. .. .. كن بين الوقت .. وإحساسه صـــــله في طريق الهم .. والرؤيه ضبــــاب .. .. .. .. .. .. وصـــــــاحبي ماكـل عــذرٍيقـــــــبله فلت .. تشعر بي؟؟ وردد..لا جواب .. .. .. .. .. .. قلت أي إحساس في قلبك .. قـــــــله طالما هالـــــــــــــدرب تاليته غياب .. .. .. .. .. عطني إحساسك .. بصيغة أســـئله ,’ |
حكمة الأقدار..! أنا أعلم وانت لو تعلم بخافي القلب والأسرار ... أنا لك بحت بسدودي وأعلن للملا سرِّي أنا العاشق أنا المغرم لأجلك أكتب الاشعار ... أترجمها بإحساسي يجول بخافي الصدري غناتي آه لو تدري عن شعوري وعن الافكار ... عن اللي دار في بالي عن الدمعات لي تجري أرى الأيام تتلاحق أنا اللي في الهوى صبَّار ... على شانك أروِّضها ظروفي وابدي بعذري أهوِّن من شقى ايامي واساير حكمةْ الاقدار ... أنا اللي في بحر لوهام ضايع يا غلا عمري هامــــة العز ماني من اللي ينحني بالسهوله ... لي هامةٍ يخضع لها العز ويلين أعرف مواجيبي وشرعي وأصوله ... وأحسب حسابي وأدرك الشين والزين بنت الأصل بنت العرب والحموله ... بنتٍ لها في مطلع الشمس تبيين عزمي قويِّ وكل كوكب أطوله ... وأرقى بفكري فوق روس المعادين لو كان تعني يالغلا ما تقوله ... خل السعادة تبتسم للمحبين الحق حق ونتِّبع له أصُوله ... ونبعد عن دروب الريا والتلاوين أتعبتني والوقت شحَّتْ فصوله ... ودِّي الربيع يضمِّني بالرياحين ودِّي الهنا منِّي قريبٍ وصوله ... والفجر يشرق بالفرح والتلاحين مطلع الشمس:wa |
يٍسلمؤؤ خيو هيٌبًة فنًان لفتًة رائع‘ــة للابْدًاعْ النسًائيْ ...
هذه القصيدة للشاعرة ريمية فيها كل شي عن ما يفعله الشاعر إذا ضاق به المكان وحاصره الإنسان ؟ هذه القصيدة بعنوان ( المحمية) .. غرفتي بكل إمتداد فايضة مثل إنحساري فوضوية مثل حلمي مخلصة مثل أنكساري معشبه مثل الضلوع ممطره .. مثل الحنين مزهره .. مثل الرجوع عن الصحاب .. الخاينين عالمي الخاص المثالي أدفئ من جنة خيالي شاهده على بعض عمري ضاحكه من بعض آمالي باكيه في كل حزني دافيه .. حيل .. وحميمه مفعمه بالعطر .. واسمى قبل .. تسع سنين كانت : سجن .. مثل الزيف بارد بعد عشر سنوات صارت : كون مثل الشعر .. واعد دنيتي الأكثر .. أمان حضني .. الأصدق .. حنان لما .. جربت .. اللي .. برا عدت .. للوحدة الصديقة هنا .. بس .. أحس نفسي طير .. له .. حريته وظبي في محميته ..... |
| الساعة الآن 12:07 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين