~¤ô§ô حـــــ ــــــــرآير [ فقط الشعر النسآآئي هنآآ.. ]~¤ô§ô¤*~

J и ๏̯͡๏ η · #1 (**permalink**) 29-04-2010, 07:54 AM

السلام عليكم ورحمة الله وبركاته

,
’

عندمآآآ تخطّ الأنآمل النآعمة خطوطآ مسمّآه شعرآ
فهي الأصدق وهي الأعذب..
جبلت حوّآء ذآت أحآسيس, واشتهرت بذلك

[mark=#FF0099]هنآآ متصفّح فقط للشعر النسآآئي[/mark]..

فصحيح بأن الشعر لآ يصنّف ويبقى مآهو خآلد وعذب..!!
لكن دعوة لإنصآف الإبدآع النسآآآئي
سنبثّ حرآآآئرهنّ هنآآآ..

أرقّ الكلم, وأشدّ الوصل
.
.

J и ๏̯͡๏ η · #2 (**permalink**) 29-04-2010, 07:59 AM

[mark=#FF00CC]

الشآآعرة/غيـــــــوض..

[/mark]

ثورة الخوف

ثآرت علي همـــــوم نفســـي وهـــآجت
وأوجست وسط القلب خوف بأثر خوف
والأرض غبــــرا في عيـــوني وضاقت
معــآد أقدي بالنظــــر مدة الشـــــــوف
كنّي بطوفــــــآآآن والأمـــــوآج مآجـت
ريح أواجهّــــــــا, وريح بهـــآ خـــوف

دقآت قلبي

أكتب وتقـــرا ريشـــــة العـــــود كتبي
شعـــري سلس ينســـآب على السليقة
مشآعــــري يآشوق يمّـــــك جرت بي
من مرهف إحسآسي بيوتـ/ـن رقيقـــة
أحنّ وأشــــوآق الغـــــرآم إعصفت بي
وقلبـــي فرآآقـــك سآعـــة مآ يطيقــــه

رآحآآت بآلي

أنآ عـــــرفت الحب يومـ/ـن عرفتــــك
ومن قبل أعرفـــك والهوى مآصفآ لي..
أحـــــلف برب البيت مآشفــــت مثــــلك
إنته فريـــــد النـــــوع بأوّل وتآلــــــــي
يآ غـــــالي قلبــي يحـــــنّ وقـــــربلك..
وقربك هــــــوى قلبي ورآحــــآت بآلي

سآعة ودآعك

يآمن ودآعــــه كنّه مــــوآدع الــــروح
لو هي بكيفــــي عنك مآروح ســــآعه
سآعة ودآعك دمع الأعيآن مسفــــوح
منك وعليـــك من المحــــآجر ضيآعــه
الحب يجبر يآحبيبي عــــــلى البــــــوح
والشـــوق يفقد في القـــلوب المنآآآعه
ألعي كمآ تلعـــــي الحمآمة على الدوح
ولآ ألـــوم قلبـ/ـن مآآضرى بالقطــآعه
سآفـــــرت قلبي بين الأضلآع مجروح
يآغالي لرضـــآه سمعـ/ـن وطــــــآآعه
إن غبت انشفــــــت عيوني على النوح
من حيث والله مآآتحمــــل ودآآعـــــــه..

J и ๏̯͡๏ η · #3 (**permalink**) 29-04-2010, 06:03 PM

[mark=#FF0099]

الشآآآعرة/ عآبرة سبيل
( رحمة الله عليهآ)..

[/mark]

العيد باكر

العيد باكر أسعـــــد الله ممســــاك
والله مدري ويـن خــــدٍ جلستــــه
وين انت ياللي عيدنا في محياك
كف القدر من ضيقة الخلق بسته
من يوم ما لوحت لي كف يمناك
لليوم دمعي بالخفا مـا حبستــــه
ومن يوم ماذوقتني حر فرقــــاك
والياس زرعه في حياتي غرسته
شريت لي ثوبٍ علي شان لقياك
والــثوب راحت موضته مالبسته
وشـريت عطرٍ ما زهاني بليـاك
أربع سنيـن بعلبتــــه مالمستــــه
ودفتر قصيدٍ كل يـوم يترجـــــاك
مافيه يومٍ ماسهـــــرت ودرستـه

يسألوني

يســــألوني عـــابـره ويـن الجديـد
والإجــــابـه ضايقــــه فينـي مــلـل
راحت ايام السعــــاده والقصيـــــد
عشتهـا بيـن التكــــانـه والجهــــل
كنت أروض شـــارد الحرف العنيد
ماعســــرني لو بغيتــه فـي عجـل
فيه أصـــور لوعــة الحـب الأكيـد
ومنّه (أشكل) ماحوى قلبي غـزل
ومعـه (اسافر) عن معاناتي بعيـد
ولأجل حبــه ماشحنّي من زعــــل
أحضنه (فرحة) طفل في يوم عيد
وأسكنه (روض) الخزاما والنفــل
واحتويته ليت لي (قلـب ٍ) بليــــد
ماعــرف (فرق) الجزاله والهزل
والنهـــايه مابقـى عنـــــدي جديـد
واعذروني صـــارت أيامـي ملـل

الوصيه

تـرى الذبايـــح وأهلهــــا ماتسّلينــــي
أنا أدري إن المرض لا يمكن علاجه
أدري تبي راحتــي لا يابعـــد عينـي
حرام ما قصّــــرت يديك فـي حاجـه
أخـذ وصـــاتـي وأمـــــانـه لاتبّكينـي
لو كان لك خاطرٍ ما ودي أزعاجـه
أبيك في يديـك تشهــدنـي وتسقينـي
أمانتك لا يجـي جسمــــــــي بثلاجـه
لف الكفن في يديك وضف رجلينــي
ما غيرك أحدٍكشف حسناه واحراجه
أبيك بالخيــــر تذكرنـي وتطـــرينـي
يجيــرني خالقي مـن نـار وهّاجــــه
سامح على اللي جرى مابينك وبيني
أيام نمشـي عــــدل وأيـام منعـــاجـه
همّــي عيالي وأنا اللي فـيْ كافينـي
علمهـم الديـن تفسيـــــره ومنهاجـه

بريال عارضته

بريال عارضته على السوق بريال
من باعني برخيص والله لأبيعـه
من يشتري رجّال قصّر بالافعـال
باع العهـــود الماضيـه للخديعـه
رجّــال يسوى له ثمانيـن رجّـال
كل الصفات اللي ملكها فضيعـه
له ضحكةٍ تشبه لضحكات الأطفال
ذيبٍ ونظراتـه حنونـه وديعـــــه
وله فزعةٍ منها المجانيـن عقّـال
وفجوج لا ضاقت عليّ الوسيعـه
ياما عدل عوجا ثقيلات وطـوال
وأنا معاقبتـه غيــــــورٌ صريـعـه
والله يسوى لـه ثمانيـن رجّــــال
والخبل مثلي لا زعل يب يبيعـه

البطاقه الشخصيه

أنا عجـوز مطلقـة وام ورعــــــان
وأيضاً مدام وبنت وآنس وعانـس
أنا بدوية وعايشه عنـد حضـران
وبنت البحر وابوي زارع وغارس
أميّــة ماتعـــــرف حـروف وألـوان
وتلميــــذة دشـت جميـع المـدارس
ضفره وخبله ، عاقله،في نقصـان
شــرود وأنطح لي ثمانيـن فـارس
خلونِ أعيش العبره دون عنـوان
طيف يمــــر بـلا رقــابـه وحـارس

نون

هو يعــــرف أن القصايد خيالات وفنـــــون
واقعي مافيه غيــــره شــــريـك بدنيتـي..
ما لعبــــوا اهل المغــازل عليه ويخسـون
ماشيه في حشمةا للي مشى في حشمتي
من تربي مثلي فـ بيت عـــزٍ مايخـــــون
غاليه بالحيــــل بالحيل عنـدي سمعتــــي
ماسهرنـا بالليــــالـي ندقــــــدق تليفـون
امحشــــوم اللي نواه الجليــــل بقسمتـي
غالي لو هــــو يبي قصـة العاتـق يمـون
حجتـــه تبقـى وتسقـــــط لعينــــه حجتـي
هو نـــون وحطه المعتلي في وسط نون
في يدينــــه دمعتــي وفي يدينـه بسمتـي

حنين الرووح · #4 (**permalink**) 29-04-2010, 06:55 PM

الله .,

فكره جدا رائعه .,

واختيار مميز لشاعرات نسجن من الحروف اروع الابيات واجملها

هل استطيع نثر شئ لشاعراتي المفضلات ام نستمتع بإختياراتك الراقيه فقط

الله يعطيك الف عافيه ياهيبه

دمت بـ ود

J и ๏̯͡๏ η · #5 (**permalink**) 29-04-2010, 07:28 PM

اقتباس:

المشاركة الأصلية كتبت بواسطة حنين الرووح

الله .,

فكره جدا رائعه .,

واختيار مميز لشاعرات نسجن من الحروف اروع الابيات واجملها

هل استطيع نثر شئ لشاعراتي المفضلات ام نستمتع بإختياراتك الراقيه فقط

الله يعطيك الف عافيه ياهيبه

دمت بـ ود

أكيد الغرض من الموضوع مشآركآت بشعر نسآآئي
فأنآ أنتظر الجميع..
لمرورك عذوبة أختي فلآ تحرمينآآ
.
.

magic · #6 (**permalink**) 29-04-2010, 07:45 PM

[ALIGN=CENTER][TABLE1="width:95%;background-colorilver;border:4px double crimson;"][CELL="filter:;"][ALIGN=center]

بآرك الله فيك هيبة على الطرح الجميل

هدي مشآركتي للشآعره " شجون الظبيآنيه "

بقصيده عنوآنهآ

" أسعد اللحظآت "

أسعد اللحظات في عمري حبيبـي
لانظرتك تبتسـم وإنتـه معايـه

تنتشي بك دنيتي وإنتـه طبيبـي
وإنت روح الروح وأوصالك كفايه

نظرةٍ منـك تطفـي لـي لهيبـي
والهنا في قربـك وهـذا منايـه

دونك الدنيـا بـلا ذوق وتغيبـي
عن شفاتي بسمة الفرح وهنايـه

ترجمت لك روحي الشوق العجيبي
لي سكن في داخلي وكسر عظايه

والوله لي يشبه بوصفه غريبـي
تايهٍ يبحث عـن ديـار وحمايـه

مالقى غير الشقا ودربه صعيبـي
كل ماحـل بحمـى تلفيـه ذايـه

[/ALIGN][/CELL][/TABLE1][/ALIGN]

J и ๏̯͡๏ η · #7 (**permalink**) 29-04-2010, 09:01 PM

^
^
قصيدة ولاآآ أروع, و[mark=#FF3300]شجون [/mark]شآعرة معروفة للجميع
ننتظرك هنآ بشغف دآئمـــآ..
..

[mark=#FF0099]

الشآآعرة/ الرآآسية

[/mark]

..

قصيدة بعنوآآن [mark=#00FF00]( أحس إنّه غبي )..[/mark]

رحت ادور في وجيه عداي للخوه صديـق
لين ضاقت بـي يمينـي .. ومليـت تعبــــي

أحسبنـي لاتعـــــزويـت بلقـــــالـي رفـيـق
لارفيـق .. ولاعـــــدوٍ.. ولاحتـــى صبـي

آه ياثقـل الخطــــاوي علـى ذاك الطـــريـق
طحت من طولي على الدرب الأمحق بركبي

للزمـن مبـــدا ومبتـــداي مـا أظنــــه يفيـق
لعنبـــو مبـدأ الصــــراحـه أحـس انـه غبـي

البحـــر تحت السفينـــه وهـي شبـة حريـق
والسمـا تمطــــر وذا الغيـم مافـــاد إلهبـي

والحيـــاة وفلسفتهــــا وفـزعـات الفـريـق
علمــوني كيف الأجناب تطمـع فـي عنبـي

(يامضاوي يامضاوي) يازفـرات الشهيـق
ماحــــدن غيـرك اليـا راح يبكيــــه هدبـي

من خلق وجــه الليالي وانـا مالـي شقيـق
غيـر حزنـ/ـن لا لفـــانـي تلقـانـي يحـبـي

قمـت ألبـّي لا لمحتــــه واذا اقفــــا اضيـق
ضيقة اللي شايف الضيم في وجه أعربّـي

ولالفــــانـي فـــز قلبـي مثـل فـــزة عشيـق
جا يرحب بي وانا امـوووت لا قال أرحبـي

أرحبي يالعنبــــو المـوت فـ عيـون الغريـق
يهــبي شعـر/ـن يخذلـك وانـا حـي يهبـــي

الشعــــر لوهــــو مقيـّد بفكــــّه لـك طــليـق
والرسـن بيديــــك وانتـي تمنّـي واطــــلبـي

أقسمــــــي باللـي خلقنـي وبالبيـت العتيـق
والا فريهـــا على ( مصـر) وحيــاة النبـي

انـي بحضــــرة جنابـك اذا جيتـي أليـــق
والا فضيها.. وقولي قطيعـه وش تبـي؟؟

وأهجريني يضرب الحب والجـرح العميـق
هجــرة اللي ماوفـا لـي ولا طـال شنبـي

احسبنـّي لاتعـزويـت بلقــــالـي رفـيـــــق
لارفيـق.. ولاعــــدو ..ولاحتــــى صـبـي

من عرفت الدمع الأسود وانا حزني صديق
لعنبـــو حزنـ/ـن اليـا طحـت ماوقـا ركبـي

غدا يوم آخر · #8 (**permalink**) 30-04-2010, 02:29 AM

موضوع جميل اخوي هيبه
احببت المشاركة معكم

الشاعرة / ريمية .. (حصه هلال المليحان

هذه القصيدة فيها كل شي عن ما يفعله الشاعر
إذا ضاق به المكان وحاصره الإنسان ؟ هذه القصيدة بعنوان ( المحمية) ..

غرفتي بكل إمتداد
فايضة مثل إنحساري
فوضوية مثل حلمي
مخلصة مثل أنكساري
معشبه مثل الضلوع
ممطره .. مثل الحنين
مزهره .. مثل الرجوع
عن الصحاب .. الخاينين

عالمي الخاص المثالي
أدفئ من جنة خيالي
شاهده على بعض عمري
ضاحكه من بعض آمالي
باكيه في كل حزني

دافيه .. حيل .. وحميمه
مفعمه بالعطر .. واسمى
قبل .. تسع سنين كانت :
سجن .. مثل الزيف بارد
بعد عشر سنوات صارت :
كون مثل الشعر .. واعد
دنيتي الأكثر .. أمان
حضني .. الأصدق .. حنان
لما .. جربت .. اللي .. برا
عدت .. للوحدة الصديقة
هنا .. بس .. أحس نفسي
طير .. له .. حريته
وظبي في محميته .....

J и ๏̯͡๏ η · #9 (**permalink**) 30-04-2010, 04:23 AM

^
^
[mark=#FF3300]شآآعرة الملآآيين [/mark]بلا جدل..
مشآركة رآئعة أختي ,ننتظر مشآركاتك
..

كبّرتني يآآهم..

كبرتني يا هم .. دخيلك قول للدنيا أنا عمري الحقيقي كم ؟
كبرتني يا هم .. تروح سنين من عمري تضيع وما احد مهتم
ما عاد لي فيها أمل .. هالدنيا هذي يوم
عمري ذبل حلمي انقتل .. فرحي غدا معدوم

ابعرف وش سبب حزني .. ابعرف وش سبب لهموم
كثير احزان في الدنيا .. سببها دعوة المظلوم
أمانه يللي سامعني .. اذا اني ظلمتك يوم
تعال و قل مسامحني .. ترى والله جفاني النوم

أنا ما عشت ابد سني .. ولا حسيت غير الآه
احس عمري رحل مني .. واحلامي ارحلت وياه
زماني يروح ويذبحني .. واعاني من التعب و القاه
واقول الله يعوضني .. لي الجنــــه بإذن الله !!
وحالي صار حالي غم .. كأني ما دعتلي أم
وكل ليلة تمر أقول .. كبرتني يا هم !

[mark=#FF0099]نسرين بنت محمد[/mark]
.
.

متذوق للشعر · #10 (**permalink**) 30-04-2010, 11:34 AM

الله عليك يا هيبة فنان على الموضوع الرائع ،،
(( وين أقفي بس وين ! ))

المسا بارد.. وجمرك ما يدفـي
والليالي سود.. ودروبي صعيبه

والقراح اللي حسبت انه يكفـي
شحت أيدينٍ تجيبـه مـن قليبـه

يبست شفاهي.. وحظي مايوفي
والغدير ان ما سقاني ويش أبيبه؟

ليلةٍ كـان اللقـا ماهـو بشفـي
جا يعاتبني علـى قلـة نصيبـه

كل ماونيـت منـه قـال قفـي
وين اقفي بس..؟ ياكبر المصيبه

البـلا ماكـل موجـوعٍ يخفـي
خاصةٍ لاجت جروحه من حبيبه

والوسايد دمعهـا عيـا يجفـي
والشتاعيّا سحابه عـن شعيبـه

يوم ذقت المر قال:القلب عفـي
آآآآه والدنيا ظواهرهـا غريبـه

الشتا قارس .. وقربك ما يدفـي
والليالي سود ودروبـك مريبـه

للشاعرهـ: الراسيه

تسجيل الدخول

~*¤ô§ô حـــــ ــــــــرآير [ فقط الشعر النسآآئي هنآآ.. ]~*¤ô§ô¤*~

الشعر والنثر

السلام عليكم ورحمة الله وبركاته

~*¤ô§ô حـــــ ــــــــرآير [ فقط الشعر النسآآئي هنآآ.. ]~*¤ô§ô¤*~

~¤ô§ô حـــــ ــــــــرآير [ فقط الشعر النسآآئي هنآآ.. ]~¤ô§ô¤*~

~¤ô§ô حـــــ ــــــــرآير [ فقط الشعر النسآآئي هنآآ.. ]~¤ô§ô¤*~