|
تبي الكليه الامنيه ومعك شهادة الثانويه العامه ادخل بسرعه ....
السلام عليكم ورحمة الله وبركاته كيفكم ياصقيقيني ان شااء الله بخيررر << متوهق كيف يبدا بالموضووع هع هع :q انا كنت عند خالي قبل كم يوم هو رتبته مقدم << مشااء الله :rolleyes: المهم هو يعرف واحد بالكليه الامنيه قال له ان شااء الله من السنه الجايه الكليه راح تقبل اللي معه ثانويه عامه يعني النظام القديم راح يرجع وطبعا اللي معه الجامعه راح يدخل بعد حبيت اقول لكم هالخبر وافرح كل واحد حلمه ( الكليه الامنيه ) واللي ابيه منكم يااخواني انك تدعون لي بالتوفيق استغفر الله العظيم واتوب اليه استغفر الله العظيم واتوب اليه استغفر الله العظيم واتوب اليه تشاااااااااااو :ash: |
الله يبشرك بالخير يا غالي
والله يوفقك |
الله يجزاك خير بس ما اتوقع هذا الكلام لأن ما فيه مصادر موثوقة اضافة إلى أن الكلية الامنية تم اعدادها لقبول الجامعيين فما اتوقع انهم بيرجعون لنظام السابق وهو القبول بالثانوي بالعكس كل الكليات العسكرية الآن توجهها للجامعي من الكلية الحربية والبحرية والجوية والحرس والملكي ..الخ .
|
وياك يااااارب وكل عاطل يارب
|
يارجال جامعيين يفحطو ولا جاتهم
كيف لو صارت بعد بالثانوي من الحين الواحد يدور وااااااااااو :) والله يوفقك ان شاء الله :) |
اقتباس:
وياك ياارب خوي حفايا اسرار هذا الكلام اللي قاله لي والله :q |
اخي الكريم ارجو منك ان تتحدث بكلام يقبله العقل وأن لاتعشم الناس في شيء محال
الكلية الامنيه يوماً بعد يوم تزداد صعوبه الان بعد ماتخلص الجامعه لابد تختبر اختبار قدرات حتى تتحصل على الدرجه المطلوبه حتى تجتاز شرط فقط من عدة شروط وضعته الكليه الامنيه هم بلشانين بحقين الجامعه وصعبو الاجراءت عليهم فما بالك انهم يفكرو بمجرد التفكير بحقين الثانوي |
اقتباس:
لازم الوااااااااااو وما ادراك ما الواااو ويااك يااارب خيو ;) |
ما اتوقع هذا بس اشاعات شوف الرابط ادناه
http://www.kfsc.edu.sa/ADMISSION/OFF...20logging.aspx مكتوب دورة الضباط الجامعيين (40) لو فيه ثانوي كان كتبوا معها ثانوية عامة والدعوى اشاعات لا اكثر ولا اقل ومثل كلام خوي خفايا اسرار كل الكليات العسكرية بتتوجه للجامعيين والمفروض يفتح عنوان في المنتدى بشرى لكل الجامعيين ان الكليات راح تقتصر القبول عليهم فقط ...الابتعاث من السنة الجاية راح يكون لدراسة الماستر والدكتوراه لا ابتعاث ولا كليات عسكرية الدعوى بزارين الثانوية فشلونا في الابتعاث وفي الكليات العسكرية ويكون في علمك ليش ألغت القبول الكلية الامنية لثانوية تبي تعرف السبب اسأل عمك عن الطائرة اللي انخطفت الى العراق منهم ابطالها.!!! |
اقتباس:
واحب اقول لك شي والله لتقديرك مقبول وعندك واسطه راح تدخل وانت تضحك وثاني شي اخي الكريم من رد كلامك علي اني اتكلم بكلام من راااسي انا والله ماقلت كلام من رااسي ذا كلام خالي جابه مو اعز اصدقائه من الكليه الامنيه لمعلوميه انا لو معي جامعه والله تحصلني بالكليه الامنيه الوااو متوفر الحمد الله :rolleyes: انا ماقلت هالكلام الا والله ابي افرح اخواني ماهمني رد او شكر انا ابي الاجر من عند الله عز وجل ولك خالص تقديري :w |
الله يوفقك
بس الي مثلي انطرد من السجون لانه ناقص نصف سم وييييييين يروووح |
اقتباس:
هو خالي مو عمي ههههههه المهم اللي قاله لي من السنه الجايه راح يقدرون اللي معهم ثانويه عامه يدخلون ان شااء الله عاد ماتدري ااحتماال يكون اكيد واحتمال يكون لا انا اللي قاله خالي قلته لكم :p وطبعا الجامعين راح يدخلوون |
اقتباس:
مشكور علي مروك ياغالي عليك وانا اخوك بالرياضيه وحاول تتعلق بجدر كل يوم الصباح قبل الفطور هذي تجربه قالها لي واحد الله يوفقك ان شااء الله |
ههههههههههههههههه انا بصراحه اايد كلام اخوي تركي العنزي الفشل واضح ببزارين الثانويه من ناحية القياده العسكريه فـ ماهو معقول يسلمونهم قياده عسكريه ويالله
|
يا حليلكم يا الثانوية تحلمون وين ثانوية وين انتم عايشين الواحد يبي يصير ضابط ولا مهندس ولا طيار ولا معلم على طول بدون دراسة انتم ما تبون الدراسة ولا الجامعة تبون الوظيفة على طول وتبونها وظيفة محترمة كمان ،،الكلية الامنية يالله تقبل جامعيين وسمعت انها يمكن ما تقبل الا ماجستير بعد كم سنة <<<<<يبي يحطمهم
مع اني اجزم ان القبول فقط للجامعيين بس لاجل عيون هذا المنتدى و اعضاءه خاصة الجامعيين امثالي راح اتأكد من هذي المعلومة بطريقتي الخاصة وبأدلة مشهودة بعد بس اصبرو علي كم يوم خلني اريح الجامعيين من هم الاشاعات اللي قروشتنا ما تشوفون الجامعيين لهم موضوع مثبت فوق عن الكلية الامينة وحالتهم حاله وتجونهم على الرمق الاخير من التعب والجهد وانتظار التسجيل في هذي الكلية وتقولون لهم خلاص الكلية تقبل ثانوية هي لعب هي فوضوى هي تلاعب بالاعصاب وش عندكم يا الثانوي ناشيبن للجامعيين في الصغير والكبيرة<<معصب هين دواكم عندي وانا بو هندي اذا ما خليتكم عبرة لمن لا يعتبر هههههههه تراي امزح بس لا عاد تعودها مع اني شاك انك جامعي بس تبي تلعب في اعصاب ضعوف الله ترى والله تاخذ ذنبهم . |
تحلم بالامنية بالثانوية مافي امل
|
بصراحه ياصاحب الموضوع وبدون زعل
انا غسلت يدي من يوم قلت خالي مقدم قول فريق ركن نمشيها لواء كمان نمشيها قول عميد كمان يدوبك نهضمها ولازم بيبسي وسفن مع بعض عشان نهضم الموضوع ومسوي زحمه ومنزل موضوع وفي الاخير طلع مصدرك مقدم مع السلامه |
لعبة هي ثانوي بعدين جامعي بعدين يرجعونها ثانوي لو الاشاعه جات ماجستير كان الواحد يمكن يصدق
ماتدخل العقل مع تحياتي لصاحب الموضوع |
الله يوفقك
|
اقتباس:
ياشيخ والله اني مت ضحك عليك لبى روحك بس اول شي اقرى الموضوع زين مرتين قبل الفطور ومرتين بعد الفطوور << حشا صارف لك علاج ههههههههههه بعدين انا قلت خالي رتبته مقدم يعرف واحد بالكليه الامنيه مادري وش هي رتبته <<< افهم يافيهم هع |
مشكور اخوي وانشالله تكون صحيح نشوف بس ماتوقع راح يصير
|
اقتباس:
وكل جايز وانا اخوك هالاياام |
ياعزيزي نتقابل في دورة 40 ان شاء الله
:D |
من اليوم حتى السنة القادمه؟
|
اقتباس:
حبيبي مو بس المقدم خال الولد يتكلم عن الموضوع ياخي اللواء عبد العزيز الحربي والعقيد داود الصبحي كلهم قالو كذا ياخي الشعلان براسه قال ان فيه خطه مدروسه للتطوير والخطه تشمل سنوات الدراسه وش رايك بكلامه ؟ |
اقتباس:
مشكور اخووي علي مشاركتك :) انا مستغرب شي اذا قلت شي كل واحد يفتي من راسه اللي يقول اشااعه واللي يقوول ماهضمتها واللي واللي "P ماادري وش يحسون فيييييييييه :mad: |
جزاك الله خيراااا
|
كم سوال ابغى أجابة مقنعه لها
هل يعقل توظيف طالب ثانوي برتبت ظابط في هذا الزمن وهو عمره21؟ هل عقلية الجامعي كعقلية طالب الثانوي؟ والله انا خايف انه ترجع ثانوي وبكرة الظابط عمره21سنه تلقاه معاه بطاطس وبيبسي وجايب البزران خوياه معاه في المكتب والشايب جندي اول يدقله تحيه ويبكي الشايب ويتذكر ايام دلال القهوة والرجال اللي كانو يرئسون القسم صدقني على طول الشايب يقدم تقاعد وكل خوياه القداما وبعدين أش يسير حيكون القسم ميدان للعب الطيرة والطيش وسبعه حجر وانت رايح الله المستعان الكلية للجامعيين فقط لو سمحتم يا طلاب الثانوي |
لو يقبلون الثانوية كان قفلت الجامعات وماحد دخلها
|
خوووووش خبر
إن شاءالله يطلع كلام خالك بمحله...!! مشكوووورررر |
الله يسمع منك
|
اقتباس:
طيب شوف الضباط الكبار الي ماسكين الامن العام والحرس الوطني وغيرهم اعمارهم كم يوم تخججو من الكليه كانو يدخلونهم بشهادة المتوسطه وبعدين يالحبيب انت داخل اعلام واذا تخرجت عمرك كم هل ترضى احد يقول مايصلح لان عمره صغير والضباط الي توهم متخرجين دارسين مهارات القياده ودراسه مكثفه تسوى الجامعي وغيره وبعدين وشو عقلية الجامعي وعقلية الثانوي وش تحس فيه انت انت تتذكر المدرسين الي يدرسونا في الابتدائي والمتوسط والثانوي كيف عقلياتهم فيهم الواعي وفيعم المتخلف مع ان كللهم جامعين واكيد تعرف سالفة الملازم الي ملبس بدلته الشاذ مامعه جامعه قبل الامنيه ؟ليه يمشي بطريق السفهاء الوعي والثقافه مالها عمر يااخوي ولا لها مستوى والمصلح ربك وبعدين شوف ردك والبطاطس والببسي للاسف انك طالب اعلام وهذا كلامك وتبي امنيه بعد الله يوفقك ياخوي ويعطيك على قد نيتك ______________________________ ومن ناحية الموضوع انا اقول مستحييييل ومن سابع المستحيلات لان اغلب الكليات العسكريه توجهها لرفع مستوى القبول للجامعه - تجي الامنيه تنزل مستوى القبول للثانويه مستحييييييييييل |
الله كريم
|
نعم أخي الكريم كلام صحيح 100% كلية الملك فهد الأمنية راح ترجع نفس نظامها الأول تقبل خريج الثانوي ويدرس في الكلية 4 سنوات ويتخرج ملازم.
وبالنسبة للجامعيين راح تستمر في قبولهم لكن بالنسبة للتخصصات الشرعية هم تدريبهم بالكلية سنتين والكل يعرف هذا الشي لكن السنة الثانية راح يكون الحظور الساعة 7 صباح ويطلع الساعة 2 كأنة في جامعة السنة الأولى مايطلع إلى الأربعاء ويرجع الجمعة كما هو معروف عند الجميع لكن تغير دوام السنة الثانية وبالتوفيق للجميع طبعآ هذا كلام ناس كبار والكبير الله.. |
اقتباس:
|
نعم سوف يطبق قريبآ بس إذا مو السنة هذا بالكثير السنة الجاية 1432 المهم أن البرنامج أنا واثق 100% أنه صحيح وما فيه مجال للنقاش فيه ونا متأكد من هذا الشي
|
اقتباس:
وش هي مصادرك والجرايد ماكتبت هالشيء ولا المواقع |
خلاص اجل انا بسحب على الامن العام وبسحب على السجون والمباحث
ماراح ادخل الدورة بنتظر السنه الجاية وبقدم |
الحقيقة ان صاحب الموضوع نزله بدون اي إثبات رسمي موقع او جريدة او وزارة الداخلية
وهذا الموضوع ياخوي بارك الله فيك شتت ناس كثيرة ومن ضمنهم اخوي الدهشمي تبغاه يضيع مستقبله ويترك السجون والمباحث علشان خبر غير مؤكد وغير موثوق .. اخوي الدهشمي قدم بالسجون والمباحث وكل شي ولاتضيع مستقبلك ورا شي غير موثوق وهداك الله ياصاحب الموضوع المفترض الإدارة تغلقة وهو بدون مصدر اصلحك ربي |
انا كلامي هذا مو معناته أن أي شخص مقدم على شي يروح ويسحب ملفه وينتظر الكلية الواحد مايدري وش هي شروط الكلية علشان يقدم على هذه الخطوة الغير مبرره وأنا مصدري موثوق وتذكر كلامي أن كان الله أحيانا إنشاء الله وبالتوفيق....
|
| الساعة الآن 12:43 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين