مشكلتي أستحي ...؟
 

السلام عليكم ورحمة الله وبركاته

ياشباب انا عندي مشكله وابي حلها تكفون انا أسمع عن العسكريه والمشاكل اللي تصير بالدوره

يعني أنتم فاهمين كلامي ومايحتاج اوضح

ويقولون أذا صار لك شي وتكلمت بتروح فيها

وانا بصراحه خايف وماادري وش أسوي

والمشكله اني استحي كثير وماأعرف أقول اللي ابيه


الله يجزاكم خير ويدخلكم الجنه

بس أبي اذا دخلت الدوره وش اسوي

لا تخاف الدوره مالها الا رجالها

تبي الصراحة انا اخوك / حط كرامتك بكيس عند الباب واذا خلصت من الدورة خذه وانت طالع معك
الاعلى فكرة انت اي قطاع

اللي يستحي ما يعيش وانا اخوك خصوصا بهالوقت وهالايام
تعود من الحين تقول وتروح وتجي وتختلط بالناس وتقول رايك وتتكلم
وبالتدريج واالتعود بيروح هالشي منك وبتتعود ع الوضع :)

بالتوفيق اخوي

حبيبي بقولك شي وابيك تحطو حلق في اذنك هذا الزمن (الي يستحي ما يعيش ) يعني خليك كليح في اي شي

عاد انت بكيفك اللهم سويت الي على

فهد


اذا تبغا الصراحه خاويلك واحد ذيب او خاوي لك رجال


وانته فاهم كلامي زين


وترى زي ما قالوا الشباب الي يستحي ما يعيش


يعني خلي عندك شخصيه


واذا جيت تبغا تدخل الدوره خلي كرامتك في البيت



والله يوفقك

الله يوفقك

الرجل الفاهم يضبط نفسة ويبعد عن بعض الناس ويخلي صدرة وسيع تبي تسمع كلامن واجد وضرب وجزوات مالك الا الصبر

خلك واثق من نفسك اخوي وان كان قصدك الجزاء انت رجل وتصبر وهذي اوامر عسكريه الله يوفقنا ويو فقك

أستغفر الله

الرجال مايستحي المشكله من العمر 17 الى 20 يزيد اويقل باختلاف الاشخاص يجي بعض الأشخاص نوع من الخوف مو خوف من احد خوف داخلي ( الشــــــــــك في النفس ) هذه تزول عند الزحف في العسكرية وحركات خيقي بيقي

ربك يسرها

يابو الشباب اغسل وجهك بمرقة دجاج على قولة المثل :d
لكن يعني ترى الحيا ذا منتشر وبكثرة ومافي واحد الا وعنده حيا بس يختلف على حسب ,
انا مره رحت دورات حصلت ( دورة الالغاء ) يعني تخليك ماتستحي تلغي خطاب قدام مئات الاشخاصانصحك فيها,
عاد امكن بالعسكرية اخلونك تلقي خطاب الحلف الدستوري او اليميني اوقات ضباط و اوقات طلاب حق
اقسم بالله العظيم....
بالتوفيق اخـــــــــوي.

الله يقوي قلبك ان شاء الله

هههههههههه بالتوفيق ان شاء الله

يا رجال توكل على الله واطقع ما تشوف ليه تستحي ما احد يستحي هذا الايام اما اذا استحيت بيكلون حقك ولي يتمادا معك وقفه عند حدة اذا سوا حركات مالها دعي اما اذا تكلم عليك فانك معك لسان زيه ردله الصاع صعيين

ياخووي انا مثلك بزززززززبط بس الحين الحمد لله تقدر تقوول افض من اوول ..

أول شي

* حاول اول ما تدخل الدووره تشبك لك مع وااحــد .. يعني تشووف شخصيته تعجبك
ويا حب ذا يكوون من نفس بيئتك .. يعني من مدينتك او من قبيلتك او من ديرتك
مو قصدي عنصرريه .. قصدي عشان تعرف تتخاطب معاه وتأخذ وتعطي معه

ثاني شي

* اذا بغيت شي وجاك الحياء ... تذكر شي في خاطرك قول إلى متى ببقاء كذا ..؟
واذا ما طلبت الشي اللي ببالي وش يصير ؟؟
أكيد بتخسر الشي الي ببالك وما بتأخذه لو تقوم القيامه
لان مد يدري وش تبغى !!
وانت بتبقى .. تتعب بداخلك
وتذكر هل الناس قد طلبوون الشي اللي في بالك ؟
طيب وش صار لهم ؟؟
اكيد عادي .. خلاص سوو نفسك عادي وخذ نفس عميق والله لتمشي اموورك

انا ما احدثك .. ( عن فلسفه . انا اتكلم معك عن واقع تجربه معي )

وثالث شي

* حط شي مهم مهم مهم في بالك اللي هوو

انك انت الحين تقول انك تستحس ..طيب ما اختلفنا .. يمكن تستحس من الناس اللي تعرفهم

لكن انت الحين بتدخل على ناس اوول مره يشووفونك .. يعني ما يدرووون عنك ؟
انت خجوول او شديد او ضايق صدرك او ثقيل دم او نشمي محد يدري وانت كذالك ما تدري عنهم !!

فأنت الحين وش دوورك تووضح لهم انت من تكووون .. شديد او طيب او اخلاق او كلمه ورد غطاها او فله

فأنت اول ما تدخل سو اللي براااسك و أعتبر كأن مافي احد قدامك
لان لو ما سويت اللي براسك وتجرأت وجلس اكثر من اسبووع وانت ساكت وتستحي

اكيد كل واحد خلال الاسبوع اللي مر وانت خجلان فيه كل واحد تأقلم مع الدووره وانت باقي ويسررون الشباب فله وانت باقي تستحي وتخاف تسوي شي ويضحكون عليك ولا يتكلمون فيك وفي الاصل محد بيضحك ولا بيتريق بس كذا (طبع الشخص إللي يستحي دائمآ)
وتجي بعد اسبووع تبي تسووي شي وتستحي لانك ما تأقلم وسوويت اللي براسك


وبعدين نصيحه نصيحه نصيحه ..

اول ما تخش الدووره سولف مع اي واحد خشش فيه كووون علاقه بس يكونون مع ناس فلاويه لان بيسحبوونك معه

واكبر غلط لا تعرفت على واحد خجوول زيك وتزيد الطين بله




وهذا اللي عندي وياليت انك تطبقه ورب الكوون انك ما بتنسى كلامي .. لو طبقته وتقوول صدق ابو زهره ..

تحياتي لك اخووك يوسف الزهراني

خوووووش اخوووويــــااا خخخ
اي علمـوهـ لايستحي :)


فهد لاتستحي من أحد قووو قلبك يارجـــااال
ولاتستــحي :)
واللي يــدووس لك على طررف .. دووس على خشمــه خخخ
بالتوفيق يابطل

توكل على الله واياام الدوره تمشي زي البرق
الله يوفقك دنيا واخره

الله يهديك ياولدي 0
الجبان مايصلح للعسكرية خلك ملكع ومهايطي بالذات في المعسكر التدريبي !

موفق ,,,

انا كنت زيك بس مع الايام راح جزء كبير منه وهو خجل وليس حياء

كنت اكره الزحام وكثرت الناس واحب الهدوء :m

لاني مش من مواليد المدن :q

ومن اول يوم دخلت المدرسه كان فصل اول ابتدأي فيه 9 طلاب

الين ثالث متوسط كنا 7 طلاب :cool:

ويوم جيت اكمل ثانويه خارج الهجره الي كنت ساكن بها

تغير الوضع الاول ثانوي اربع فصول . أ . ب . ج . د . والفصل الواحد 28 طالب :eek:

وخذلك يامعاناه :c

خصوصا اول وثاني ثانوي بس الثالث تحسن الوضع بعض الشي :rolleyes:



والحمد لله الحين الوضع تمام التمام لا وصرت عربجي بعد:mish:

وترى سالفتي عمرها سنه ونص بس

يعني عود نفسك ما يبي لك وقت وخلك رجال :mad:

ماني فاهم من ايش تستحي ؟؟؟

الحين الي يقولوا حط كرامتك عند الباب :mish:

اي كرامه الي تتكلموا عنها اهم ماعلى الرجال كرامته اما سالفة الجزاء فهذا طبيعي بالعسكرية بس ماتصل للكرامه يابو انت واياه شكلكم ماتعرفوا وش معنى كرامه الرجال العسكرية تعلم الرجال القسوة والخشونه والصبر وتحمل المصاعب والشدائد وتخلي الي يستحي مايستحي والي عنده كرامه يحطها عند الباب <<< هون عن فكرته :d خخخخخخخخخخخ من جد الي بيدخل عسكرية لايفكر باي شي يخلي الوضع فررررررررري في كل شي علشان يمشي مضبوط :Thumbs:

الا اخوي فهد تعال من ايش تستحي انت :do5h: وضح علشان نعرف نرد ؟؟

ياخي كني سامع هاالكلمة بس ماادري وين ;)

الله يعينك بالتووووووفيق للجميع

اخوي فهد انت كفو لها وراح تتفاجاء في الدورة بناس اصغر منك سناً اتمنى تبعد هالفكره من راسك .. فأن كان على الجمال فوالله ان اعرف ناس يناصفون القمر ولكن .. (ماحد يقوله عينك في راسك) وان كان خجل في التعامل من الناس فاللي معك في الدورة جميعهم خريجي ثانوية ولربما تجد شباب تعرفهم

ابعد هالفكره من راسك والله يوفقك

ياااااارجاااال عين خيررر << انت بتخش الدوورة بأذن الله خلكـ مطنوووخ >>

أي وااحد يتلفظ عليكـ بكلمة ولا شي عطه 10 مكااانه وتمشي الدوورة زي السلام عليكمـ

والله يوفقكـ

اللي يستحي ما يعيش يا ذيباااااااان
بعدين طلاب مثلك مثلهم اللي في الدوره رجاجيل مثلك تسحتي من ايش
والله يوفقك