|
اللي تخصصهم سجلات طبية الدخول ضروري
بسم الله الرحمن الرحيم والصلاة والسلام على أشرف الأنبياء والمرسلين........ ......أخواني أخواتي فنيين السجلات الطبية اللي ماتوظفووا وينتظروون وزارة الصحة ومكتب الخدمة المدنية اللي صار لهم سنة وأأكثر ماتوظفووا... ....طبعاً وزارة الصحة كل أسبوع بتحط يوم مفتوح للكل اللي هوو يوم الثلاثاء الجااااي.... وأحنا راح نجتمع في هذا اليوم الساعه ثمان الصباح وندخل على الوزير ونفتح معه الموضوع..... ياعالم ياناس اللي يعرف ناس تخصصهم سجلات طبية يبلغه بهالشي ضروري... بالنسبة لي محدثكم أنا جمعت45 خمسة واربعين واحد ومحتاجيين زيادة و تخصصهم سجلات طبية وكلنا راح ندخل على الوزير في اليوم المعلن ... والله ماعاد ينفع السكوت ارجوكم يامنتدى الخير أبي مساعدتكم اللي يعرف أحد يبلغه ويجيبه والله هذا التخصص أنظلم كثيير من وزارة الصحة ولازم لازم نتحرك قسم بالله قهر تدرس وتشد حيلك وتدفع فلوس وتذاكر وتتعب ومعدلات ممتازة وفي الأخير يوقلك (معهد خاص ) وعلى فكرة هذي المعاهد معترف فيهاا من قبل الخدمة المدنية والحمد لله عدينا أختبار هيئة التخصصات الطبية من أول شي واخذنا التصنيف... يعني مافيه فرق بيننا وبين معهد الأدارة وكلية المجتمع نفس المناهج... واللي يقهرك زيادة يجيك واحد من معهد الادارة معدلة أثنين من خمسة ويتوضف قبلك انت ياللي معدلك فوق الاربعه ونص يعني ممتاز والله شي يقهر ويقطع المصاريين وفي النهاية يقلك مفاضلة.. بالله عليكم وين الانصااف في المفاضله هذي ... وربي صرنا منبوذيين كل مكان نروحله نواجه الرفض والسبب لأنك من معهد خاص.. والله معدلاتنا ممتازة ونعرف أنجليزي وحريفيين حاسب آلي ومؤهلين تأأهلين ممتاز جداً في تخصصنا... هذا ووالله دراستنا مافيه أحسن منها وفيه ناس والله العظيم يعني تعبت كثير في دراستها عباقرة ومحترفين ومعدلاتهم ممتازة ... بس ماقول إلا حسبي الله عليهم وعلى من حطنى في هالموقف الصعب... و ليش مايقفلون المعاهد أجل من البداية لازم نرفع قضية على المعاهد الخاصة اللي أخذت فلوسنا وكذبوا علينا الوعد يوم الثلاثاء... أنا قربت السنة وأنا عاطل واعرف كثير عاطلين تخصصهم سجلات طبية.. ...في شهر 1 عام 1427هـ تاريخ التخرج في شهر 7 عام 1427 الإعلان عن الوظائف في الديوان في شهر 9 عام 1427هـ التقديم على الديوان. في شهر 1 عام 1428هـ بداية التعيين والبداية كانت لخريجين كلية المجتمع كان مجموع المتقدمين على وظائف سجلات طبية 500 شخص مجموع المتعينين حتى الآن 350 أغلبهم خريجين كلية المجتمع ومعهد الإدارة لأن المفاضلة حسب ديوان الخدمة المدنية تعتمد على الآتي :- عدد سنوات الدراسة والأولية لكلية المجتمع بجميع المعدلات ثم يليهم خريجين معهد الإدارة لجميع المعدلات ثم يليهم خريجين المعاهد الخاصة . الآن بقي من الخريجين ما يقارب 150 شخص لم يتم تعيينهم تخيل أن جميع مستشفيات وزارة الصحة والمراكز الصحية يوجد بها فقط 350 وظيفة شاغرة فقط في ميزانية 1427هـ هذا مختصر لتعيين خريجين السجلات الطبية لعام 1427هـ وننتظر الوظائف المستحدثة في وزارة الصحة لعام 1428هـ ياجماعه الخير الوعد يوم الثلاثاء الجاي في وزارة الصحة الحاضر يبلغ الغايب... ومن يقراأ هذا الخبر من أعضاء هذا المنتدى الغالي اللي وقفوا مع بعض ويساعدون بعض.. أرجوو منهم أن ينشر الموضوع في المنتديات الطبية والصحية والادارية والتعليمية... و خافوا الله يامسئولين تشوفون شباب السعوديه ينصب عليهم وتؤخذ أموالهم علانية وأنتم ساكتين خافوا الله في أنفسكم حرام عليكم والله ثم والله ماترضونه على عيالكم... لازم ثم لازم يعلم ولي الأمر بهذا الشي ومافيه غير ابو متعب هو اللي بحل مشكلتنا... كل سنة عاطلين السجلات الطبية في زيادة وأكثر اللي شغاليين في هالتخصص غير متخصصين وتخصصاتهم غير والله والله طفح الكيل وبلغ السيل الزبى اللهم أنصفنا منهم يارب اللهم أنصفنا منهم يارب وأسف على الأطالة وانا في أنتظاركم ؟؟؟؟؟؟؟ أخوكم المخلص آبطل الباطلين |
وعليكم السلام ورحمة الله وبركاته ابطل الباطلين يعطيك الف عافيه وماقصرت ومشكووووووووووووور شباب كل التخصصات تم يعيينهم من قبل وزارة الصحه ماعدا قسم السجلات الطبيه لازم نجتمع ونشوف لنا حل مع الوزاره كل مانروح يمهم يقلك السجلات الطبيه تعيينهم من ديوان الخدمه المدنيه:mad: نروح الخدمه المدنيه يقولون ماجانا ارقام من وزارة الصحه :mad: وعلى هذا الحال الحين لنا اكثر من سنه ونصف واحنا رايحين جاين لهم وربي ملينا منهم :court: كما ورد في حديث ابطل الباطلين راح يكون فيه اجتماع يوم الثلاثاء الجاي نبي اكبر عدد ممكن من خرجين السجلات الطبيه اللي ماتعيون وعددهم يفوق 500 :yaa: واكثر بس جالسين في البيوت........ مادري وش عندهم :confused: نبيكم تجهزو انفسكم وراح نروح للوزاره ونشوف وش نهايتها معهم يايوظفونا مثل باقي التخصصات ولا يرسلون ارقام الي الديوان كي يتم تعييننا ماصارت سنه ونصف ماعينو غير 350 واكبر ميزانيه كانت لصحه وياكثر الارقام الشاغره بس هذا تقصير من الوزارة ومن الخدمه المدنيه ولازم يصححون الخطأ ويكون فيه تنسيق مابينهم ولكم خالص الشكر والتقدير يوم الثلاثاء الساعه 8 ص اوكي ;) |
السلام عليكم ورحمة الله وبركاته
يعطيكم الف عافيه على هالموضوع الجميل والمفروض انه من زمان لكن اتت الرياح بما لا تشتهي السفن وازيدك من الشعر بيت اذا مريت الديوان تبي تستفسر عن رقمك يقول الحين ما يطلع الرقم مشغولين في جميع المناطق ماعدا منطقه الرياض مدري ليش هل فيه خلل او هي خطه مدروسه لكن الله لا يهينكم وانشاء الله الوعد عند الوزارة زي ما تقولون وعلى خير انشاء الله بالتوفيق للجميع |
وعليكم السلام ورحمة الله وبركاته :court: فني سجلات طبيه لا تنساء كلم باقي اخوياك يجون معك واللي تعرفهم :court: :rolleyes: :rolleyes: :rolleyes: |
ابشر انا اكلم الشعب كلهم اي واحد عنده شهادة سجلات طبيه سواء عدا اختبار الهيئة او ما عداه راح اجيبهم عند الوزارة انشاء الله ودعواتكم الطيبه بالتوفيق للجميع
|
فني سجلات طبيه انت :rolleyes: :rolleyes: :rolleyes: :rolleyes: لوفي اثنين مثلك كان توظفنا من زمان ;) ;) ;) ;) وين خرجين السجلات مافي غير 3 من جد حاله :Looking: شباب اي واحد يعرف احد تخصصه سجلات طبيه من اقاربه او من اصاحبه يدله على المنتدي وتمنياتي للجميع بالتوفيق والنجاح |
احرجتووووووووووووووووووني
|
فني سجلات طبيه ماغير انا وياك رايحين رادين على هذا الاعلان بس مو مشكله الله كريم |
عاطل الله فيه زي ما يقولون الهنود
|
الله يزينها من عنده انشاء الله
|
وش صار معكم
ياللي تخصصهم سجلات؟؟ |
ما صار حاجه ناطرين الوزير يجي من بريطانيا عشان يحل ازمتنا تقولين ازمة فلسطين مو احنا اغنى دوله يقولون بالعكس افقر شعب الله يوفقنا انشاء الله
|
ربي يوفقكم يالسجلات
<<<مشاركه اخويه <<<برااااااااا |
طموحها الله يسعدك على المشاركه العاطفيه ونتمني لك التوفيق والسعاده في حياتك سعوديه هلا فيك والله ماصار شي الوزير طلع مسافر بريطانيا يصيف :cry: بس الله كريم فني سجلات طبيه اشكرك علي التواصل |
لاشكر على واجب اخوي عاطل
|
وش بكم أهملتو الموضوع شكلكم ناسين منه نبي الحوسه لاحد يتحطم يالربع
كلها كم يوم ونشاء الله تفرج احد عنده علم جديد يفيدنا مشكووووووورين |
اخوي يبي يسجل السنة هذي في معهد شرق اشبيليا .. قسم سجلات طبية ...
بس بصراحة انا انصدمت لما شفت موضوعك ... يعني اخوي بعد سنتين ونص يصير عاطل ...!!!! والفلوس اللي بندفعها له....!!! معقوووولة ...!!! |
أبطل ياهلا فيك وبالتوفيق لكم ياأصحاب السجلات موافقين ابشروا انا عندي ولد عمي درس سجلات بس ماعدا الامتحان بس ابشر بعزك ياأبطل بعطيه خبر ولايهمك وبالتوفيق لكم <<< والله احس انهم ينصبون عليكم هالمعاهد الله يكون بعونكم بس
|
بشروا ياشباب ويش صار
|
هلابك .... رجعنا لكم .... كيف حالكم ........ حيا الله من زار وخفف .............والله مشكلة هالوزارة...ودي أعرف ليش مافيه أعلانات بالوظائف الصحية... نفسي أعرف السبب.....وبالنسبة للوزير الكحة في أجازة في بريطانيا....صدق من قال ناس في جحيم وناس في نعيم...................<<<<<<ينتظر الوزير على أحر من الجمر..؟ |
جرحي عميق ما راح يكون عاطل اذا كان معدله تمام راح يتعين في اسرع وقت اما اذا كان جيد راح ينتظر سنه او سنتين احساس قلب والله مافي نصب ولا احتيال بس الديوان هو اللي مئخر الوظائف بس عارف شباب كثير تم تعيينهم ابطل الباطلين ولا يهمك الله كريم انا سامع نزلو 34 رقم يعني في وظائف بس على خفيف وكان فيه واحد منهم من الشباب بس يقولون لازم تنتظر عشان المتقاعدين ننهي اوراقهم ودمتم بود اخوكم عــــــــاطـــــــــل خريجي معهد خاص تخصص -فني سجلات طبيه |
سلام عليكم ....كيف حاالكم اليوم ....عسااكم بصحة وعاافيه... أشكر كلً من سير وخفف في هذا الموضوع.... الغائب يبلغ الحاضر.. من مصادري الموثوقه وزير الصحة وصل من بريطانيا وأخيراً...... أي واحد تخصصة طبي أو فني صحي وماتوظف يحضر الأربعاء الجاي 29/8 ...راح يكون الأجتماع مع وزير الصحة المانع لجميع التخصصات الطبية بخصوص التوظيف وراح يكون فيه نقااش جهزوااااا أنفسكم ......وسيكون الاجتماع في القاعة الرئيسية في مركز التدريب بمبنى الإدارة العامة للتدريب والإبتعاث (أكاديمية الملك فيصل سابقاً) مقابل مبنى ديوان الوزارة .....وبناء على ذلك يطيب لنا دعوتكم لحضور هذا اللقاء المفتوح. وبالتوفيق للجميع |
يعطيك العافيه ..........!!!!
وبالتوفيق للجميع ...............!!!! |
يصيــــــر نفزع لكم :d
الله يوفقكـــــم يارب وتطلعون من هالنقاش ببطيخه اقصد فايـــــــــده ولااوصيكم طلعوا حره كل العاطلين سجلات وغير سجلات :d والله يقويكـــــــــــم ابطل وشركاؤه:rolleyes: |
MALDINI هلاااااااااااابك والله ,,حياك الله في هالصفحة ويعطيك العافيه ويسلمك ويوفقك ويزوجك بنت الحلال ويرزقك الذريه الصاالحه يارب قدرات عاطله هلااااااااا والله قدرااات:yaa: وين النااااااااااااااس:yaa: أنشالله بصحة وعافيه تسلمين والله قدرات على الفزعه خيرك ساابق وماقصرتي بس حلووووة آبطل وشركاؤة وأنشالله راح نكسب النقااش ونطلع من هالاجتمااع بشي مفيد ينفع العاطلين وراح أكون أول الحاضرين وبرجع أبلغكم في هالصفحة أيش صاار معناااااا و مع وزير الكحة ....... بالتوفيق للجميع |
الله يوفقكم يااهل السجلات الطبيه
|
هلا فيكم جميع والله ماني عارف وش اقول بس الاجتماع هذا راح يكون محصور بين اقواس س و ج بس اهم شي نطرح هذا السؤال لهم وهو -----------؟ ليه ما يتم تعييننا من وزارة الصحه مباشره مثل باقي التخصصات ونفتك من الديوان ومن مراجعتهم وربي مليت منهم وسلامتكم |
اليوم قاري خبر في جريدة المدينه الاثنين 21\8\1428 وظائف مساعد فني لخريجي المعاهد الصحية طلبت وزارة الصحة من ديوان الخدمة المدنية تعيين خريجي المعاهد الصحية على وظائف “مساعد فني” الشاغرة في ظل احتياج بعض التخصصات. صرح بذلك لـ “المدينة” د.سهل بن درويش سلامة مدير عام الشؤون الصحية. وقال إن هناك احتياجا كبيرا للعنصر النسائي في الوظائف الصحية مؤكداً أن أي خريجة في جميع التخصصات الصحية سيتم توظيفها مباشرةً بعد اكتمال الاشتراطات. وكشف المتحدث الرسمي لصحة المدينة عادل شرف ان احتياج المدينة من الكوادر الفنية في مستشفيات منطقة المدينة يبلغ 1167 . الحين عارفين كم رواتب المساعدين اللي من معهد صحي يعني دارس سنتين ونصف راح يكون راتبه 2800 واللي دراس في الكليه 3800 يعني والله قهر الوظائف موجوده ويعينونهم مساعدين ماصارت |
|
متحمســـــه من امس على بالي الاربعاء اليوم :cool:
يالله الله يعين ويوفقكم جميعــــــــــا :d |
الصحة: 8 آلاف وظيفة ممرضة و2000 مساعد صحي تنتظر شغلها بالكوادر السعودية وذاكرين في الخبر 200 وظيفه فني سجلات طبيه وأوضح العبيد أن الوزارة أرسلت 200 وظيفة تحت مسمى فني سجلات طبية لوزارة الخدمة المدينة للتعيين عليها عن طريق المفاضلة وليس هناك متعاقدين على هذه الوظائف وجميع العاملين عليها سعوديون. يعني هانت بس متي راح تنزل |
:cry: :cry: :cry: :cry: :cry: :cry: خبر طلع قديم حق السنه اللي راحت الارقام هذي شباب اي واحد يمر علي المشاركه هذي ويعرف احد في الديوان يسئله متي راح تنزل الوظائف تبع السجلات الطبيه ويعطينا الخبر الكيد وله جزيل الشكر وكمان اول راتب له بعد وش تبون اكثر من كذه |
اقول يجيب الله مطر اخوي اخووووي له سنه ماحته وظيفه جاهم بالرياض اكثر من اربع مرات ودخل مكتب الدكتور المانع وصلى وره وخذا خطاب جاء عقب اسبوع وظفو اكثر من ثلاثين عشان انهم متخرجين من الكليه الصحيه واخوي من معهد صحي والمشكله الكبيره ان اخوي دقو عليه قالو تعال
لوظيفتك ويوم جاء وقال له اختار المكان الي تبيه من القرياء ولاجاء شيء هذي الي يقهر لو ماقالو فيه وظيفه ماهي مشكله بس قالو تعالو جنت وبعدين راحت عليه ياحبايبي الي معه فيتامين واو يدخل هذا الي كان عندي ودي اقولكلم مع اني حرفت الموضع شوي للمعلمويه خريج الاكادميه الدوليه فني صيدله والله يوفك الجميع |
يـــــــــــــــــــــاليل البعـــــــــــــــــــــــــــــارين يرفع للا اهمية |
للتنشيط
|
مرحبا
كيفكم ياهل السجلات وش صار مافيه وظائف اللي عنده خبر ياليت يرد لنا وشكراااااا |
الف مبروك اخيرا تم الترشيح
|
للتذكير
ماسمعتوا وظائف وشكراااا |
للتذكير
ماسمعتوا وظائف للسجلات وشكرااا |
السلام عليكم ورحمة الله وبركاتة كيف الحال كلنا في الهوا سوا <<<<< باقي شريحة هوا ماطلعووها شركات الأتصالات هه أأسف على التأأخير أخر خبر وصل لي من مصادر منتدى وزارة الصحة من الأخ الأستاذ سليمان الدريبي والأخ الكريم فهد مشرف منتدى شؤوون الموظفين في المنتدى تم الأعلان عن الوظائف للتخصص دبلوم السجلات الطبية راح يكون في تاريخ 1/ 1/ من السنة الجديدة وباقي التخصصات الله أعلم .... أدعوولي بالتوفيق للجميع |
| الساعة الآن 11:05 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين