|
مشروع مغسلة سيارات "بالبخار"
السلام عليكم اخواني هذه دراسة جدوى لمشروع مغسلة سيارات بالبخار, تمت دراسة المشروع ولمدة شهرين تقريبا, تم خلالها زيارة مشاريع مماثله قائمه, بحث في النت عن اجهزة غسيل بالبخار, والبحث عن الافضل, مراسلة شركاتها في الصين وكوريا,ومصر, وبعض الوكلاء في السعوديه والكويت, البحث عن المواد , ومتابعة افضل المواقع لانشاء مثل هذه المشاريع, تم التأجيل لعدم وجود التفرغ. قاعدتي "اذا لم تستطيع ان تدير مشروعك وتتابعه يوميا وبشكل مكثف خصوصا في البدايه, فالافضل ان تحتفظ بمالك" نفاط قوة المشروع: الفكره جديده , البعض يراها انها نقظة ضعف!!! نوعية التظافه للسياره افضل من المغاسل البستم. الغاء مغاسل البستم من قبل البلديه "لهدر الماء" طبعا تصاريح جديده لايوجد , والنيه اقفال القائم منها قريبا السياره تحتاج 3 لتر ماء لغسيلها, ازالة البقع والاوساخ الداخليه الغسيل بالبخار لايترك اثار ماء , يتوجب تصريفها. نقاط الضعف: ايجار المحلات داخل محطات الوقود مرتفعه. ارتفاع سعر غسيل السياره "30 الى 40" ريال للسياره الصغيره الخدمه جديده "والانسان عدو مايجهل. سعر الجهاز نسبيا مرتفع. ............ التكاليف التقريبيه جهاز الغسيل بالبخار "20 الى 24" الف ريال للجهاز الواحد , ولكن هناك شركه تسمى "ااوبتيما" وهذا الجهاز يملك هوزين. يعني يمكنك ان تغسل سيارتين في نفس الوقت, عوضا ان تشتري جهازين من بعض الشركات, والوكيل في السعوديه يدرب لك العماله لمدة ثلاث ايام, لان عملية غسيل السيارات صعبه. تحتاج مكنسه كهربائيه قويه ولشفط المياه سعرها تقريبا "2500" ريال. مواد التنظيف من السوائل , للتواير والطبلون والمقاعد ولارضيات, ومناشف ومعطرات,وفرهولات للعماله في حدود "3000"ريال المياه تحتاج مياه صحيه نقيه, القاروره العشرين لتر "5 ريال" تغسل تقريبا 5 سيارات. الديكورات , لاتحتاج ديكورات مكلفه , فقط تصميم شعار والوان , وكم مرايه وكشافات تفي بالغرض ولوحه للمحل, تقريبا "10000 الى 12000 " تفي بالغرض, طبعا سعر اللوحه سبب زيادة السعر, مصاريف نثريه للمستجدات "3000 الى 5000" ريال وصلنا لايجار المحل: والحقيقه وبعد بحث قوي لم اجد محل فتحتين في محطة وفود للسيارت باقل من ايجار "50ألف" لكن يمكن الاستغناء عن محل في محطة وقود , بمحل يكون موقع جيد , وفيه حركه ويمكن ملاحظته كرأي شخصي افضل المحل بداخل محطه. انا بترك الجمع للارقام اعلاه"كلفة انشاء مغسلة سيارات بالبخار" , لمن يهتم بالمشروع اذا فيه ثنين شباب يبدأون المشروع بنفسهم , ويساعدم عامل ولا اثنين , ويديرون المغسله بانفسهم ويوزعون الوقت بينهم, اتوقع انه من اكبر اسباب النجاح ويمكن خلال سنه ولا اثنين بيكون عندهم اكثر من مغسله, غسيل السياره الصغيره"30 الى 40" ريال غسيل المحرك"15" ريال غسيل الجنوط"10" ريال ممكن المجموعه كامله "50"ريال غسيل المقاعد ولارضيات "50"ريال لا أرجو الا دعوه بظهر الغيب روابط توضح عملية غسيل السيارات بالبخار هذا الجهاز ابو خطين http://www.youtube.com/watch?v=xTUaFf8dj48 http://www.youtube.com/watch?v=xXGwK...eature=related غسيل الجنوط http://www.youtube.com/watch?v=qd27u...eature=related |
مشروع اتوقع له انجاح لكن اهم شي الموقع واسعار الغسيل مرتفعة
|
مشروع ممتاز بس المشكلة في اسعار الغسيل
الناس بتفضل عليك المغاسل اليدوية الرخيصة 15 ريال تغسل له السياره من جوه ومن برا .. ! لازم يتخفض السعر ليجذب الزباين هل اذا نزلت سعر غسيل السياره من 40 الى 25 ريال بتكون مخارجه معي ؟؟؟ |
اقتباس:
اقتباس:
هلا باخوي /مالقيت معرف اولا نوعية الغسيل ليست مثل الغسيل اليديوي, لانه بالبخار وبه مواد ملمعه ,يعني ظلم تقارن الغسيل بالبخار , بالغسيل اليدوي, ومن داخل السياره الغسيل اليدوي بمكينه شفط فقط لاغير اتوقع اذا كان الايجار معقول, وكبدايه غسيل بودي وجنوط 25 ريال, يمكن كبدايه يمشي حاله, يعني لابأس , بس تحتاج مع الوقت زياده في عدد السيارات ,لانه في البدايه يكفيك لو المحل يغطي مصاريفه, ولكن ان شاء الله مع الوقت وثبت اقدامك في السوق وزاد عدد السيارات , بيزيد هامش الربح .حتى لو كان بسيط. |
مشكووووووووووووووووووووووووووووووووووووووووور
|
اقتباس:
الجهاز علي ب 25 الف وباقي التجهيزات نبالغ فيها ونقول 25 الف والايجار نقول 50 الف اجمالي راس مال المشروع 100 الف فلنفرض بيجنا 30 سياره يوميا ( هذا على اقل تقدير ) وبنغسل كل سياره ب 25 ريال اذا عرفنا ان جالون مويه نقيه يكفي 5 سيارات وسعره ب 5 ريال يعني كل سياره بتكلف 1 ريال مويه ولنفرض ان المواد الملمعه بتكون ب 2 ريالين ولنفرض ان كهرب الجهاز للغسله الواجده بتكلف 1 ريال اذا تكلفة غسيل السياره 4 ريال تقريبا 25 ريال - 4 ريال ( تكلفتها علي ) = 21 ريال صافي ربح على كل سياره 21 ريال في 30 سياره = 630 ريال يوميا وبالشهر بتطلع 630 * 30 = 18900 ريال عندنا 3 عمال رواتبهم من 1500 1500 * 3 = 4500 ريال 18900 - 4500 = 14400 ريال شهريا نضربها في 12 شهر = 172800 ريال سنويا عندنا صافي 172800 ريال سنوي نخصم منها قيمة الايجار 50 الف = 122800 ريال ( ميه واثنين وعشرين الف وثمانميه ) يعني كل شهر اكثر من 10 الاف صافي |
مشروع جديد يستحق الإهتمام
حيث قمت بزيارة لمغسلة سيارات بخار موجودة عندنا في المدينة وصراحة أعجبت بما لديهم من خدمات ومن الأمور التي تستحق الإشادة لديهم قيامهم بعمل مقارنة بين الغسيل بالبخار والغسيل اليدوي موضحا فيها مزايا الغسيل بالبخار وفوائده للسيارة وأضرار الغسيل اليدوي وأتوقع هذه النقطة من أهم النقاط التي يجب على من يدخل في هذا المشروع الإهتمام بها وهي توعية المستهلك بهذه الخدمة والأسعار التي لديهم تتراوح من 70إلى 120ولديهم ثلاثة أنواع للغسيل الذهبي الفضي الألماسي وكل منهم له سعره |
انا بصراحه الموضوع دخل راسي من جد وممكن اني اسويه باسعار مخفضه في اول اسبوع كمثل الدعايه
طيب يا شباب انا موظف في شركه خاصه وراتبي 2700 لو اقدم على صندوق المئويه يعطوني قرض |
****
مشكور يابن هديبان على الموضوع .....جهاز البخار هذا هل ينظف السيارة من الأسفل ...؟؟؟ وهل له مشاكل ويتعطل .....؟؟؟؟ وهل يحتاج لعقد صيانة من الشركة التي تشتريه عن طريقها ...؟؟؟؟ لا حظت إن المغاسل دائما تكون في محطات الوقود ..... فهل لازم تكون في محطة ولا يمكن فتح مغسلة في أمكنة أخرى ...؟؟؟ اقتباس:
30 سيارة و 3 عمال كيف تجي ؟؟؟؟ يعني عشر سيارات على كل عامل .... هل الوقت يسعفه لغسلها ... وهل فعلا يستطيع ذلك ...؟؟؟ واعتقد في حسبتك العمال ما يرضون بالراتب اللي ذكرته لأن الجهد والتعب عليهم ثم تكون لك النسبة الأغلب ...........؟؟؟ |
شاكر للجميع مرورهم الاخ / فيصل بالنسبه لتساؤلاتك بالنسبه للجهاز اذا بتنظف اسفل السياره يعني تحتاج بستم, ولكن اكثر المغاسل اللي شاهدتها لاتستخدم غسيل اسفل السياره, اعتقد اذا ما خانتني الذاكره الشركه تعطيك ضمان لسنه واحده يمكن تفتحها حتى خارج مخطات الوقود, شاهدت احد المغاسل تحت عمائر الاسكان بجده غسيل السياره الواحده يحتاج اقل من عشرين دقيقه, يعني لو حسبنا كل عامل بيغسل 10 سيارات كل سياره تحتاج 20 دقيه = 200 دقيقه / 60 يعني 3ساعات وثلث عمل للعامل الواحد. الافضل اذا كان هناك عمل جيد وعدد سيارات كثير , يمكن ان تغري العامل وتحفزه بنسبه اضافه لراتبه, او تحديد تارقت" هدف" معين لعدد السيارات في الاسبوع مثلا واذا تحقق يصرف لهم مكافأت او نسبه, |
مشروع ممتاز
|
بن هديبان
انا قدمت اليوم على صندوق المئويه ومدري متى بيردون علي بس اني حاب اخذ فكره كامله عن المشروع يعني لو افتح مغسله كم جهاز احتاج وكم عامل وتتوقع 3 يكفون المغاسل فيها من 7 الا 8 عمال وبالنسبه للمحل وين استأجره وش رايك في انو يكون محل عادي زي محلات تلميع السيارات وانا عندي افكار اعلانيه وانا بالنسبه لي اول مره اسمع بالمغسله ولا هي موجوده عندنا اتوقع في الدمام خصوصا غرب الدمام فيريت تخدمني اذا كان عندك اي فكره وعن المحل الي يبيع الاجهزه والجهاز الي تقول لشفط الماء حق وشو وبالنسبه للوحه ليه تقول تكلف 12 الف واسف ع الاطاله |
بيض الله وجهك ..
بس ماقلت لنا من هو الوكيل اللي في السعوديه وعنوانه او موقعه الالكتروني ... |
الله يعطيك العافية وبالتوفيق
|
حياك الله أخوي
فيه مغسلة جديدة في الرياض موجود عندها هذا الجهاز ذهب لها واحد من زملائي للغسيل فيها لكنه تفاجأ من أن الجهاز عطلان .. ويتسخدمون الغسيل العادي المتعارف عليه :( |
مشروع ممتاز جداً
ولكن يبي له راس مال وكذلك متابعة من صاحب العمل وأعتقد أن هذا المشروع ينجح في المدن الكبيرة ويمكن للشخص أن يفتح المحل ويوفر الأجهزة والأدوات ويؤجره براتب شهري ويكون هو المستفيد.. والعمال لاصار المحل لهم أكيد بيجتهدون أكثر,,, |
االسلام عليكم اخوي / طم طم فيه نوعين من الاجهزه , نوع بسمى "ستيم جت"Steam Jet .ويوجد وكيل له بالشرقيه عن طريق البحث بالنت وجدت رقمه واتصلت عليه وقال لي انه الوكيل بالشرقيه , وانا من سكان جده لكن الشهاده لله الرجل محترم جدا , ونصحني حتى بمكان يبيع المنظفات باسعار ارخص من الوكيل, ووكيل ستيم جت هذا موقعهم http://www.steamjet.com.sa/ بالنسبه لعدد الاجهزه , ستيم جت يجي كل جهاز بخرطوم غسيل واحد. يعني تحتاج جهازين , لكن انصحك بجهاز "اوتيما" اللي موجود بمقاطع الفيديو اعلاه, الجهاز الواحد له خرطومين بامكانك غسل سيارتين في نفس الوقت , وسعره مقارب لسعر جهاز ستيم جت هذا رقم الوكيل"026604088 بالنسبه لعدد العمال اتوقع كبدايه" عاملين" وبتواجدك معهم كافي. واذا زاد العمل ,الزياده تحكمك بعدد العمال جهاز شفط الماء هو مكنسه كهربائيه ويمكن تشفط المياه من فرشات السياره بعد غسيل البخار انصحك تزور احد المغاسل في مدينتك وتشوف كل شي على الطبيع , والافضل تغسل سيارتك عندهم ,لترى كل شي على الطبيعه بالنسبه للوحه "رحم الله والديك" تبي تكون تاجر لازم تركيز انا ذكرت , د يكورات بسيطه عباره عن الوان "خطوط الوان" مع مرايا وكشافات , مع سعر اللوحه تصل من 10الاف الى 12 الف, وليس سعر اللوحه وحدها. وبالتوفيق اخوي / محمد وانس عندك موقع الوكيل لستيم جت ورقم وكيل جهاز اوبتيما |
اسعارالاجهزه والمواد الخاصه بستيم جت ملاحظ فيه تخفيض في الاسعار عن سؤالي لهم قبل 6 أشهر http://www.steamjet.com.sa/products.html |
مشكور يابن هديبان على المتابعة ...
خلونا نأخذ المشروع بأسوأ احتمالاته .... هل بيكون مجدي ؟؟؟ لنفترض إنه ما كان فيه اقبال على المغسلة بسبب الموقع مثلا .... وإنه احيانا تمر عشر سيارات او 15 سيارة مثلا ........ |
انا قابلت الموزع او الوكيل لستيم جت صراحه قمه في الاخلاق
وشرح لي الاجهزه الموجود والي احتاجها واستفدت منه كثير لاكن قالي بان اسعار الاجهزه بترتفع بسبب الجمارك في الفتره الجايه |
مساء الخير للجميع ويشكر الأخ بن هديبان على طرحه المتميزه لهذا المشروع الحقيقة المشروع يدور في بالي من فترة وقاعد اجمع عنه معلومات من كل النواحي , طبعاً انا ساكن بالجبيل , ولما فكرة بالمشروع قلت ما فيه احسن من الوقوف على مشروع مماثل وأخذ فكرة وتصور كامل , طبعاً اتصلت بوكيل ستيم جت بالدمام و وكيل اوبتيما وكل واحد يمدح بضاعته " حق مشروع " رحت وقابلة وكيل ستيم جت بالدمام وقام يشرحلي على الجهاز من سلبيات وايجابيات , ولما سألته عن مكينة اوبتيما قال حنا نتميز عنها بأن البخار حق مكينتنا رطب وليس جاف مثل الاوبتيما , وهذا طبعاً يؤثر على البدي . طبعاً الرجال بيوفر لك كل شي من مواد ملمعة وخلافه , سألته عن مغسلة بخار وصف لي وحده لقيتهم تركوا الغسيل بالبخار وقلبوها غسيل عاااادي ( ليش ) ????? مادري سألة وكيل ستيم جت هذا عن مغسلة كانت على طريق سيهات , قال هذيك كانت لي وسكرتها "؟؟؟؟؟؟؟" طيب ليش ؟ قال راعي المحل رفع على الأيجار .................. انا متحمس كثير للمشروع لكن خايف من فشلة ,,,,,,,,,,,,,,, |
ياخوي الغالي مغسله السيارات ناجح بأذن الله بس تكون انت بنفسك تدير المغسله ونصيحه مني يا خوي كل يوم تخصص مبلغ بسيط لصدقه وبا التوفيق
|
اقتباس:
[align=center]فعلا كلامك صحيح ..... أنا ما اشوف المغاسل هذي منتشرة وقبل فترة شفت وحدة للتقيبل .... فما أدري ليش ...؟؟؟ هل الغسيل بهذه الطريقة يؤثر في السيارة ......؟؟؟؟؟ وهذا يقودني لسؤال : هل البلدية الآن تسمح بالترخيص لمغاسل الماء .....؟؟؟؟؟؟!!!!![/align] |
هلا باخوي فيصل الحقيقه فيه نقطتين على هالمشروع الاوله: وهي الاهم انه جديد وغير معروف "والانسان عدو مايجهل" الثانيه: اسعار الغسيل مرتفعه نسبيا انصحك بالتريث ومحاولة البحث عن مغاسل بالبخار , وشف وش مشاكلها وكيف الاقبال عليها , وخذ وقتك بالاستشاره والتفكير العميق , ولا تنسى ألاستخاره وبالتوفيق |
اقتباس:
[align=right] كلام مهم جداً وضروري انك تاقف على مشروع مماثل , لكن انا بالشرقية قاعد ادور على مغسلة بخار , لكن ودنا الي يحصل له مغسلة بخار يحاول يلخص لنا السلبيات والأيجابيات وطريقة التعامل وأساليب وطرق النجاح وفق الله الجميع ...............................[/align] |
فكرهــ حلووه ..لا هنت
|
مشكووووووووووووووووووووووووووووووووووووووووووووووو رين
|
سلام عليكم أخوي
والله ها الفكرة دخلت راسي لكن ماش مافي فلوس لكن والله جنبنا محطة توها فتحت والمحلات فاضيه شكلي بفتح فيها كشك تسلمم |
غسيل السياره الصغيره"30 الى 40" ريال
تبي تلعب ع العالم؟ خل الغسيل ب10 وسو كوبونات كل غسيل تعطي الزبون كوبون اذا جمع 6 كوبونات له غسيل مجاني واذا فتحت المغسله انا اول من يغسل :) |
اقتباس:
انا مافتحت مغسله , ولا بالقريب العاجل,,, ولم العب على العالم , ولن العب بكاس العالم!!! بعدين تكفى اذا بتغسل بعشرتك ,,, خلني افتح المغسله الاسبوع الجاااااااااااي!!!! ما اقول الا الحمد لله!!! بعدين يابو عشره,,,,, اذا كان ايجارك فوق الخمسين الف,, ورواتب عمالك 3000 ريال شهريا,, وكهرباء... ومواد تنظيف...واسعار الاجهزه... كلها.... بتغطيها عشرتك!!! عشره يدوب تغسل غسيل يدوي,,, روح لمغاسل بستم وقولهم تغسلون لي بـ10 !!!!؟؟؟ من جد مخك تجاااااااااري... وين اهل المشاريع عنك!!!! |
مشكووووووووووووووووووووووووووووووورين
|
اقتباس:
هذا النوع من المغاسل غير منتشر .. لماذا ؟ ان شاء الله االاخوان يثرون الموضوع ويزودونا بالمزيد من الايضاحات حول هذا المشروع |
اقتباس:
|
مشروع نااجح ومربح في نسف الوقت
والله يوفقك ويرزقك من حيث لاتحتسب تحياتي لك |
يوفر قيمة الماء على صاحب المغسله
بس مدري عن الاجهزه هل تعمل بشكل جيد مع مرور الوقت لان سعرها غالي عموما المشروع جيد واتمنى لك التوفيق |
اقتباس:
شكرا لك يابن هديبان ......... ولكن لماذا أثارتك هذه النقطة ؟؟؟؟؟؟؟؟؟؟؟؟؟ صدقني أنا من ضمن الأشخاص الذين غسلوا سياراتهم بعشرة ريالات وإذا كثرت بـ 15 ريال وفي مغاسل فيها بستم ولكن غسلت غسيل خارجي دون رفع السيارة ودون غسيل المكينة .... وكنت قول هذا سابقا بسبب إنك ذكرت إن قيمة الغسيل 40 ريال وهذا مكلف جدا ومنه اللي بيغسل سيارته بهذا السعر وفيه مغاسل بعشرة و15 ...........؟؟؟؟؟؟ ممكن يكون السعر مقبول إلى 20 ريال ولكن أكثر من هذا لا أظنه مجديا على الاطلاق ......... |
اقتباس:
هلا باخوي فيصل ما اثارني نسخته من مشاركته بالاحمر يقول "لا تلعب على العالم" وش لعبه ,,انا طرحت فكرة مشروع , ولا لي اي مصلحه,, خلاها اني بالعب على العالم ,,وحتى الان انا لم اقم هذا المشروع , ولا في القريب,,, ارتفاع السعر انا تحدثت عنه انه مع ان المشروع جديد يعتبر السعر مرتفع نسبيا,, وايضا تحدث عنه كثير من الاخوان وانت احدهم لم تثيرني مداخلاتهم,,, وما زلت اعتقد من يحصل على محل سعره مقبول... يمكن ان يخفض السعر ومع الاستمرار وازدياد عدد السيارات يكون فيه مربح مجدي باذن الله!!!! اخي مالقيت معرف,,, يوجد مغسله في اسكان الشرفيه في الجهه الشماليه من الاسكان,, في نفس عماير الاسكان.. مريت عليهم قبل كذا وماعجبني طريقة غسيلهم ولا اسلوب تعاملهم.... شكر لمداخلات كل الاخوان واعتذر عن التقصير في الردود ومشاركات لبعض الاخوه الاحبه رائحتها معطره بالدعاء اسال الله العظيم ان يحرم وجوههم ووجوه ابائهم وامهاتهم عن النار |
بحثت عنه في النت وقالوا انه البخار يسبب تلفيات في السيارة للاجزاء الحساسة مثل البلاستيك
اتمنى ان نرى مشاركات اكثر من لديهم دراية عن سلبيات هذا النوع من الغسيل |
^
مادام الأمر كذلك ..... هل البلدية ترخص الآن لمغاسل الماء ؟؟؟؟؟!!!! |
اخي بن هديبان
نصيحتي تريث قليلا ولا تستعجل انا لو يعطوني فلوس فوقها ماغسلت سيارتي بالبخار ابدا ابدا وش اللي تغسل سيارة كلها غبار بلتر موية ؟؟؟؟ هذي تعدم البودي انا اذا ماشوف راعي المغسلة يرشها بالماء رش جامد مرتين وثلاثة الين تلمع ماخليه يدعكها بالصابون ابدا وبعدين يغسها بالصابون ثم يرشها بالماء الين تقطر ماء نظيف بدون رغوة ياخوي اللي يفهمون بالسيارات ويحافظون عليها ويغسلونها دائما يعرفون هالكلام ومستحيل يجيك لتغسلها بالبخار يعني كانك تغسلها بالهواء نصيحة ثم نصيحة لا احد يغشك واتحدى تحدي انك تلاقي احد نجح بهالفكرة وكلهم راح يتحججون بالايجار والموقع وغيره ومايقدر يقولك انه اصلا مافي اقبال راجع نفسك الف مرة وانصحك تصرف نظر عن هالمشروع بالبخار نهائيا لكن ممكن تسوي مغسلة عادية و بعد الغسيل بالماء تغسلها بالبخار لتذيب الشحوم والزيوت العالقة بالبودي ثم تغسلها بالصابون ثم ترشها بالماء اخر شئ هذي معقولة يعني مغسلة عادية بالماء ومعها بخار في النص لزيادة النظافة بس بعد غسلها بالماء اولا ونظافتها وازالة الغبار وتعيد حساباتك من جديد |
| الساعة الآن 01:09 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين