سود الايام فقر وعشق واماني
وانا احبك ولا املك شي واتمنى .

يمكن الله يفرجها على شاني
او على شان يرفع هالحزن عنا .

وانت ياطيب قلبك فوق مايعاني
ازعلك وانت ترضيني وتتعنى .


وصفك اللي وقف في طارف لساني
ايه..تشبه طفل طار بسما الجنه .


ان تبسمت جتك الشمس من ثاني
وان تضايقت صارت في يدك حنا .


جعل عمرك طويل بطول حرماني
وجعلي ارجع وترجع مثل ماكنا .


ولانشدني عليك احد من اخواني
قلت : ابشرك وردٍ للندى غنى .

وان وحشتك وغير شي عنواني
نادني بس منا..واحضنك منا .

والعمر لوتعدى فقر..وآماني
ببقى احبك وهذا كل ما اتمنى .

ماهو ..!
ضروري كلما عشنا فراغٍ عاطفي
نحب من يملا الليالي طيش ويعوّد يخون.

أحياناً ..!
اللاشي راحه .. وأكثر الأشيا " نفي"
خصوصاً ليا راحت أيامك مع اللي مايجون!!