كيف تختار اصدقائك بوقت الدوره العسكريه
 

السلام عليكم

الله لايمسيكم الا بالخير والعلم الطيب

كلنا يسمع بمقولة (الصديق وقت الضيق قالها راعي الضيق)

طبعا قبل كل شي تفائلو بالخير تجدوه ويارب كل اللي يقرى

هالرساله ينقبل نهائي

كلنا نعرف مدة الدوره طويله شوي

حول السنه يعني بتقابل اللي معك بالدوره اكثر من اهلك

والدوره تجمع الطيب والردي الله لايجيب الردى

سؤالي للجميع (وشلون بتختار اخوياك بالدوره )

المايك مع اللي بعدي

^^

دور الي يبي مصلحتك ويصحيك وتصحيه

ويعاونك بوقت الضيق ولاغلط عليك احد مسك

واهم شي ابعد عن التعصبات القبليه

اسنع ابختارك خويي انا ض1

أستغفر الله

الصاحب ساحب وانا ائيد اخونا اسنع عاطل بكلامه

يعني روح الي ماخذ الدوره بفله بوناسه مو بنفسيه ويكرهك فيها

اول واحد الي يصف جنبك ثاني واحد الي سريره جنبك ثالث واحد اول من يتجازا معك

مثل واحد يقول تعرفت على ثلاثه يقول هذولا الي بمشي معهم وقت الدوره الاسبوع الثاني كل واحد شايل شنطته

وهاج يقول كل اشوي اسحب شنطت واحد ولا فيه فايده

خذها مني


لاتخاوي الا حربي << بدت التعصبات القبليه:p

لا والله ونعم بكل القبايل
الطيب واضح من وجهه
والردي واضح من وجهه

[ سيمآهم على وجوههم ]
:)

شكراً على الموضوع الجميل

انا ابي اكتب ورقة ولصقها على جبهتي وكتب عليها منتدى البطالة

وآنـــــآ مــع آبــــن عمــــي فـــي كـــــلآمــــه ,


وآزيـــد علـــــى كــــــلآمــه حـــــآول آنـــــهم يكــــونـــونــ مـــن نفــــس منطقـــــتك .


آلمــــآيــــك للــــــي بعــــــدي:d


(:w)

وكثر من الحفراويه لانهم ظريفين هههههههههههه ضحك بالدوره

يااا رجااال ذب وجــهك على اقرب واااحد بالفــصــيل ..

اذا انت تحت ذب وجهك على اللي فوووقكـ واذا كنت فووووق ذب وجهك على اللي تــحـت ..

وانتيهينااا اكيد الردي معروووف من وجهه والخلوووق معروووف من وجهك انت ومعااارفـك مع الرجااال ..

وبــس

بحكم تجربتي بقوات الأمن الخاصة وبالدورة التدريبية اللي قعدت فيها كم يوم بس وطلعت لظروف خاصة بس علها خيره ،،،
فيه رجال بصراحه بس نادر للأسف وفيه تكرمون جميعاً ناس من فئة الحيوانات اللي تمشي وتنهش بالكلام اللي قدامها الله يكرمكم ويكفيكم شرها مثل هذا حضري وهذا خضيري وهذا عبد وهذا بدوي وهذا جيزاني !!! والله ماأدري الى متى التخلف ،،،
المهم انا اللي شفته أن فيه عنصريه قبليه 100% بشكل همجي بصراحه وتخلف عقلي ،،،
وأكبر دليل وأنا جالس الحالي كل شوي يجيني واحد ويسأل:
وش أنت ؟!!
وش أصلك ؟!!
من وين ؟!!
المشكله إذا جاوبت جواب ماعجبهم يقومون وهم مكشرين ولا سلام ولاكلام وهذا ان دل فهو يدل على أننا مستحيل يتغيرون اللي يفكرن بالعنصرية ،،،
قال رسول الله صلى الله عليه وسلم : (( لا فرق بين عربي أو أعجمي إلا بالتقوى )) قال الله تعالى: "يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ"


قال النبي صلى الله عليه وسلم: "لينتهين أقوام يفتخرون بآبائهم أو ليكونن أحقر عند الله من الجعلان"

بالتوفيق لي وللجميع واللي كاتبه الله بيصير ،،،

تبون الصراحة والله أول ما اتعرف تعرف على اولاد قبيلتك
وصدقوني خلك طيب مع الناس يجون معك طيبين مو ضوع رائع
اتمنى اي واحد دخل دورة يفيدنا اكثر

بالتوووووووووووووووووووووووووفيق للجميع

اخوان خلونا واقعين
كل منا يختار اللي يصاحبه من خلال شخصيته
اهل الخراب يروحون مع بعضهم
يعني غير اراديا تلاقي الشخص اللي يناسبك

الحمد لله لقيت انا اثنين معي بالدوراه واحد صديق من المتوسطه وهو معي والثاني رجال شرواكم كسبته من المنتدى ذا
وخلك محترم بالدوراه الناس تحترمك

آحمَ .. خلونيَ آسسستلمَ الطآره ششـويٌ
آنآ من نآحيــتيَ خشيت مع اللـي بالقبولَ و ضحك معهمَ و فلـه
و كنيَ آعرفهمَ لي سنيـنَ عآد وش لونَ اللي بالدورهَ
/
و الدبوسَ آخليــــه خويي هههه آضبط يعنيَ
عشآنَ لآ طلعنآ من الـ 45 آجلدهَ عند البوآبــهَ و آعلمه السنعَ
آومآ يصير رجآل و إلآ يقضب البآبَ
/
و بعدينَ حلاة الدوره تآخذهآ بـ فلهَ و سسعة صدرَ
عشآنَ كذآ بششـوف المنسمَ و بنسسم معهَ
بالتوووفيق

بديتو عنصرية من الحين هع:d
انا اقول لاتخاوي الا شمري
شمــــــــــــــــــــــــــــــــــــــــــر بعد حيي:d

هذا كلام العقل ، بارك الله فيك أخوي وكثر الله من أمثالك

إذن أفضل إنسان ممكن تخاويه هو الأتقى من الله أي الأخوف منه بمعنى (ملتزم)

اقـــــــــــــــــــــــول لاتخــــــــــــــــــــــــــــــاوي الا عتيبــــــــــــــــــــــــــــــي
511هههههههههههههههههههههههههههه

كفووووووووووووو لا تخاوي الا العتيبي<<<امزح..
وبالذات..................؟ <<<<<امززززح ^_^
الله يوفقك ان شالله.. وتلاقي خوي تحطه ع الجرح يبرى ..

والله اهنيك على الطرح الرائع

وانصحك تخاوي العنوووووووز

ههههههههههههههههههه

الله يوفق الجميع

اما انا بخاوي الي يخاويني .......!







برررب

انشا الله بس الهلاليين

يا رجال تبي تدخل الدوره باذن الله وتبي تعرف الصحي من المجنون وانت وهواك
والله يوفق الجميع

وبعضهم يستغلونك اذا شافو معك فلوس
يعني مصلحجي

اهم شي تكون مع خويك شداوي لا تعكر مزاااجه خلك مع وجهه اذا ضحك اضحك واذا حزن واسه ترا لا تدريب ولا شده ولا طول الدروه تطفش كثر ما ياثر عليك خويك

اصبر ثم اصبر ثم اصبر لا تصير على طول من اول تعب وضغط وارهاق تنصدم تر الصبررر حلوووو

اول شي تخاوي ولد قبيلتك


بعدين تروح تدور للرجال شرواكم عشان يوقف معك ينصحك وتنصحه


واهم شي ابعدو عن المصلحجيه والى الي مسوي محترم واخر شي ياكلها على وجه




اهم شي الاحترام والفله بس بادب



والله يوفق الجميع