عليكم ورحمة الله وبركاته
صبحكم الله بالخير جميعااا
تعالو يالجامعيين ابيكم بكلمة رأس
ماشاء الله عليكم اكلين الاخضر واليابس حتى تقديم المباحث قدمتم عليه ********> خمسه وخميسه بعين الحسود تراها مجرد دعابه
على ذمة احد الاصدقاء لديه اخ يعمل في وزراة الداخلية أنه عدد المتقدمين على المباحث العامة ممن يحملون المؤهل الجامعي اكثر من 50 الف جامعي .
وعلى ذمتي انا انه ثلاث ارباعكم مايبي المباحث
وبعضكم بس قدم كذا ماغير زيادة عدد
احس بعضكم يالجامعيين ضايع مايقدر يحدد جهته الوظيفيه وكل تقديم يدرعم فيه
يعني حرام عليك تحمل بكالريوس وتقدم على جندي منتف
بشهادتك هذي انت تأخذ فيها ملازم بالامن العام
كذلك بشهادتك تاخذ ملازم فيها بالقوات المسلحة
طيب بعضكم يقول وين ملازم يابو الشباب بقولك يمكن صادق لانها اكثرها واسطات وفي الاول والاخير الرزق على الله
لكن فيه اقل من ملازم اقلها يعطونك وكيل رقيب في الامن العام و
في جميع القطاعات يعطونك وكيل رقيب وبعض قطاعات القوات المسلحة تعطيك رقيب
على الاقل افضل من انه يعطونك جندي منتف
طيب خلك من القطاع العسكري وش تبي في العسكرية
تعال يابو الشباب للوظائف المدنية
قطاع التدريس يقبلكم صحيح انه التعيين بعد كم سنه بس على الاقل معلم اجيال موب جندي في خفاره
بشهادتك البكالريوس تنقبل في وزراة العدل في البلدية في الاماره في التحلية في هئية التحقيق والادعاء العام في الشركات الكبرى
في كل مجال ماشاء الله تبارك الله
كذلك حتى البعثات تقبلكم وتكمل الماجستير والدكتوراه وتمسك منصب
لاحد يقول ابي اتوظف عندي ظروف ماني مثلك ولد نعمة
بقولك حتى انا عندي ظروف وعاطل من عام 1425 هــ
30-05-2010, 11:06 AM
العرض الشجري
