03-06-2010, 04:31 AM
|
عضو نشيط
|
|
تاريخ التسجيل: Aug 2009
المشاركات: 187
معدل تقييم المستوى: 66
|
|
والله اني في هم مايعلم فيه الا ربي
بسم الله الرحمن الرحيم
بدخل بالموضوع على طول،انا مشكلتي هي (اخوي) الله يشفيه ويبعده عن الطريق اللي هو فيه، مدمن مخدرات واحنـآ والله كنـآ شاكين فيه من قبل لين قآلي اخوي اللي اصغر منه انه صار ياكل باليوم 10 حبآت وشافه بعيونه ونصحه وقام يقوله مابقى الا ورعآن ينصحوني ، واخوي مسكين ماهو عآرف وش يسوي لأنه اخوي اللي ياكل حبوب موظف عسسكري واحنـآ بهم مايعلم فيه الا الله محنـآ عآرفين وش نسوي ابوي رجآل كبير وعنده القلب وخآيفه يدري ،وقلنا بنبلغ المكافحه يجون بس خفنـآ ننفضح ويفصلونه من دوامه والله ابوي لو يدري يصير فيه شي واحنـآ خآيفين عليه وخايفين على اخوي لأنه صار مرا مايقعد عندنا ومايسمع كلام اهلي وعلى طول هو مفلس مضيع فلوسه بهالحبوب وابوي دايم يهاوشه لأن اخوي راعي بنات ويغازل ليته قعدت ع المغآزل بس اللي دمر نفسيتنآ انه فوق المغازل حبوب ومحنآ عارفين وش نسوي اخوي الصغير مهموووم وخايف انه يموت من كثر مايبلع بهالحبوب لأنه صاير ياكلهآ بشكل جنوني مع العلم ان عمره 30 سنه دايم ننصحه ومافي فايده خلاص مايصلي ولايصوم ولايخآف حتى !وش نسوي قولولي ياعالم ياناس اذا احد عنده معرفه بهالمواضيع بدون فضايح تكفون ساعدونـآ ..
الله يفرج همكم .. نبي حل بحيث انه ابوي مايدري ولا ينفصل من دوامه تعرفون اهم شي السمعه ثم الستر ثم الستر ثم الستر ..
الله يسترنـآ جميعـآ في الدنيـآ والآخره.. انا والله مو معور قلبي الا ابوي وامي كبار بالسن وهو مو بحآس بهالشي ابد ولامفكر فيهم صاير يسرق ذهب واجهزه وفلوس وياخذ من الكبير والصغير ..
قولولي وش نسوي تكفون تكفون نخيتكم ساعدوني مالي بعد الله احد غيركم استشيره افيدوني لعلي القى الحل عندكم ..
الله يحرم وجيهكم من النـآر ..
انا مدري اذا كان موضوعي في محله او لا بس تكفون ساعدوني
|
العرض الشجري
