حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   مشاكلك في العمل (https://www.btalah.com/f5.html)
-   -   ارامكو وما ادراك ما ارامكو..,،ـ (https://www.btalah.com/t198685.html)

ملاكي الاسكندريه 08-06-2010 05:27 AM

ارامكو وما ادراك ما ارامكو..,،ـ
 
السـلام عليكم ورحمة الله وبركاته..,,

بعد السلام بقوللكم وش صار معي وقصتي..

انا يالغوالي خريج ثانوي من السنه الي فاتت..

ماقدمت ع الجامعه كنت دلخ او غبي نوعا ما .. المهم وكنت ابي ارامكو ..

وطلعت نتائج ارامكو.. وانا براااا .. مو مقبول..

قلنا خير ان شاء الله ..

مرت الايام والشهور الين مر على سالفة عدم القبول 3 شهور تقريبا..

وانا جالس الصباح .. الا وهالثلاث رسايل جايتني ورا بعض..

افتحها الا وهي رسالة فحص من ارامكو.. طبعا ماصدقت وطرت من الفرحه ..

المهم رحنا وفحصنا .. ولله الحمد نجحنا بالفحص هالكلام بنهاية شهر 12 > ميلادي طبعا..

قالو لنا نص شهر 2 بنرسل لكم المحاضرات وكل واحد وتخصصه..

طلعنا فرحانين والجوالات ماتسكت من التباريك.. وذاك اليوم ماينسى..

المهم مرت الايام والاسابيع والاخبار تروح وتجي.. وبدو ياخذون طلاب..

وياخذون .. وياخذون .. ونسأل عن الي ماوصلهم شي يقولون انتظرو..

الين قلنا يارب يخلصون بسرعه..

وتقريبا بشهر 4 ميلادي.. وصلتني رسالة المحاضره التعريفيه لتخصص سكيورتي.. وانتم عارفين هالتخصص انه اكثر من ياخذ مادياً..

المهم ماشالتني الفرحه والوناسه والصرقعه وشي الله لايوريكم قلت خلاص ضحكت الدنيا .. ارامكو مره وحده..

وحضرنا المحاضره ووقعنا على العقد وقالو بعد اسبوع تقريبا دراستكم .. وطلعنا نفس دايم والضحكه شاقه الحلق..

مرة الايام .. وخذو الطلاب..وخذو الطلاب.. والباقين ينتظرون..

وفجــأه ... رسالة اعتذار.. حطمت كل شي فيني كأنسان كل الامال الي بنيتها وكل الطموحات طارت..

لكم التعليق..

راعي العليا20 08-06-2010 05:29 AM

يارجال مالك نصيب فيها

والله يرزقك باللي احسن منها



يـرِبــِشٌ 08-06-2010 06:53 AM

ياخي رااجعهم انت وقعت عقد خلااااص انت تبع ارامكو ما عليك من رساايل الجوال شوف وش الهرجه لانك انت موقع معاااهم عقد ملزم للطرفين

براءة قلب 08-06-2010 07:13 AM

شوف اخوي الله يرزقك بأفضل منها
ولاتتوقف ع الرسالة اللي جاتك روح لهم وبين لهم انك مهتم بالموضوع وحاول تعرف وش السبب
ان شاء الله تتيسر امورك موفق يارب~

بسمة حبي 08-06-2010 10:18 AM

أخي الحبيب والله مو غريبه عليهم وعلى كثير من المسئولين ولو كان همهم المواطن ومصلحته كان ما يفكرون كذا ويوظفون أبناء البلد كل الدوائر الحكومية يعتذرون لا توجد لدينا وظائف وفي الحقيقة والله توجد ولكن لمن هههه عاد انتوا عارفين لمن لكن حسبي الله ونعم الوكيل فيهم الله ينتقم من كل ظالم متكبر ومتجبر أين أنت يا ملك الإنسانية من هذا أين أنت يا ولي العهد نحن نعيش حالة من الذل والفقر نحن شباب عاطلون ولنا طموح ومسئوليات إذا لم يكن هناك توظيف على الأقل تصرف رواتب لهم لكي يستطيع الشخص تدبر أمور حياته والله إن أمورنا بخير ولله الحمد

بسمة حبي 08-06-2010 10:29 AM

وأعتذر إن كنت قد أسأت ولكن الناس ليسو سواء ودولتنا تعمل المستحيل بس على الأقل تنظر للوضع الراهن يا ما توجد مكاتب خاليه وياما دوائر محتاجه ولكن بدون فائدة لماذا هذا التجميد الوظيفي أنا بحثت عن عدة وظائف ولم احصل بحثت أيضا أن اعمل كاتبا بإحدى المدارس بعقد او حتى عامل ولم اجد فماذا إن شاء الله سيكون أتمنى أن يصل كلامي لكل من يهمه الأمر أتمنى أن تصل رسالتي للملك عبدالله والله حرام كم من أناس عاطلين وانا واحد منهم عاطل عن العمل لي أكثر من عشر سنوات 10 سنوات بالله مو حرام عمر مضى من حياتي وأنا عاطل من هم اصغر مني قد تحققت أحلامه وانا زي ما انا ليس لي من يعينني حتى أموري المادية سيئة ووالدي مريض وهو العائل الوحيد لنا فكيف إذا أخذ الله امانته فيكف سيكون مصيرنا مشردين إنني اوجه رسالتي لكل من له إستطاعة في خدمتي وأخصها لأبي أطال الله بعمره المملك عبدالله بن عبدالعزيز أطال الله بعمره أن ينظر لظروفي الحاليه أنا من سكان جازان واسمي عيسى العامري وأكرر إن كان في كلامي شيء خطأ أتمنى ألا يزعل أحد مني ولكني منقهر على حالي كم كنت أتمنى أن اصل لأي مسئول به الخير ان ينقذني من هذا العناء الذي أنا به وما طلبت شيء مستحيل أتمنى أن احصل على الأقل وظيفة ولو كانت بمدرسة كاتب وهذا كل ما في الأمر او مساعدة ماليه استطيع بها سد إحتياجاتي وستر حالي والله يحفظ الجميع

ملاكي الاسكندريه 08-06-2010 06:23 PM

تقولون راجعهم .. راجعتهم وقالو خلاص اكتفينا .. مابي اتكلم عنهم اكثر لكن الله على الظالمين .. الله اكبر منهم..

راجو القحطاني 08-06-2010 06:50 PM

الله ينتقم من كل ظالم
المشكلة فيك انت
الواجب تتابعهم و تكلم ناس و تعرف أن الوضع واسطات
ليه ما تعرف الناس و المسؤلين كلهم يعرفون عاطلين
و كل موظف و مدير لديه قريب و صديق و جار عاطل
و مع هذا أقول لك راجعهم و حاول مع ناس لهم سلطة
و يتحدثون عنك و لديهم نية يساعدونك

تصدق صار لي نفس الشئ عام 88 تقريبا
تقدمت و اختبار سرعة و فصل و لدى رقم
و راحت الأيام و لا ظهرت بنتيجة
حتى قدمت على الإمارة و جاء الرد مباشر من مكتب الامير
حسب النظام

كليير 08-06-2010 06:58 PM

الله يعوضك احسن منها يارب

هموم عذرى 08-06-2010 08:29 PM

بسم الله الرحمن الرحيم
السلام عليكم ورحمة الله وبركاته ---اولا الله يوفقك لمى يحبه ويرضاه ويرزقك بخير منها

ثانيا والاهم العقد لايكون يلهفون رواتبك وانت ماتدري يعني بااسم السعوده واتوقع حتى الوظايف ماتقبلك لانك اكيد عندهم موجود على راس العمل == وانا اختك ترى وربي حركاتهم اخذ الحذر انت متشتت وهم تجيهم الفلوس ع المستريح وياليت كذا اقطعوك من العمل الله يقطع ارقابهم==وبعدين اكيد حطوه من جماعتهم لان هاالسالفه صارت لاخوي الله يوفقه ع اساس العسكريه وباالنهايه بعد ماخلص الفحص والقبول واشترى كل شي استعداد للدوره جاء كلب الله يحطها بوجهه ليوم الدين وحط مكانه من جماعتهم:cry:واخوي جاء حاله نفسيه اغماء وكل الامراض لكن التجئنا الى الله باالدعاء وان الله ياخذ حقنا منه وربي بعد فتره الا اخوي تم قبوله باالوزاره الداخليه :Thumbs:والحين الحمد لله مرتاح والله لايضيع اجر المومنين وانت توكل على الله

والله لايبلانا اللي حط اقاربه شوفو كيف حياتهم من تحسابنا وربي اخذ حقنا منه اقاربه اللي حطهم مكان اخوي وخيره افصلوهم من الدوره لانهم مشاكل وشي مابي اقوله نسئل الله السلامه

يعني انت ان شاء الله ربي يعوضك خير منها والخيره فيما اختارها الله والعقد العقد حوس وراه وش سالفته:court:وانت لاتياس من رحمه الله == والله يخلي لكم الوالد ويطول في عمره على الطاعه

ادري هرجي كثير بس تحملوني افضفض وبس:ash:


سب:ash:حانك اللهم اني كنت من الظالمين:m:cry::c

فضل 09-06-2010 12:49 AM

تمنيت انك ماخبرت احد

من باب استعينوا على قضاء حوائجكم بالسر والكتمان

الله يعوضك خير ولعلها خيره

من حقي اسأل 09-06-2010 01:43 AM

غريبة جد قصتك

معقولة ارامكو اكبر واقوى شركة سعودية تسوي كذا

مدام انهم مكتفين ليه ارسلوا لك رسالة بعد الفحص الطبي

المفروض يصير الفرز بعد الفحص الطبي

sa3oodi 09-06-2010 04:32 PM

ياخي المشكله انهم وقعوو عقد معاك

هذه فيها طلعه ونزله

فيصل عبدالله 09-06-2010 04:54 PM

وجه خطاب الى والدنا خادم الحرمين الشريفين وسوف تجد التجاوب لأن الفحص الطبي وتوقيع العقد الزامي ولكن اتمنى ان لا يكون هناك امرا لم تذكرة مثل ان تم الأستقناء عنك بسبب

ملاكي الاسكندريه 09-06-2010 05:17 PM

لا يابن الحلال.. يقولون ناس انو كان مكتوب في ورقه قديمه وقعنا عليها .. انو مانطالب الشركه لو رجعتنا انتظار..

وهذا الي مخوفني اني اتكلم..

ابن الحاره 09-06-2010 05:20 PM

الله يعينك ارامكو كلها واسطات

ملاكي الاسكندريه 09-06-2010 05:37 PM

المشكله ياشباب..

اني ابي اعرف الحين اسمي موجود بالسستم ولا حذفوه الله لايوفقهم..

عاطل حجازي 09-06-2010 05:40 PM

الله يعوضك احسن منها يارب

كلي لجل عينك 10-06-2010 01:40 AM

اخوي غريبه قصت بس الله يرزقك بلي احسن منها

انا موظف ارامكو ونفس الي مريت فيه مريت في والحمدالله قبلوني وماشيه اموري

بس اللي اعرفه دامهم طلبوك للفحص وطلعت النتايج اوكي ووقعت العقد كيف ماخذوك هذا الي مستغرب

مجرد انهم طلبوك للفحص يعني مقبول ووقعت بعد الله يعووضك ان شاء الله

اكيد صار فيها واسطه وحطو واحد برقمك

ماحد عافسنا بذا الديره غير الوسطااااات

من حقي اسأل 10-06-2010 04:07 AM

واضحة جدا

انه دخلت فيها واسطة جامدة شالت رقمك وحطت رقم ثاني

ياخي جرب روح لجريدة و قول لهم ينشروا قضيتك

حتى لو تدفع لهم فلوس

لا تسكت

حاول تكبر السالفة يمكن تطلع بنتيجة

المثل يقول هي خاربة خاربة ........ خلينا نعميها !

لاتنسى ان هذه ارامكو .....يعني الامنية الاولى لكل طالب عمل !

وانت وصلت لمرحلة توقيع العقد يعني امورك المفروض انها خلاص منتهية !

سُلطآن 10-06-2010 04:16 PM

اقتباس:

لا يابن الحلال.. يقولون ناس انو كان مكتوب في ورقه قديمه وقعنا عليها .. انو مانطالب الشركه لو رجعتنا انتظار..




ترجعك انتظار وهي موقعه العقد معك ...؟

صعبه شوي ، لأن خبري بآرامكو ماتوقع العقد الا اذا خلاص تموْ

والله يعوضك خير ~

رباح الاسهم 10-06-2010 04:38 PM

عسى ان تحبوا شيئًا وهو شرٌ لكم

فضاوة عاطل 15-06-2010 04:32 PM

الظاهر عين

غرريب 17-06-2010 09:36 AM

عادي اخوي انا بعد عملت فحص بشركة وقالولي الا نتائجه سليمه ان شاء الله مقبول الحمدلله طلعت سليمة وبعد فترة يقولون استبعدنك وسالته ليش قلي مدري كيف مدري المهم بس الحمدلله ماقدمت استقتالتي من الشركة الاشغال فيهها بس زعلان لانهم خسروني كل راتبي الا استلمته حق شهرين طيران وسفر وقرف بس الحمدلله

سفاح عاطل 17-06-2010 10:07 AM

الله يعوضك بي احسن منها

عاطل كبير مره 17-06-2010 10:37 AM

الله يرزقك بغيرها لاتيأس
وإذا على التحطيم غيرك تحطم
ألف مره بس عادي مع الوقت تعودت الناس
وصار من الطبيعي التحطيم ولكن مانقول الا
حسبنا الله ونعم الوكيل

عاآاآاآطل 17-06-2010 11:23 AM

الله يرزقك بوظيفة أحسن منها يارب ويرزقنا جميعاً معك

تراتيل الفرح 17-06-2010 04:51 PM

واسطه وبالخط العريض
نفس نظام مستشفى القوات المسلحه بالرياض
يشلون اسم ويحطون بداله شخص ثاني
وهو نفس الرقم
يعني مايستحون يغيرون الرقم .. لا كذا بجاااحه
عيني عينك

كلها شغل واسطات ×واسطات
ترى بكرى بيخلون السكن بالرياض بواسطه
امحق ديره

شوف الحل لك دور لك واااااسطه قويه

حتى لو تقدم معروض
اما نظام ابنتظر لين يجيني الفرج
للاسف في هالوقت مافيه

ملاكي الاسكندريه 18-06-2010 04:49 AM

ردودكم على راسي.. والله الشاهد ان نصايحكم نصيحة اخوان..

ومهما صار وبيصير.. فوقنا ب العباد ويشوف الي يصير كله .. والحمدلله مادام ربي معي قلبي متطمن .. خل الواسطات تشتغل..

والي ظلمني مصيره ينظلم ومصيري انتصر..

فديتكم..

من حقي اسأل 18-06-2010 08:46 AM

ابي اشوف قضيتك منشورة في جريدة

لا تخاف <<<

روح لاي جريدة وخذ معك اثنين من الاصدقاء عشان تتشجع اكثر و انشر قضيتك حتى لو بفلوس <

هذه ارامكو الله يرجك خخخخخخ ماهي لعب

sh2sh2 18-06-2010 09:01 PM

لاحول ولاقوة الا بالله

الله يعوضك ان شاء الله

ماركه 19-06-2010 03:50 AM

الله يعوضك بآحسن منها ان شاء الله

ملاكي الاسكندريه 23-06-2010 12:09 AM

الله يجزاكم خير,,

وانا اساسا ماعمري شي كمل علي .. يعني متعود على الي يصير.,

غايب عني 23-06-2010 03:44 PM

الله يعـــوضكــ ان أشاء الله بي أفضـــل منهـــا

كيت كيت 23-06-2010 06:37 PM

يا حبيبي اذا وقعت العقد ولا قبلوك اشتك عليهم ..

ملاكي الاسكندريه 24-06-2010 12:09 AM

الي مخوفني انهم قبل اول ماطلبونا وقعونا على اوراق اننا مانطالبهم بشي في حالعدم توظيفنا هالنصابين..


الساعة الآن 02:25 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين