مناقشة وظائف المدارس الاهلية في الوسطى للبنات فقط

شوشوالحلووه · #**1281** (**permalink**) 01-10-2010, 11:57 PM

مساء الخير
ابسالكم بنات عن مدارس اجيال الثقافه كيف نظامها ومعاملتهم ورواتبهم كيف ؟؟

عاليةالهمم · #**1282** (**permalink**) 02-10-2010, 12:21 AM

اقتباس:

المشاركة الأصلية كتبت بواسطة يآرب اتوظف معيده

بنات بكرة عندي شرح درس ياتوحيد يافقه لثاني ابتدائي وانا موتربوية ماقد درست ابدا

مين يعطيني فكرة كيف ممكن ابدأ الدرس وكيف يكون التمهيد مثلا عن درس قضاء الحاجة؟؟

والاسئلة اللي في الكتاب اللي مكتوب عليها مناقشه هذي البنات يحلونها لحالهم
والا انا معاهم والاواجب والاكيف

ياليت تفهموني

اسمعي ياقلبي وان شاء الله تشوفين ردي قبل ماتبدين

اول شي مثلا بتشرحين توحيد خذي لوحه واكتبي عليها الايات والاحاديث حق الدرس كله

2- خذي كروت وسجلي عليها سؤال بخط كبير ويفضل بالكمبيوتر حتى تقرأ الطالبة السؤال

3- الحين دخلتي الفصل سمي بالله واذكري افتتاحية ولابد تقولينها الحمد لله والصلاة والسلام على اشرف الانباء والمرسلين سيدنا محمد وعلى اله وصحبة اجمعين

4- ابدئي بالقاء اسئله وحاولي تقولي من الجميلة التي تذكر لي مثلا اركان الاسلام او من الطالبة الرائعة التي تذكر لي من هو خاتم الرسل ... لابد تستبدلين الطالبه بألقاب حلوه وخليك مبتسمة لأن الطالبات صغيرات ولما تقولين طالبه يخلق حاجز نفسي ويكون مأخذ عليك اما اذا شلتي الحاجز النفسي لدى الطالبة راح يقولون قدرت تحتوي الطالبه وهذا اهم مطلب بالمدارس الاهليه

5- لما تتوصلين للموضوع سجليه على السبوره

6- حطي هامش على السبورة تكتبين فيه لتوصيل المعلومه للطالبه رسم بياني او مربعات مثلا اركان الاسلام ترسمين بيت سريع وتقولين اركان البيت هي الاساسيه لقيام البيت وكذلك اركان الاسلام هي الاساسيه لدين ومن هالامور حاولي تربطين بالواقع لأنهم صغار
7- ابتعدي عن انك توقفين تلقين انتبهي من هالحركه خلي معك قلم سبوره واي معلومه تخطر ببالك دونيها وحاولي تكون الهامش يسارك واليمين دوني العناصر الاساسيه للدرس مثل اركان الاسلام خمسه حكم شهادة ان لااله الا الله

8- نهاية الدرس اسئلي بشكل عام عن الدرس ثم قومي وحده تسحب كرت من الكروت وتقول السؤال وتختار طالبة واللي تجاوب تعطينها هديه بسيطه لو تمرين على ابو ريالين تشترين لهم اقلام ام ريالين مغلفه او اذا ماقدرتي مره سجلي اسمها وقولي الحلوه فلانه الفلاني لها درجه

9- انصحك خليك فري ومرنه لاتخلينهم جامدات لأنهم لو صاروا جامدات جمدتي

10- بتجيك قردة من البنات تسولف والا تسوي حركات ترفع ضغطك اول شي ناظريها وانت تخبطين على الطاوله واذا بقرة ماتفهم قولي وش اسمك اذا قالت مثلا عبير قولي ماما عبير انتبهي معانا ترى بقومك تشرحين الدرس نهاية الحصه ركزي ماما يالله واذا برضو مافهمت تعالي عندها وبالنعال براسها <<< امزح خخخ

11- الله يوفقك يارب انتي لو قلتي درسك كان ساعدتك بافكار ولو قلتي المدرسة يمكن مرت علي عشان اقولك تهتمين بالمادة العلمية والا احتواء البنات والا الزبرقه وهدايا

فيه مدرسة رحت لها اشرح وانا مو مدح بنفسي لكن قمة شرحي بشهادة الموجهات يوم خلصت قالوا ليه ماجبتي هدايا

قلت هدايا .........<<< احترام للذوق العام مابقول وش قلت

بشريني وش صار معك الله يوفقك يارب

سارووووونه · #**1283** (**permalink**) 02-10-2010, 12:38 AM

اقتباس:

المشاركة الأصلية كتبت بواسطة كلي ثقة بالله

بناااااااات اللي تعرف مدرسة أهليه محتاجييين معلمة دين ويفضل أبتدائي --في غرب أو جنوب الرياض يا ليت تقووووول لي ...

ربي يسعدكم أرسلو على الخاااااااااص

جاااااااادة ومحبة للعمل

وانا بعد والله مليت من جلست البيت ياليت الي يعرف لا يبخل علينا ..

عاليةالهمم · #**1284** (**permalink**) 02-10-2010, 12:43 AM

اقتباس:

المشاركة الأصلية كتبت بواسطة سارووووونه

وانا بعد والله مليت من جلست البيت ياليت الي يعرف لا يبخل علينا ..

وانا نفسكم خبرة 7 سنوات و11 دورة

تايهة والحقوها · #**1285** (**permalink**) 02-10-2010, 12:46 AM

انا بعد غرب الرياض ومحتاجة وظيفة هنا

شوشوالحلووه · #**1286** (**permalink**) 02-10-2010, 12:52 AM

الله يرزقكم يابنات بالوظيفه السنعه عاجلا"غير اجل
بس ما افدتوني بخصوص اجيال الثقافه

صعوبات تعلم · #**1287** (**permalink**) 02-10-2010, 12:55 AM

اقتباس:

المشاركة الأصلية كتبت بواسطة عاليةالهمم

وانا نفسكم خبرة 7 سنوات و11 دورة

ماشاءالله تبارك الله ,,
الله يرزقك من واسع فضله ,, ويسخر لك خلقه ,,
طيب ايش تخصصك ؟
وغريبة ماجاك ولاحتى تعاقد ( بديلة ) ؟؟

أطمح بالعالي · #**1288** (**permalink**) 02-10-2010, 02:36 AM

بنات الله يسهل عليكم دلوني على مدرسة الزيادي الي بحي السعادة اول مرة اسمع بهالحي وين هالمدرسة بالضبط عند اي شارع اومخرج اوتقاطع اومعلم معروف بالرياض تكفون ردولي اليوم

ملح الدنيا · #**1289** (**permalink**) 02-10-2010, 03:44 AM

حي السعادة قريبة من أسكان الحرس الوطني ورقمهم إذاتبغين 2411696 و الله ولي التوفيق

ألي يقبلونها ابغاها تدعيلي أن التوظف والله يوفقني

احساسي يكفيني · #**1290** (**permalink**) 02-10-2010, 06:38 AM

بنات من يعرف مدرسه القبس ..
ادارتهم مدرساتهم طالبتهم .. الوضع كيف ..

ماعليك امر ردو ضرور محتاجه الاجابه من جد

مناقشة وظائف المدارس الاهلية في الوسطى للبنات فقط

وظائف المنطقة الوسطى

السلام عليكم ورحمة الله وبركاته تلبية للرغبات الكثير من العضوات وبناءاً منا على أن المصلحة العامة من إهتماماتنا هذه الصفحة سوف تكون للنقاشات...

مناقشة وظائف المدارس الاهلية في الوسطى للبنات فقط

تسجيل الدخول

مناقشة وظائف المدارس الاهلية في الوسطى للبنات فقط

وظائف المنطقة الوسطى

** السلام عليكم ورحمة الله وبركاته ** تلبية للرغبات الكثير من العضوات وبناءاً منا على أن المصلحة العامة من إهتماماتنا هذه الصفحة سوف تكون للنقاشات...

مناقشة وظائف المدارس الاهلية في الوسطى للبنات فقط

السلام عليكم ورحمة الله وبركاته تلبية للرغبات الكثير من العضوات وبناءاً منا على أن المصلحة العامة من إهتماماتنا هذه الصفحة سوف تكون للنقاشات...