السلام عليكم ورحمة الله وبركاته
أخواني أخواتي الأعضاء مشكله ماقدرنا نحلها مع المدرسه ..
بأختصار قريبي انطرد من المدرسه الليليه وهو في الثانوي واخر سنه المسكن ماخلى احد ما كلمه
راح للمدارس الأهليه بالرياض والخرج ولا حصل من يساعده والمدرسه حقته تبي واسطه حتى ترجعه وادارة التعليم تبي عذرعن فترة غيابه ولا اكذب هو فعلاً يغيب بس لأنهم ليلي ولا فيه اهتمام من المدرسه ولا يسألون ليه يوم جاهم وكيل وفصلهم كلهم ما ادري حرص ولا وش يصير والمدرسين ماقصروا متعاونين معه لأنهم عارفين اخلاقه لكن الوكيل الله يهديه ..المهم اللي معه لقوا واسطات ورجعوا وهو مسكين لا ابو ولا اخوان يساعدونه وامه المسكينه توها مكلمه امي في التلفون وتشكي حال ولدها وقلبها يتقطع عليه خاصة هذي اخر سنه ولو ما اختبر خلاص ما عاد له قبول ابد والله ماجيت اكتب الا من حرقتي على والدته وخواته الأيتام حاولت اكلم له ناس بس ما افلحت فنزلت الموضوع لعل وعسى تلقون له حل بعد الله..
ملاحظه ..يدرس بالخرج
وجزاكم الله خير..