بسم الله الرحمن الرحيم

السلام عليكم ورحمة الله وبركاته

يا اخوان انا اليوم كنت جالس مع رجال بزنس مان بس على قده ومشروعه صغير و قائم بس ما شاء الله ناجح ويدخل ذهب وقعدت اكلمه عن ظروفي والبطالة والفقر وكذا

المهم عرض علي ادخل معه شريك بالمشروع بمبلغ ثلاثين ألف ريال لمدة سنتين

المميز والحلو بالموضوع وشو؟

أولاً : دخلي بيكون ثابت ميتين ريال تصرف لي يومياً (بصرف النظر سواء ربح أو خسر وأصلاً المشروع رابح) لمدة سنتين

يعني بحسبه بسيطة

رأس المال : 30000 ريال
الدخل يومي : 200 ريال

الدخل اليومي x عدد ايام السنة = الدخل السنوي
200 * 365 = 73000 ريال بالسنة
يعني بسنتين = 146000 ريال

نطرح من الـ 146000 رأس المال
يطلع الصافي 116 ألف ريال ربح صافي خلال سنتين

إضافة إلى دفعه مؤخره 15000 ريال
بيكون الصافي 131 ألف ريال صاااااااااااااااافي خلال سنتين

ثانياً : مالي شغل بفواتير ، ولا بضاعه ، ولا ربح ، و لا خساره ، ولا أي شي يصير للمحل . ميتين ريال تصرف لي يومياً وبدون ما ادفع ريال واحد زيادة

ثالثاً : يسلم لي مبلغ 15 ألف ريال بعد إنتهاء السنتين والـ 15 ألف هذي مالها دخل بالميتين ريال .

رابعاً : كل الكلام أعلاه موثق بعقود وشهود .

وش رأيكم بالفكرة؟ تنصحوني فيها؟ أنا جالس أفكر فيها وماني لاقي فيها ولا شي خطأ أو شين عشان كذا قلت استشيركم.

طبعاً أنا ما أملك ولا حتى 1% من الثلاثين ألف المبلغ المطلوب للبدء عشان كذا قلت بسألكم عن بنك التسليف يعطوني هالمبلغ؟ او بيطولون وبيماطلون ويحسرون فيني؟

وش رايكم؟
وجزاكم الله خير

السلام عليكم ورحمة الله وبركاته

أخوي طيب ماقالك ولا اي شي عن الشغله والا شغله حلوة يوميا 200 ريال وظيفة هذي بس ودي نعرف الشغلة عشان الي يقدر يسويها يستفيد وأتمنى لك التوفيق

وبالنسبة لبنك التسليف على ماأظن مايعطون الا قرض زواج ومساعدة أسرية والظاهر اني سمعت يدعمون المشاريع بس لازم شروط ودراسة جدوى وأن شاء الله الشباب يفيدونك أكثر بالنسبة لبنك التسليف

اخوي الله يوفقك الطريقة كذا والله اعلم غير شرعية حسب علمي مايجوز يحدد مكسب ثابت والصح انه يحدد لك نسبه من الارباح الان هو لو خسر انت كسبان 200 طيب لوكسب باليوم 5000 انت كذا مغبون ياليت تستفي فيها احد العلماء ماودك يدخل جيبك شي حرام او فيه شبهه.

اول شئ دور لك سلف من احد الاقارب
اذا مانفع
دور لك واحد يقسط مواتر(دداسن ....الخ) <اعتقد تعرف نظام التقسيط القديم> خذ لك ددسن غماره بدون مكيف او اي سياره سعرها على قدر احتايجك
حطه بااسم اي موظف وانت اقسطه شهريا من المردود الشهري اللي يجيك
اذا مانفع
دور لك ناس انت تكون مشغل اموال لهم من اقربائك او اخوانك او اصدقائك بحيث انك تشغل لهم فلوسهم وتعطيهم فائده بسيطه والفائده الباقيه لك مثل تأخذ من من ابو فلان عشر الاف وتقول له ابي اشغلها واردها لك 15 الف
ودور لك اثنين زياده او تختار اثنين وتاخذ من كل واحد 15 الف وتردها لهم بعد سنه مع ارباح معقوله لهم والباقي لك
واذا مانفع
دور لك واحد ياخذلك صابون او تايد هو يااخذه وانت كفيله وتسدده شهريا انت بس اسم انه موظف
من شروطهم>>>(واعبر حل الصابون او التايد او بطايق السوا حل اخير لانه عليه فائده عاليه)
واذا مانفع (اطلب الله)
وعسى الله يوفقك

الله يوفقك

تحرا عن الموضوع لا تلهث ورا المكسب وتنسى هل هو حلال ولا حرام

الله يرزقك الرزق الحلال المبارك

ارى فيها شبهه شرعيه والله اعلم

اسئل اهل العلم افضل لك استاذي

تم التراجع عن الموضوع لوجود الشبهه فيه ونسأل الله أن يعوضنا خيراً منه وجزاكم الله خير علماً أن نشاط المشروع حلال ولكن طريقة شراكتنا هي المشكلة والمشكلة الأكبر أبطي أدبر ثلاثين ألف
جزاكم الله خير على الرد ويا فرحة ما تمت