يابوي ليه تبكي كل ما شفتك وعينك لي=اخاف اموت يابوي وقبل الموت تبكيني
كفا يابوي لاتبكي وانا موجود معك وحي = اجل بعد الرحيل وشلون في قبري توطيني
يابوي لو تموت الناس ماتسوى دموعك ذي =وانا يابوي ميت قبل لأموت وانت محييني
قسم بالله يابوي لاجل عينك سلمت الغي = زرعت الهم والحرمان وبحر الويل يسقيني
تحملت السنين اللي طوتني في عذابي طي=وصار الجمر في كفوفي وتحت أقدام رجلي
يابوي ماعلى عمري حسافه ولا بقى فيني شي= ولكن بأطلبك يابوي تكفى لاتخليني
يابوي مابي غيرك يغسل جثتي بالمي =وتكفى قبل لااتكفن يابوي فك لي عيني
يمكن المحك وارحل في عيني ضي= وا اودع وجهك الطاهر مع دنياي وسنيني
وخل الناس تحملني وترفع راسي ورجلي = وتاخذني على قبري وتكسب اجرها فيني
واذا جيت القبر يابوي نزلني شوي شوي= ووجهني لبيت الله وقبلة المصلين
وحط الطين وادفني وعز اللي يعزي فيني =ثلاث ايام يابوي يجونك المعزيني
ورابع يوم يابوي تذكر ضحكتي وعني = تذكر ويش كنت أقول يوم انك تناديني
تذكر يوم كنت انام في ضل النخل والفي =تجي يمي تصب الماء على وجهي تصحيني
تذكر جرة الموال وصوتن في حباله تي=تذكر يوم اغني لك قصيدي وانت توحيني
تذكر اضحكتك لاقلت يابوي عشقك لي = تذكر كم قصيده خافيه ما بينك وبيني
تذكر كل شي كان واذكر يوم اجابر حي = ولكن اسألك بالله يابوي لاتبكيني

وسلامــتكم .. والله يرحم حاله اذا كان حي .. وربي يغفر له اذا كان ميت
والدي يرقد بالمستشفى بسبب هذا المرض لاتنسونه من صالح دعائكم