|
ماالأفضل معلم أو المرتبة السادسة
السلام عليكم ورحمة الله وبركاته
اللهم لك الحمد والشكر ,,,, انا تعينت مع خريجي الحصر من كليات المعلمين بنظام التعاقد قبل اسبوعين تقريباً ,, والترسيم بعد الميزانية !! واليوم جاني اتصال من احد الجامعات اللي قدمت عليها قبل أكثر من سنة يفيد بقبولي على وظيفة سكرتير بالمرتبة السادسة ,,, وأنا آلان في حيررررررررة أرغب بوظيفة الجامعة ولكن راتب المعلم أعلى بكثير ,,لم أحتار في حياتي مثل حيرتي اليوم رأيكم ياجماعة الخير ,,, اللهم وفق جميع العاطلين وارزقهم الوظائف يارب |
استخر ربك وانا لو مكانك خذت الجامعه لان التعليم مو مثل اول صار الطالب يتوطا المعلم
من ناحية نفسية الجامعه افضل اجازاتك بيدك يعني باي وقت طق اجازة والباب بيئة العمل الجامعه افضل الراتب اتوقع مو بذاك الفرق وخصوصا معا الراحة النففسية وللمعلومية اغلب الي بيجيك يقول التعليم لاننا بطبيعتنا شعب كسالى عشن الاجازة بيقولون طويلة لا حبيبي حتى اجازة المعلمين اقتصرت الحين وصارت 45 يوم احسب معي تبدا اجازتهم في 10 -8 صح طيب اجازة الدولة برمضان يوم 20 من رمضانيعني تحسب اجازة المعلم كم يعني تصير 40 يوم خخخخخخخخخخخخخخخ يعني ما فيه فرق وانا خوك انت بس شغل مخك شوي التعليم تحضير وغثى ومرتبط بدوام معين واجازة معينه واشياء كثير.... |
يعني بعد الميزانيه تبدا بوظيفة معلم رسمي صح ولا انا غلطان :Looking:
اذا صح:d المعلم آحسن :h وآستخر ربك والله والله لو اني بمكانك لأصير معلم .. الله يوفقك وييسر أمورك والأخ اللي فوق يقول التعليم مو مثل قبل والطالب يتوطا المعلم <= انت معلم والدرجات بيدك انت !! وعلى حسب تصرفاته اخصم عليه .. والمعلم يصنع شخصيته بإحترآمه للآخرين والمعامله الحسنه معهم !! |
الوظيفة التعليميـة أبرك
وفيها ضمان والترقيات كل سنة تلقائـيًا ودايركت أمّا المراتب سالفتها سالفـة .. والإدارية الترقيات فيها ماااش .. يعني أنا لو أتحطيت بـ / هالموقف بأختار الوظيفة التعليميـة بالتوفيق يابوي |
مافيها كلام المعلم احسن انا وقعت بين الاثنين مرتبة سادسة حالة او انتظر التعيين معلم فاخترت الانتظار
|
اخوي معلم أفضل بكثير ومابينها مقارنه هي والمرتبة السادسة وربي يالملعلم افضل لك والله يكتب لك اللي فيه خير
|
نصيحة من أنسان له مجال في الموارد البشرية
لو تجلس سنتين أخي الغالي ابركــ لك من الوظيفة الجامعية فأنت كامعلم لك الميزات التالية:- 1- أجازه 5 شهور ( 3 شهور صيفيه - شهر اعتيادية - 5 ايان عرضيه - اجازات الاعياد 4 اسابيع - اجازة الربيع ) 2- دوام في قمة الراحه ومسؤولك المباشر في مستواك التعليمي 3- أمكانية اتلعليم الليلي برواتب اضافيه 4- صرف الاجازات برواتب ------------------------------- والاستخاره خيراً لك ولكن كنت لك ناصح |
التعليم بلا منازع
1 المرتب اعلى 2 الاجازات اكثر بكثير 3 بالامكان اتحول الى مشرف تربوي او وكيل وامرشد اوي عمل اداري اخر في مجال التعليم 4 النقل سنوي 5 ينتهي الدوام بدري بعكس الوظائف الاخرى 6 شخصيتك تؤثر على الطلاب 7 تعامل الجامعات مع الاداريين سيئ جدا 8 التعليم له ظمان وظيفي بالامكان التحويل الى وظيفة اخرى بعكس عمل الجامعة الاداري 9 التعليم في تطور لكن يحتاج الى وقت 10 المعلم يقدم رساله سامية والكل يعلم ذلك 11 البيئة التعليمية محدودة جيدة بعكس بيئة الجامعه بيئة كبيرة متعبة 12 الهواية لها دور كبير جدا 13 التعليم التعليم التعليم التعليم |
صلي إستخارة والخيرة فيما أختاره الله...
|
يا زين الطلاب اذا قاالو استاااذ خخخخخخخ
معلم بتوفيق |
من وجهة نظري كل انسان وله رغبة معينة
اسأل نفسك اخي الكريم هل انت ممن يهوون مجال التعليم ؟ وهل ستقدم رسالة سامية في هذا المجال ؟ هل ستبدع في المجال الإداري ... ما هو هدفك الأساسي من الوظيفة ؟! أخيرا وليس آخراً خذ ورقة وقلم واكتب ما ذكرة الأخوان وغيرهم من الذين استشرتهم وارسم جدول من عمودين السيئات والأيجيابيات لكل وظيفة ولا تنسى ان تصلي الاستخارة قبل وبعد اخذ القرار لأن هذا مستقبلك ويحتاج منك الى التأني قبل اتخاذ قرارك النهائي وفقك الله لما يحب ويرضى |
ما أبغى أزيد على كلام الأخوان
أولا مبروووووووووووك أخوي ألا يا قصة مكتوبة كلهم ما قصروا وأقنعوني قبلك ربي يوفقك ويكتب لك الخير أنا مع الأخوان وظيفة معلم طبعًا وأنت اللي تقرر دوامك معروووووف وأجازاتك معروفة وراتب ما شاء الله تبارك الله وعلاوة سنوية ممتازة وممكن بدل نائي :d أعرف أن المباشرة في السنة الأولى صعبة خاصة إذا كنت بعيد عن منطقتك وفي منطقة نائية لكن مع الوقت ربك يسهلها ربي يوفقنا أجمعين |
يابن الحلال التدريس غثيث بس احسن
تعطل مع الطلاب واجازات نص ترم ونص سنه وراتب زين ودوام مريح خاصه لو كنت ابتدائي وايام الدوام زي هالوقت بعد مايخلصون الطلاب اختبارات تروح توقع وترجع تكبر مخدتك اجازه رمضان كله وانت تتسدح يالله من فضلك اما سكرتير يعني عبد مامور سو هذا ولاتسوي هذا دخل هذا وخل هذا ينتظر واوارق وبربسه ومراجعين الي يبي يقدم شكوى والي يبي يدخل على مديرك والي والي واجازه شهر فالسنه ودوام وقلق وراتب اقل بكثير من المعلم استخر بس وخلك على وظيفه المعلم اذا ضامن الترسيم |
ألف شكر لجميع من رد عندي إضافة انا كنت في مدرسة أهلية وفصلت بسبب أني ضربت طالب انا من منطقة الباحة ,, والتعيين بنجران ,, ووظيفة الجامعة بالأحساء مازلت محتار وراسي راح ينفجر ,,, طلع الشيب في راسي من كثر التفكير
|
اقلك الشباب اكثرهم نصحوك بالتعليم وتقلي باقي محتار
اذا كنت محتار عشان التعليم تعاقد فراتبها تعاقد ستة وشويه اما راتب السوكرتي خمسة وميتين وتموت وانت سوكرتي اما المعلم فما يحتاج وان كنت باقي محتار اترك الثنتين احسن لك ههههههههههههههههههههههههههههههههه لا تزعل امزح معك وعليك بصلاة الاستخارة والله يوفقك ويوفقني ويوفق الجميع |
اذا ظامن الترسيم
انا من رايي المعلم افضل وصدقني لاتفكر كثير اللي كاتبة ربي يصير والله يوفقك ويوفق الجميع |
الترسيم إن شاء الله على بداية
العام المقبل |
تبي شوري المرتبه السادسه سكرتير افضل من التدريس حاليا من ناحية الترقيه والراحه النفسيه وفوق هذا اذا كنت عند مدير جامعه اوكيل كليه تكون علاقات مع الجميع من مسؤولين وغيرهم كتير ويكون لك هيبتك وعلاقاتك الاجتماعيه وفوق هاذا توصل لمراتب اعلى اما التدريس انتهى من زمان هيبة المعلم الحين الطالب والمدرس سواسيه والراتب مو كل شئ يالي يتكلم على الراتب معلم تبقى معلم حتى تتقاعد وفوق هاذا خلاصتك من التعليم ليس لك علاقات ومكانك راوح وجهت نظر وفي الاخير صلي الاستخاره والله يوفقك ,,,
|
اقتباس:
أجل ضربت طالب أقول أترك التعليم التعليم يبله طولة بال وصدر وسيع ذكرتيي بالذي مضى مادري المعلم اللي يضرب مايخاف من دعاوي الطلاب وتحسبهم عليه شينه أن الواحد يتجبر ويستخدم القوة لأنه في مكان ارفع خلك سكرتير وتعامل مع الورق أفضلك |
أسمع كلامي وأنا أخوك :
لكل وظيفة من هذه الوظيفتين مميزاته وعيوبه . المعلم راتب أكثر // علاوة كبيرة // إجازة أكثر بشوي فقط .// يمكن يرزق الله بمدير رهيب // وعيوبه أجازة محددة // وراعين // خلاف مع المعلمين الآخرين وكذلك مديرك // أستغلال وخاصة أنك معلم متعاقد معهم وأكثر من معلم لي قال لي أنحش عن التدريس لا تقربه الموظف راحة وخاصة أنك سكرتير مو أي موظف آخر تكوين علاقااات وخاصة أن وظيفتك سكرتير يعني أكيد سكرتير لعميد أو وكيل يعني أكيد يبي يتساعد معك إذا مثلاً نويت تكمل دراستك في نفس الجااامعة الدوااام أحب أؤكد لك مدامك سكرتير ومديرك رهيب الساعة 12 وأنت بالبيت يعني تسوى المعلم ودوامه أكيد فيه بدلات تمشي لك مو زي المعلم ماله إلا بدل غلاء المعيشة فقط أنتدابات وخارج دوام تستلم أكثر من المعلم ترقيات من نفس الجامعة مو عن طريق ديوان الخدمة مسابقات وظيفية أكثر للمراتب الأعلى إجازاتك متى ماتبي تأخذها 36 يوم بالسنة عادية و 5 أضطرارية وتقدر تخزن أجازاتك كرصيد مثل بطاقة الشحن ولا تروح عليك وتعوض عنها مالياً عند التقاعد إذا رغبت مثلاُ لك سنتين مأخذت ولا إجازة كم يصبح رصيدك 72 يوم ولا أحد يقدر يمنعك أنك تأخذها مكتب خاص // أنترنت // جرائد يومياً . وأحب أؤكد لك اللي يقول دوااام المعلم أفضل أقسم بالله أنه نايم بفراشه و لا يدري وش السالفه أنا موظف بند ومرتاااح إلى أبعد حدود يكفي أنك ماتقوم إلا الساعة 7.30 هذه لحاله تكفي وأقسم لك أنه أكثر من مرة وأنا أطلع من الدوااام والمدرسين لسى بمدارسهم ماطلعوا . ولو تحسب معي المعلم يتوقف راتبه عند 17 ألف ريال بعد 24 سنة ويوقف راتبه ويلزمه أن ينتظر 16 سنة عشاان يتقاعد براااتب كاااامل وهذه لم تحدث من قبل فأكثر المدرسين 30 سنة أو 32 سنة وعلى طول يتقاعد فيضحي بربع راتبه عشان تعبت نفسيته من التدريس يعني يبي يتقاعد وراتبه في حدود 14 ألف ريال أنت كموظف معك 30 سنة وراح ياصل راتبك 14 ألف رياااال وتتقاعد في حدود 13 ألف ريااال ولا آحد يجبرك على التقاااعد إلا رب خلقك يعني وش الفرق ألف ريال مستعد أتنازل عنها مقااابل الراحة النفسية و تكوين العلاقات وإذا تقاعدت أقسم لك أنك تقدر تشتغل في أي قطاااع خاااص وراتبك لن يقل عن 4 الآلآف ريال كمدير أو كمستشار أو مسؤول في شركة ما أما المدرس فهو مدرس إلى أن يموت بالله عليك رح إلى أي مدرس متقاعد وأسئله عن الذي جناه عن مهنة التدريس ... ولا شي ماغير الراتب وبالله عليك عمرك شفت مدرس ناااجح خااارج أسوار المدارس والله إني أتحداااك فهو لا يعرف سوى الصياح والنيااااح فقط أما الأمور الآخرى فلا لذلك لا تفكر في الوظيفة أنها فقط راتب وإجازة وراااحة فقط لا بل يجب أن تفكر حتى بعد 30 سنة قدااام بل يجب أن تفكر حتى بالتقاعد من الآن فالأيام تمضي ويجب أن تعرف ماذا جنيت وأستفدت من وظيفتك وأظن أنك قد شبعت من الرااحة فأكيد لك سنتين وأنت نائم بالبيت فهذه لحاله تكفيك شغل 5 سنوااات لقدااام وهذا لا يمنع أنك تستخيييييير والله يوفقك |
وعليكم السلام ورحمة الله وبركاته اذا انكـ انسان طموح وتبغى تعدل مستواكـ المعيشي وفي مجال امامكـ روح للجامعه والمرتبه السادسه ولا تتردد .. اما اذا انكـ تبي تجلس زي ما انت بعد 30 سنه وانت مدرس فروح للتعليم .. وبالتوفيق ان شـــاء الله .. |
اقتباس:
اللي ما ربوه أهله يربونه الناس انا درست أكثر من 20 سنه ومافي أحد غلط علي بكلمة ,,, ولا غلطت على أحد وأنا طالب ,,,, فما بالك وأنا معلم |
مع الشكر لجميع من رد ,,,,
باقي 24 ساعة على اتخاذ القرار |
يااخوي حرااام عليك مااايبيلهاا تفكير او حيررره ......
التعليم افضل بكثييييييييييير المعلم اوول مربوط (( 8025 )) ريااال الوظيفه الجامعية بالسادسه .. اول مربوط (( 5250 )) رياال المعلم الإجازات جونااان والدوام السااعة 12 وانت طاالع من المدرسه اما الجامعي 2.30 تطلع .. من غير الرااتب .... توكل على الله وخذ التعليم ابركلك ... لو تعاااقد سنه ...... |
والله عن نفسي أنتظر التعليم السنة الجاية بفارغ الصبر
الساعة 1 الظهر وانت طالع واجازات مع الطلاب.. اقسم بالله دوام فله |
أخوي المحتار .. أحببت أن أشارك الأخوان وأكتب رأيي بما أني وقعت بين التعليم والسادسة فاخترت السادسة..
للمعلومية.. الشغلة كلها تعتمد على "الرغبة" و "القدرة" فبما أنك مررت بمجال التدريس فأكيد أنك عرفت نفسك هل أنت قادر عليه أم لا .. وهل لك رغبة فيه أم لا. فا نظر الى نفسك فإن رأيت أن لديك الرغبة في التدريس وقدراتك تسمح لك بأدائه على الوجه المطلوب فتوكل على الله واختر مجال التدريس .. أما إذا لم تجد نفسك في التدريس ولم تكن راغباً فيه أو غير قادر عليه فنصيحتي لك أن تسلك مجال آخر من أجل أن تبرئ ذمتك أمام الله وكذلك من أجل راحتك النفسية والجسدية.. لذلك سأذكر لك تجربتي.. درّست قرابة سنة ونصف في مدرستين.. الأولى متوسطة والثانية ابتدائية..وكنت أشعر أن لي رغبة في التدريس ولكن...كاد رأسي أن يشيب مما واجهت من مصاعب سسبها تدني قدراتي فيما تتطلبه هذه المهنة (إدارة الصف - إيصال المعلومة - التصرف السليم مع الطلاب ومشاكلهم - الدقة في درجات الطلاب واعطاء كل طالب حقه - ....الخ) وفي نفس الوقت لاحظت أني كنت محبوباً لدى الطلاب ومفضلاً لديهم من دون جميع الزملاء من المدرسين مع أني كنت أعاقبهم باستمرار.. ولكن رأيت أني لست على قدر المسؤولية لذلك اتجهت مباشرة لمجال العمل الاداري بما أن المطلوب فيه واضح والقيام به يسير.. والله أعلم |
معلم افضل يالغالي في الاجازات وفي الراتب وفي كل المميزات اما الاداري حوسة
استخير ربك بس انا انصحك بالتدريس وربي يوفقك ويرزقك من حيث لاتحتسب |
أغلب السعوديين عند الوظيفة لا يفكرون سوى ماهو أول مربوط وكم عدد أيام الإجازة ولا نفكر ماذا سيصير وضعنا بهذه الوظيفة بعد 20 سنة
وهذا اللي جعلنا نحن السعوديين مثل البنغاليه والهنود والخادمة الأندونسية ......... كم راتب الحين بابا ؟؟؟ ولم نكن مثل الأمريكي أو أحد الجنسيات العربية الذي ينظر لما وراء المستقبل ***** قارن بين الخريجيين ***** الخريج الأول بأعطيك أول مربوط 10 ألآلآف ريال وعلاوة 400 ريال إجازات ملئ شعر رأسك بعد 20 سنة يبي يتوقف راتبك وإجازاتك ماشية ولا تطلب مني شي آخر ؟؟؟؟؟ ********************* الحالة الثانية أبعطيك أول مربوط 6 الآلآف ريال مع بدلات وانتدابات وخارج دوام وعلاوة 300 ريال قابلة للزيادة كل 4 سنوات 50 ريال عند الترقية إجازات تحسب لك كرصيد ومكافئات كل عام حسب جهدك مرتب شهر أو شهرين أو3 شهور ولا يتوقف راتبك إلى أن تتقاعد فأختر بينهم ؟؟؟؟؟؟؟؟؟؟ ******* |
معلم >> نصيحه
والله يوفقكـــ اخوي نفس الطريقة كان مكمل خارج المملكة ماجستير وجاه التعيين الان في الحصر .. |
نصيحتي لك التعليم التعليم التعليم..
لأنك في التعليم إذا تبي العمل الإداري تلقاه وإذا تبي العلاقات تلقاها.. |
أنا الآن واقع بنفس مشكلتك اخي الكريم وكأنك تحكي عني فقد تم قبولي للمرتبة السادسة على وظيفة( باحث تعليمي ) ولكن أنا 4 سنوات لم يأتيني تعيين ومازلت على الانتظار وبالنسبه لي سوف اذهب للجامعة الاسبوع المقبل لاستكمال الأوراق وانا بالحقيقة أرغب في وظيفة الجامعة لأني أريد ان اكمل دراسة الماجستير للوصول إلى أعلى المراتب بإذن الله والميزة في وظيفة الجامعة أنك تترقى ويتغير شي بحياتك كذلك العلاقات أما التعليم فمثل ماقالوا الاخوان تموت وانت معلم وأيضاً اشتري راحتي النفسيه مقابل فرق الراتب فإذا انت لديك طموح والوصول للأعلى فـ إذهب للجامعه وموفق ان شاءالله |
انا اقول التعليم التعليم التعليم ثم التعليم ....
السبب .. هو اول راتب 8460 ريال + علاوة 440 في السنة + اجازات على الكيف بالاضافة الى ان دوامك قليل يعني 12 الا وانت عند ام العيال بالاضافة الى انك تقدر تحرك نفسك بمشاريع طيبة .. انا 2 من عيال عمي معلمين وفي السن الشباب (32 ) حركوا انفسهم وكونوا مئات الملايين ماابالغ ان الواحد منهم يمتلك 400 مليون ريال كله هذا من بركة دوام التدريس وتقولي دراسات عليا وعلاقات عامة حرام عليك بس ... ============== لا تحسبن المجد تمراً أنت آكله ,,, لن تبلغ المجد حتى تلعق الصبرا |
اقتباس:
اجازة المعلم الاعتيادية مع الطلاب + خمسة أيام اضطراري + إجازات الاعياد + اجازة الربيع بمعنى أنها تصير تقريباً ثلاث أشهر ونصف ماشاالله تبارك الله و فترة دوام المعلم والاداري كلها تقريبا 6 ساعات لأنه كما هو معروف المعلم يداوم بدري ويخرج بدري والاداري يداوم متاخر ويخرج متاخر واللي يقول ان المعلم مكانك راوح أقول له من كان له طموح سواء معلم أو موظف أو حتى عاطل يستطيع أن يطور نفسه ويصل بها الى اعلى المراتب |
راحة نفسية وطبيعة عمل حلوه = وظيفة الجامعة << وخاصة إذا كانت الوظيفة عند مكان أهلك واصحابك
تعب نفسي وطبيعة عمل مرهقه مع الورعان = التعليم بالتوفيق ,, |
التدهور السريع في العمر والصحة يكون في التعليم .. شيء لايصدق
أتحدث من واقع تجربة في التعليم .. 9 سنوات .. اللي يريد العافية يبتعد عن الوظائف التي فيها تعليم .. أمراض السكر والضغط والشيب السريع وشحوب الوجه وكثره تجاعيده بسرعة كلها في التعليم فضلاً على أن عقليتك تتدهور بسرعة في التعليم .. وكل أعلم بنفسه .. |
200في المئة بأختار معلم , المعلم تحس في نفس الوظيفه فيه متعه , وعاد انت استخر وفكر وإلي مكتوبلك بتاخذه
|
المعلم افضل وظيفه افضل راتب افضل بالاجازات المعلم ودعيلي
|
انصحك التعليم افضل بكثييييير
والله يوفقك لما فيه خير لدينك ودنياك |
التعليم ضغط نفسي رهيب:mad: والجميع يعرف لماذا لانك تتعامل مع طلاب وعقليات مختلفه و.... الاداريه ظغط نفسي محدود:( جدا ويسهل السيطره عليه رواتب واجازات و..التعليم افضل مليون مره:yaa: وجهت نظري اداريه افضل بكثير والله لواخذ نصف الراتب عموما الله يوفق الجميع |
أخووي أنصح بالساادسه لانه النطاااااام تغيير ظهر ع عقب وابومتعب الله يطوول بعمره امر بمزاياااا وحوافز وعلاوااات والشريحه الكبري المستفيده منهااا موظفي الدوله وسووووووف يتم قلب السلم الوظاائف العاااام وتعديله كليااااا بعد اضاافة العلاواات والمزاياااا واذاا كنت بوظائف عمليه بتاخذ بدلااااات قرب المعللم بتوصل 8000 يعني الفرق بيصير ع مبلغ تاافه لايذكروانت مستريح البااال لاحصص ولاووجع راس ولاتحضيير وعاااد انت ادري بمصلحت نفسك عصفووووووور باليد ولاعشره فوووق الشجرره
|
| الساعة الآن 03:51 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين