عضو جديد + شكر وتقدير + مشروع

دافنشي · #1 (**permalink**) 27-08-2007, 02:47 AM

السلام عليكم ورحمة الله وبركاته ..

أسعد الله أوقات الجميع بكل خير ..

أنا عضو جديد وهذي أول مشاركة لي .. وإن شاء الله ما أكون ثقيل عليكم ..

أول شي أحب أقدم شكري وتقديري لهذا المنتدى وأعضاؤه ..

لأنكم أفدتوني كثير كثير من خلال كتاباتكم وأفكاركم ..

وعجبني تكاتف الأعضاء مع بعضهم .. أنا متابع للمنتدى من فتره ..

وأنا مو من النوع اللي أسجل في أي منتدى أشوفه .. بس المنتدى هذا من جد

بكل أقسامه رائع جدا جدا جدا .. وأتمنى يضل بهذا المستوى وأفضل ..

طيب خلصنا ( عضو جديد ) وخلصنا ( شكر وتقدير ) نبدأ بـ(المشروع) << نظامي

أنا عندي تقريبا 100 ألف .. وفكرت في مشاريع كثير ..

ولقيت إن أسهل مشروع وأكثر ربح هو في سيارات الأجره ..

يعني لو الواحد يشتري سيارة ( فان ) أو سيارتين .. طبعا للأجره ( تاكسي )

وأشوفلي من شبابنا اللي ما كملو دراستهم أو يحتاجو لأي شغله .. وأخليهم يشتغلو

عليها .. ويكون لي مبلغ معين شهريا والباقي له .. مثلا 3000 ريال ..

وش رايكم في الفكرة <<< يعني اللي مخترع فكرة جهنمية

يعني هل تشوفوها مشروع جيد وناجح ولا لكم راي ثاني ؟؟

وحي القلم · #2 (**permalink**) 27-08-2007, 02:59 AM

حياك الله اخي في منتداك وان شاء الله تكون عضو فعال في المنتدى تفيد وتستفيد
وبالنسبة للمشروع ان شاء الله راح يفيدونك ذوي الخبرة والله يسهلك امورك ويرزقك من حيث لا تحتسب

طموحها زايد شويه · #3 (**permalink**) 27-08-2007, 03:09 AM

حياك الله بيننا
<<<نفس المشروع الللي في بالي
ربي يوفقك

السكب · #4 (**permalink**) 27-08-2007, 10:12 AM

دافنشي

وعليكم السلام ورجمة الله وبركاته

حياك الله يا أخي بين أخوان لك

وإن شاء الله تفيد وتستفيد في رحاب منتدانا

بالنسبة للمشروع : حاول إنك تسأل من خاضوا هالتجربة يعني ياعزيزي لا تدخل أي مجال إلا بعد دراسة كل نواحيه

وأخيرا

تقبل فائق الشكر والتقدير

دافنشي · #5 (**permalink**) 27-08-2007, 04:06 PM

وحي القلم ..

أشكر مرورك وتعليقك .. والله يعطيك العافية ..

دافنشي · #6 (**permalink**) 27-08-2007, 04:10 PM

طموحها زايد شويه ..

بما إن المشروع في بالك .. سويه وإذا نجح أسويه أنا <<< وقح

أشكر مرورك ..

دافنشي · #7 (**permalink**) 27-08-2007, 04:12 PM

السكب .. الله يسلمك ويعطيك العافية ..

صح كلامك .. أنا قلت إن شاء الله يكون في أحد مر بالتجربة ويقولنا عنها ..

تسلم يالغالي ..

heavenmoon · #8 (**permalink**) 31-08-2007, 09:08 PM

[GRADE="FF1493 FF6347 32CD32 00BFFF FF1493"]اهلين فيك .. و يسعدنا كثيراً انضمامك لنا .. الله ينفع فيك و ينفع بك اكثر الناس .. و ان شاء الله تستفيد مننا يا رب .[/GRADE]

[GRADE="FF1493 FF6347 32CD32 00BFFF FF1493"]
بالنسبة لمشروعك .. هو مشروع حلو وطيب في فكرته و فرحت وقت قرات جملة ( واحد من شبابنا يسترزق عليه ) الله يبارك فيك انك ما اعتمدت على العمالة الوافدة .. و يجزاك الله كل الخير يا رب لافتة جميلة منك تستحق التقدير .. و الشكر عليها
[/GRADE]

[GRADE="FF1493 FF6347 32CD32 00BFFF FF1493"]
لازم تترك في بالك اذا كنت تبغى تبداء المشروع تعرف مع كم طالبة راح يتعامل او معلمة ؟ و كم ياخذ اجرة شهرية من كل وحدة .. عشان تقدر تحسب لك نسبة اقتطاع من كل وحدة .. يعني لو افترضنا انه ياخذ مشاوير ل 20 وحدة من 300 ريال الشهر .. يعني يكون صافي ارباحه بالشهر 6000 ريال .. لو بيعطيك 3000 ريال يصفى له 3000 ريال يعني ما اعرف هل راح تلاقي شخص يوافق بكذا .. و لو رفع التسعيرة يعني 400 ريال .. يزيد الربح يعني مبدائيا المشروع مناسب و لكن افضل انك تشوف اشخاص سبقوك بهذا المجال .. و يمكن يفيدونك اكثر .. و الله يوفقك و يرزقك يا رب
[/GRADE]

دافنشي · #9 (**permalink**) 01-09-2007, 02:20 AM

هيفن مون .. تسلمي على تعليقك الحلو .. والله يعطيك العافية ..

وبالنسبة للمشروع فعلا لازم أشوف أحد في هالمجال <<< وين ألاقيه ؟

وأستفسر منه عن المشروع من إلى .. بس على الله ألاقي واحد خبير في هالمجال ..

أشكرك مره ثانية .. مرورك أفادني ..