السلام عليكم ورحمة الله
اولاً يا اخواني يوجد لدي مشكلة في تقسيم الراتب ابي الحل ضروري...
1000 ريال اقساط جامعة الملك عبدالعزيز شهرياً
1250 ايجار شقة صغيره شهرياً
اجمالي الراتب 4050
يخصم منه تامينات اجتماعية 270 ريال
على فكرة انا متزوج مالي 3 أشهر وماني عارف ايش اسوي ؟
والمدام عااااااطلة ياحظي............................................. ...

اشلون يعني تبي حل طال عمرك

الحمد لله انه ماعليك اقساط للبنك مثل حالتي

توزيع راتبك تمام وماعندك مشكلة

كيف حسبتها؟
باقي مصاريف البيت (اكل وشرب)+ فواتير شريحتين جوال + الكهرباء+ هاتف ثابت
وياقلب لاتحزن

الله يصلحك abade56 اخوي انا باقي على زواجي شهور وربي ريال واحد ماجمعته تجي تقول شوفولي حل
وانت عاشق الريم اقساط بنك هاه ياحليلكم والله ابراهيم انت عارف وين اشتغل ويمكن عارف كم راتبي والي خلق السماوات والارض مايكمل معي اسبوعين اقساط بنك ولا اقساط السياره ولا اقساط البيت وهذا انا باقي عزوبي الظاهر اني بهون الزواج قالوا ايش قالوا الزواج استقرار

الله يعينك

ماحد مرتاح واظن الكل ما ينام الليل من التفكير

الحين ياخوي الراتب ماصا ر يكفي لشي اعرف مدرس راتبه بين السته والسبعه وكله يطير بين الاقساد والديون اقولك وش سوى ؟؟؟؟؟؟؟؟؟؟
اشتغل شريطي
واحد ثاني نفس الشي راتبه بين السته والسبعه وكله يطير بين الاقصاد والديون وفوق ذا يصرف على اهله اقولك وش بيسوي ؟؟؟؟؟؟؟؟؟؟؟؟
بيشتري سياره ليموزين بخمسين الف با الاقصاد ويشتغل عليه وقت الفراغ
ومره واحد قلي بيشتري محل حلاقه بخمسين الف ويدخله بشهر ثلاث الاف
********************
ويمكن افيدك بخصوص الجوال والكهرباءوالثابت
-الجوالين :جوال الزوجه في البدايه تحوله من العام الى البطاقه وبعده بفتره اذا الميزانيه ماتعدلت شوي تلغيه(طبهاً هذا اذا الزوجه راضيه لان من حقها يكون عندها جوال )
_الكهرباء: (الكلام ذا عن تجربه شخصيه)الفاتوره عندنا تجيلنا صكه والي حولينا اقل منا بكثير الى درجه انه تجيلنا ضعف فواتيرهم فطلعو انهم الغرفه اللي مايحتاجونها يقفلون اجهزتهاحتى المبه والمروحه ,وحتى الحمام وانت بكرامه اذا خلصت حاجته قفل المبه ومروحه التهويه وباالليل كل شي مقفل واحنا حتى وحنا مسافرين الاجهزه شغاله .

_الثابت :بصراحه ظروري ومن الصعب انك تستغنى عنه

المهم اخوي لازم تدورلك شغل اضافي لانه هو الحل الانسب
وكمان يبغالك تحطلك صندوق تحط فيه من راتبك خمسين وفوق وخله لزمن (انا مجربته لدرجه اخواني وابوي المتوظفين يتسلتحون عندي كل بين فتره وفتره )

......الصدقه ......تصدق شهرياً لوبريال وبذات وانت محتاج( الصدقه لا تنقص من مال احد بل تزده )

واخيراً تذكر ان الاستغفار هو سبب الرزق فداوم عليه وارفع يديك لله بأن يغنيك عن حاجه الناس

أختك ........ذابحني غيابك.............

((((((((((((((((((الله اكبر))))))))))))))))

انصحك انك تبحث لزوجتك على وظيفة ولو براتب 2500
4050
- 270 = 3780 -1000 = 2780 - 1250= 1530ريال
يصير مصروفكم اليومي 50 ريال
2500 ريال تسديد فواتير كهرباء وماء وجوالات قول بـ 1000 ريال
1500 ريال اجمعونها في البنك للاحتياط والطوارئ

والله كريم