|
مشروع متعلق بالمواقع والانترنت ..... لكن هل هو مشروع فعلا ؟؟؟؟؟
من خلال ابحاري في الانترنت ودخولي المستمر للمنتديات والمواقع وجدت عدد من الأمور والمظاهر التي يقوم بها مشتركي الانترنت واعضاء المنتديات وإليكم تفاصيلها برجاء الأفادة عنها وهل هي مشاريع أم ماذا : المظهر الأول : تجد مواضيع تحتوي على شروحات مصورة او بالفيديو وتحس ان صاحبها تعب فيها مابين كتابتها ورفع الصور ومناقشتها فيما بعد مع الإعضاء وكل هذا يتطلب وقت وجهد .... وتستغرب إن العضو هذا يتابع منواله هذا وينشر مواضيع بين فترة وأخرى .....واغلب ما رايت هذا المظهر في اقسام البرامج وأكيد لو ماهو مستفيد ماضحى بوقته وجهده .... فما هو هذا المشروع ؟؟؟؟؟!!!!!!!! *************** المظهر الثاني : تجد عضو يرفع دائما ملفات إلى مواقع الرفع العالمية مثل الرابيد شير والميديا فاير والزد شير وغيرها .... ثم ينشر موضوعات في المنتديات ويضع بها روابط هذه الملفات التي قام برفعها ..... ويعلم الجميع أن مسألة الرفع والتحميل تتطلب جهد ومتابعة من الشخص فكيف لو هذا الشخص مستمر على هذه الحالة ..... فماهو هذا المشروع ...؟؟؟؟ وماهي متطلباته ....؟؟؟ ********** المظهر الثالث : رأيت الكثير من الموضوعات التي تتكلم عن الربح من خلال الانترنت وعن تسويق المنتجات من خلاله بأحد أساليب التسويق التي تتبعها بعض الشركات التي لا تطرح منتجاتها في السوق مباشرة وخلال الفترة الأخيرة رأيت اكثر من خمسة موضوعات تتكلم عن هذا الأمر ولكن ليس بشكل مباشر وإنما بشكل مجمل وبأسلوب متحفظ ورأيت موضوعات أخرى تفند هذه الأساليب وتصفها بأنها نوع من النصب والاحتيال فلو كانت الأرباح والمكاسب تأتي للناس وهم في منازلهم خلف الكمبيوتر لترك الناس وظائفهم وأعمالهم وانساقوا لهذه الشركات وحيث أني لم اجرب ولا واحدة من هذه الشركات ولا اعرف احدا انضم إليها فالأمر بالنسبة لي مجهول فهل هو حقيقي أم مجرد اوهام ؟؟؟؟؟ وأرجو من الإشراف هنا أن يتفهم أني اضع هذا الأمر للمناقشة ليس إلا كما أنني لم اضع أية دعوة للاشتراك بهذه الشركات ولا أي رابط لها ******************** المظهر الرابع : رأيت بدهشة واستغراب انتشارا كبيرا ومهولا للمنتديات فأصبحت اعدادها كبيرة جدا والانترنت مزحوم بها ولا أدري هل هناك فائدة تتحقق بمجرد فتح منتدى أم لا ....؟؟؟؟ وهل المنتديات تحقق دخلا لصاحبها ؟؟؟؟ أرجو التفاعل والمشاركة وخاصة من أهل الاختصاص وشكرا . |
احد يوضح الأمر
|
ماعندي فكرة بس صراحة نفس أسألتك
|
مش الكل ربحانين
والموقع يعتمد على الفكرة والهدف من اقامته والموقع يعتمد على صاحبة وعلى الاعضاء النشطين واغلب المواقع المنتشرة والكسبانه التى عمرها يزيد عن 5 سنوات وعدد اعضائها فوق 150الف تجد فيها اعلانات ويلزم للنجاح التخصيص يعني ملا موقع للجوالات موقع للوظائف موقع للبرامج موقع للسفر والسياحة وفي مواقع عامة مثل ماهي متخصصة اشوف انها ماهي ناجحة او بالاحرى ماتنجح بسرعة تحتاج وقت طويل ويمكن تفشل عندك موقع حارة مساطيل مع انه عدد اعضائة اكثر من 134,000 ومنتشر ومعروف ولكن لازال الاعلان فيه قليل مقارنه مثلا مع المسافرون العرب الى اشترته شركة ياهو العالمية انت مثلا لو بتفتح موقع اولا تجيب ميزانية لتجهيز موقع وتحط مبلغ 5000 سنويا لمدة 4 سنوات يعني 20 الف لخلال 4 سنوات تصمم الموقع طبعا انا اتكلم عن منتدى ما اتكلم عن موقع فيه بحث او اي برامج غالية لانه مثلا موقع مثل موقع EBAY هذا بس برنامج البحث يكلف يمكن 500الف لانه متعدد اللغات واذا كان على لغة وحده واصلي البرنامج بيكون بحدود 15الف ولكن واجهه اقل من كفأة موقع EBAY نرجع لحديثنا عن المنتدى وتكلفته تبتدى من 700 ريال وطالع تحجز دومنو وتحجز مساحة مناسبة لموقع مبتدى والاهم هو تخصص الموقع ؟؟؟ ماهو ؟؟ دور على شي عليه طلب مثل موقع لبيع وشراء من خلال الانترنت تفتح الموقع وتضع هناك اقسام بيع جوالات بيع سيارات بيع اجهزة كهربائية الخ تخلي الموقع بشكل سهل مو موقع اول ماتفتحه يطلع لك معه مليون موقع وشات ومشاكل مثل موقع طرب !! موقع محترم مثل هالموقع حلول البطالة تخلي البيع والشراء مجاني بدون فلوس وتخلي عندك هدف لمدة 4 سنوات ماتطلب ريال من اي واحد ان شاء الله تحصل عضوا يطلع باليوم 100الف من ورا المنتدى الله يرزقة بعد الاربع سنوات المنتدى كسب شهرة وفي بائعين جذبوا زبائن وكبر الموقع وصار له ناسة طبعا انت خلال هالفترة تنشر الموقع بكل مكان منتديات بقوقل باعلانات المهم انت تخلي هالفترة الاربع سنوات نشر واعلان وجذب اكبر عدد ممكن بعد اربع سنوات تشوف عدد الاعضاء اتوقع بيكون فوق 100الف اذا انت مجتهد تبدا تحط اعلانات طبعا خلال بداية التأسيس نصيحة لاتضع اعلانات مهما كان تبدا تحط اعلانات بالصفحات تحت اسم كل عضوا باي موضوع تبدا تحط صفحات مميزية للبائعين برسوم مثلا تبي تحط موضوعك بقسم السلع المميزة او مثلا تبت الموضوع بالصفحة الاولى يدفع 50ريال شهرياً تعمل حاجات تطلع من وراها فلوس ولكن الاعضاء الى يشترون لا تقربهم ابداً ولا تطلب منهم ريال واحد او تقول للمعلن اي اعلان اخذ عليه 1% وانت وذمتك صدقني في ناس بتدفع لو عشرين واحد باعوا سياراتهم عندك مثلا صدقني 4 منهم ع الاقل بيدفعون لك 1 % يعني بالشهر بتحصل ع الاقل 10اللاف بس زي ماقلت لك الفكرة+الهدف هذا هو الى يحدد نجاح الموقع بالنسبة لسؤالك ان في ناس تشارك وترفع صور وبرامج في ناس تحب تعمل الخير وفي ناس ترفع برامج ومعاها فيروسات وفي ناس تحمل صور وبرامج عشان عدد مشاركاتها ترتفع وعشان تكون مميزة بالموقع وفي ناس لعمل الخير فقط يبي منك تقول الله يجزاك خير ويغفر لك ولوالديك وهذا الى ابيه انا منك يعني انا لي نص ساعة اكتب واخربط وش بستفيد ؟؟؟؟؟ باخذ فلوس مثلا ؟؟ مابي الا الدعاء فقط |
طيب اخوي فيصل انا برد عليك في هذا الموضوع ان شء الله اقدر افيدك ولو بشي بسيط واذا استصعب عليك اي شي راسني وابشر بالي اعرفه ------- المظهر الاول الربح من النت بكل بساطه معتمد اعتماد كلي على الاشهار يعني كم نسبه الزوار الي يشوفون موقعك اومشتركين فيه . يعني بكل بساطه ( موقع +مشتركين كثير = طلبات اعلان في الموقع كثير ) بمعني ثاني لازم يكون عندك ولو خبره بسيطه في علم التسويق يعني انا ايش استفيد لما اعلن عندك في الموقع . مثلا: انا شركه اصلاح كمبيوترات كيف تقنعني ان اعلن عندك ! بتقولي موقعي عدد المشتركين فيه اكثر من 5000 عضو والزوار ...... وترتيب الموقع كم وبكذا اقدر اتفق معاك على سعر معين في الشهر . --------------------------------------------------------------- طيب المكسب من ثلاث طريق الي اعرفه - سكربت - موقع - منتدى * السكربت : زي البرنامج امثله له ( مستعمل- اسواق كوم- بيزات-) موقع :غالباً يكون واجه للمنتدي او شركه امثله ( المواقع الحكوميه- البنوك ) - منتدى: زي هذا الي جالس اكتب فيه( -حلول البطاله - مدرسه المشاغبين- برامج نت) +++++++++ طيب كيف اكسب من المنتديات عن طريق: - الاعلانات في المواقع زي الي في الصفحه الاولى - الصفحه الاجباريه في بدايه - قوقل ادسسن - وفي طرق كثير جدا فوق ما تتخيل على سبيل المثال اذا كان الموقع كبير ممكن تسوي موضوع مدفوع في المنتدي مثبت -------------------------------------------------------------------------------------------- المظهر الثاني في مكاسب كثير عن طريق هذي الفكره اعطيك الطريقه لازم يكون عندك حساب في بنك الكتروني زي (باي بل - البنك الاخضر -الليبرتي رسف- .........) علشان مواقع الرفع تحول لك عن طريق البنك الالكتروني وبعد كذا انا تتكلم مع وسيط ويحول لك عن طريق حواله بنكيه . وفي بعض مواقع الرفع بعد ما توصل لمبلغ معين تحول لك حواله بنكيه طيب ايش الفكره ؟ الفكره طول الله عمرك في طاعته تاخذ لك برنامج تحس ان مميز وتشرحه شرح كامل وتحط روابط التحميل في اخر الشرح وكل ما احد حمل البرنامج كل مبلغ معين في رصيدك يعني مثلاً كل 1000 تحميل تاخذ 10 دولار هذي الفكره ببساطه ------------------------------------ المظهر الثالث هذي الطريقه البيع بالعموله يعني انا بصراحه ما تعمقه في الموضوع هذا بس بعطيك رووس اقلام وانت كمل الفكر حسب ما قريت انهم يبيعون عليك بسعر المصنع وانت تبيع بسعر معين منخفض اكيد في شركات كثير في هذا المجال وكبيره يفوق راس مالها ملايين الدولارات مثل كوست نت في في بعض الشيوخ حرمو الطريقه واللعلم عند الله --------------------------------------------------------- المظهر الرابع انا ابصم بيدي ورجولي لك ان فيه مكسب من النت ولا مكسب يخوف كمان بس اعرف كيف توكل الكتف بس :) ************************************************** **************** ملاحظه :- في مواقع ممكن تساعدك في كل قسم من الاقسام الي فاتت اذا تحب تتعمق في الموضوع راسلني على الخاص وابشر بالي اعرفه والله يوفقك هينفوس |
موفق بإذن الله ... لك مني أجمل تحية .
بس وين باقي الاعضاء موضوع شيق وجميل واتمنى من الاعضاء التفاعل وتقبل مروري اخوك هدوءءءء |
اخووووووووووي موااااااقع الرفع العالميه مو كلها بعضها ترفع صور واشياء كذا كل واحد يحمل من روابطك يعطونك فلوس
الله يوفقك |
ماعندي فكرة عنها
بس المظهر الثالث شفت كذا موضوع بالقسم وراسلت الاعضاء اللي كتبوا فيه بس ماوضحوا لي الأمر وما اكدوا انه فيه فائدة من الشركات هذي لن بعضهم في البداية وما ادري هي صحيح ولا كذب |
انا عندي اول موقع كنت اربح منه حدد 600 ريال الى 1000 ريال وانا ماني قايم به صح وبعته 3500 ريال ولان عندي موقع منتديات نغم القلوب توني مسوي حملات اعلانيه بس يبيلها وقت وجد
|
مشكورين على المرور والرد ..... وكنت ابرد على جميع المشاركات بس داهمني وقت الصلاة وشكرا
|
انا عندي فكرة موقع مربح ان شاء الله واريد شريك براس المال
|
^
مربح من أي ناحية ........ هل هو من جهة الاعلانات ...؟؟؟؟؟ |
الله يوفقك
|
[align=center]السلام وعليكم ..
انا بس حبيت اعلق على الموضوع الثالث او المظهر الثالث..لاني مشترك بشركه نظامها زي كويست نت واحلا والشيوخ افتو انها حلال 100% وحاولت كثير ابين فكره الموضوع هاد بس كل شوي يلغوه او ممنوع او مدري شسالفه.. انا شغال بشركه اسمها فيفو انترناشونال ونظامها حلو ورائع وبعيده عن سوالف النصب والخدع لانو فيها نوع من المنطق...تسويق منتج... انتا تسوق منتج شركه والشركه تعطيك عموله....خلصت المشكله... اتمنى انو الناس يتفهمو الفكره لانها كثير مفيده وممكن تدخلك دخل حلو غير الشغل الاساسي الي الكل يحاول يطمح اليه وشكرا[/align] |
اللي عنده راس مال من 8000 عندي فكرة موقع مربح بشرط النسبة يعني لو اشترك في الموقع الف شخص نسبة الربح الشهري 10000وممكن يسجل اكثر من كذا بكثير وهذا الشئ ملموس
|
السلام عليكم ورحمة الله
والله الي انا اعرفه انها اعمال هواه مجانين كمبيوتر يجربون كل شي ويركبون كل شيء والبرامج رخيصه وبصراحه الربح المادي ماهو كثير لهم لكن هم يحاولون يكسبون انا اعتقد انهم هواة كمبيوتر والله اعلم والله يجزاهم خير |
اقتباس:
اهم مافي الأمر بعد الحل والحرمة هو مصداقية الشركة فهل صدقت معك ؟؟؟؟؟؟ اقتباس:
موقع ويكسب من الأعضاء والمشتركين فيه ....... يبدو انك ستضيف مظهرا آخر على الموضوع ممكن توضح |
اقتباس:
اسمحلي ياصاحب الموضوع ارد على الاخ "جبل شلمان" اعمال هواه !!! انا وانا اخوك اخالفك تماماً تبغا تتاكد ما ابغا اقول اسال عن سعر قوقل لالالالالا ابغا اطلعك على مواقع تكسب فوق ماتتخيل - موقع مستعمل - سوق كوم - حراج - مدرسه المشاغبين - برامج نت -بيت حواء -الدي في دي - الا انا المواقع الي فوق اقل اعضاء فيها 1000000 مليون عضو مو زاير ابغاك بس تشغل عقلك شوي يعني اصحاب المواقع الي فوق هواه بس والا خرمانين تعب :) لالالالا خليني اوضح لك في شباب رزقهم بعد الله في النت ومصدر دخله الوحيد في النت وربي فاتح له والله يزيدهم انصحك كا اخ اعيد حساباتك في كلمه هواه هينفوس |
^
^ ^ ^ شكرا للجميع على الافادة |
للرفع من جديد .......
|
المظهر الأول ..
لا يعدو عن نشاط مميز للعضو لا غير وهو ليس بمشروع تجاري ..أو له أي مصدر دخل نهائياً المظهر الثاني مواقع الرفع والتحميل العالمية تعطيك جوائز مالية على كل ملف قمت برفعه وتم تحميله من قبل أشخاص آخرين مثل موقع ميغا أبلود .. وهو مشروع جيد وغير مكلف .. ولكن ربحة قليل جداً .. ويستفيدون منه أصحاب الحسابات في البنوك الالكترونية مثل الباي بول .. لأن اغلب الشركات تحول أرباحك على البنوك الإلكترونية فتحل مشكلة شحن الرصيد المظهر الثالث فعلاً هناك مواقع ربحية كثيرة اما عن طريق إرسال إعلانات لإيميلك أو لتسويق منتج معين لها .. ولكن الشركات الصادقة في هذا المجال قليلة جداً "ما يخص الإعلانات" وتسويق المنتجات أفضل وأصدق .. وهناك مواقع تعطيك مقابل مادي من أجل تسويق سلعه معينه لها ..وأغلبها أجنبية والمواقع العربية بعض شركات الاستضافة تقدم لك مبالغ مالية عن كل عميل يأتي عن طريقك .. ولكن أغلبها لا تعطيك مكاسبك نقداً وإنما تسمح لك بشراء خدمات منها بهذه المبالغ المظهر الرابع السبب الأكبر رخص تكلفة إنشاء منتدى .. ولا فائدة مادية حقيقة لها .. قد تستفيد المنتديات الكبيرة فقط من الإعلانات ومبالغها ليست كبيرة وقد لا تغطي تكلفة تشغيل المنتدى .. مع وافر التحية والتقدير |
الشباب ما قصروا ما شاء الله عليهم
يعطيك العافية وعسآك على القوة |
لكل من يحب ان يدخل هاذا المشروع انا عندي شركه
اسمها زوم لاير لخدمات الانترنت المتكامله لكل الي بي يدخل المشروع فقط بـ70 ريال سنوي |
مشكور على الموضوع عندي رد على بعض الاخووان
انا صااحب شركة استضافة مواقع وتصميم استيلات وغيرهـ ودعم فني وغيرهـ من الخدمة الانترنت وانا قبل سنين ماعرف شيء في اموور الانترنت بس دخلت في التجاارهـ الانترنت واشتغلت موظف مبيعات اوول شيء والراتب نسبه على كل عميل 30% قليلهـ صح بس استفيد منه وبعدين الحمد الله صاارات عندي خبرهـ في امورة الانترنت كااملهـ والحين انا فااتح شركة استضافة يعني تصميم موقع والحمد الله الدخل الشهري تقريبا 2000ريال غير الدخل السنويه والحمد الله وانصحك فيه وانا اخووك والله يوفق الجميع |
اقتباس:
وأنا شغال في هذا المجال من حوالي 11 سنة .. ولكن الموضوع يحتاج إلى التزام ومصداقية في التعامل مع ا لعملاء .. ولكن لا أنصح بالبدء عشوائياً .. لا بد من توفر دراسة .. وميزة المشروع انك ممكن تبداء برأس مال بسيط لا يتعدى الخمسمية ريال وممكن تبداء برأس مال كبير .. إذا حب أي أحد من الاخوان البدء في مشروع كهذا أنا تحت الخدمة لعمل خطة عمل متكاملة ودراسة للموضوع .. وبصورة مجانية .. وداخل المنتدى |
أخي أقلام اذا سويت الخطه يكون احسن عشاان كلنا نستفيد من الخطه
|
اقتباس:
|
اقتباس:
موجودة في موضوعي .. هذا https://www.btalah.com/t253893.html وإذا كان عندك استفسار أو سؤال معين ..تحت أمرك |
اقتباس:
فعلا هو نشاط وجهد بل إنني رأيت أعمال مهمة جدا من قبل الأعضاء .... فهل من المعقول إنهم قاموا بهذه الأعمال المهمة هكذا بدون فائدة .........؟؟؟ بالتأكيد انت تعرف المواضيع التي اقصدها فأنت كمتخصص في الانترنت اكثر مني اطلاعا فقد رأيت اعمال وشروحات فيديو واحيانا موضوعات مصورة .....الخ ولو كان مسموحا لي بذكر روابط لذكرت روابط موضوعات هامة لكني اذكر اعضاء بارزين لهم اعمالهم مثل شرقاوي في البرامج ............. اقتباس:
لأني قرأت انهم يعطون عن كل الف تحميل للملف وهذا شرط تعجيز ......... اقتباس:
اقتباس:
وشكرا لك |
اقتباس:
بخصوص مواقع التحميل مدخولاتها لا تذكر يعني اذا قدرت تطلع 10 دولار في الشهر بتكون انسان نشيط ومحظوظ .. بسبب شروطهم التعجيزية كما ذكرت .. وأعتقد أكثر المستفيدين .. أصحاب مواقع الأفلام والبرامج الكبيرة .. رغم اني واثق بأن مدخلوهم يغطي جزء بسيط فقط من تكاليف الموقع .. بخصوص الشركات الي ترسل إعلانات موجودة وكثيرة جداً .. بس للأسف فيه مجموعة ليست بقليلة من الشركات "النصابة" يعني تتعب ولا تستفيد شي .. عن نفسي ما قد جربت بصراحة ولكن فيه شباب يربحون منها رغم انها مبالغ بسيطة ..ومن الخطأ اعتبارها مشروع أو مصدر دخل .. للأسف المنتديات كثيرة جداً "من غير فايدة" يعني نفس الطرح نفس المواضيع نفس الرتم .. وأنا أفضل الاتجاه للمنتديات المتخصصة .. يعني يكون المنتدى متخصص في شيء معين مثل التصوير الفوتغرافي .. المونتاج ..الصناعة ......الخ .. بيكون عليه الإقبال أكبر من المنتديات العامة الي "مالية البلد" .. |
مشكور على التوضيح .....................
|
والله انا بغيت اسوي موقع احسب الدعوى هينه يبيله خبيره في الكمبيوتر والنت ولغه انقليزيه
ورد h2 وافي |
اقتباس:
|
اقتباس:
شكرا لك .........وكل شيء اتوقعه إلا مدرسة المشاغبين ما ادري كيف ادرجتها هنا ذهبت إليها مرة ووجدت الروابط التي بها تحول على منتديات أخرى فيقولك في الموضوع حمل برنامج كذا ويطلع الرابط لمنتدى .... فهل هذا يعتبر موقع محترم ؟؟؟!!! |
اقتباس:
|
مشاركه معكم اتا فاتحه منتدي ليا اكثر من 7 اشهر وللاسف واقف حالو :cحتي الاعضاء ما تسجيل للموقع وانا مخليه طلب قسم مجاني للتاجرات والتجار وللاسف مافي اي اقبال:cry:
المنتدي تبعي اسمه منتدي دليلك الى السوق |
ممكن التفاصيل من إلى في كيفية إنشاء منتدى متخصص وكم يكلف؟؟
|
اقتباس:
|
فيصل انا من المهتمين في فتح مواقع من كل النواحي في موقع منتديات ودردشة ولعب وفلة دخلة شهريا 14 الف ريال سعودي
وانا عندي كم موقع الان اشتغل فيها انا مقصدي من فتح المواقع الربح وعرضت على شخص انة يفتح موقع بقيمة 4000 ريال مضمون الربح والفكرة ماحد فكر فيها لاكن قال ارد لك ومدري شنو صار علية |
اقتباس:
ممكن توضح مصدر الدخل هل انت مبرمج وتسوي هذه المواقع وتخرج شهريا بهذا الدخل ؟؟؟ ولا تملك هذه المواقع ولديك اعلانات ياتيك الدخل منها ؟؟؟ ياليت تشرح الموضوع لنسفيد |
| الساعة الآن 04:33 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين