لن نوفيك حقك وطننا الغالي مهما كتبنا فيك من أشعار ،،

ولن ولن نكتب فيك ما يرضينا ملكينا الحبيب (( صقر العروبه ))

ولا أقول إلا :

عذراً فهي قصيدة متواضعه بعنوان

(( الولاء ))

فاضت بها قريحتي ،،

إليكم أبياتها

باكتبك يا أحساسي الوافي قصايـد
بالوطن دام الولا مـا لـه حـدود
يا وطن عشقك جمع كـل البدايـد
والولاء .. لك يا وطن سلم الجدود
زايدٍ فضلك وخيـرك حيـل زايـد
تحت راية سيـدي خيـرك يـزود
الأمان يعمنـا .. والأمـن سايـد
والليالي بيض مـا جتنـا بسـود
كل شعبك .. في غلاتك ما يزايـد
لانه أصلاً .. بالنهايه .. لك يعود
ودام حنا من ترابـك مـن نعايـد
كل عـام بخيـر يـآل السعـود
بامر من علا السمـاوات البعايـد
والعواصف سنها عقـب الركـود
مثل قايدنا .. ترى ما فيـه قايـد
صاعد بحكمه إلى العليـا صعـود
عاش أبو متعب عسى عمره مدايد
دعوتي له .. بالركوع وبالسجـود
خادم البيتيـن .. حـلال العقايـد
غيثٍ بطاريه .. بـراق ورعـود
يالله إنك تحفظه .. من كـل كايـد
الشجاع اللي كوى قلـب الحقـود
بالرجاله والكرم .. ماخذ شهايـد
وأسمه ... مقيد مع الخير بقيـود
عاليٍ .. ما تاصله روس النقايـد
باسلٍ .. عن دينه وعرضه يـذود
مزنة هلت .. بهـا نفـع وفوايـد
نوها وقعه علـى العالـم يسـود
يا وطن حنا إليـا جـدت جدايـد
كلنا لك " فـدوة ترابـك " جنـود
لك دروع من البشر وقت الشدايد
ولك علينا نعمي عيون الحسـود
إن طلبت النـار نشعلهـا وقايـد
وإن طلبت السلم نفرشها ... ورود
لاجلك النجمـات ننظمهـا قلايـد
والكواكب .. بس ترضي لك عقود
إن حكيت عن الوطن باملا جرايـد
ما وصلت أفضاله اللي به يجـود
الضمان مع القروض مع العوايـد
واقع .. التعليم والصحه .. شهود
يا وطن ترجمت عشقي لك قصايد
والولاء ثم الـولاء لآل السعـود

" نَ زْ فِ يْ "
وكل عام وهذا الوطن شامخ بكل خير ,,

وكل عام وصقر العروبة بألف خير وصحة وسلامة ..

وكل عام وانتم بخير ,,

منقول

اتمنى تنال اعجابكم
الأسيـــــــــــر