|
مقابلتي مع الكول سنتر بنك ساب!!!!
السلام عليكم ورحمة الله وبركاته
كيف الحال سويت المقابله وقابلني سعيد البصري طبعا اول ماوصلت للكول سنتر اللي هو مركز ساب للاتصال رحت للدور الخامس الباب اللي على اليمين اول مكتب على اليسار سألته عن سعيد البصري قالي: انا سعيد خير !!! قلت له اتصلتوا علي الاسبوع اللي راح وقلتوا عندي مقابله مع الاخ سعيد قالي انتضر شوي كان في واحد عنده يسوي مقابله بعد ماجاء دوري قالي كيف الحال قلت الحمد لله وبعدين قالي وش اسمك ؟ قلت له اسمي بعدين قعد يدور بالسيفيات اللي عنده حتى لقى السي في حقي (وانا اسلته بالايميل ) وقعد يقرا فيه بعدين قالي كيف الانجليزي معك قلت له اوكى اعطاني مجله فيها قطعه بالانجليزي عن ساب وقالي اقراها قلت طيب وقريتها وبعدها قالي وش فهمت منها وقلتله اللي فهمته وكانت تتكلم عن البنك البريطاني انه بدا بمعهد صغير بعدين تطور وصار من اكبر البنوك الموجوده هنا وله تطورات كثيره في المستقبل هذا اللي اذكره بعدين قالي تكلم عن نفسك بالانجليزي قلتله اسمي وشهاده الثانويه حصلت عليها بتاريخ-------- وشهادة الدبلوم حصلت عليها بتاريخ --------- من معهد ----------- وكنت ابحث عن وظيفه حتى جاني اتصال منكم بعدين قالي شوف اخوي فيصل شغلتنا في الكول سنتر نرد على اتصالات العملاء مثل الشباب اللي وراك وهذا هو جونا ........ وقعد يوصف لي وبعدين قالي كم تتوقع الراتب قلت له والله ماادري قال يعني كم قلت والله انا من اول ماجاني اتصالكم ماسالت وراكم قال انت جاينا من شركة رياده مع العلم ان البنك هو اللي متصل علي شخصياا والشركة تاخذ جزء من راتبك ويصفالك 3275 ريال بس والله قهــــــــــــر قلت له طيب متى بتردون علي قال ان شاء الله بعد العيد قلت له مع السلامه وهذا اللي صار معي بالضبط اتمنى منكم الدعاء واي سؤال انا حاضر |
بالتوفيق اخوي والراتب حلو كبدايه ماشاء الله
وان شاء الله بتكون من نصيبك ادعيلي القى وظيفه |
الله يوفقك ويوفقنا معاك
|
اقتباس:
الله يوفقك ان شاء الله |
اقتباس:
امين يارب |
الله يوفقك بوظيفة ما تحلم بها :d
|
الله يوفقك
|
اقتباس:
|
اقتباس:
|
ان شاء الله الله يوفقك ويوفقنا وان شاء الله تقدر تحصل خبرة على الأقل
|
الله يووفقك اخوي الفيصل وان شاء الله ربي يتمم لك ع خيــر وشاكـرهـ لك :) |
الله يوفقك اخوي فيصل ومشكور على المعلومات المفيده وان شاء الله يكتبه في مزان حسناتك
بس ممكن سؤال بسيط متى موعد المقابله الساعه كم 11 وكم دقيقه لاني موعدي السبت انا وشكرا ودمت بود\ |
الف شكر لمروركم الكريم
اخوي الشامخ انا كانت مقابلتي الساعه 2.30 وتأخرت 10 دقايق عشان الزحمه بس عادي ماقالولي اي شي الله يوفقك اخوي الشامخ في المقابله واطلعنا على اللي يحصل معاك |
الله يوفقك ويرزقك بالوظيفة اللي تتمناها :)
|
الكول سنتر محتاجين عدد كبير من الموظفين،، خاصة بعد ما اقترب الانتهاء من ترميم دورين خاص بالكول سنتر،،
فشدو حيلكم وعسى هالوظايف تكون من نصيب اعضاء البطالة،، تحياتي للجميع |
الف شكر لك اخوي العنزي
وان جتني الوظيفه فهي من الله ثم من اخوي العنزي الله يوفقك والله انك ساعدتني كثير مشكور على مرورك |
حياك الله،، وكلنا اخوان نعين ونعاون،، الواحد وش يبي من هالدنيا غير كسب دعاء الناس،، وبنفس الوقت الزم ماعلي شباب وبنات وطني،، لازم كلنا نتكاتف مو يعني انا موظف ماعلي من غيري،، اذا احنا ما تكاتفنا وحطينا ايدينا مع بعض محد راح يوقف معاكم،، لا مصري ولا لبناني ولا غيرهم،، احنا سعوديين وهالوظايف من حق عيال هالبلد،،
وبالنهايه التوفيق من الله،، واللي كاتبه الله بيصير،، ولكن لابد من اجتهاد وفعل الاسباب،، والله يوفق الجميع،، |
السلام عليكم
الله يوفقك اخوي الفيصل وان شاء الله تتوظف يارب ببركة هذا الشهر الكريم وجزاك الله خير وأفدتني كثير لأنه عندي مقابلة معه يوم السبت وايضا الأخ العنزي جزاه الله خير ووفقه مو مقصر ابد مع العاطلين بالمنتدى بس سؤال اخوي انت بالمقابلة اخذت معك اوراق لك شهادات شي وآسف على الإطاله تحياتي لكم جميعا :d |
اقتباس:
مااخذت ولا شي كنت ناسيهم بالبيت بس خذ شهاداتك احتياط وفي المقابله ماراح يسأل والله يوفقك ان شاء الله |
الله يجزاك خير اخوي الفيصل
كفيت ووفيت بس عندي سؤال بالنسبة لدوام عندهم شفتات مسائية والا كلها صباحية |
جزاك اللله خير
|
الله يوفقنا وياك
|
اقتباس:
والله اني ماسألت لكن اللي اعرفه انو فيه شفتات وفيه دوام كامل مع فتره بريك وهم اتوقع اللي يحددون الشي هذا وشكرا لكم على المرور |
جزاكم الله خير ، بس وين المركز اللي فيه
دورين خاص بالكول سنتر ؟ |
بالتوفيق اخوي والراتب حلو كبدايه ماشاء الله
وان شاء الله بتكون من نصيبك ادعيلي القى وظيفه |
[FRAME="11 70"]
بسم الله الرحمن الرحيم السلام عليكم اخي الفيصل 001 انا عملت مقابلة في نفس الموقة عندي سؤال الوضيفة ترد بل عربي او بالانجليزي ؟؟؟ الله يوفقنا وياك [/FRAME] |
اقتباس:
الله يوفقك وان شاء الله تحصل الوظيفة اللي تتمناها يارب |
اقتباس:
يعني قصدك اذا توضفت تتكلم مع العملاء عربي ولا انجليزي؟ انا اتوقع اللغتين لكن العربي اكثر بالتوفيق |
مقابلتي بالكول سنتر(سعيد البصري)
السلام عليكم ورحمة الله وبركاته اليوم كانت مقابلتي بالكول سنتر ولانها اول مقابلة اسويها في حياتي كنت متخوف منها في البداية.....لكن قلت في نفسي يا ولد منت خسران شيء رح توكل على الله وتوكلنا على الله ورحنا...وصلت المركز وطلعت الدور الخامس الين لقيت الموظف سعيد جيت سلمت عليه ..قالي انتظر في غرفة الأنتظار او التدريب حتى اناديك... رحت جلست بالغرفة الى ان جاءوا شباب واحد من جدة وواحد من الأحساء وكلهم مثلي اول مرة يدخلون مقابلة شخصية... المهم بعد فترة بسيطة جاء الأخ سعيد ورحت معاه على مكتبه وبدت المقابلة سئلني عن مؤهلاتي ..ثم سئلني عن اللغة الأنجليزية وقلت له تمام فخلاني اقرا ورقة مكتوب فيها عن البنك بالأنجليزي ثم جاب الى افعال مضارع مستمر بالأنجليزي وقالي عطني الفعل منها ثم خلاني اكتب 10 كلمات من القطعة وقالي عطني معانيها ثم قالي حط اربع منها في جمل ثم عطاني ورقة مكتوب فيها باللغة الأنجليزية عن عرض اسمه اكتساب من بنك ساب قريته وقالي وش هو هالعرض قلته ان العرض عبارة عن انك تحصل على نقطة كل عشرة ريال تشتريها واذا وصلت الى الف نقطة يعطونك كوبونات مكأفات .. ثم كان السؤال المحرج لي قال 1000 نقطة يعني كم ريال فأنا قلت له 1000 ريال وهذا كان خطا لاني اسرعت بالأجابة.. وقعدت افكر عنده ولا جاوبت عنده.. الين قالي انت مستعد للعمل تحت ضغط عمل والشفتات قلت له انا ماعندي مشكلة بس اهم شيء ما تكون صباحي وعطيته السبب لاني ما زلت طالب بمعهد الأدارة العامة فقالي خلاص توكل على الله وانتظر منا اتصال بعد العيد... ويوم مشيت من عنده وفكرت في المسألة اللي اعطاني اياها طلعت 10000 ريال وانقهرت قلت لمخي بدري يبو شباب:mad: لكن الحمدلله...... وهذا اللي حصل معاي والله يوفقنا واياكم |
الله يوفقك
|
اقتباس:
وياك ما قصرت |
اقتباس:
الله يوفقك شكله كان شديد معاك لكن الحمد لله اتوقع كانت مقابلتك ناجحه الله يوفقك وان شاء الله نكون زملاء في العمل |
اقتباس:
تسلم اخوي الفيصل... صراحه انا كنت ماشي معه صح الين وصلت لم المسألة وصراحه المسألة تافهه لكن كنت مرتبك عنده حتى يوم اني خلصت وصلت عند الأنصنصير عرفت الأجابة ...بس بعد ايش خخخ لكن الحمدلله... والله يوفقنا واياك.. والله يجزي العنــــزي كل الخير صراحه لولا الله سبحانه ثم هو ماكان عرفت هالوظيفة ودمتم ساااالمين |
الله يعطيكم العافيه ياشباب انا دقوا علي امس وقالو مقابلتك الثلاثااء عااد الله يستر ياليت الشبااب يعطوونا معلومات اكثــر واسهل كروكي للي جاي من الشرقيه ,,,, |
اقتباس:
ابد اذا كنت جاي طيران وبتمسك ليموزين قول له شارع الضباب -بنك ساب- عند الغرفة التجارية اما اذا جاي على موترك حاول انك توصل حول الداخلية واسئل الشباب عن شارع الضباب وبيدلونك ان شاء الله. |
بالتوفيق اخوووي
|
وانا بعد اتصلوا علي وموعد مقابلتي يوم الثلاثاء الساعه 9
|
السلام عليكم ورحمة الله وبركات
اولا مبروك عليكم العشر الاواخر ثانيا امس اتصل على شخص من بنك ساب وردية علية قالي اخوي فلان قلت وصلت قال احنا من بنك ساب وانت مقدم السيرة الذاتية وقال وصلت لنا قلت تمام وبعدين قال انت الان موعد مقابلك يوم الثلاثاء القادم اللى يوافق اليوم قلت تمام وبعدين قال تريد الوظيفة قلت كم الراتب قال 3200ريال قلت ومسمى الوظيفة قال خدمة عملاء قلت والله الرايب قليل وانا ليسى من سكان الرياض انا من القصيم قال انت تريد الوظيفة قلت الراتب شوي و رد علي قال الموعد يوم الثلاثاء الموافق 26/08/1428 قلت لا والله ما تصلح الوظيفة وسكرة السماعة وهذهي السالفة وعلى العموم انا تخصصي فني كهربائي منازل ومسمى الوظيفة خدمة عملاء؟ |
اقتباس:
علمنا وش يصير معك واذا سمحت اذا قضيت من مقابلتك اسئلة كم موظف طااالبين والله يوفقك |
اقتباس:
على ماسمعت انهم طالبين كثير قدم عليهم وش خسران |
| الساعة الآن 03:27 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين