|
اسئلة عن باب رزق جميل
السلام عليكم ورحمة الله وبركاته
الى كم يصل قرضهم وما هي الشروط وهل يشترطون كفيل سؤال مهم هل فيه زيادة بعد ارجاع القرض مثل المئوية بمعنى هل فيه مبلغ يعطى للمرشد سؤال اخير المشروع يكون باسمي ولا اسمهم شـكرا لك وبارك الله فيك ... لك مني أجمل تحية . |
اقتباس:
يصل القرض الى 150 الف ريال نعم لابد من كفيل وأذا ما عندك من الآن اقولك لاتقدم لايوجد زيادة في ارجاع القرض لايوجد مبلغ للمرشد المشروع يكون باسم المقترض يتم صرف القرض خلال شهر تقريباً شروط الحصول على الدعم للمشاريع الصغيرة 1- أن يكون المتقدم سعودي الجنسية. 2- أن يكون عمره بين 20 –50 عاماً. 3- أن لا يكون موظفاً ويستثنى من ذلك من يقل راتبه عن 2500 ريال. 4- أن يملك الخبرة والمهارة في إدارة المشروع بنفسه. الشروط الواجب توفرها في الكفيل 1- أن يكون موظفاً حكومياً أو في إحدى الشركات الكبيرة والمعروفة. 2- أن لا يكون لديه التزامات أو ديون متعثرة السداد لأي جهة حكومية أو خاصة. 3- أن لا تقل مدة خدمته عن سنتين للموظف الحكومي و 3 سنوات لموظفي القطاع الخاص. عزيزنا المتقدم لطلب القرض: إن إحضاركل لمستندات المطلوبة منك قبل دخول المقابلة الشخصية يسهم في اتخاذ القرار السليم لدعمك وبالتالي سرعة الحصول على القرض لذلك نأمل منك إحضار الطلبات أدناه قبل دخول اللجنة. المستندات المطلوبة (قبل دخول المقابلة الشخصية): 1- دراسة جدوى للمشروع. 2- عروض أسعار من الجهات المورّدة. 3- صورة الهوية الوطنية ( المتقدم + الكفيل ). 4- إثبات السكن ( صورة عقد الإيجار أو صك الملكية + فاتورة الكهرباء + رسم كروكي ) للمتقدّم والكفيل. 5- إفادة من التأمينات الاجتماعية. 6- خطاب تعريف من عمل الكفيل موجّه إلى الصندوق. 7- بالنسبة للمشاريع القائمة: (صورة رخصةالمحل أو صورة السجل التجاري + صورة عقد إيجار المحل). |
طيب سؤال
لو كان المشروع بدون محل يعني ابى اجيب بضاعه واصرفها يعطوني؟؟ |
.. عندي استفسـار عن قرض باب رزق جميل ..
كم المده اللي ياخذها علشان يمنح القرض..؟ والتقديم على القرض يكفي اون لاين ( عن طريق موقعهم)؟ ولا لازم تروح لمركزهم..؟ اتمنى ان اجد إجابه على أستفساراتي .. اطيب الأماني .. |
باب رزق جميل
ياخوان بنسبه للكفيل اذا جبت 2 كفلا 1راتبه 6000 والثاني 2000 بيقبلون اريد معدات ثقيله< شيول> يعطون والالا اتمنا الاجابه ولكم جزيل الشكر
|
السلام عليكم ورحمة الله وبركاته السلام عليكم ورحمة الله وبركاته
لكم الشكرعلى طرح الموضواع عندي استفسار والدي متقاعد من الامن العام هل يقبلون كفالته والمعلمات يقبلون كفالتهن والشكرموصلكم |
|
اقتباس:
اشكر اخوي ابا الجوهرة على توضيحه ام كيمو بالنسبه لمشروعك فلازم من محل الا اذا كنت تريدي ان يتم دعم مشروع انت مقيمته بمنزلك كبيع ملابس او خياطه او خلطات شعبيه او غيرها يكون الدعم للمشروع القائم الى حدود30000ريال محمد المطوع-اخصائي مشاريع-باب رزق جميل |
اقتباس:
المده التي ياخذها القرض لاتتجاوز اسبوعين اذاكانت اوراقك مكتمله وبعدتجاوز المقابله الشخصيه التقديم يكون عن طريق فرع الشركه وماراح يصير خاطرك الا طيب للاستفسار/0500758878 محمد المطوع-اخصائي مشاريع-باب رزق جميل |
اقتباس:
بالنسبه لمشاريع النقل الثقيل تم ايقافها نهائيا قبل 3 اشهر تقريبا من الادارة العامه للشركه لاسباب غير معروفله لدي اذا كان عندك خبره بمجال اخر ولك رغبه بدعم لهالمشروع ماعليك سوى الاتصال ومايصير خاطرك الا طيب ودي |
اقتباس:
للاسف اخوي بالنسبه للمتقاعدين لايتم قبول كفالتهم المعلمات تقبل كفالتها ودي اي استفسار يرجى الاتصال على/012490126-3109 0500758878 محمد المطوع-اخصائي مشاريع-باب رزق جميل |
اخوي مدري يدعمون مشروع صالة العاب بلايستيشن واكس بوكس وبلياردو
|
اقتباس:
حياك اخوي اي نعم تدعم هالمشاريع بس يفضل تكون عندك معلومات وفكرة شامله عن هالمشروع وحياك اخوي تشرفنا بزيارتنا بفرع الحمراء-طريق الملك عبدالله-مقابل مكتبه جرير |
اخوي محمد الله يعطيك العافية
عندي اخوي موظف في وزارة الصحه راتبه 3000 ريال هل تقبلون كفالته |
اقتباس:
هلا اخوي الله يعافيك اعتذر منك اخوي يفضل اكثر من5000ريال ودي |
اخوي على كم سنه اقصد لو اخذ خمسون الف
|
اقتباس:
حياك اخوي على 36شهر اخوي ودي |
[align=center]
مرحبا أخوي الدعم فقط 150000 مافي مجال للزيادة ؟ [/align] |
اقتباس:
اي نعم ذا اكثر شي حاليا |
اخوي هل باب رزق يقبلون مشروع مؤسسة تقسيط مثلا تقسيط بطايق سوا والا جوالات
|
السلام عليكم انا قدمت بالفرع النسائي على اساس افتح بوتيك نسائي وتكون البضاعه من تصميمي وتعاملت مع مصنع راقي يجهز لي البضاعه بس جالسه ادور المبنى المسوله اللي قابلتني احبطتني قالت ممكن يكو ن دعمنا لكي بس اربعين او مسين الف بس وهذا لمبلغ مره قليل ما كيفي مشروعي بس هس تقول هاذا المبلغ محددينه للبوتيكات ما تعتقد انه ممكن يزودو القرض شوي خاصه انه انا بضاعتي مو من السوق بالعكس كلها تصميم ومميزه ومكلفه وشكرا لك
|
اقتباس:
اعتذر منك اخوي لايقبل اي مشروع للتقسيط او مقاولات ودي واحترامي |
يعطيك العااااااافيه اخوي
والله اني كنت بقدم عليهم بمشروع تقسيط لكن ابي اقدم عليهم بمشروع اخر وبعدين اقلبها تقسيط ومشكوررر والله يجزاك الف خير والله يرزقك من واسع رزقه |
عندي سؤال الحين لو فرضا اخذت القرض وبديت بالمشروع وحصل مشكله وماقدرت اكمل المشروع لاي سبب
هل ياخذون مشروعي بدل سداد الدين او لازم اسدد او الكفيل يسدد عني لاني خايفه من الدين في حاله لو المشروع فشل لاي سبب |
[align=center]
أخي الكريم .. حياك الله .. مشاركاتي قليلة لذا لم أتمكن من الرد على رسالتك في الخاص .. [/align] |
اقتباس:
اللي يريحك اخوي ولكن راح يكون فيه اشراف من اخصائي المشاريع على مشروعك العفوماسويت شي والله يرزقك ودي |
اقتباس:
بالنسبه لمشروعك لا ياخذ منك بس انت راح تلتزمي بتسديد الاقساط واذاماسددتي راح يطالب الكفيل بالتسديد وانصحك لاتقدمي على شي الا وانت متاكده من نجاحه عشان لاتتوهقي بقرض انت بغنى عنه ودي |
يعطيك العافية اخوي
انا ودي أفتح محل أكسسوارات ويكلف تقريبا 80 الف هل تدعمون المشروع؟ |
اخي "عاشق الحجاز"
تقدر تتصل فيهم وتستفسر عن اي شي تبغاة ، راح يجاوبونك عن اي استفسار من غير اي تأخير .. وانا اشوف انهم احسن من غيرهم كثير ، يكفي انهم مايماطلون معاك شهور وسنين عشان تاخد القرض ، مثل جهات ثانية .. واتمنى لك التوفيق .. |
اقتباس:
عندي سؤال عن دعمكم للمشروع القائم كيف يكون طريقته يعني شيك بالمبلغ بإسم اللي طالب الدعم والا كيف الطريقه وإذا على حدود 30000 ريال هو أعلى مبلغ كم يكون أقل دعم للمشروع القائم والله يرزق ويوفق الجميع |
اقتباس:
حياك اخوي اي اخوي ندعمه بس اهم شي تكون عندك خبره بالمجال ذا والكفيل موجود والموقع لان ذي اكثر الاشياء اللي تعيق المشاريع عندنا الدعم الى 150000ريال اخوي ودي واحترامي |
يعطيك العافية اخوي عالردود .. الله يسعدك يارب
بس ودي اسالك انا نفسي افتح مدرسة رياض اطفال وحضانه بس السؤال هل يمولني باب رزق المبلغ عشان افتح مدرسة .. |
وفق الله الجميع
|
طيب لو افدم بدون كفيل يقبلوني
|
اقتباس:
استـآذ - محمد المطوع.. ابي استفسســر عن الي يبي قررض .. ويفك. مشروع صغيــر بس مهــوو متوظف .. وبي افتح. مشروع.. يجوز. ليه اني اقدم ولا لزم.. اكون متوظف |
[align=center]
يعطيك العافية الأستاذ محمد المطوع عندي مشروع مناحل جبلية هل تمولونها وإذا كان كم ممكن يكون القرض وما هي شروطه وإذا لا يمول هل تمولون المناحل المتنقلة وكم القرض وما هي الشروط ؟ بارك الله لك في رزقك وأدام عليك الصحة والعافية انتظر ردك [/align] |
السلام عليكم انا بساءل لو المشروع يقبل نساء هل الكفيل لازم يكون رجل ؟؟
|
يارب احد يرد
|
لاهنتم انتظر الرد باحر من الجممممممر
|
مافييييه رد خلال 3 ايام
|
| الساعة الآن 03:03 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين