بسم الله الرحمن الرحيم
السلام عليكم ورحمة الله وبركاته
اخواني انا ابكتب قصتي الغريبه جداااااااا
درست اول ثانوي عام 1427/1428ونجحت وبعدين درست ثاني ثانوي 1428/1429وكذالك نجحت وجاء ال1429/1430وصرت بثالث ثانوي وفرحت يوم بداء العااام الدراسي جداا
لان هذا اخر سنه وبتخرج من الثانويه وادخل جامعه او كليه لكن بدات قصتي مع بداية الدراسه طبعا انا شرعي وكان عندنا معلم عربي قاعدلي قعدة المهم شديت حيلي لكن رسبت بمواده وهي البلاغه والنحوا والادب وكانت ها المواد هذي الي يدرسنا هالمعلم
جاء الترم الثاني وللاسف نفس الترم الاول بس هالمره نجحن بلبلاغه وجاء الدور الثاني وكان همي الاول والاخير اني بس انجح واطلع من الثانويه الي ادبلت كبدي برغم انها دورثاني لكن نجحت بنحواا وقال انت راسب بل ادب الترمين ونجحت بترم وبقى الترم الاول مانجحت فيه قلت طيب يعني كيف اعيد السنه يليته قالي عدها ولا صارلي الي صار قال لالالالالالا وكنا بهالوقت بشهر شعباان على اخر العام الدراسي قلت كيف ماعيدها قال رح لببيتكم واذا بدت اختبارات الترم الاول تجي تختبر اختباار جزئي وهذا اختبار للي ماجتازو الترمين رحت على كلامه للبيت وبكيت بكاء مرر وانا متاكد والله اني حال ماهو بلاختبار هذا الا بكل اختباارتي الاوله وكنت كل ماطلب ورقة اختباري يقول رميت الاوراق المهم ياجماعه جاء رمضان وشوال والشهور الي بعدها وكنت بس انتظر متى يبداء الامتحان حق الترم الاول الي قالي عليه المعلم وكانت لشهور عندي تمشي بطيئه جدااا المهم جاء شهر 12 من العام نفسه عام ال1430 رحت قلت اباخذ الجدول لان بعد العيد بيبداء الاختباار جيت مالقيت احد بلمدرسه الا قليل من المعلمين و وكانت اخر الايام الي قبل الاجازة رجعت وانتظرت لين خلصت الاجازة وبعد مافتحت المدرسه بسبوع وخلصوا معايداتهم رحت اباخذ الجدول عشان الاختباار
الجزئي الي قاله المعلم قالوا تدرررون وش قالو قالوا انت مالك اختباار جزئي قلت ليش قالو ورى ماجيت تسجل اسمك مع بداية المدرسه من ظمن الي يختبررون خلاص فاتت عليك قلت المعلم قالي رح لاتجي الا اذا بدت الاختباارت ماقال تعال وسجل اسمك مع بداية المدرسه المهم المعلم انكر رحت وناديت الوكيل عشان يشهد بس الوكيل صار يقول والله مادري انا ناسي المهم رحت انا وابوي لاادارة التعليم وشرحت لهم السالفه وكتب ابوي معروض لاكن مافاد ولا شي رجعوا لنا المعروض وقالو يعمل معه حسب النظام رجعت للمدرسه وقلت انتم لاخليتوون اعيد السنه ولا اختبرت مع الي يختبررون ضيعتواا مستقبلي حسب الله عليكم ونعم الوكيل قاالولالالا معك الي الان او مايبداء العام الدراسي تجي الي هو 1431/1432تجي تختبر الماده الي عليك اختبار جزئي
يعني خلاص راح عليك هالعام هذا الي هو 1430وم1431المهم رحت وانا ودي اقتل المعلم الي هدم مستقبلي والان وش اسوي تو العام داخل 1431والسنه طويله وماعندي الي ابوي اشكيله حالي قال اصبر هالسنه والسنه الجايه يحلها الف حلال المهم جلست بهاالشوارع اشوف الطلاب الي يرووحون لمدارسهم ويجوون والي بلجامعات وانا مكانك سر المهم بداء العام الدراسي وجيت بسرعه ابسجل اخااف يقولون شي ثاني لكن الغرابيل ملاحقتني ملااحق يوم جيت اسجل اسمي من ظمن الي بيختبروون لقيت المعلم حق العربي ترقى وصاار وكيل للمدرسه وبس هالمره جابلي سالفه ثانيه قال انت مايشملك القرار الاداري للاختبار الجزئي لانه مايشمل الا الي منقطع عن الدراسه له سنه وانت منقطع عن الدراسه لك عامين بسم الله الرحم الرحيم كيف لي عامين قال احسب العام 1431والعام هذا قلت العام هذا توه مابعد دخل 1432باقي له 3شهوروتدخل السنه الجديده قال هذا نظام تبي ولا عد السنه قلت لالا والله ابعيد السنه خلاص بس ابنقل عن المدرسه لاني عارف لو ابقعد عندة ماهو مخلين
قال رح دور مدرسه تقبلك وتعاال اصلا اي مدرسه تحسبك مطرود المهم رحت لادارة التعليم ابي نقل قالو جب خطااب من المدرسه الي انت كنت بها رجعت عندهم قالوا الاداره طالب تفسير لنقلك عن المدرسه وقلنا لايوجد اي اسباب تخليه ينقل قلتي انا مابي مدرستكم وش الحل قالو قدم فصل قلت ينااس اباخذ ملفي خلاص وكثر الشد والجزم عطوني ملفي وكاتبين عليه لكبر سنه يدرس بلمداارس اليليه وانا عمر 20سنه
وهذي قصتي مع ثالث ثانوي والي الان اتمنى اخذ شهادة الثانويه
ملاحظه تعمدت اني اذكر مع بدايت حديثي الاعوام حتى تعرفون كم كنت متلهف على اخذ شهادة الثانويه العامه حتى ابحث عن مستقبلي الي وقفه معلم عنصري
وكذلك ذكرت الاعوام لاني لم اكن منقطع كما قال المعلم
ماذا افعل بعد ماكن عندي طموح اني ادخل جامعاات اوافرح والدي
اصبح فقط طموحي اني اخذا شهادة الثانويه
حسبي الله على من دمر مستقبلي وقعدلي قعدة اللهم كما قهروني المعلم والمدير فقهرهم على اعزمايملكوون اللم خذا حقي منهم عاجلا غير اجل وحسبي الله ونعم الوكيل اصبحت جالس بلبيت اين اذهب وانا كل طموحي وحماسي رااااح وذهب آه يابوي كم كنت اريد ان افرحك وافرح بتخرجي من الجامعه لكن الثانويه راحت

حسبي الله عليه من مدرس الظاهر يحطون حرررررة غلا المعيشة على الطلاب هذا اعتقادي
الله يرزقك هذا الي اقدر اقوله وعقبال ماتدعس على خشمه مستقبلااٌ

الله يكون بعونك

الله يكون بعونك ويوفقك دنيا واخره
وحسبي الله ونعم الوكيل على كل ظاالم

حسبي الله ونعم الوكيل عليه والله قهرني هالمدرس الله لايوفقه وجعله تجيه مصيبه

بسبب ظلمه لك ويعرف ان الله حق والله يوفقك ياحي ياقيوم وجعلك تخلص الجامعه مو الثانوي

بس عندي سؤال ليش المدرس قاعد لك انت بالذات انت سويت له شي قبل كذا

حسبي الله ونعم الوكيل
الله يكون بعونك
تقبل مروري

انا مافهمت
الحين ليش المدرس ذا مستقعدلك ؟؟؟؟؟؟