|
بنك البلاد ظلمنــي
بسم الله الرحمن الرحيم
انا يا خوان شايف شغلي على احسن مايكون وكل شهر اترقى من وظيفه الا أخرى وهذا بشهادة الجميع من صراف الا كبير صرافيين الاخدمات عملاء وبالنهايه مدير عمليات ومن بعد مرور سنتين على توظيفي تطلبني الادارة انا و14 موظف والبقية تأتي لماذا شنو السبب...؟؟ بحجة وجود ايميلات لاتتناسب معا مكان العمل وانا واعوذ بالله من كلمة انا لايوجد لدي متسع من الوقت لكي ارى اي من الايميلات ولكن هل هذا سبب كافي لقطاع رزق رجل متزوج وعنده 3 بنات هل هذا معقول صار لي اربعة اشهر وانا ابحث عن وظيفه لكن الواسطه تحول بيني وبين الوظيفه ولا اجد للخبره منفعه بدون واسطه مالعمل نفسيتي تتدهور كل يوم فأنا مسؤل عن عائلة كامله ويتيم الأبوين لكن الشكوى لله ........ |
الله يكون بعونك
ولا املك الا الدعاء لي و لك بالرزق الحلال |
الله يكون بعونك ويفتح لك ابواب رزقه
|
اخي انت بدون وظيفة 4 شهور وانا سنه وشهرين ولدي اولاد ثلاثه وكانت وظيفتي محاسب
في شركة وظلموني وفصلت منها ظلم وانا متدهور نفسيا وصحيا وابحث عن وظيفه وكل يوم اكتشف انه الواسطه هي كل شي وانا مثلك يتيم الاب وزوجتي ايضا يتيمه فحسبنا الله ونعم الوكيل عليهم الى يوم الدين امين الله لا يبيحهم ولايبري دمتهم |
كان الله في عونك
الله على الظالم ربي يرزقك.... |
انا مافهمت القصه والايميلات لكن ماهي مؤهلاتك ؟؟
|
مرمر زماني***** NsR15 الله يكون بعونكم ويوفقكم وربي حسيت مالي داعي ادور وظيفه يوم عرفت بحالتكم الله يفرج عليكم يا رب تحياتي |
الله يرزقك بكل خير ,,
و يكون بعونك ,, أتمنى التوفيق للجميع و خلوا أملكم بالله كبير : ) |
والله حتى انا مافهمت القصه زين ؟؟؟ ياليت التوضيح اكثر لكى نعرف القضيه ؟؟
وعلى فكره ترا مايضيع حق وراه مطالب ,,, |
الله يرزقك بكل خير ,, و يكون بعونك ,, أتمنى التوفيق للجميع و خلوا أملكم بالله كبير : ) |
شاكر لاخواني واخواتي مرورهم الكريم ودعواتهم الصادقه والله يرزقنا جميعا
بالوظيفه الي نتمناها يالله ياكريم اما عن القصه كنت موظف في مؤسسة الراجحي التجارية للصيرفه عملت فيها 8سنوات وكنت ماسك اكبر الفروع في الشرقيه كبير صرافيين فعندما اندمجت مؤسسات الصرافه ليصبح في مابعد بنك البلاد كانت من بنود العقد في الاندماج توظيف جميع العاملين في المؤسسات والشركات في البنك واعطاء بنك البلاد حقوق موظفين مؤسسة الراجحي للصيرفه لكن بنك البلاد لم يوظف الافئة قليلة من الموظفين ولم يعطنا حقوقنا بل طالبنا عند توقيع العقد التنازل عن حقوقنا ونحنا نسعى الا الوظيفه وقعنا ونحنا مغمضي الأعين وذلك بسبب عطالتنا لمده تقارب خمسة اشهر لاشهادة خبره ولاحقوق ولا شهادات نستند عليها ولا اخلاء طرف فوظيفه باليد خير من حقوق ع الشجر وبعد مرور السنتين أخذ بنك البلاد بأقالتنا وذلك بحجة ايميلات لاتتناسب معا طبيعة العمل وانا اقسم بالله العظيم انا الي يراسلونا أغلبهم من الأداره وناس واصله في البنك لكن البنك هدفه من هالموضوع اقالة موظفين المؤسسات وإبدالهم بموظفين جامعيين وكل يوم نسمع بأقالة موظفين بنفس السبب من الذين لاحول لهم ولاقوة... وهذي زبدة الموضوع لكن ما اقول الاحسبي الله عليهم والله لايبري الهم ذمه وانا الأن اعيش حالة ضياع كل يوم اقدم على الأنترنت وأذهب الاالبنوك لكن لافائده ترجى اصبحنا في زمن الواسطه هي الأقوى والشكوى لله أما بخصوص من سألني عن مؤهلاتي فهي ثانوية عامه وثانويه تجاريه تخصص ناسخ آله واعمال مكتبية وعندي دورات في المعهد المصرفي ودورات آخري لتنمية مهارات الصرافيين وخدمة عملاء مميزه متقدمه........ |
ما اقدر اساعد الا بالدعاء
الله يرزقك الوظيفة الي تكفيك وتغنيك عن الناس الله يصبر زوجتك وعيالك الله يفك كربتك ويعوضك بوظيفة احسن وارقى يارب قل امين |
آمين يارب ومشكور ع الدعاء وهذا الي ابيه
وواسطتي ربي انشاء الله وكل واحد ماياخذ الانصيبه في هالدنيا |
داوم على الاستغفار واقرأ قصص المستغفرين ,,
بأذن الله راح تنفتح لك ابواب الرزق من حيث لاتحتسب ,, داوم على الاستغفار اقل شي باليوم 1000 مره اقل شي مع اليقين التام والكامل بقدرة الله عزوجل ,, وبأذن الله عزوجل ,, راح تيسر امورك وتتسهل ,,, وتعال بعد شهر من مداومتك على الاستغفار وقولنا وش صار معاك ,, وبأذن الله ماخيب لك رجا ,, اختك ريـــــمـ |
مشكورة اختي على كلامك وان شاء الله ربك يفرجها
علينا وعلى جميع المؤمنين |
مكرر ,,
|
الله يكون في عونك اخوي والله اني ادعيلك من قلبي لانو اذا كنا محتاجين فإنت اشد حاجة بس رجاء اخوي لاتستسلم للكآبة والشيطان لأن طريقها دمار وعليك بالتعلق بالله وتفويض امرك له عز وجل (ومن يتوكل على الله فهو حسبه) ومابعد الصبر الاالفرج وتذكر اخي في الأخير ان هذا ابتلاء فاصبر وما صبرك الابالله
والله على كل ظالم . |
الله يفرجها عليك ويرزقك من حيث ماتعلم
عليك بالإستغفار وماتضيق إلا وتفرج |
انا قدمت على بنك البلاد وسبق قلت هالشي في رمضان وقالولي انهم حاليا جالسين يسرحون الموظفين اللي عندهم والاسباب انهم قاموا يفلسوا واللي قالي هالشي شخص اعرفة بالبنك وقالة لي بشكل ودي هم مغطيين على هالموضوع فاظاهر خذوها حجة اخوي مرمر زماني عشان يطلعونك بيس انت لا تسكت طالب بحقك لو تشتكيهم لانة يعتبر تعسفي ايش هالكلام خذوة فغلوة الله لا يوفق الشيطان
بالنسبة لانهم يبون يوضفون الجامعيين انا جامعي وكنت مبتعث وانجليزي توب عندي اكلمك واكتبلك تقول امريكي بس اللون عربي ههههه وشهادة Isdel وفي النهاية قاعد بالبيت اساعد الوالدة في المطبخ ههههههههههههههههههههههههههههههههههههههههه الله يرزقك انشالله ويوفقك لك ولعيالك امين وتحصل احسن منهم ولا يحدك على سؤال غير وجهه العلي العظيم |
الله لايوفقهم لافي دنيا وأخره
والله يساعدك يالغالي قدم على بنك سامبا ويمكن يكون لك حظ يالغالي قدملهم شهاداتك وخبراتك وعلمهم إن عندك خبره بهالامور ويارب يارب يوظفونك دام معك ثانويه وربي ادعيلك من قلبي الله يساعدك |
اقتباس:
اخي اول مرة اسمع بهذة القصه عن بنك البلاد والذي اعرفه بان الجميع قد عادوا الى اعمالهم الموظفين السابقين بالموسسه ولكن هل قمت بتقديم اوراق تثبت فصلك تعسفيا من البنك لمكتب العمل وهل قدمت لك ثلاث انذارات ام مرة واحدة فصلت وهل استملت حقوقك واوراق تثبت عملك معهم خلال هذة الفترة |
اخوي ترى مافيها انذار اي موظف يتوظف يوقع على ورقه من 3 الى 5 صفحات لشروط استخدام البريد الالكتروني الخاص بالعمل
وللاسف الكثير صار يستخدمه في اللعب والصور البائسه البعيده عن العمل ومن ضمن البنود العامه انه يحق للبنك انهاء خدماتك في حالة انك استخدمت اي غرض خاص بالعمل لعمل منافي او عمل لايمت للوظيفه بصله للأسف فيه اشياء مايحتاج لها 3 انذرات مثل الغياب بدون عذر اذا كان اعطوك خبره جرب تنقل على شركة من شركات التوظيف في البنوك لكسب فرصه ثانيه للالتحاق ببنك والله يرزقك من واسع فضله ويفرج كربتك وفي النهايه كللللللله مقدر ومكتوب والحمدلله اولا واخيرا |
الله على الظالم
كل ظالم وله يوم |
حسبي الله ونعم الوكيــــــــــــــــل
الله يرزقك باللي أحسن منهااااااا ياااااااااارب :) |
أخي الفاضل awlama
هناك الكثيرين من الذين لم يطلبهم بنك البلاد جالسين الا اللأن لأنهم وباختصار لايملكون اخلاء طرف من مؤسسة الراجحي ومن ضمنهم قريباً لي اما عن الأنذارات ولاواحد قسم بالله ماجانا الا اتصال من الأدارة يطلبوننا فيه انا عن نفسي مارحت اما بقية زملائي ذهبو وباختصار قالو لهم ياتقدمو استقالتكم يا تتحولون ع الشؤون القانونية واحد فيهم حول لكن الا الآن لااعلم عنه شيئاً وانا لم أذهب بسبب مرضي والصدمة التي كنت فيها في يوم وليلة اصبحت عاطل عن العمل اما عن الحقوق اعطونه اياها ...الله والحقوق يمكن راتبين ماتوصل بعد الشكوى لله وحسبي الله ونعم الوكيل .......................... ذكر موظف مصرفي انه من ضمن بنود العقد المبرم معا البنك انه يحق للبنك انهاء خدماتك في حالة انك استخدمت اي غرض خاص بالعمل لعمل منافي او عمل لايمت للوظيفه بصله للأسف فيه اشياء مايحتاج لها 3 انذرات مثل الغياب بدون عذر بس ليش اكون ضحية ؟؟مو انا الي راسل ها الايميلات ولا لي علاقة فيها ماذنبي اتحمل اغلاط الاخرين !!! |
الله يعينك ويرزقك
اكثر من الاستغفار وصلاة القيام وادعوا السميع العليم انه يفرجها عليك ولا تشيل هم ترى الدنيا ماتسوى ماراح يموت انسان الا لما يستكمل رزقه.. والله كريم ........ |
لا حول و لا قوة إلا بالله
لا تسكت عن حقك و لا تستسلم لليأس الله يفرج همك و يعوضك بالخير و يرزقك و يرزق كل عاطل و عاطلة يا رب اللهم إكفهم بحلالك عن حرامك و اغنهم بفصلك عمن سواك اللهم آمين |
الله يكون في عونك
لك رب ماينسى احد تحسب عليهم والله يعوضك |
مايضيع حق وراة مطالب اطلع لمكتب العمل واجه الادارة بالناس اللي ارسلو لك اذا هم على رأس العمل توجة لربك بالدعاء واكثر من قيام الليل وقل (حسبي الله لا الة الا هو علية توكلت وهو رب العرش العظيم)
الله يوفقك ويعوضك |
ربي يوفقك ويرزقك
امييييييين رب العالمين |
الله يرزقك اخي مرمر زماني وجميع الاعضاء العاطلين بالوظيفه التي تغنيك انت وبناتك وزوجتك ...وبالنسبه للشركات فهذا اسلوبهم اذا ماردو الشخص طلعو فيه عذاريب الدنيا لكي يفصلونه ولو بالظلم . ولكن لو قدمت بهم علي ديوان المظالم لعلهم ينصفونك .حسبي الله عليهم ونشاءالله يرزقك ربك بوظيفه ابرك منها بكثر توكل على الله ..
|
الله يكون بعونك ولا املك الا الدعاء لي و لك بالرزق الحلال __________________ |
لا حول ولا قوة الا بالله
|
أقول ياجماعة الخير بأذن الله يمكن نرجع لأعمالنا بس الخبر للحين مو أكيد
المدير العام لبنك البلاد راح ينظر في الموضوع وعلى فكره فصل الي اقالنا من اعمالنا حسبي الله عليهم الله يمهل ولايهمل هذي دعوة مظلومين عليهم ورزق عيالنا الله لايوفق الهم .............................. |
الله يوفقك اخي مرمر زماني...
|
اخوي داوم على الاستغفار و تأكد وثق وحط في قلبك انك راح تحصل على الوظيفه ثق ثقه كبيره لان هذا سبب في ان ربي يتقبلها منك الله قادر يقدر على كل شي حتى لو يمر عليك شهر وانت مستغفر ربك لاتيئس من رحمه ربك بلعكس ثق اكثر واكثر اذكر الاستغفار هاذا لاانه سيد صيغ الاستغفار والله اعلم
(يرسل السماء عليكم مدرارا ويمددكم بااموال وبنين ويجعل لكم جنات ويجعل لكم انهار) الف مره اذكرها او الفين انوي بقلبك وانت تستغفر ربك انه يرزقك بوظيفه هذا والله اعلم واقرأ قصص المستغفرين مثل ما قال مرمر |
الله يعينك
|
حسبي اللة ونعم الوكيل على اللي تسبب فيك انت واخواانك الموظفين والحمد للة انة انفصل وهذي جزاة الظاالم وبشرنا عنك اخوووي اذا رجعت للبنك ان شاء اللة ....
......... واللة حالة تضيق الصدر ......... |
الله يكون بعونك
ولا املك الا الدعاء لي و لك بالرزق الحلال يرزقناا اجمعين |
الله يعين ويوفقك ازين من بنك البلاد يارب
|
| الساعة الآن 02:20 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين