|
بلييييز .. تكفوون ..ردو علياا الحين ضرووري
سلاااااااااااام عليكم
انا في واحد قال انه يقدر يساعدني بوظيفه في الجامعه بحكم عمله فيها كموظف وطلب مني السجل المدني والاسم ربااعي سؤالي .ايش ممكن تكوون في خطووره على سجلي المدني اذا ماتسهلت الوظيفه ولااعاادي مايقدر يسوي فيه شي بلييييييييييييز فيدوني لاني مترردده وخاايفه |
بلييييييييييييييييييييييييييييييييييييييييييز
|
شبيسوي يعني
مومسوي ولاشي ارتاح بس تراه رقم هوية فقط |
هلااااااااا اخووي تركي
انا بنت مو ولد ترا يعني اتوكل وارسل راح ارسل اسمي الرباعي ورقم السجل علما انو الرجال عن طريق وحد مااااااااااا عرف عنه اي شي |
اقتباس:
و بعد فترة بعد راح يثقل عليك .. عشان تفكيرين كثير و تتعلقين و بعد فترة يوهقك و بعدها يطلب مبلغ معين من المال و بعد فترة يطلب صورك الشخصية ... و بعد فترة يطلبك تكلمينه على الجوال و كلمه ورا كلمة ثم سوالف و بعدها ضحك و وناسة و بعدها يرغمك على فعل أشياء إنت ترفضينها .......... إلخ و أفضل شيء أنصحك فيه لازم يكون أبوك - أخوك - خالك - عمك : معك و يكون معك في كل خطوه ممكن تقولين لي إنت إنسان معقد أو إن أفكارك سوده أو إنك تظن الشر بالناس لكن أنا حذرتك قبل ما يوقع الفاس بالراس .. عارفه ليش لإنك بنت و إنت في حاجة وظيفة و عمل و هو راح يستغل هالنقطة ... نصيحتي لك " دع ما يريبك إلى ما لا يريبك " و الأرزاق بيد الله تعالى وحده و هو لو يبغى عن جد يوظفك ليش ما طلب شهاداتك و ليش ما طلب ولي أمرك و ليش ما طلب حضورك إنت و ولي أمرك " الصح صح و الخطأ خطأ " طالما إنك خايفه و منتي مرتاحه ليش توهقين نفسك في أمور مالها داعي و لا منها أمان أعملي كل شيء صح ... و على فكره ممكن يكون كلامي كله خطأ في خطأ لكن وش خسرانه لو خليتي كل شيء بالصح عن طريق ولي أمرك ليش ما يكلم أبوك أو أخوك ... إلخ و مو كل كل من قال " عندي واسطة " نصدقه " |
و بعدين حتى لو إنك ما توظفتي ماراح تموتين جوع
و قبل كل شيء توكلي على الله و صلي ركعتين و صلي إستخارة تراك عرض و شرف نصيحتي لك " أنتبهي على حالك " وأعذريني إن كان كلامي قاسي أو ما عجبك ردي لكن هذي نصيحة من مسلم إلى أخته المسلمة |
هلااااااا اخوووي الغاااااازي يعطيك الف عااااااااااافيه على النصيحه انا منتبه للأمور هذي واعطيت اهلي فكره عن الموضووع بس الي قصدته ضرر من الاستخدام نفسه لرقم
|
تبين الصراحة عاد
في بعض الأحيان يكون ضرر على حسب الشخص نفسه ممكن عن طريق الهوية فقط يقدر إنه يعرف كل معلوماتك و ممكن يكون كذاب و ما عنده سالفه لا في التوظيف ولا في أي شيء مجرد يعني إنه يسوي نفسه إنه بيطلب أشياء مهمه منك
عن طريق رقم الهوية يقدر يعرف عنك كل شيء ... على حسب مركزه و ممكن تكون طلبات روتينية يوم إنه يطلب منك رقم الهوية لكن عن رأي الشخصي : أول مرا أسمع إنه يوظفك عن طريق رقم الهوية و إسمك الرباعي فقط !!!! بصراحه مو داخله راسي و هذا رأي الشخصي زيدي أقري كلامي اللي كتبته لكِ من ثاني و ربنا يحفظك من كل متربص و من كل فاسد و غاي يغوي بنات المسلمين على فكرا وش رأي أهلك ؟ |
لو سمحتي ؟
صليتي إستخارة ؟ مرتاحة للموضوع ؟ فيك خوف و قلق ولا لأ ؟ أنا حاس إنك خايفة صح ؟ فإن كنت متردده و منتي مرتاحه .. ليش تضحكين على عمرك و توهقين نفسك ؟ نصيحة : ترا رقم الهوية مو لكل واحد تعطينه |
وش منصبه ذا اللي راح يوظفك بس عن طريق رقم الهوية و الإسم الرباعي بس ؟
عفواً مين حضرته ذا ؟ |
اعذريني تحملي أسلوبي
|
هلاااااااااا اخووي غاازي وربي مشكوووووور على كل نصيحه
انا ما اعرفه انا لقيته في موقع الجاامعه هو مشرف دور بس مظبط اموره مع المووظفين بأختلااف منااصبه ارسلت له استفسر عن اشيااء بالجاامعه وقت اختبارات الانتسااب وفاادني فيهاا وبعد كذا سألته انو اذا في وظاايف بالجامعه كيف اقدم لهاا وهو عرض عليه خدمااته وانه رااح يكلم الي يعرفه لانو الجاامعه بالوااسطه وظاايفها وهذا معرووف بالجاامعه المهم قلت لاهلي انو اناا راااح اسعى لووظيفه بالجاامعه اعطوني الضووء الاخضر بس اكون منتبه واناا هذا الي اسوويه هو طلب رقم الهوويه والاسم عساااس بس يدخلني بالبيانات الاساسيه بعدين اكمل البيانات الثاانيه وبس |
هل عندك اخوان يقابلونه ؟؟
وبعدين الجااامعه وظائفها بالمسابقااااااااااااااات وحطي خطين على المسابقات |
انتبهي لاتساهلين الموضوع
طيب سؤال يدور براسي وش المقابل انه يتوسط لك ؟ >>حطي تحته الف خط طيب قولي موو مشكله ابعطيك رقم اخوي اوابوي وتفاهم معه وشووفي ردت فعله وانتبهي انتبهي اكثر المشاكل بدايتها نفس مووضوع يستغل حاجتك |
الله يستر عليك وعلى بنات المسلمين
|
ابد ارسلي له قولي وش تبي برقم هويتي لحاله ورى ما ارسل لك شهاداتي !!
و شوفي وش يرد عليك اما لو خذا رقم هويتك وش بيسوي يعني ؟ بيروح يبحث عشان يعرف بياناتك !! خير ياطير خليه يبحث وش بيصير لو درى انك فلانه بنت فلان وانك ساكنه بالحي الفلاني و رقمك كذا كذا كل هالبيانات و المعلومات بيعرفها اي ( ذكر آخر ) لو اشتغلتي في اي مكان فيه رجال هذا اكثر شي يقدر يوصله لو كانت نيته سيئه وما اشوف هالمعلومات خطيره هذا على افتراض انه ( سيء نيه ) وان شاء الله انه يكون اجودي ويخلص امورك رايي من راي احد الردود نسيت منهو والله علمي ابوك او اخوك وخليه معك اول بـ اول وعلى إطلاع باللي يصير و خلي هاللي تراسلينه يدري بعد انك معلمه اهلك والله يوفقك و يستر عليك |
[align=center]
بيـــض اللـــه وجــيهـــكم وكثـــر اللــه من أمثــالكــم رجـــال نخـــوه وشيمـــه وغيـــره كفيتـــم ووفيـــــتم لكـــن عنـــدي أضـــافه بسيــطـه للــحين ماقتنعـــتي واللــه مصيبــه فـــي العــالم كلـــه مــافي وظيـــفه الا بمــؤهلات الا أنتــي برقــم الـــهويــه كيــف يفاضــلونك ؟ أش العمـــل اللــي بيجهـــزونه لك من غير مايعــرفون تخصصــك في الجـــامعه كــلها ماحصــل الا انتي يوظفك اذا انتــي معــك جــامعه ومشــت عليــك الفـــبركه هــذه مصيبه واسمحيــلي على اللــفظ ** لكــــن شغـــال علــى هالمنــــوال 100% كــل من دق وحـــده تستفســـر عطـــاهــا مـــن هالكـــلام ويـــاللــه هـــأت رقـــم الهـــويه ويقعـــدون المســـاكين يـــدقدقون ليـــن يتعــــرف ولـــك البـــاقي .... كــلامـــي قاسي بعض الشي وارجوا العـــذر لكـــن واللـــه مقهـــور من هالأشكـــال للأســـف أصبحـــنا نعـــاني بكثــره من مـــوظفين فـاشليــن وضعفــاء النفــوس يستغـــلون وظـــائفهــم ويبــرزون مــواهبــهم وخــدماتهم للنســاء فقــط ونــلاحــظ الشــي ذا بكـــثره في القطــاع الخاص وبالـــذات البنـــوك وحسبنـــا اللــه ونعـــم الوكيـــل [/align] |
ما قصروا الشباب
أنتي اسالي نفسك ليه ما قلتي لاهلك الصراحة لانك متخوفة من ردة فعلهم و اكيد متوقعة هذا الشئ اختي قولي له بكلم اخوى او أبوى حتى يصير عندهم خبر و شوفي رده اما يسجلك برقم و اسم فقط هذا كلام فاضي و ضحك المسألة ما هي بالبساطة هذي و اغلب موظفي الجامعة لديهم معارف عاطلين و غيرك وقع في المحظور ونفس التصرفات و الطلبات |
بصراحه الشباب كفو ووفوا
بيض الله وجيهكم دنيا واخره شوفي حبيبتي حاولي تتعاملي بنفس اسلوبي اي رجال بالدنيا لا تحاولي تتعاملي معه شخصيا مهما كان الموضوع اللي تقصيدينه بسيط وتافه ومو مستاهل اذا رجال خلي تعامله يكون مع رجال من طرفك وانتهى الموضوع لكن ترا صادقين بحياتي ما عمري سمعت عن وظيفه بالسجل المدني واذا بيدخل بياناتك مو اولى انه يدخل مؤهلاتك ؟؟؟ من ناحية الضرر على السجل المدني مثل ماقالوا اخواني بيعرف بياناتك مو اكثر الله يسهل امورك يارب |
بإختصار يأختي وكلي أحد من أخوانك أبوك يقوم بالمهمة لكي تتضح مدى صدقه ورغبته لخدمتك بدون أيه مصالح . وفقك الله
|
السلاااااااااااااااااااااااام عليكم .... يمكن تقوولون بدري اني رديت على الموضوع بس عشااان بعلمكم ايش صاار
اول شي الف الف شكر على كل الي ردو وقدموا لي نصاايحهم وتوجيهااتهم والي اعطووني كلماات تعور على راسي هع المهم حبااايبي تراني بنت ناس واسم ابوي وعائلتي وسمعتي عندي بالمقااام الاول ... انا كبيره ومتعلمه الحمد لله وربي يكملني بعقلي وما اسوي شي من غير ما ااحكم عقلي فيه وربي يستر عليا وعلى بنات المسلمين انا مااامنيت نفسي بالوظيفه باالعكس وانا اتعامل مع الرجال قلت يارب تعطيني خيره وتكفيني شره وتنور بصيرتي لك امر معااه الاخ فالله مثل ماقلت لكم طلب رقم الهويه والاسم رباعي والمؤهلات والشهادات الي معاي عشان هو يدخله بالكميوتر على قوله مع الرجال الي يعرف بالجامعه وقال انه فيه وظيفة ناسخه وحاليا فيه اكثر من وظيفه نازله ووووو المهم رحت شفت الشواغر بالجامعه وطلع كلامه صح قبل ما ارسل قلت لأمي وخليتها بالصوره اختياط المهم جلست فتره الا نفس الرقم الي ارسلت عليه يتصل عليه ويتكلم برسميه واختي ما اختي وانه تم قبول الطلب ولازم اجيب الاورق طبعا انا بينت له انو انا في امور كثير اعرفها بتوظيف الجامعه قلت له طيب اخوي فيه مسابقه وظيفيه وفيه مقابله شخصيه هذا كلهااا متى اسوي اجراءتها قال ياختي المسابقه مجرد روتين لااكثر والمقابله بأذن الله راح تسوينهاا قلت اهااا طيب اسلم اوراقي لمين قال ممكن تروحي القسم النسائي وهو يوصلونهااا وممكن انا اوصلهاا قلت خلاص بروح القسم االنسائي (شطر الطالبات) المهم طلع لي الف الف عيب اذا رحت من اقسم النسائي قلت خلاص راح ارتب اموري وابلغك وقفلت وهنااا بدءت اقلب الموضوع لانه من النقطه بدءت الخبايا تطلع وقلت لاني رايحه ولا اني جايه دام مثل مايقول تم قبول الطلب البيانات وصلتهم ويعرفون يتواصلون معاي الي لفت انتباهي انو هووو الي كل شوي يرسل ويقول الاوراق الاوراق الاوراق وانا ما كنت ارد عليه ولو برساله بعد فتره اتصل وسوى لي فيلم انه خلاااااااااااص تم تثبيت اسمي على الوظيفه ههههههه ومسوي فرحان وووو قلت طيب اخوي على اي اساس ثبتوني لا اوراق ولا مقابله ولا عير حيالله الي عندهم حبر طبعا نفخ نفسه وقاال لاااا ماعليك داام اا بالموضووع اعتبريك مداومه بوظيفتك وانهاا على المرتبه السابعه ووووو المهم حسسني انه عميد جامعة الملك عبد العزيز خخخخ المهم هنا انا سألته قلت لهم طيب اخوي مافي احد يخدم احد ما يعرفه الا بمقاابل انت كم المبلغ الي تأمر فيه مقابل اتعابك قال لاااااااااااااااااااا ما ابغى شي انا كل ذا لوجه الله واني واني >>> ضحكت في نفسي قلت طيب يا خدووم صاار يلف ويدور على موضوع الاورق وانو خلااااص لازم اسلمهاا وانو وانو طبعا قلت له خلاص موافقه راح اسلمك الاوراق شخصيا فين ممكن اعطيك الاوراق قال عادي المكان الي يناسبك والوقت الي يناسبك وووو من رده حسيت فيه فرحه انه وصل لهدف عنده المهم صدمته وبلمته يوم قلت له خلاص راح اشوف فين بيشوفك اخوي وابلغك على طول بان عليه انه اتلعثم في كلامه وسوى يعني انه مو مشكله وانه وانه وطبعا بعدهااا ما اتصل ولا ارسل ولا شي عشان عرف انه مافي مجال من ناحيتي انو اعطيه الاوراق بنفسي ولا شي قبل يومين جاتني رساله من رقم جوال غير رقمه انه تم قبولك بالجامعه وسوف يتم التواصل مع قريبا طبعا عرفت ان الرساله هياط في هياط وماهي الا لعبه جديده وطريقه عشان يصيدني بتقولون كيف عرفت ؟ انا اقول لكم كيف اول شي الجامعه ما يرسلون من رقم جوال يرسلون من برنامجهم اتوقع الاودس او برنامج ثاني المهم الرساله تكوون واضحه انها من الجامعه ثاني شي في الرساله مكتوب اختي المرشحه ههههه اي اختي الجامعه ما بيرسلون اختي راح يرسلون اسمي ورقم سجلي المدني ورقم طلب وموعد للمقابله بعد الترشيح . والادهى والي يثير الضحك برساله انو فيهاا اخطااء املائيه خخخ طبعا هو اكيد توقع انو انا اتصل عليه واكون مصدقه ووو بس الحمد لله وربي انو خلاني اركز على النقاط دي بالرساله والحمد لله هذا بفضل الدعاء انو يبعد عني كل شر من جد اخوواني انا استشرتك وتعاملت معاه بس الحمد لله كنت مفتحه عقلي ولا مشيت ورااه لااا وبعد كذا حسيت انو في بنااات في الموقع عامل معاهم نفس الموال وراسلتهم وحذرتهم منه وقلت لهم ترااه ما في يده اي شي ابدا ابدا وتخيلو وحده منهم توو متخرجه من الثاانوي يعني صغيره وسهل انو ممكن يحقق هدفه منها الدنيا حلووه بس الناااس الي مثلهاا مخربينهاا ومشوهينهاا يارب تحمينا منهم وتخلص دنيانا من الناس الي كذا والحمد لله على الخير والصلاح وتنوير البصيره الف شكر لكم مره ثاانيه |
يا الله
احمـدي ربك إنه فكك منـــــــــــــــه.. حسبي الله عليهــــــــــم.. وأقل شي تسوينه إنه تبلغين البنات بشكل عام في نفس الموقع.. الله يستر علينا وعلى بنات المسلمين ويغنينا بفضله عمن سواهـ .. |
هلا جانيت منوره
و الحمد لله وربي يحمينا ويبعد عنا الشر انا والله من البدايه ما ارتحت واستغربت ويوم استشرت الاخوان هنا بالمنتدى ما قصروا ربي يسعدهم |
هذا قليل ادب وربي اتمنى تبلغين عنه ادارة موقع الجامعه لكي يسحبونه ويجردونه من اشرافه
لأنه مو كل مره يلاقي وحده ذكيه مثلك يمكن بأي وقت يظحك على بنت مسكينه .. |
هلااا اخووي hussam حتى انا بجد ودي بس كل الي عرفته اسمه الاول ومدري صح او لا
الله يستر على بنات المسلمين منه ومن امثاله |
اختي ههههه سويت المحترم
هذه دنيا الذئاب اذا ماكنتي ذئبة اكلتكي الذئاب بالعربي اضحكي عليه اذا ماجتكي الوظيفة وقوليه ترا الكلام اللي صار بيننا مسجل وراح ارفع شكوى عليك للعميد وقولي اخوي يدور عليك المهم العبي في اعصابه شوي تكفين ^^ |
حلو انك تصرفتي وخبرتي أمك في الأول
لو أنا ماأعطيه رقم الهويه |
موفق بإذن الله ... لك مني أجمل تحية .
|
حسسبي الله عليه و الله مشكله زين انك بنت مفتحه مخك لو بنت تفكيرها شوي مو مفتح كاانت ممكن تروح فيها
الله يستر علينا و على بنات المسلمين |
اختي لو كان يريد فعلا" توظيفك
فسوف يرسلك الى من يقوم بأستلام الملف كامل بمافيه بياناتك اما هاكد فهو امر خطير |
ماقريت جميع الردود الا بعد ردي
اتمنى لك التوفيق |
اقتباس:
|
اقتباس:
اقل شي خليه يغير رقمه او يقفله لفتره لاااااااازم عشان ما يتساهل ويلعب بعراض الناس وانشاء الله تجيك الوظيفه وما تحتاجين للاشكال هذي |
ماقصرو الاخوان
|
موفق بإذن الله ... لك مني أجمل تحية .
|
اقتباس:
ههههههههه فكرره جمااس بس مسحت رقمه خخخ ربي يوريه ماعليكم |
ربي يسعدكم ويحفظكم
والف شكر على تواجدكم |
الله يكفيك شر من ارد بك سوآ
ويرزقك للرزق الحلال |
اقتباس:
امبيه يخوف ردك هههههههههههه اي والله كلامك صحيح |
اقتباس:
الله يخزيهم من ذئاب |
| الساعة الآن 01:38 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين