|
ودي اهج لمكان مافيه احد واقعد لحالي
مســــــــــــاء / صبــــــاح الخير
مثل ماقريتوا في العنوان ودي اهج لحالي لمكان بعيد ما اشوف فيه طيف بشر طقت تسبدي خلااااص انا خريجه رياض اطفال 98 % جيد جيدا مع مرتبه الشرف ذكيه وطموحه مره كنت متفاءله بس اللحين محبطه مره احب العمل واحب المرأه تكون عامله من هذا المنطلق حبيت اتوظف بعد ماتخرج طبعا الغلطه كانت من البدايه اني اخترت هذا القسم وانا اصلا انسانه مااحب اتعامل مع الاطفال بالعربي ثقيله وما عندي انزل مستوى عقلي و خرابيط اعرف ان الطفل يتكفخ اذا استهبل دخلت هذا القسم على اني متخرجه من الثانوي بـ 96% كان دراستاً ممتع لانه يشبه لعلم النفس بس طبعا النظري مو مثل التطبيق قدمت على مدارس اهليه طبعا لان حكومي مستحيل بحكم حاجه المدارس الاهله لهذا القسم تقريبا طلبوني كل القدمت عليهم بس انا اخترت وحده منهم لان راتبه احسن من الباقي 2800 تقريبا وهي مدرسه كبيره ولها اسمها ولانها مدرسه لها اسمها خلاص كتموا على نفسي كل شي عندهم ليش وكيف كل يوم مستدعيني تحقيق على اشياء ما تتخيلون قد ايش تافهه مره ليش متاخره انتي واطفالك في الوجبه 5 دقايق ومره ليش ماتلعبين معهم في الملعب خير مايحتاج العب كفايه وقفتي فوق روسهم و طبعا كل يوم يحضرون لي درس بمعنى كل يوم مره المديره ومره المساعده ومره المشرفه ومره مساعده المساعده مابقى الا العاملات يحضرون لي بعد وطبعا كله سب نقدهم مافيه مدح ابد بجد حسسوني اني فاشله صرت افكر فيهم حتى وانا في البيت وياليت الراتب يسوى والعمل متعب مافيه بريك الا نصف ساعه والاطفال مره مره اشقياء 21طفل كل واحد اشقى من الثاني حتى البنات انا اول مره يمر علي اطفال كذا اذكر كنت اخاف من المعلمات بشكل مو مثلهم كرف في كرف وتهزيء وما احد شايف شغلي انا مو مكاني هنا انا ما اصلح مدرسه رياض اطفال ابد ابد فكرت اكمل ماجستير وما قبلوني تحطمت اروح للدوام كل يوم كاني مغصوبه كل ما رجعت من الدوام اقول بفصل ما تسوى علي بس تبقى المشكله وحده ان الغلط في قسمي اللي انا اخترته اكتابت مره دورت وظايف غير التدريس لان انا معي كمبيوتر لكن مافيه امل مابي منكم الا الدعاء ان الله يشرح صدري وييسر امري مجرد فضفضه ودمتم...... |
الله يفرج همك وييسر امورك باذن الله بالتوفيق لك من كل قلبي
|
عزيزتي الكريمه ..
بحكم أني محب للأطفال بشكل كبير ( وخاصه البنات منهم ) .. راح أعملك طريقة .. بالبداية انا كنت مثلك من اسمع طفل .. يجن جنوني .. ولكن بسالك سؤال .. وجاوبني بكل صراحه .. ( لو كانو اطفالك .. من شحمك ولحمك .. هل راح تصرين على هل الكلام ) .. عامليهم كأنهم اطفالك .. اضحكي معهم .. يعني انا اعرف اساتذتي من يوم كنت بالروضه لانهم كانو يعطونا اشياء جداً سخيفه .. ولكن لها ثقلها آن ذاك .. صدقيني معاملتك او مزاجك .. انعكس للأدارة واصبح الأمر مفروغ منه .. ولأنك غير متقبله الوظيفه ( بحكم التخصص ) و الأمر الآخر ( بحكم الراتب ) .. يبان على وجهك هل الكلام كله .. ممكن ما تلاحظين هل الأمر .. ولكن ملاحظ من غيرك وانا على ثقه من هذا الكلام .. حاولي تتقبلي الأمر .. و تكوني ناشطة بالمدرسه .. يعني الطفل يبي من يجاريه .. حلاوة .. علكه .. لعبه( محل بو ريالين معبي السوق ) .. وتقولين لهم ( الشاطر راح اعطيه .. على شرط يكون شاطر بكل اليوم ) .. وربي يصيرون قمةالأدب .. والأمر اللي حاب اقوله هذا داخل المدرسه وبرى كمان .. أن الطفل بعادته شقي .. تذكرينفسك يوم كنتي بعمره .. أبوك وأمك ( الله يطول بأعمارهم .. ) كانو يشكون منك .. او من أخوانك .. لان شقاوه الأطفال هي جزء من الطفوله كامله .. أتمنى تفكري بكلامي .. و تتأكدي منه .. وثقي ثقه تامه .. أن كل شي وله الفرج .. ما دامه مخلص من قلب .. لله تعالي .. تحياتي العطرة لك .. |
ههههههههههههه
ضحكت من العنوان انا يااختي كنت مدرسة حاسب رياض اطفال مااحكم عليهم لاني مش معلمة فصل اتحملهم من اول اليوم لاخره لكن والله يمسكوني اياهم وقت الوجبه ووقت الملعب صعب جدا جدا السيطرة عليهم المشكله انو مامعي معلمة ثانيه تساعدني طقييييييت بالاخير وماصدقت يخلص الترم وتركتهم وترا مدرسة عن مدرسة تفرق من ناحية ضغط الشغل والتعاون لكن ينحبون الاطفال وتحبينهم مع الوقت وتشتاقين لهم ويصير بينك وبينهم مواقف حلوه مره يمدحون مناكيرك او التي شيرت يعني تجي عليهم طلعات ودك تبوسينهم بس لازم لازم قوة تحمل على شقاوتهم لكن انا مو صبورة اضطريت اتركهم لان ماعندي اساسا بكالريوس في التعامل معهم لكن شفعت لي شهادة الحاسب والله يكتب لك اللي فيه الخير |
[align=center]
الله يعينك يارب .. والله يرزقك باللي احسن منها ,, لكن انت حاولي تجذبينهم بالاشياء اللي يحبونه ,,اكيد يحبون اللعب صح ,, اوعديهم قولي (المؤدب راح يطلع يلعب معنا ) <<بس مشكلتك ما تبين تلعبين معهم والله انهم يفتحون النفس ,,خاصه ان المجال مفتوح لك انك تلعبين معهم ,, مو عند اقاربك يعني على شان ينقدون عليك تلعبين معهم ,, لكن اتوقع فيه العاب بالرمل صح ,, لو اجلسي معهم واطبعي يدك على التراب وقولي لهم يلا مين احسن شكل ^^^^^^ ومن هالكلام :d :d وانت حاولي لا تخلين راسك مقففففل مره ,, لان ماراح تستفيدي غير قهر وطفش صح .. ولا تنسين تعدين كم مره قلت لك كلمه [تلعبين معهم ] :d والله يوفقك يارب :w [mark=#FF9999].[/mark][mark=#FF9999] لا إله إلا الله ,, فدا العسكرية https://www.btalah.com/images/smilies/Looking.gif[/mark][mark=#FF9999].[/mark][/align] |
صكي الورع مخمس علميه ان الله حق < خراب صح :d
لآلآ تبين الصدق خذ قاعده بالدنياء .. خليكي مع الحرمه حرمه ومع الرجال رجال مع البزر بزر :Looking: انتي محشوومه ,., :w بس وش تسوين مالك الا الصبر وش وداك له |
الله يعينج يارب
:h |
اقتباس:
والله يمكن هالشي اللي بيمشي بالاخير..:b ...................................... شجعيهم قولي لهم بجيب لكم هدايا اللي يكون مؤدب ويسسمع الكلام وبالنهايه اشتري لهم لعب لو بريال..:d واصبري.. تراك بنعمه غيرك يدورها يالغلا...توكلي على الله:h |
مشكورين على المرور
بس حبيت اوضح لكم شغله ان المدرسه الموقره مانعه ان المعلمه تعطي هدايا والحلويات ممنوعه بالمدرسه والعقاب ممنوع ولوحات التعزيز ممنوعه علشان ماتكسرين بنفس الباقي اجل كيف اضبطهم وكيف يتربون ماني فاهمه وانا اعرف انهم اطفال وارحمهم مره بس الاداره تبيهم مثل الالف كيف وهم اعمارهم ماتوصل 4 سنوات كلهم تحت الاربعه اما اني العب معهم هذي مستحيل معليش حاولت بس عجزت |
بصراحه اختي احب اشكرك اولا على اسلوبك الطريف بجد هههههههههههههههههه ممتع الله يعطيك العافيه وبالنسبه للأطفال بالعكس فكري دائما انهم اصدق اشخاص ممكن تقابلينهم وبعدين شوفي انا ماراح اتفلسف عليك فهو مش تخصصي لكن انا اكبر وحده بأخواتي وتقدرين تقولين عندي خبره لايستهان بها تبين الأطفال تحبك ادخلي عالمهم عيشي خيالهم وصدقيه بالعكس قمة المتعه لماانتي تحكين قصه مثلا وتتركينهم هم يكملوها عنك يعني اسأليهم عن احداثها واسمعي العجب صدقيني راح تحبينهم وقتها بتسيطرين عليهم وحتحسي نفسك طفله دائما وماتكبرين وهذا اجمل شعور اصلا يكفي نظرات عيونهم احلى صوره للحياه عندما تشاهد بعيون طفل
عموما لك مني اجمل تحيه ووصلي سلامي لكل الكتاكيت اللي عندك سلام |
| الساعة الآن 07:37 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين