[rainbow] بسم الله الرحمن الرحيم
السلام عليكم ورحمة الله وبركاته
اولاً ابارك لجميع المقبولين مبدئيا بأمن المنشأت في جميع مناطق المملكه عموما ومنطقة مكه المكرمه خصوص

ثانيا\ بالنسبه اللي يطلع معهم جاري البحث في الطلب اقولهم لا تشيلون هم انا كنت زيكم استعلم يطلعلي
جاري البحث بعدها بيومين جاني القبول المبدئي ..
ثالثا\ احب اقولكم اني العام الماضي قدمت في شهر رمضان وانقبلت مبدئي وخلصت كل اموري وانقبلت نهائي لكن ظروف الوالده صحيا خلاني استخير واختار عدم الدخول للدوره اللي هي جاريه الان حيث دخلوا في 4\2
ثالثا\ بحكم تقديمي اكثر من مره بأمن المنشأت حبيت انصح اخواني المستجدين ببعض الامور اللتي راح تفيده بالقبول المبدئي
أ- حتى لا تدخل في احراجات لا تجي الا وانت طابع ورقة تقديم الطلب لان مكه ما عندهم طابعه ولو ما طبعت بنفسك يقولك روح اطبع وتعال
ب- لا تشيل هم القبول المبدئي مافيه اختبار لياقه ولا بشم ولا شئ
ج-حتى لا تتعرض للاحراج تعال بالزي الرياضي
د-قبل لا تدخل مركز التدريب قفل جوالك لان المقدم منصور التركي مدير القبول والتسجيل لو سمع جوالك يدق راح يشوتك مع الباااب انساان حازم وشديد وما يحب اللي يخالف امره
هـ-بالنسبه للي وزنه زايد نصيحه لوجه الله لا تفطر فطور دسم اكل وجبه خفيفه عشان لا تتورط بالوزن عندهم
ح-بالنسبه للي وزنه ناقص حلك عندي قبل تجي المركز دق ذاك الفطور الدسم افطر معصووب
وفته وشكشوكه وقلابه عشان تلبد ببطنك ويزيد وزنك من 2الى 3 كيلو لان لسه الاكل ما انهضم
ع-ايضا للي وزنه زايد جيب معك عصير برتقال اثنين او ثلاثه وكل شوي اشرب عشان لا تفقد سكريات واجد ويأثر على وزنك
و-عندما توصل الى المرحلة ورقة مكان الكشف راح يخيرونك بين خمس اماكن للكشف وهي
1-مكه
2-الطائف (ونصيحه لا تكتب الطائف لانهم مره مشددين مدير المستشفى دكتور برتبة رائد اسمه خالد القحطاني انسان شديد ومغرور ماهو شايف حد قدامه اذا ما عندك واسطه راح يرسبك يدور على الواحد غلطه بسيطه)
3-جده
4-عسير
5-المدينه
راح تكتب فوق الاستماره احد هذي الخمس مناطق وتكتب جنبها رقم جوالك حذاري تغلط برقم جوالك لانهم راح يرسلون لك على رقمك يوم وتاريخ موعد كشفك الطبي
ز-عند دخولك للوزن والطول شد نفسك ولا ترتبك واذا طلع وزنك زايد شوي لا تخاف لان الملازم المسؤل عن الوزن حبوووب بن حلال اسمه حماد العتيبي قوله اوعدك انزل وزني قبل الدوره راح يمشيك
و-بعدين راح تدخل على غرفة الحاسب اذا عديت الوزن والطول راح يخلونك تدخلها تعطيهم اوراقك وهناك راح يقولك وكيل الرقيب تأكد من رقم جوالك واذا تأكدت منه يقولك الله يستر عليك بعدها بأسبوع ولا اسبوعين راح تجيك رساله بمكان وتاريخ الكشف الطبي

لا اريد من كتابة الموضوع وضع النقاط على الحرووف حتى لا يقع احد منا في اخطاء وتروح عليه الوظيفه لا سمح الله

لا تنســـــــــــــــــــــــــوني من الدعاء وان ربي يرزقني واياكم بالوظيفيه اللي توفر لنا الحياه الكريمه
ملاحظه \ سأقوم بكتابة موضوع بعد فتره عن طريقة الكشف الطبي والمقابله الشخصيه والفرز النهائي

فالكم الوظيفه والزواج
دمتـــــــــــــــــــــــــــــــــــــــــــــــ م بوـــــــــــــــــــــــــــــــــــد