اسمع سالفتي مع التمر وعطنا رايك

محير زمانه · #1 (**permalink**) 30-04-2011, 10:48 AM

السلام عليكم ورحمة الله وبركاته

أخواني أبي رايكم وأرجو من كل من يدخل ان يعطيني رايه الموضوع باختصار علشان ما أطول عليكم قبل حوالي ثلاثة شهور بديت أشتري و أبيع في التمر طبعاً بديت بكميات قليلة وزودتها بعدين مسوي لي بسطة عند مسجد مليان بسطات المهم أنا أبيع كيس التمر الواحد 10 ريال (سكري القصيم) والحمد لله ربحت من وراه لكن في الآونه الأخيرة اشتكى مني بعض راعين بسطات التمر بقولون لي ليش تكسر السوق علينا تبيع الحبة بـ 10 ريال وإحنا نبيعها بـ 15 ريال وش تسوي لك ربح ريالين في الحبة لازم نوحد السعر بع الحبة بـ 15 والحبتين بـ 25 ترضى إنك تضر غيرك ترضى احد يدعي عليك , وش رايكم معك حق لإني صراحة ما أبغى الشر لأحد واللي عنده حل أرجوا منه تكرماً لا أمر أن يضعه وأبشروا إن شاء الله بالدعوات اللي تسركم

عبود المنصورة · #2 (**permalink**) 30-04-2011, 10:56 AM

والله أنا أشوف أنه ترفع السعر شوي إذا ما يمكن أنك تشوف مكان مناسب لك تبيع فيه بسعرك الحالي وبالتوفيق لك يا غالي ،،،

محير زمانه · #3 (**permalink**) 30-04-2011, 11:00 AM

أشكرك على سرعة ردك ولكن كما تعلم أخي الموسم قرب وصعب أبيع بسعر أعلى والله يعطيك العافية

معين · #4 (**permalink**) 30-04-2011, 11:04 AM

افرز البضاعة جيدا وخلها ثلاث اصناف

صنف ممتاز وحبة كبيرة نخب اول وبعها بسعرهم

وحبة وسط نخب ثاني وخفض عنهم ريال والباقي اخلطه وبع بسعرك الحالي

محير زمانه · #5 (**permalink**) 30-04-2011, 11:10 AM

اقتباس:

المشاركة الأصلية كتبت بواسطة معين

افرز البضاعة جيدا وخلها ثلاث اصناف

صنف ممتاز وحبة كبيرة نخب اول وبعها بسعرهم

وحبة وسط نخب ثاني وخفض عنهم ريال والباقي اخلطه وبع بسعرك الحالي

لكن التمر مكنوز وهو صنف واحد والله يرضى عليك ويدخلك الجنة

الحربي 04 · #6 (**permalink**) 30-04-2011, 11:21 AM

شوف اذا انت شايف انها حلوه تكسر على خويانك بيع زيهم ولا شوفلك مسجد ثاني لأنهم هم اقدم منك واكيد مو كل يوم الواحد يبع بضاعته كلها يوم يبع بألف يوم بمية وانت اخبر بالسوق وبعدين هم مالهم اي حق يتحكمون فيك ولاكن هم يقدرون ينزلون بضاعة وبعونها بارخص منك ترى التمور لها مداخل كثيره وانت جالس تبع بالمكبوس كيف لو نزل الهليل يعني راح يكسرون السوق عليك ولاكن التاجر الناجح يكسب منافسيه مو يخسرهم لأن في المستقبل راح تورط في تمر اللي راح تشتريه من الحلقه لأنه راح تنزل انواع كثيره وممكن من قلت الخبرة تورط بنوع ما يمشي اعتقد اني وصلت لك الفكره

سندباد ون · #7 (**permalink**) 30-04-2011, 11:22 AM

الحق معاهم

مثل ما انت بتترزق الله هم كذالك

او تسوي عرض مثلاً اشتر 5 والسادسه هديه

وهم صادقين ريالين وش تسوي لك ببسي والا ماء

بہوح الہسنہين · #8 (**permalink**) 30-04-2011, 11:25 AM

اخوي طيب لو بتبيع بريال من اللي بيربح وبيخسر انت ولاهم
ياخي هذا رزق والله يرزق الكل بع على كيفك وكل ورزقه

محير زمانه · #9 (**permalink**) 30-04-2011, 11:27 AM

يعطيكم العافية يعني أجل من رايكم أشوف مشروع ثاني لانو صراحة البيع بأكثر من سعري الحالي صعب يمشي عند مسجد

الحربي 04 · #10 (**permalink**) 30-04-2011, 11:53 AM

اقتباس:

المشاركة الأصلية كتبت بواسطة محير زمانه

يعطيكم العافية يعني أجل من رايكم أشوف مشروع ثاني لانو صراحة البيع بأكثر من سعري الحالي صعب يمشي عند مسجد

لا.... تعمق في التمر التمر فيه خير اذا رفعت وجاك واحد تهاون معه يعني لا تترك التمر التمر فيه خير نصيحة نصيحة راح تتعب بأول وبعدين راح ترتاح انت بعد ما تسير خبير في التمر تقدر تفتح محل المهم تجربة شايب عندنا ماشاء الله عليه بدء ببسطة تمر الأن عنده ثلاث محلات ودخلها السنوي الصافي بعد الزكاة وبعد كل شي مليون ريال ماشاء الله عليه احيان يخسر ويدين وفيلا الأخير يصفى مليون بعدين الرجال كريم كل يوم خميس وجمعة فاتح صيونان للفقراء طبعن اش يجيب في الصيوان يجب طال عمرك الفطور مقلقل يعني لحم والغذاء لحم والعشاء مشويات ومتقاول مع مطبخ ومطعم مشويات الرجال يصرف على هذا العمل الخيري مايقارب شهريا 40 الف في السنة مايقارب نص مليون والله يقولي انه مبسوط مو شايل هم شئ بعدين شوف المصروفات اللي يصرفها ويصفى مليون يكيف لو كان قريطي كم بيكون دخله ؟؟؟؟؟؟؟؟