الفزعه ياشباب انا قدمت على قرض 150 الف ريال وفكرت بالفلوس اسوي محل تخفيضات 5و 10 وفي نفس الوقت متردد بين التخفيضات وقرطاسيه بمحل خورافي ولا مكتبه حولها لا من قريب ولا من بعيد يعني ماهنى منافس ابد أما محل ابو خمسه فكره افتحه بالسوق بس الى الآن مالقيت له محل اضف على ذلك اني متخوأف من المشروع بيني وبينكم موضوع البضاعه ماعندي الخبره العريضه الي تخولني اني اراهن على نجاح المشروع

بالنسبه للمطاعم يبي لها معلم + موقع
بالنسبه للمغاسل سواء سيارات او ملابس تحتاج الموقع

يعني انا متحتار ومابقى الا اسبوع بالكثير واستلم المبلغ ياجماعه الي عنده فكره قويه ويبي ياخذ الاجر يساعدني والي عنده نصيحه لايبخل فيها الوضع متأزم عندي والي بيساعدني له دعوه بضهر الغيب من قلب صادق

أخوكم من الأحساء للأحاطه

اخوي صقر او شي توكل على الله واعزم امرك بدون تردد ولكن بعد ان تحسب للمشروع الف حساب

محل تخفيظات مررررره حلو ومرررررررررربح كثيروالنسوان عليه زي المطر


وعندك القرطاسيه مربحه برضو ولكن دور لك موقع يكون جنب جامعه والا مدرسه

يكون افضل

و150 الف كثيره ليش ماتوزعها على مشروعين المثل الانجليزي يقول لاتضع بيضك في سلتن واحده

واتمنى لك التوفيق

الله يرزقك من واسع فضله يارب
اولا ادرس المشروع زين
ثانيا شف المكان اللي انت بتفتح فيه مثلا محل التخفيضات
هل المنطقه بحاجته هل يوجد جنبك احد منافس لك
بالنسبه للبضاعه و تقدر تروح جده وتشوف محلات الجمله بنفسك مره حلووه رحتها مره انبهرت من الأسعار

اذا جبت بضاعه حلووه ومميزه راح يكون عليه اقبال كبير
يعني ماتجيب بضاعه رديه

المكتبه مدري ماحس فيها ذااك الشغل الا اذا كانت شامله مطبعه ولوحات فنيه وغيرها
المبلغ كبير وتقدر تفتح مكتبه مثل ماقال الخت جنب مدرسه وانا افضل جامعه
وتكون صغيره وتهتم بتصوير المحاضرات وغيرها للطلاب
وتروح للجامعه بنفسك وتاخذ الملخصات وتجهزها لهم


المطعم حلوو بس يبي له تعب بالرغم صار هم الناس الوجبات السريعه

اذا تقدر تشتري لك سياره نقل تريله وتجيب سواق كمان هذي فكره حلووه مربحه

تفتح كشك حلويات وذره وكرسبي في مجمعات كبيره
ووتطلب من العامل مبلغ معين والباقي له وهو يتكفل بكل شي يجيبه عشان لو براتب ماراح يجتهد

الافكار كثير لكن والاهم الموقع وتشوف المكان اللي انت فيه وش يحتاج وش ينقصهم واهل المنطقه وش اكثر شي يرغبون فيه

غير كذا اهم شي الديكور والتميز بالتعامل

اتمنى لك التوفيق ولكل الشباب

وقبل تبدا باي شي (صلاه لأستخاره دايما اقولها
ماخاب من استشار وماندم من أستخار)


دعواتك

اخوي صقرتقدر ستاجر لك دور كامل باي فندق قريب من الحرم بمكة لمدة سنة كاملة ,وربح مضمون.... موفق بإذن الله ... لك مني أجمل تحية .

150 ألف مبلغ فوق الممتاز

ما شاء الله تبارك الله ..

أنـآإ أقـووول لو تطلع الكويت وإلا الإمارات
وتشتري لك كم سياره وتجي هنا وتبيعهأ

صدقني ربحك في السياره الوحدهـ من
5000 وأنت طالع أقل شيء في السياره
ربحك 5000 والله يوفقك ياااارب ..

انشدني عن النسوان والتخفيضات
قبل شهرين كنت بسوق الصواريخ بجدة
وفيه مجموعة محلات كلهم تخفيضات ملابس نساء واطفال
اسعارهم 5 ريال 10 ريال 15 ريال
وبعدين ملابس مرررة حلوه
انت لو تشتري ام 10 وتبيعها ب 20 كسبان 100%