تجربتي مع ملابس ام ريال
 

السلام عليكم
اخواني واخواتي العاطلين والعاطلات
احببت ان اشارككم تجربتي لعل ان يستفيد منها غيري ويبعد عنه شبح التردد
اشتريت من الملابس ام ريال بمبلغ 5000 ريال اي 5000 قطعة واعطيتها لموزع باعها لي اعطاني 3ريال عن كل حبة واحتفظ هوه بالباقي يعني الارباح 10 الاف ريال(قولواماشاء الله)بعد طبعا ماخصمت قيمة راس المال الان قررت اطلب 10 الاف قطعة وعينت لي 3 موزعين في مناطق مختلفة من المملكة حيث يقوموا بعملية التوزيع مقابل نسبة فانا لااعطي راتب كل واحد وشطارته المهم انا يعطيني عن كل قطعة 3 ريال وهوه بالعافية عليه ان شاء الله يبيعها القطعه بالف هوه وشطارته الجميل في الامر انني لم اذهب للمؤسسة التي تورد البضاعة ولم ارى البضاعة بل اشتريتها عن طريق التلفون وحولت المبلغ عن طريق البنك وارسلواهم البضاعة للموزع بعدان اعطيتهم عنوانه ورقم تلفونه مع شركة الما بعد ان دفعت انا قيمة الشحن التي لم تتجاوز 500 ريال والحمد لله حققت حلمي ان اعمل وافتح لغيري المجال ان يعمل وهذه دعوة لمن يرغب ان يكون موزع لحسابي في اي منطقة في المملكة ماعدا مكة وجدة والرياض (لي فيها موزعين)وعنده سيارة ويتميز بالجدية والامانة يرسل لي رقم جواله على الخاص بخلي اخوي يكلمه ويتفق معاه طبعا باوراق رسمية واتمنى لكم التوفيق

الله يوفقك اختي ويرزقك

انا لي علاقة مع كذا موزع وراح استفسر وارد لك انشالله اذا بيشتغلون معك

الله يوفقك ويرزقك ان شاء الله

بس يبيلها عقل مفتح ..

طالبه كبيره // عليك بالعافيه والله يرزقك من اوسع ابوابه

الحقيني برقم الشركه بسررررررررررررعه بدخل هالمشروع والرزق على الله (لا تخافين ماني موزع في المدن اللي انتي لك موزعين فيها )

<عشان ما ياخذك الشيطان بافكاره الجهنميه >

** ودي اوضح لك شي بسيط اللي هو انك تشترين بظاعه وانتي ما شفتيها .. الدين له راي بهذا الشي يعني لازم تشوفين البظاعه او ترسلين احد يشوفها لك

ودي انصحك بحكم خبرتي في التجاره انتي لك موزعين في مكه وجده والرياض وهذي كلها مدن كبيره يعني ما في اي مشكله اذا زودتي عدد الموزعين بحيث لا يتجاوز عددهم خمس موزعين ؟

والله يرزقك من اوووووووووووووووووووووسع ابوابه

الله يوفقك وأسأل الله ان يوسع في رزقك
وانا مع الاخ عاطل بقوة
لازم نرجع للشرع في تعاملاتنا وفقه البيوع واسع ولازم نكون على درايه به

والله يغنيك ويغنيني بحلاله عن حرامه
والله يفتح لك ابواب الخير

طالبه الله يبارك له
بس لوووو صوووره للملابس هذه

طالبة الله يوفقك ويسعدك
انا كلمت الشركة وطلبت صور بس الىالان ماوصلني شيء بلييييييييييييييز اذا عندك صور لاتبخلين علي لاني راح اوزع بعيد عن هالمناطق اللي انتي توزعين فيها للامانه

ماشاااااااااااااااااااااااء الله


ربي يوفقك ويرزقك من اوسع ابوابه


<<لسى الدنيا بخير مو كل العالم عاطله:)

ير حم والديكم ابي رقم الشركة،،،،،،،،،،،،،،،،،،،،،،،،، عاجل ،،،،،،،،،،،،،،،،،،،

الاخت طالبة كبيرة الموضوع مش داخل نافوخي ارجو ان لاتقعين في شركة نصب انا خبرتي في الملابس اكثر من 20 سنه مافيه شي اسمه ملابس بريال الا ملابس تأتي من الهند طبعا غيرصالحه للبس تدخل الى دبي والله اعلم لماذا بعدين تصدر للسعودية ونادرا مايسمح لها بالدخول ولكن احيانا تدخل .فيه وكذلك فيه بضائع تأتي من بنقلادش استوكات ماركات يستوردها بنقلاديشيين يبعون لاادري كم تكلفهم ولكن اسعارها من ثلاثة ريال الى 15ريال واحيانا يبيعون الباقي ب(1.5)ولكن كميات شوي كبيرة وعادة تكون تعبانه المهم الحذر واجب هناك شركات محترفه بالنصب تبيع لك مثلا بضاعه بسعر غيرمعقول بملغ بسيط وهي تعرف انك مهما كان رايح تكسب فيها وبعدين يطمع الانسان ويحول مبلغ كبير ولايشوف الا النور يعني يعطونك مثلا بالفين ريال بضاعة قيمتها 5000ريال تقوم تطمع بعد ماتبيعها وتحول لهم عشرين الف تروح العشرين الف

مشروع رائع والله يوفق الجميع

بالتوفيق ...........زززز مو خاشه مخي الشغلة

أختي أنا أبي رقم الموزع الي عنده الملابس
ياليت تردين علي برسالة خاصة

علما بان الرسائل الخاصة لديك لم يفعل

اخوي السكب ارسلت لك على الخاص
اختي الطموحة ماعندي صور اوعدك لو توفرت عندي ماراح ابخل عليكي فيها
اختي وحي القلم واخي عاطل بقوة انا اعرف وحدة راحت وشافت البضاعة ومدحتها وبناء على رايها شريت
اخوي مايبي وظيفة اشكر حرصك ونصحك بس انا مو هبلة احول فلوس قبل مااخذرقم فاتورة الشحن انا اشتري بضاعة من ناس كثيرين بالنت واتعامل معهم بنفس الطريقة والحمدله ماصار لي اي نصب الخير فيه وفي امتي الى يوم القيامة
اخي mbs اشكر اهتمامك اهم شيء يكونوا ثقة انت عارف انا مابغاه اطارد وراهم في الحقوق المدنية

<<<< ما زال ينتظر رقم الشركه واسمها

تمنياتي لك بالتوفيق

ماشاء الله والله يرزقك من واسع فضله ،،

السلام عليكم ورحمة الله ...

انا شخصيا جربت التعامل مع صاحب هذه البضاعة وطلع للأسف - من جمبها -

خسرت انا وزوجي تذكرة ذهاب واياب الى جدة بعدين طريق الى مكة عند المستودعات وانواع الكرف والشغل مسكين زوجي تعب وكرف وحددنا البضاعة اللي نبيها لحد ماجمعنا 10 الآف قطعة ... واخرتها يكلمنا راعي البضاعة وقال لنا مارح اعطيكم البضاعة اللي اخترتوها ابعطيكم بضاعة انا متورط فيها .... قمصان هندية والله ماتسوى ولا قرش .. لو ابيعها بالحبشة مامشى سوقها ...

يعني شرايكم بالتصرف بالله ؟؟؟ كان لي حلم بالتجارة وتحطم الله حسبي عليه :(

غريب اللي صارمعك ياملحطة يمكن لانك اتاخرتي بالشحن انا عرض علي الملابس الهندية اللي على قولتك ماتنباع ولا بالحبشة والثانية واخترت الثانية وطلبت عينات ارسلتها لاهلي شافوها لاني بعيدعن مكة واعجبتهم والحمدلله تم الموضوع بكل سلاسة وامس وحدة اعرفها زوجها راح واخذعينات واتفق معاهم

طالبة ياليت تسعفيني بالصور او تقولي ايش الانواع اللي اختار بليز قلبو لاني راح اطلب اليوم

ياليت ياطالبه تعطينا رقم المصنع اللي تعاملتي معه

الى الاخت ملحطة مع التحية
ابسالك سؤال اذا ان تعامل صاحب البضاعة من جنبها على قولتك ليش دخلتي ا لمستودع وكرفتي انتي وزوجك واخترتي ليه مااخذتيها من قاصرها ورجعتي الرياض مرة ثانية طالما تعاملهم سيء لهاالدرجة
انا امس ماقدرت ارد عليكي لاني بغيت اسمع من الطرف الاخر الا وهو صاحب البضاعة نفسه اتصلت عليه وقولت له كلامك ورايك فيه حرفيا فاجاب بما يلي انك اتصلت عليه وطلبتي بضاعة ب10 الاف فوضح لكي انها ستكون من فئات أ-ب طبعا انتي لما رحتي اخترتي اخترتي فئة أفقط لوحسبتيه بالعقل سعر الحبة لهذه الفئة 10 ريال جملة للقطعة يعني الدرز ن120 ريال فهل سيعطيكي اياه ب12 ريال لو انه لاقيها بالشارع ماباعها بهاالسعرهو قال بيعطيكي من هذي النوعية 20%يعني 2000قطعةيعني سعرها الحقيقي من اي تاجر جملة 20000ريال بينما انتي دفعتي 10 الاف فقط وفوقها 8000قطعة على قولتك اللي تنباع في الحبشة يعني بحسبة بسيطة لو بعتي الانواع الجيدة الحبة من 30 ريال فقط لصار معك الان 60000ريال وملابس الحبشة على قولتك لو بعتي الحبة بريالين فقط والله لو قعد زوجك بها بعد صلاة الجمعة بالشارع وباعها بريالين الحبة مابقي عندك ولا قطعة اختي التجارة يبغالها تفكير وتتعلمي طريقة التسويق حاولي تقراي اكثروبعدين صاحب البضاعة مستعد يعمل مكالمة جماعية بيننا علشان يناقشك عموما ماصار الاخيرعلى انك لما كلمتيني على الجوال وضحت لك تجربتي مع سوق غرناطة حبيت انك تستفيدي وتتعلمي لكن للاسف فاتتك فرصة حلوة

الله يرزقنا ويرزقكم بلمال الحلال ويغنينا عن الحراااااااااام


ومهما كان الشي لاتستهونين فيه ولاتستقلونه


وأهم شي وجود الفــكــر ولاحد يتحطم فديتكم


الله يوفقنا ويوفقكم من قلب اقولها وربي

الاخت طالبه كبيره
شكراا للموضوع وعرض الفكره
ارجو تزويدنا برقم الشركه للتفاهم معهم على شراء ابو ريال
نشوف شي يرفع هالراتب عشان يوفي هالمتطلبات المرتفعة
الله يسهل امرك لا تنسيننا بالمساعده والمشوره

عفوا اختي الكريمة طالبة كبيرة ....

لي عودة لكن بما اني هنا ..

اقول لك ان البضاعة اللي على قولتك من الفئة أ .. مااتسوى ولا خمسة ريال صدقيني ..

نظرا لمعرفتي بالخامات وبدون ما امدح نفسي .. انا امتلك ذوق عالي في الملابس وبإمكاني من رؤية البضاعة نفسها اني اشوف هل هي تتغير مع الغسيل ؟ هل هي مستخدمة ؟ هل وهل وهل ؟؟

انا رح اعرض تجربتي كاملة وافية مع كل الاشياء .. لكن بما ان مروري كان سريع ... فأتمنى انه وصل اللي ببالي .. تحياتي لك ..

بالتوفيق للجميع


............... (( أستغفر الله )) ................. تفتح باب الرزق

السلام عليكم ...
ياطالبة كبيرة الله يوفقة ويكثر رزقة ...
لكن عندي طلب بسيط ودي تعطيني رقم هى الشركة ...
وانا كان عندي الاعلان لهذي الشركة وارقامهم لكن تهاونت وقلت انهم نصابين وضيعت الاعلان ...
وياليت تفيدينا بشكل سريع واكون شاكرلك....

طالبه كبيره
ممكن ترسلي لنا رقم مصدر البضاعه على الخاص .. ودي آخذ منه وسأفتح محل ابو 5 - 10 ريال في قرى ومناطق نائيه بعيد عن المدن.
على الايميل يمنع وضع أرقام الجوال.. الإدارة
مع الف شكر

لو سمحتي اختي

ممكن ترسلين لي رقم موزعينكم

او على الاقل .. رقم الشركة الي جابت لك الثياب من برا
او الصين ...

مو لازم رقم المصنع
يقولون فية ناس تروح لهم وتدفع فلوس وهم يجيبون لك اي بضاعة في بالك


ياليت لو تفيديني وبسرعة



ودمتي بصحة وسلامة

الله يوفقك ويرزقك

تحياتي

انجنير

ياليت ترسلي التفاصيل اكثررر
كا الرقم والمفاهمه مع العلم انا موجوده من جنوب المملكه
بعيده عنش مره

طالبة ياليت تسعفيني بالصور او تقولي ايش الانواع اللي اختار لاني راح اطلب اليوم

امممممممممممممممممم الموضوع حلو بس انا اخاف اجازف ممكن ترسلي رقم الموزع يمكن اتشجع

ياليت يااخت طالبة كبيرة تفيديني بالرقم ضروري

مشكوووووووووووور

نظراً لتوقف المستودعات واقفالها لموسم الحج سوف اعطيكم كامل التفاصيل بعد نهاية الحج ان شاء الله.
اخي One الرجاء عدم وضع الايميل قوانين المنتدى تمنع ذلك

الله يوفكم انشالله ويكتبلكم الي فيه خير وصالح
بس مافيها خووووف لن راس المال سلف هههههههههههههه
وابي رقمهم ومعلومات عنهم