مرجع لتقديم على وظائف الشركات العالميه [بترول+كيماويات+...الخ]
 

السلام عليكم ورحمة الله وبركاته ..
هذي مجموعه من الشركات العالميه .. طبعاً التقديم عليهم فيه من يقبل بالثانوي وفيه من يقبل بخبرات , وفيه من يقبل حملة الجامعيين المتوسطه او الشهاده الجامعيه..وطبعاً التقديم عليهم يكون مفتوح طوال العام وليس فيه وقت محدد لفتح التقديم .. فقط املئ السيره الذاتيه على حسب ماتطلب الشركه بموقعها ..بعضهم يطلبونك ترسل للايميل , وبعضهم بس عبي بيانات بالموقع وارسلها لهم مع الاحتفاظ برقم الطلب والتحديث بعد كل شهر ..ويتم الاتصال عليك من قبلهم ..
وان شاء الله اي شركة ثانيه راح اضيفها بهذا الموضوع ويكون موضوع مرجعي لشركات العالميه .. واللي يبي يستفسر عن اي شيء فقط يراسل الشركه عن طريق ايميلهم الموضح بالموقع تبع الشركه او ارقام الاتصال اذا وجد بالموقع .. والشركات كثيره , وكثير اللي يغفل عنها , لعل وعسى يكون هذا الموضوع فاتح خير للجميع واقل شيء يكون للواحد عنده علم عن هالشركات انها بالسعوديه ,والله يوفقكم ان شاء الله واي شيء جديد راح نضيفه هنا انا او بقية الاعضاء ..
علماً ان هذا الموضوع مجهود شخصي , وماطلب منكم إلا الدعاء ..بكل خير..


ارامكو
http://www.saudiaramco.com/ar_sa/hom....baseajax.html

..

سابك
http://recruitment.sabic.com/arabic/arappterms.aspx

سبكيم
http://www.sipchem.com/ar/join_us.asp

ساتورب -مصفاة ارامكو
http://jobs.satorp.com/


شيفرون
http://www.chevron.com/

بترو رابغ
http://www.petrorabigh.com/careers/


مرافق
http://www.marafiq.com.sa/a_careers3.htm


طاقه
http://www.taqa.com.sa/arabic/cmain.asp?pv=c

شلمبرجير
http://www.slb.com/

قولف الفارابي
http://www.gulffarabi.com/

ساسرف
http://careers.sasref.com.sa/ar/

سامرف
http://www.samref.com.sa/arabic/submit.asp

’

الله يعافيك ان شاء الله , ويرحم والديك ..

وتحت امرك طال عمرك ..

التقديم على وظائف شركة الطويرقي

علماً يوجد وظائف شاغره الى 14/7/1432هـ
..
بالتؤفيق

التقديم على وظائف شركة الصحراء للبتروكيماويات

..
ياشباب اللي عنده اي استفسار يطرحه هنا , وان شاء الله اللي نعرفه نقدر نجاوب عليه ..
وبعدين مشاهدات 160 بدون رد .!
تحياتي ..

الله يعطيك العافيه اخوي


بس صارت الدعوه كلها واسطات

طيب ياخوي شركة الطويرقي وين موقعها وهل يقبلون خريج الكلية التقنية قسم قوى كهربائية وكم راتبها
وشكرا

الله يعافيك ..
بس انت أد اللي عليك والباقي على الله ..
لاتحط الواسطه حاجز بينك وبين التقديم على الوظائف ..
الواحد مايدري ين ينكتب له رزقه ..
الله يسهل عليك ..

طال عمرك شركة الطويرقي تعتبر من الشركات القويه .. مثلها مثل سابك واذا بغيت ارامكو تعتبر هي مفتاح لك لأرامكو , لانك بتشتغل عندهم وبتنقل على اي شركة اخرى فيها مجال تخصصك .. بخبرتك طبعاً في الطويرقي..
ومن ناحية الراتب اتوقع يوصل الى 8آلآف ..
وغير المميزات .. واذا جتك هالشركة لاتفوتها , وهي بالشرقيه ..
هذا اللي اقدر افيدك فيه ..
وانت قدم على جميع الشركات الموضحه آعلآه .. اذا شروطك تتطابق عليهم ..
وان شاء الله ينكتب لك الحظ في هالشركات ويرزقك ..
..

تحياتي ..

طيب اخوي لاهنت متى يبدا التسجيل في الشركات هاذي وياليت تعلمني
ع شان اسجل دايمن يروح علي التسجيلات ولي سنه ونص عاطل وموفق بإذن الله ... لك مني أجمل تحية .

لو قرأت الموضوع بتمعن .. كان حصلت اجابه على سؤالك ..
يا اخوان التسجيل مفتوح طوال العام في الشركات الموضحه آعلاه ..
وأنبه على نقطه .. تسجيلك او ارسال سيرتك الذاتيه على الشركه لايعني قبولك بالشركة .. وإنما يعتبر عرضت عليهم مؤهلاتك .. وعلى حسب الشواغر يطلبونك ..
نصحيه اللي عاطل يقدم على هالشركات .. واللي حتى اللي مازال موظف ومعاه خبره يعرض عليهم خبرته ومجاله الوظيفي على حسب التخصص اللي متاح بالشركه .. لعل وعسى يكون افضل واحسن من المستوى اللي كان عليه اول .. والشهادات المطلوبه من الثانوي وطالع ..
انا قدمت السنه اللي راحت بسابك بشهر 8 .. وماطلبوني إلا بشهر 3اللي راح .. يعني انت قدم وانسى واذا جات لك الفرصه لاتفوتها .. وهذي شركات قويه وعالميه ولها مستقبل وظيفي ..

,
الله يوفقكم ..

جزاك الله خير على المجهود
وياليت التعاون أيضا من الاعضاء
يثبت للفائدة

ربي يعطيك العافيه على التثبيت ..

واللي بيدي بقدمه للكل , ما ابخل على احد به ..
,
ومانبي غير الدعاء .. واللي عنده اي فائده يطرحها , نستفيد ونُفآآد ..
والسؤال كذالك ..
,
تحياتي ..

https://www.btalah.com/images/icons/icon1.gifمشروع سابك لسعودة وظائف المقاولين




مزايا البرنامج أثناء التدريب :

• يتلقى برامج مميزة وفق أعلى مستويات التدريب حسب التخصصات التي يحتاجها سوق العمل.
• يعين المتقدمين على بند (متدرب) بعقد تدرج في بداية البرنامج.
• يتم التدريب في معاهد و كليات الهيئة الملكية للجبيل و ينبع على ثلاث مراحل:
  1. المرحلة الأولى: اللغة الانجليزية.
  2. المرحلة الثانية: التدريب الفني.
  3. المرحلة الثالثة: التدريب على رأس العمل في إحدى شركات (سابك).
• مدة التدريب تصل إلى ثلاث سنوات مع اختلاف المدة المطلوبة حسب التخصص.
• يحصل الطالب على مكافأة شهرية قدرها 1,500 ريال أثناء فترة التدريب.
• يوفر سكن للمتدرب أثناء فترة التدريب (يخضع للشروط).
• أماكن التدريب سوف تكون في مدينتي الجبيل و ينبع الصناعيتين و بالقرب من بيئة العمل الحقيقية.

مزايا البرنامج مابعد التدريب :

• يتم منح الخريج المؤهل عقد عمل مع إحدى شركات المقاولين للعمل في شركات (سابك).
• رواتب مجزية .
• تأمين طبي .
• بدل سكن .
• بدل مواصلات .

لمزيد من المعلومات والتقديم من هنا ..

تنويه*
يرجى مراعاة سرعة التسجيل في البرنامج , حيث أن فترة التسجيل سوف تنتهي بنهاية دوام يوم الاربعاء الموافق 8/6/2011 م في تمام الساعة الخامسة عصراً .

السلام عليكم
مجهوووووود اكثر من رائع ومافيه احلى من انك تكون سبب رزق اناس
بعد الله يعطيك الف عاااااااااافية ... حبة اسال فيه للبنات زي كذا وبصراحة
انا مافهمت مره بس مشكوووووووور على المجهود الحلو

وعليكم السلام ..
الحمدلله على نعمته .. والله يعافيك ..

,
طبعاً للبنات تقدم شركة رامكو .. تدريب صيفي كل سنه يفتح .. والحين خلاص قفل التقديم .. بس كل سنه يقدمون الطلاب والطالبات من الثانوي والجامعيين .. وله شروط طبعاً ..
’
وغير كذا الوظائف .. تقدر تتوظف البنت تتوظف بأرامكو من خلال الموقع بشرط ينطبق عليها شرط المعدل اذا هي جامعيه ,او اعلى ..
والله الموفق ..

الف شكر لك ع مجهودك الاكثر من رائع .

بس شرايك بمشروع سابك للمقاولين .؟

اذا عندك خلفيه عنه ياليت تشرحلي لاني مو فاهم شي ابد .

والوظيفه ماراح تكون رسميه ؟

والشركات ماله داخل بسابك ؟

العفوو طال عمرك ..
انا اشوف اذا انت عاطل روح احسن لك ..
لان هالمشروع , تابع للمقاولين لشركة سابك , والمميزات والرواتب تختلف من مقاول لمقاول .. وليست رسميه .. بس يوقولن اذا اثبت جدارتك راح يحولونك على سابك .. وبعضهم يجلس سنوات ومايتثبت .. والله يوفقك ان شا ءالله ..

شركة سبكيم تطرح عدداً من الوظائف ..

http://www7.0zz0.com/2011/06/01/15/156627744.png

التقديم من هنا
الموقع انجليزي طبعاً بس ترجمت لكم مسميات الوظائف ..
بالتؤفيق ..

شركة العبدالكريم
http://www.akh.com.sa/

’’


شركة كيميائيات الميثانول
http://www.chemanol.com/ar/Default.aspx?pageid=541
*مفتوح التقديم على عدداً من الوظائف حالياً .. من تاريخ هذه المشاركه.

وعليكم السلام ورحمة الله وبركاته ..
الله يعافيك ..
’
التخصصات طال عمرك .. تحصلها بالاستماره حقت التوظيف بموقع سابك .. وانت تعبي السيره الذاتيه ..
وبالنسبه انك قدمت وماردوا عليك , طبعاً هالشيء يختص الشركه انا ذكرت بأحدى المشاركات .. ان تقديمك بموقع سابك لايعني القبول , انما انك ارسلت مؤهلاتك وبكذا على حسب احتياج الشركه راح يطلبون اللي متقدمين بالتخصص المطلوب من الشركه ..
,
وبكل تأكيد الثانوي اللي بيقدم فقط على وظيفه [مشغل] .. حتى خريجين كلية التقنيه , اذا قدموا بموقع سابك .. بعض الخريجين يأخذونهم سابك على شهادت الثانوي , واذا توظف فقط يزيدون راتبه 1000ريال , حق شهادت التقنيه .. والثانوي مالهم إلا وظيفه مشغل بسابك .. اذا هو بدون خبره .. اما اذا بخبره من سنتين وفوق .. بالثانوي يقدم على نفس تخصصه بموقع سابك ..
,
وأي سؤال تحت امرك ..

تحياتي
’

الله يعطيك العافيه........

اتوقع كل الشركات من سنه ونص ..الى سنتين ونص .. الـ6شهور هذي بيكون [تطبيق] ,,
ومدة الدراسه ماعليك منها , أهم شيء قول القبول في احدى هالشركتين لانها بتضمن لك مستقبل بآهر بعد الله سبحانه ..
والتقديم مفتوح طوال السنه .. والاحتياج يزيد على الطلاب في فتره تخرج دفعة الثانوي .. اكثر الشركات تطلب في هالفتره ..
بالتؤفيق يآصآحبي ..~

بارك الله فيك

عندي استفسار بخصوص سابك انا تخصصي انتاج كيميائي دبلوم هل هو مطلوب والمعدل نازل

تحياتي لك

يعطيك الف عافيه بس حبيت اسال الوظائف فقط للطلاب ؟؟؟؟ارجوا الافاده واذا لها للطلابات اتمنى تعطينا الشروط القبول

هلا فيك ..
بخصوص التخصص مقبول عندهم .. ولاكن اذا معدلك تحت المطلوب..! فلا يمكنك التوظيف بشركة سابك .. إلا بخبره بنفس المجال لاتقل عن سنتين , بشهادة الخبره يتغاضون عن المعدل ..
وأعتذر على تأخير الرد , لاني مادخلت النت كله ..
وأسأل الله لك التؤفيق ..

الله يعافيك ..
عزيزي لو قرأت الموضوع بأكلمه راح تجد الاجابه على سؤالك ..
الوظائف متاحه من الثانوي الى الشهادات العلياء ..
وبعض الشركات تقدم برنامج تدرج لخريجي الثانوي مثل سابك ومرافق وسبكيم وساتورب وارامكو ..
كل شركة لها شروط .. وياليت تحدد لنا شركة نخبرك فيها ..

واذا عندك خبره بالثانوي بتخصص موجود عند الشركة اللي راح تتقدم لها .. تقدر تقدم بس اكثر الشركات طالبين خبره لاتقل عن سنتين ,
والله يوفقك ..واعتذر على تأخير الرد ..

ايه ياغالي . فيها تدريب لخريجي الثانوي بس يطلبون قليل ..
وتابع اخبارهم من قوقل , وان شاء الله راح تحصل الافاده بخصوص فتح التقديم , بما ان التقديم مفتوح طول السنه , بأمكانك التقديم حالياً اذا لديك شهاده ثانوي , بس يتأخرون بالرد شهر, شهرين , تسعه اشهر , سنتين.!
يعني لاتعتمد عليهم ..
والله يوفقك ان شاء الله ..

https://www.btalah.com/t320953.html
مواعيد القبول في برامج شركة ارامكو السعودية ..

اللـه يجزاك خيير يآخرريج
من متى وآنآ آبحث عن هالمعلومآت

طيب الي تخرج من الثانوية له سنتين يقبلونه ؟
يقبلونه او لازم يعيد اختبار قياس

يعطيك العافيية

آمين يارب وياك ..
,
بخصوص اللي متخرج من سنتين , بعض الشركات ماتحدد وقت التخرج مثل سابك .. واما ارامكو تحدد , يعني فيه كذا وكذا .. بس انت قدم وكلش على الله ..
,
واختبار القياس صار الحين شيء مطلوب بكل جهه , حتى بالعسكريه .. يعني اعتبر القياس هذا شيء بديهي بكل مجال يسألونك عن هالاختبار ,[اختربت او لا] .؟
وانت شوف مدة اختبار القياس ؟, اتوقع ماله مده اما مثل اختبار الكفايات [اللغه الانجليزيه] المقدم من مركز قياس.. فمدته سنه واحده ..
,
بالتؤفيق ان شاء الله ..

مشكور ...بالتوفيق للجميع

موفق بإذن الله ... لك مني أجمل تحية .

طيب عاادي يقدم عليها غير سعودي ولا لازم سعودي

العفوو ..
امين ان شاء الله ..