السلام عليكم ورحمه الله وبركاته
اول حاجه دعواتكم لي يارب بالتوفيق تكفون ياخوان وثاني حاجه ابي اعلمكم بكل حاجه جات
بالا ستخبارات والتقدديم

الموقع /

ام الحمام.. بعد مستشفى العيون ثاني اشارة بعد المستشفى خش معاها يمين يجيك اشاره مباشره قدامك ماهي بعيده ،
وقف عندها واذا فاتحه خش معاها يسار
المبنى على يمينك طوالي اول مبنى
__________________________________________________
الدخول/
اول ماتخش معا البوابه طبعن تدخل وتمشي شوي تحصل نزله كذا زي المستودع تحت
تنزل يجيك رئيس رقباء ورقيب وجندي على ماظن ،
المهم ياخذ اوراقكم ويطابقها ويعطيك رقم وتخش هناك مسجد وتجلس فيه
بعدين يوزعون عليكم اقلام واحسن شي كل واحد يجي ومعاه قلم ( بجيبه ) لانك تحتاج القلم كثير
المهم يقلون لكم اكتبو على شهايدكم كلها وكل شي ماعدا بطاقه الاحوال اكتبو بيناتكم ،
اللي هي
اسمك ..
رقم جوالك ..
رقم بطاقه الاحوال الطويل ..
__________________________________________________ _
تسليم الاوراق /
اول ماتجي تسلم الاوراق ياخذون منك جميع شهادتك الاصل ،بطاقت الاحوال الاصل
اذا معاك رخصه عمومي نقل ثقيل حطها وحط صور تنفعك ، حط جميع الشهايد الاصل
وكرت العائله الاصل لانهم يطلبونه ،
الصور لاازم تكون واضحه عشان مايحصلون عليك اي ملاحظات
تسلم الاوراق لهم ويركبونكم الباص
طبعن يوزعونكم على الباص دفعتين كل
32 في باص
__________________________________________________ _
المستشفى والمقابله الشخصيه /
اول ماتوصلون للمستشفى ، يقيسون الطول والوزن ، يختبرون النظر
كشف الاذن والانف والحنجره .. كشف الصدريه ..كشف الجراحه وانتم بكرامه
ترفع السروال لحد الركب والفلينه تفصخها
يقولك لف بعد ماتلف يقول عندك مشاكل حاجه طبعن تقوله لا ،
يقولك اوقف على روس اصابعك .. بعدين يقول ياعمي اخلع ،
تنزل سروالك يقولك لف يمين
يناظر فيك ذكرك والبيوض وانتم بكرامه ، ويقولك كح .. المهم تكح يقولك ارفع سروالك ، وخلاص
تدخل على النفسيه ، يسئلك ، سؤال
مثل وش رايك في قياده المراءه للسياره ،
لازم تجاوب بتقان ولا تجلس تتردد ويقولك مثلا الحرمه طيب مسكينه وزي كذا ويجيبك بطريقه
خلي ردك واحد ولا تغيره
الامور كلها سهاله بأذن الله لا تخافون
ويسحبون منكم الدم
والبول طبعن يكون في دكتور واقف برا مو عندك برا مايناظر فيك اصلن
وتعبيله القاروره وتعطيه وانتم بكرامه ,,
انتهينا من الكشف الطبي ،
__________________________________________________ ____
الحين نروح للمقابله الشخصيه /
المقابله/ يكون فيها 3 ضباط يسئلونك عدد اسئله مثل
من هو وزير الداخليه
من هو وزير الخارجيه
من هو رئيس الشباب
تكلم عن نفسك
طبعن لما يقول تكلم عن نفسك
تقول اسمك وين ساكن شهاداتك من خرجي عام
وش امنيتك في الحياه
تكلم بصدق وش تبي وزي كذا
يكمل معاك عندك لغه انقليزيه اذا عنك لو شوي بس قول اي
يسئلك قول الايام بالانقليزي
او قول الشهور بالانقليزي
يكمل معاك عددت اسئله خفيفه
وحبوبين وربي كلهم من اصغر رتبه لاكبر رتبه طيبين مره
المهم تنتهي من المقابله وتخلص
تروحون خلاص على بيوتكم
جيتهم الساعه 5 وانتهت المقابله والكشف الساعه 1 ونص ،
طبعن المقابله الشخصيه ، بنفس المستشفى ،
والامور من سهاله
والله يوفقكم يارب وييسر اموركم ، ياكريم
ودعواتكم لي بالتوفيق تكفون