السلام عليكم
اخذت قرض من المئويه قبل سنتين وكان مشروعي كوفي شوب ومن اول مافتحت الى الان وانا في خساير ووصلت ديوني غير القرض 150 الف + 200 الف قيمة القرض
والحين افكر اقفل المحل بس مدري ايش اللي بيصير من المئويه
اذا احد يعرف ايش الاجراءات يقولي؟
وهل ممكن يصير اعفاء من القرض؟
شكرا للجميع

الاغلاق اخر شي تفكر فية الان لن مافي شي تخسرة اكثر من الي خسرتة

الان ابحث عن سبب هذه الخساير وحاول تتجنبة

مثل تغيير العامل وتغيير الديكور واعلان في واجهة المحل تخفيض على
الاصناف التي لايوجد عليها اقبال
لاتستسلم ابحث اكثر واكثر راقب المحل من بعيد

واذا عرفت اسباب الخسارة ان شاء الله محلك يشتغل
اهم شي لاتجعل لليأس والفشل مكان عندك
قم بزيارة الى منافسينك وانظر ماذا يقدمون وماذا يتميزون عنك ولماذا هم ناجحون وانت لم تنجح اكرر عليك اعد المحاولة

350الف ريال دين والله مشكلة كبيرة
انصحك ماتبيع المحل
انصحك تداوم فيه وان كنت موظف تاخذ اجازة وتجيب فراشك معك وتنام فيه حتى لكى تعرف ما سبب هذه الخسائر الفادحة!!؟؟
التقبيل ليس حلا
مثل هذه المحلات مكسبها كبير
لكن انظر الى جودة ماتقدم كذلك امانة العمال,,
الله يوفقك

لا تقفله...ابحث عن سبب الخساره

هل موقعه غير مناسب...قلة الزباين...العامل!!! واتوقع انه العامل هوه السبب الرئيسي

انصحك

غير العامل واعطيله نسبه مو راتب .... وسوي دعايه وتخفيضات وعروض

والله يوفقك ويرزقك من واسع خيره

موفق بإذن الله ... لك مني أجمل تحية .

الله يعينك هذا اللي يطب بشئ مايعرفه ولايدري وش له وش عليه

الاخ واصل اليأس معاه حده

اغلاق المحل وتقفيله مو حل وانا اخوك ... انت خسران ومنتهي .. حاول تنشط المحل من جديد وتحييه ...

الكل يخسر .. ومافي واحد مننا ما خسر وتعب وضاق صدره .. لكن المواصله والاستمرار راح يرجعك من جديد وتوقف على رجولك ...

انت الان لو قفلت المحل معناته قاعد تحرق اخر كرت باقي معاك ...

اذا الوضع متأزم معاك ... وقف المحل وقفله بأسرع وقت واكتب عليه لوحه مغلق للتحسينات ...

امسك عمال الكوفي وهددهم بالخروج النهائي .. قول لهم مافي ولا واحد منكم راح انقل كفالته .. كلكم برا السعودية خروج نهائي ..

محلك مو خسران ولكن عمالك هم اللي خسروك

الان الصورة الذهنيه لكل عملائك ان محلك سيئ .. ولازم تغير هالصوره في اذهانهم ...

اوحي للناس ان الكوفي اشتراه شخص جديد افضل من مالكه السابق وادخل عليه تحسينات

ادري بتقول ماعندي انا خسران كيف تبغاني احسن منه ؟؟

ادخل تحسينات في جودة الخدمه ... اوحي للزبون انه اهم زبون عندك بالجلسة كلها .. خلي كل زبون يفكر نفسه هو الامير ابن الامير ...

قدم منتجات جديده بجودة عاليه .. لا تتوقف على كابتشينو وقهوة وموكا .. ادخل منتجات جديده خلي لمحلك نكهه خاصه تميزة عن غيره ..

ربعنا هابين بالرياضة والمباريات الاوروبية وصارت موضه ... جيب اشتراك للجزيرة الرياضية وحط لك كم شاشة بلازما ...

ادخل منتجات اكل خفيفة ... اتفق مع بنت من اللي بالنت تسوي لك سندوتشات خفيفه وبطريقة جذابه واعرضها بالمحل

شوي شوي بتلاقي نفسك جمعت مبلغ كويس ... اصرف هالمبلغ على ديكورات جديده ...

اطلع من البويه والالوان اللي تسد النفس .... سويها بطريقة احترافيه .. اخلق جو داخل الكوفي ...

بأمكانك تحول محلك لعالم رياضي من خلال ديكور المحل ... روح محلات الاعلان وخليهم يطبعوا لك ورق حائط فيه افضل اللاعبين والمشهورين ...

سوي اشتراك نت وايرلس وقولهم النت مجاني كل واحد يجيب لاب توب حقه واعطيه الباسوورد وخله يدخل النت

افكار كثيرة ممكن تشغل محلك ... لكن انك تنهار بهالشكل ؟؟ لا ما اوافقك والاخوان ابن الهيلا والاخ سليمان كذلك ما يوافقون انك تستسلم بهالسهوله

عمالك ثم عمالك ... العمال سبب كل مصيبه لنا ... العامل لو تركت له الحبل راح يلعب فيك وهذا اللي حصل لك ..

مره عامل سرق مني 300 ألف لاني تركته بدون متابعه وبالاخير قلتله مع السلامة لاني ما قدرت امسك عليه شي ...

لو احتجت شي احنا حاضرين نساعدك .. لكن لا تفكر انك تترك المحل ... الله يوفقك

ماشاء الله عليك يا تسويقار نصائح من ذهب ..

لكن المهم نعرف هل الموقع صحيح اساساً ؟ هل المحل في بداياته عدد زبائنه كثير بعدين صارو قليل ؟ بكذا تعرف ان المشكلة في العماله لكن لو قليل من البداية تعرف ان المشكله منك انت ما حطيت دعايه بشكل كافي لجذب زباين ..

سنتين يالطيب كان تقدر تعوض الخسارة باشتراكات القنوات الرياضية الجزيرة + ابوظبي + حط اكثر من شاشة ولا تخليها ملزقه ببعض لا مثلا كل كورنر خلي فيه شاشه واكتب عليها الدوري الفلاني وخلي بكل طاولة ورق بلوت + ضومنه عليها شعار المحل حقك وجيب بلايستيشن وسوي دوري للاطفال +15 اعلى عمر لانهم اكثر الاطفال يحبو اللعب وحط لكل طفل فائز جائزتين + عدد ساعات لعب مجاني + كاس صغير تشتريه من محلات الجمله رخيص ما يزيد سعره عن 50 ريال واقل من كذا بكثير وسلم الكاس له بتتويج حلو داخل الكوفي مثلا قفل كل الشاشات وامسك المايك وتكلم عن تكريم الطفل الفلاني الفائز بالبطولة وسوي حركات حلوه

حاول تفكر وتشيل تفكير الخسارة العماله غيرهم واتفق معاهم بالنسبة مو الراتب لسا قدامك 3 سنوات تعوض الخساره على الاقل خلال هاثلاث سنوات راح تطلع 350 الف او اقرب رقم لها بحيث الي يبقى عليك قليل تقدر فيه تطلب من البنك مهلة زيادة للتسديد سنتين زيادة ما اعتقد ممكن يرفض الصندوق

لازم تعرف ان التجارة ربح وخسارة وكل التجار خسرو بالبداية بعدين زاد ربحهم شوف موضوع المثبت للاخ دماغ كيف انه لما خسر مشاريعه كيف استفاد من خسارته وحولها لمربح كبير وخسر منتج وعوضه بمنتج افضل من نفس المنتج حاول تفكر بنفس النمط حول منتجك لمنتج اخر مستحوى منه بشكل افضل

استمر باذن الله تعوض خسارتك
الدنيا مسألة حسابية خذ من اليوم عبرة ومن الامس خبرة
اطرح منها التعب والشقاء واجمع لهن الحب والوفاء
واترك الباقى لرب السماء

لا يمكن الزيادة بالقول على قول الاخوة اعلاه ، تفائلوا بالخير تجدوه ، الصبر ثم الصبر ثم الصبر
قدم منتجات جديدة ، ناقش تطوير المحل مع زوجتك او اختك ، قدم حلويات منزلية ،
اجعل مكانك مميز ، ومثل هذه المحلات تحتاج فترة طويلة حتى تصل مرحلة الربح ، لا تيأس

لو ان مشروعك بـ 10 دولار ، اصرف 9 دولارات على الدعاية

بالتوفيق